SALUDO si Pangulong Rodrigo Roa Duterte sa mga indibidwal na nago-operate ng community pantries subalit binigyang diin ang mahigpit na pagsunod sa COVID-19 safety measures habang isinasagawa ang aktibidad.

Noong nakaraang Abril, may ilang community pantries ang itinayo para magbigay ng basic goods sa mga nakikipagpambuno sa pandemiya.

Iginiit ni Pangulong Duterte na ang pantry services ay kailangan lamang na sundin ang basic health protocols para maiwasan ang overcrowding na maaaring maging dahilan ng panganib nang pagkakahawa.

“Wala man question itong pantry scheme. As a matter of fact I salute the people behind this and those who originated it. Nagkulang sila and maybe they are ignorant of the prohibition imposed by law not by me,” ayon kay Pangulong Duterte sa kanyang Talk to the People, Lunes ng gabi.

“Hindi siguro niyo nabasa pero sa totohanan lang, if it is a matter of assessing whether or not you are doing good you are doing super good. Saludo ako at maganda ang konsensya ninyo sa tao ninyo but  please read the restrictions first,” dagdag na pahayag nito.

Matatandaang, si Ana Patricia Non, ang kauna-unahang nagtayo ng Maginhawa Pantry, at ang iba pang initiators ay nakatanggap ng papuri mula sa mga mambabatas dahil sa Bayanihan at pagkakaisa ng mga filipino sa gitna ng pandemiya.

Ayon sa House resolution, mahigit 6,000 community pantries ang itinayo sa buong bansa .

Samantala, pinayuhan naman ng Department of the Interior and Local Government ang mga pantry organizers na tingnan ang iba pang paraan para makaabot ito sa senior citizens at iba pang vulnerable sectors at maiwasan ang mahabang linya ng pila at mass gathering. (Bishop Jesus “Jemba” M. Basco)

Palalakasin ang turismo at magibibigay ng maraming trabaho ang mas pinagandang Kalibo International Airport (KIA) na magtutulak upang dumami pa ang economic activities sa Aklan.

“While comfort, improved mobility, and connectivity are expected as a results of various development projects in Aklan, more employment and tourism opportunities will likewise flourish to boost activities in the province,” wika ni Department of Transportation Secretary Arthur Tugade.

Ayon kay Tugade mayron 280 na empleyado at trabahante ang nabigyan ng pagkakaton na magtrabaho sa ginawang pag-aayos ng KIA at madaragdagan pa ito kapag nagkaron na ng full operations ang nasabing airport.

Dahil na rin sa utos ni President Duterte, ginawa ng DOTr ang pagaayos ng KIA upang matupad ang pangako ni Duterte na kanyang gagawing mas  maayos ang aviation sector sa kanyang panahon.

Natapos ang pag-aayos ng KIA noong September 2020 kahit na may pandemya. Pinalawak ng 2,633.40 square-meter ang International Passenger Terminal Building (IPTB) na kayang magkasya ang 406 na pasahero mula sa dating 344 passenger volume. Bago ang upgrading, ang grounds ng airport ay mayron lamang 1,584 square-meter.

“With the airport terminal’s expansion, queuing passengers are provided with 126 square-meter covered section outside the International PTB for weather protection. Ample space for the operation Customs, Immigration, and Pre-screening personnel, has been provided to eliminate long passengers queues,” dagdag ni Tugade.

Inayos rin ang 4,000 square meters na mga sirang pavement at inalis ang mga unexpected hazards sa parking ng mga aircrafts.

Ayon naman kay Civil Aviation Authority of the Philippines (CAAP) Director General Captain Jim Sydiongco na naresolba rin nila ang mga problema sa congestion, dilapidation, at kakulangan ng mga pasilidad sa KIA.

“Realizing the long-term solution is needed to develop this aged structure, CAAP, with staunch direction of DOTr, launched this project rehabilitate KIA’s grandeur as a premier airport. Overall repair and restoration of KIA have improved and restored KIA’s look and facilities as a whole,” saad ni Sydiongco.

Pinasalamatan naman ni Aklan Governor Florencio Miraflores at Kalibo Mayor Emerson Lachica si Tugade sa ginawang inagurasyon noong June 4 ng KIA dahil sa kanyang paghahangad na itulak ang pagaayos ng KIA.

Magiging isang pangunahing gateway ang KIA sa mga turistang pupunta sa Boracay upang magbakasyon kung kaya’t matutulungan nito ang paglago ng turismo sa Aklan.

“One may think at this moment that it is hard to achieve, but this significant project is one of the trademark services of the Duterte administration,” dagdag ng DOTr.  (LASACMAR)

Nag viral ang isang kaganapan sa Quezon City ng diumano ay pinaghuhuli ang mga pasahero sa pampasaherong bus dahil wala silang suot na faceshield. Pinababa daw ang mga ito at tinikitan at pinagmulta.  Depensa ng mga nanghuli ay may ordinansa ang QC – ordinance number 2965 – “mandating the wearing of face shield in public transport, workplace, markets and other identified commercial establishments within the territorial jurisdiction of QC.”

Nagreklamo ang mga pasahero dahil sa abalang dulot ng panghuhuli. Tama ba ang huli? Suriin natin ang nakasaad sa ordinansa:

 Sec 3. All persons, AT ALL TIMES, wear a face shield on top of a face mask while on board PUBLIC TRANSPORTATION, market or in indoor and enclosed spaces of identified commercial establishments and workplaces in QC regardless of the length of time in such public transportation…

Ibig sabihin ay dapat naka face shield ang pasahero habang nakasakay sa public transportation. Kung ito lang ang nabasa ng enforcer na provision ng ordinansa ay tama nga ang panghuli nila. Pero may karugtong pa ito:

However, FACE SHIELDS ARE NOT REQUIRED TO BE WORN BY SAID PERSONS IF THEY ARE SEPARATED BY A GLASS, ACRYLIC, PLASTIC OR SIMILAR NON- PERMEABLE MATERIALS THAT CREATES A BARRIER BETWEEN THEIR FACES.

Alinsunod sa polisiya ng LTFRB ay may mga plastic barrier na ang mga upuan ng mga pampublikong sasakyan sa pagitan ng mga pasahero. Kung ang mga hinuling pasahero ay nakasakay sa mga public transport na may “PLASTIC THAT CREATES A BARRIER BETWEEN THEIR FACES” hindi na required ang faceshield.

Nagumpisa ang pag-require na mag faceshield ang mga pasahero ng ipag-utos ng DOTr na kapag walang faceshield ay bawal makasakay sa public transport. Pero walang multa. Bawal lang sumakay. May mga LGU tulad ng QC na ginawang requirement ito habang nakasakay ang pasahero. May nagsasabi na “anti-poor” ang ordinansa dahil mga pasahero lamang ang pwede hulihin. Ito ay dahil malinaw na sa “PUBLIC TRANSPORT” lamang maaring ipatupad ito at hindi sa mga pribadong sasakyan.

Marahil kailangan ng paguusap sa pagitan ng mga LGU at transport sector para maging tama ang implementasyon ng ordinansa.

O baka tama nga si Yorme at iba pa na nagsasabing ang Pilipinas na lang ang nagpapataw ng parusa sa hindi pagsuot ng face shield.

Sabi ng DOH ang faceshield ay additional protection “laban sa COVID-19” pero sapat na, na naka facemask at may social distancing.

Kailangan suriin muli ang polisiya sa pagsuot ng faceshield upang hindi maging additional na pahirap sa ating mga mamamayan. (Atty. Ariel Enrile-Inton)