2021 June 25 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for June 25th, 2021

Pagbubukas ng 2 bagong LRT 2 Extension na estasyon pinagpaliban

Posted on: June 25th, 2021 by @peoplesbalita No Comments

Ang pagbubukas ng dalawang (2) bagong Light Rail Transit (LRT) Line 2 Extension na estasyon ay pinagpaliban sa darating na buwan ng Hulyo.

Sinabi ng Light Rail Transit Authority (LRTA) na gagawin ang inagurasyon ng estasyon ng Marikina at Antipolo sa darating na Hulyo 5 at magkakaron ng initial na operasyon sa Hulyo 6. Dapat sana ay noong nakaraang Hunyo 22, 2021 ang inagurasyon.

“We regret to inform the riding public that the opening of the four-kilometer LRT-2 East Extension project was postponed to give the contractor enough time to complete the signaling migration and integration works as well as other preparations,” wika ni LRTA administrator Reynaldo Berroya.

Ang signaling system ay importante sa operasyon ng railway upang masigurado ang ligtas at magandang takbo ng train, controlled speed, accurate platform position, safe distance sa pagitan ng mga trains at automatic stop sakaling may technical breakdown.

Nabalam ang pagdating ng mga technical experts na may kaalaman sa signaling system at iba pang integration activities ganon din ang pagsunod sa international safety standards dahil sa travel constraints na dala ng pandemya.

“We cannot compromise and risk the safety of the passengers so we recommended the postponement to the Department of Transportation, to which the DOTr concurred,” dagdag ni Berroya.

Ang 2 bagong estasyon ay ang karagdagang estasyon pagkatapos ng huling estasyon sa depot sa Pasig kung saan ito ay magtutuloy-tuloy na papuntang Masinag sa Antipolo. Kung kaya’t ang mga pasahero ay magkakaron na ng derechong paglalakbay mula Recto hanggang Masinag sa Antipolo.

Inaasahang ang travel time mula Recto papuntang Masinag sa Antipolo ay tatagal lamang ng 40 na minuto.

Sa pagbubukas ng proyektong ito ay inaasahang makapagsasakay pa ito ng karagdagang 80,000 na pasahero kung saan ang kabuohang ridership ay magiging 240,000 kada araw.

“Rail commuters coming from and to the east side of Metro Manila will soon experience a more convenient travel as the two (2) additional stations of the LRT2 Line 2 East Extension will finally commence operations on 27 April 2021,” saad ng LRTA. (LASACMAR)

Ads June 25, 2021

Posted on: June 25th, 2021 by @peoplesbalita No Comments

GUWARDIYA NA BINARIL NG PASYENTE, PATAY NA

Posted on: June 25th, 2021 by @peoplesbalita No Comments

PATAY na ang guwardiya na binaril ng isang pasyente na nakulitan matapos na sitahin sa kanyang paglabas masok sa kanyang ward sa loob mismo ng Jose Reyes Memorial Hospital.

Ayon kay PLtCol John Guiagui, dakong alas-9:20 ng umaga nang bawian ng buhay si Arturo Budlong, 37, binata at Security Guard ng Achievers Security Agency Phil at nakatira sa Tolentino Apt,Kalye 7, Barangay Lawang Bato, Valenzuela City.

Isang tama ng bala sa dibdib ang tinamo ng biktima na nagresulta ng kanyang kamatayan.

Sa naunang ulat, sinita lamang ng biktima ang pasyenteng suspek na si Mark Anthony Galivo dahil lagi itong lumalabas sa kanyang ward.

Nairita naman ang suspek sa guwardiya kaya nagawang agawin ang nakasukbit nitong baril sa beywang na service firearm at wlaang sabi-sabing pinapurokan ang biktima sa dibdib.

Matapos paputokan ay saka naglakad patungong morque section ngunit maagap na nakatawag ng responde ang iba pang kasamahan ng biktima sa Alvarez PCP .

Pagdating saa ospital, pinasusuko ng mga operatiba ang suspek pero sa halip na sumuko ay nagpaputok muli ng baril sa mga pulis dahilan para siya ay gantihan at tinamaan naman sa kanang ibabang bahagi ng tiyan at kaliwang paa.

Agad ding dinala sa emergency room ang suspek para malapatan ng lunas. (GENE ADSUARA)

Unang safety seal sa food company, iginawad ng DOLE

Posted on: June 25th, 2021 by @peoplesbalita No Comments

Personal na iginawad ni Labor Secretary Silvestre H. Bello III ang unang safety seal certification ng labor department sa CDO Foodsphere, Inc. noong Hunyo 18, 2021 sa Valenzuela City.

Ang CDO Foodsphere, Inc., na ang pangunahing produkto ay CDO easy to cook homemade meal, ang unang manufacturing company sa Pilipinas na ginawaran ng safety certification.

Ang Safety Seal Certification Program ay batay sa direktiba ng Inter-Agency Task Force Resolution No. 87 s. 2020 at ang manufacturing company ay nasa ilalim ng awtoridad ng Department of Labor and Employment (DOLE), kasama ang mga establisimyento sa construction, utilities, information and communication, at warehousing industry.

Sinabi ni Bello na ito ay isang patunay na sinusuportahan ng kompanya ang layunin ng pamahalaan na maging ligtas ang muling pagbubukas ng ekonomiya.

“Pinupuri at binabati ko ang Foodsphere sa kanilang pangunguna na makatanggap ng safety certification para kumpirmahin ang kanilang pagsunod sa minimum public health standard na ipinag-utos ng pamahalaan,” pahayag ni Bello.

Binigyang-diin din ng labor secretary na ang safety seal ay magtataas sa kumpiyansa na tinitiyak ng kompanya ang kalusugan at kaligtasan ng mga empleyado nito.

“Maaari nang tiyakin ng mga organisasyon na may safety seal certification sa kanilang stakeholder, lalo na ang kanilang manggagawa, na sila ay ligtas at protektado sa kanilang lugar-paggawa,” dagdag ni Bello.

Pinasalamatan ni CDO Chief Executive Officer Jerome D. Ong ang DOLE sa pagkilala sa kanilang pagsisikap na mapangalagaan ang kanilang mga tao at kanilang produkto.

“Dito sa CDO, nakatuon lamang kami sa tatlong bagay upang lampasan ang mga hamon ng pandemya – protektahan ang kaligtasan ng mga empleyado, pagpapanatili ng ligtas na lugar-paggawa, at pagtataguyod ng business mobility,” pagbabahagi ng CDO chief.

Inaasahan din ni Secretary Bello na ito ay magbibigay inspirasyon sa iba pang mga negosyo na kumuha ng safety seal certification.

Kasama din sa ginanap na seremonya sina DOLE Undersecretary Renato Ebarle, Assistant Secretary Ma. Teresita S. Cucueco, at DOLE NCR Director Sarah Buena Mirasol. CPSD/ gmea (Bishop Jesus “Jemba” M. Basco)

Cardinal Advincula biyaya sa Archdiocese of Manila-Cardinal Tagle

Posted on: June 25th, 2021 by @peoplesbalita No Comments

Isang biyaya ng Diyos para sa mananampalataya ng Arkidiyosesis ng Maynila si Cardinal Jose Advincula.

Ito ang mensahe ni Cardinal Luis Antonio Tagle, Prefect ng Congregation for the Evangelization of Peoples at dating arsobispo ng Maynila kay Cardinal Advincula na nakatakdang italaga sa Hunyo 24 bilang ika -33 arsobispo ng arkidiyosesis.

Payo ng opisyal ng Vatican kay Cardinal Advincula na manatiling tapat na pastol ng Panginoon na nakahandang maglingkod sa bayan ng Diyos.

“Cardinal Joe, don’t worry, you are God’s gift as you are and be who you are; ikaw ay tinawag ng Diyos para maglingkod at ikaw ang ibinigay sa napakabuhay na sambayanan ng Archdiocese of Manila,” bahagi ng mensahe ni Cardinal Tagle.

Umaasa naman ang dating arsobispo na magkaisa ang mananampalataya sa pagtanggap ng bagong pinunong pastol ng arkidiyosesis at ipakita ang buhay na pananampalataya sa pamamagitan ng pagiging tapat na pagganap sa tungkulin bilang kristiyano at bahagi ng simbahan.

“Sana makita ni Cardinal Joe [Advincula] ang isang sambayanang buhay, isang tunay na bayan ng Diyos, katawan ni Kristo at templo ng Espiritu Santo upang maramdaman niya na marami siyang kasama at hindi siya maglalakad at magtatrabaho na mag-isa,” dagdag pa ni Cardinal Tagle.

Hamon pa ni Cardinal Tagle sa mahigit tatlong milyong mananampalataya ng arkidiyosesis na seryosohin ang pakikinig sa Salita ng Diyos upang maisabuhay ito sa komunidad na kinabibilangan.

Sinabi pa nitong dapar seryosohin ang pananalangin at sakramento at higit sa lahat pagnilayan kung anong kaloob ang taglay ng bawat isa na maaring ibahagi sa kabuuang simbahang katolika.

Marso ng kasalukuyang taon nang italaga ni Pope Francis si Cardinal Advincula bilang kahalili ni Cardinal Tagle makaraang italaga ito sa Vatican.

Magiging katuwang ni Cardinal Advincula sa pangangasiwa sa 86 na mga parokya ng arkidiyosesis ang mahigit sa 600 mga pari at religious men and women.

Ang kabuuang pagdiriwang sa pagtatalaga ay matutunghayan sa social media pages ng The Manila Cathedral, TV Maria at Radyo Veritas Ph habang mapakikinggan din sa himpilan mula alas otso hanggang alas onse ng umaga.

Dating Pangulong Noynoy Aquino pumanaw sa edad na 61

Posted on: June 25th, 2021 by @peoplesbalita No Comments

Binawian na ng buhay si dating Pangulong Benigno Simeon “Noynoy” Aquino III matapos ang mga ulat na isinugod sa ospital ngayong Huwebes.

Sinasabing sumasailalim si Aquino sa dialysis at nagpa-angioplasty. Meron din siyang diabetes at lung cancer, wika ng isang kaibigan na malapit sa kanyang pamilya.

Si Aquino, na anak nina dating Pangulong Corazon Aquino at dating Sen. Benigno “Ninoy” Aquino Jr., ang ika-15 presidente ng Republika ng Pilipinas. Siya’y 61 taong gulang.

Ngayong umaga lang nang ibalita ang dagsaan ng mga kawani ng media sa Capitol Medical Center matapos ibalitang isinugod ang dating presidente sa Capitol Medical Center sa Lungsod ng Quezon.

Nagpaabot na rin ng panalangin ang dati niyang miyembro ng Gabinete na si Cesar Purisima patungkol sa pagpanaw ng dating state leader.

“Dear Heavenly Father, Thank You for sharing Pnoy with us and giving us the opportunity to help him in his mission. Thank you for loving him and for giving him grace and compassion,” ani Purisima.

“We are humbled by the strength you gave him especially knowing how difficult his life’s path has been. We now pray that you give him eternal rest and to give his loved ones strength in this difficult time, we pray in Jesus name, AMEN.”

Kinumpirma na rin ni Supreme Court Associate Justice Marivic Leonen ang balita sa ulat ng DWIZ, at nagpaabot ng kanyang pakikiramay.

“It is with profound sadness that I learned this morning of the passing of former Presidente Benigno S. Aquino III. I knew him to be a kind man, driven by his passion to serve our people, dilligent in his duties and with an avid and consuming curiousity about new knowledge and the world in general,” ani Leonen.

“It was an honor to have served with him. He will be missed.”

No comment pa naman sa ngayon ang Liberal Party na kanyang partido pulitikal.

Mental health problem ni CHYNNA, nagsimula noong pumanaw ang ama; nagpapagaling na sa matinding pagpayat

Posted on: June 25th, 2021 by @peoplesbalita No Comments

MARAMI ang nabahala sa biglang pagpayat ng katawan ni Chynna Ortaleza.

Sa post nito sa Instagram, inamin nito ang pagbagsak ng timbang niya mula 109 to 86 pounds kahit na hindi siya nagda-diet o nagwu-workout.

Bukod sa kanyang iniindang gut problem, nakadagdag pa raw sa pagpayat ni Chynna ay ang kanyang mental health issues.

Sey ni Chynna: “When you get sick, you have to get into the root cause of it, you know why you’re treating it and it’s not just the symptom you’re treating. You need to know why it’s happening and usually, it’s functional or mental. In my case, it’s both.”

Nagsimula raw ang mental health problem ni Chynna noong pumanaw ang ama niya noong 2019. Nagkasunud-sunod daw ang mga pangyayari sa buhay niya kaya di raw siya masyadong nakapagluksa.

“I didn’t give myself time to grieve in all honesty about my papa so after that, I became a mom again and faced different adjustments since, now, I have two kids. Apart from that, the pandemic happened, so I had to process a lot of things,” sey pa niya.

Nagpapagaling ngayon si Chynna pero marami raw pagkain ang bawal niyang kainin tulad ng cheese, dairy, eggs at yung may gluten.

***

NAGBABALIK ang legendary diva na si Diana Ross sa pamamagitan ng bagong album after 15 years.

Ire-release ang bagong studio album ni Diana titled Thank You on September 10, 2021. Huling album niya ay noong 2005 titled I Love You.

Sey ni Diana sa official release: “This collection of songs is my gift to you with appreciation and love. I am eternally grateful that I had the opportunity to record this glorious music at this time. I dedicate this songbook of love to all of you, the listeners. As you hear my voice you hear my heart.”

May 13 songs ang album na collaboration ni Diana with songwriters and producers na sina Jack Antonoff, Troy Miller, Spike Stent, Tayla Parx and Fred White.

Thank You will be released under Decca Records and Universal Music Group.

(RUEL J. MENDOZA)

Metro Manila nasa ‘low risk’ na sa COVID-19

Posted on: June 25th, 2021 by @peoplesbalita No Comments

Naibaba na sa ‘low risk classification’ ang National Capital Region (NCR) base sa mga datos at trend ng COVID-19 sa rehiyon, ayon sa Department of Health (DOH).

Sinabi ni Dr. Alethea De Guzman, OIC-Director ng DOH Epidemiology Bureau, na nailagay sa low risk ang NCR dahil sa pagbaba ng 23 porsyento sa mga bagong kaso sa nakalipas na dalawang linggo habang bumaba na rin sa 5.7 ang ADAR (average daily attack rate).

Sa pagitan ng Hunyo 16-22, nakapagtala ng 685 na daily average ng kaso ng COVID-19 na mas mababa sa 825 average cases sa pagitan ng Hunyo 9-15.

Malaki ang ibinaba ng bagong datos sa 5,534 daily average mula Marso 29 hanggang Abril 4 sa kasagsagan ng peak ng COVID-19 cases na daan para ideklara muli ang ‘enhanced community quarantine’ sa NCR.

Makaraan na pumatag ang mga kaso, unti-unting bumababa na umano ito ngayon at kailangang mapanatili sa mga susunod na linggo, ayon kay De Guzman.

Samantala, inilagay sa ‘high-risk’ naman ang CARAGA, Regions 6 (Western Visayas), 11 (Davao Region, at 12 (Soccsksargen).

Nagtala ng 27% pagtaas sa mga bagong kaso sa CARAGA, 41% sa Western Visayas, 53% sa Davao Region, at 33% sa Soccsksargen.

PBA players kailangan pa rin ng Gilas Pilipinas

Posted on: June 25th, 2021 by @peoplesbalita No Comments

Naniniwala si dating Gilas Pilipinas team captain Jimmy Alapag na kakailanganin pa rin ng Gilas Pilipinas ng ilang veteran PBA players sa 2023 FIBA World Cup.

Masaya si Alapag sa impresibong ipinamalas ng bagitong Gilas squad sa katatapos na FIBA Asia Cup Qualifiers kung saan winalis nito ang lahat ng tatlong laro kabilang ang dalawang panalo kontra sa South Korea,

“You look at these first three games and it’s really, really impressive for this team. This is really the next generation for me,” ani Alapag sa programang Smart Sports’ Hoops Life.

Subalit ibang usapan na ang World Cup na isang mataas na lebel ng kumpetisyon.

Personal na itong naranasan ni Alapag dahil bahagi ito ng Gilas Pilipinas na nagpasiklab noong 2014 FIBA World Cup sa Spain.

Malaki ang maitutulong ng PBA players partikular na sa leadership para lubos pang magabayan ang mga bagitong miyembro ng Gilas squad.

Ngunit ipinauubaya pa rin ni Alapag ang pagdedesisyon sa coaching staff na pinangungunahan ni Samahang Basketbol ng Pilipinas (SBP) program director Tab Baldwin na siyang kasalukuyang head coach ng koponan.