LAST week pinakalma ni Anne Curtis ang mga Kapamilya forever fans na wala siyang planong lumipat sa Kapuso Network tulad ng ginawa ni Bea Alonzo, matapos na lumabas na nakipag-meeting siya sa mga executives ng GMA Films.

This week, isang netizen naman ang sinagot niya na nag-tweet na nami-miss na raw siyang mapanood sa movie na hopefully sa big screen at hindi na online streaming.

Reply naman ni Anne, “Good Morning! Don’t worry! I’m already in search a for a really good script! Kaya May ilang pitching ang nagaganap. I also miss doing films and yes, series too!

“Pero gusto ko Ung mga 12-16 eps Na series hahahahahaha!”

Marami naman ang nag-react sa kanyang tweet: “Sa GMA they are trying to do mga short TV series na lang then ginagawa na lang is per season. Katulad na sila ng mga Hollywood/Korean series na konting episodes then per season basis na. Sana lang gayahin na nila na once a week na mga episode. Example, Prima Donnas and First Yaya.”

“Correct @annecurtissmith a weekly series with 12-16 episodes, more than an hour per episode. ABSCBN is doing it with He’s Into Her and other iWantTFC Originals series. Hope you’ll be given one.”

“Gawa ka po ng teleserye na mala-Wildflower ang datingan. O kaya yung pang-Alta Sosyedad na series.”

“Sana with Alden Richards…suspense/ drama/romance…”

“What about a remake of 17 again or 18 again with Enrique Gil and Aga Muhlach.  @ABSCBN baka naman.”

“Gawa ka ulit ng Korean Adaptation. You did great in ‘Green Rose’.”

“Parang kdrama lang Ms Anne! Dapat ganun lang para mabigyan ng chance yung iba to work!”

Pero may mga bashers talaga na habit na ang mag-comment ng panglalait at sa kanyang tweet ay pinuntirya nila ang kanyang pag-arte:

“Mapili pala to eh bakit yung last film nya with Marco basura?? Ah ganun ba standard nya ng quality.”

“Di naman ganun kaganda movies nya, di rin magaling umarte si anne. Hype lang tong babaeng to.”

“Totoo yan, sobrang sumikat siya after ‘no other woman’ but before and after that, kung hihimay himayin mo, wala talaga.”

“hindi magaling umarte pero may FAMAS award na best actress? hehe ok :)”

“Isa lang naman ang box office hit movie nya e (without vice ganda) the rest forgettable na.”

“I can think of at several hits spanning several years which shows na bankable sya- magic kingdom, the secret affair, no other woman, ang cute ng ina mo, sid and aya, and just a stranger. May critically acclaimed hit indie films din sya – baler and buybust.”

“Anung hindi hype? Todo promote nga yan. Yung sid&aya, gusto nya pa gawin pa-mysterious yung plot ng movie, yung just a stranger, hindi naman yan inabangan ng mga tao sa sinehan. She’s mediocre.”

“Collab na with the “greatest” director ng viva Darryl Yap. Hahahah eme!”

“to be honest, wala naman tatak ung mga pelikula nyan except for no other woman. the rest para lang sya dekorasyon. and meh sya umarte. perks of being being a porenjer in pinas.”

“really good script tapos yun pala si vhong navarro o vice ganda lang makakasama mo.”

“honestly di naman siya kagalingan umarte. pang endorsements, yes.”

“She was only good in Maging Sino Ka Man.”

“Taray namimili.”

“kaya nga para namang ang galing-galing. dun nga lang sa Buy Bust na trailer ang lamya nya tumakbo mas magaling pa si Cristine Reyes sa Maria.”

“Sa nagsasabi na hindi sya kagaling umarte how sure are you? Lol mema lang? E award winning din yan.”

“sana yung acting niya good din no? eh sa lahat ng roles niya, anne curtis pa rin siya.”

“Anne: I want good scripts and good movies
Good Scripts and Good movies: We want good acting.”

“Good script with no acting skills equals not so good movie or TV. Choosy much? Hosting nga waley acting pa kaya?”

“Di naman sya magaling umarte. Or kumanta. Pero magaling sya mag market ng sarili plus may appeal and charm kaya she’s that popular.”

“aminin, may x factor si anne.
sa pag-arte, talo siya ni jasmine. kaya lang, kulang naman sa oomph. you can’t have it all talaga.”

(ROHN ROMULO)

NAGKAIYAKAN ang pamilya nila Carmina Villarroel at Zoren Legaspi dahil sa pag-send off nila kay Mavy Legaspi sa unang lock-in taping nito.

Kasama si Mavy sa teleserye na I Left My Heart In Sorsogon kunsaan bida sina Heart Evangelista at Richard Yap.

Nag-share ng video si Mina on instagram na nagyayakapan silang lahat bago umalis si Mavy para sa lock-in taping nito.

“All grown up. Time for you to spread your wings my forever baby boy Mavy. Always remember that we are here for you and we are all proud of you! Enjoy! I miss you already. [You’ll be away from us for the first time]. We love you,” caption ni Mina.

Heto naman ang post ni Zoren: “It’s hard to let this guy go to spread his wings. Come back with wider and longer wing span. Always pray at night and when you wake up. I love You as my son as my friend.”

Last year ay nagkaiyakan din sila nung mag-lock-in taping for the first time si Cassy Legaspi para sa First Yaya.

***

ILAN lang ang nakakaalam na nakipaglaban pala sa sakit na meningitis ang aktres na si Cristine Reyes.

Ayon sa aktres, tinamaan daw siya noon ng naturang sakit noong 2009 dahil sa over fatigue sa sunud-sunod na trabaho. Nagkataon pa raw na meron siyang pinagbibidahan na teleserye at pelikula noong magkasakit siya.

“Naalala ko year 2010, 2009, I had a project with Jeffrey Jeturian called ‘Reputasyon’ on ABS-CBN. And then I was also doing ‘The Other Woman’ for Star Cinema and Viva.

“Every day ako nagwo-work nu’n. Na-over fatigue na ako, low immune system. Tinamaan ako ng virus called meningitis.

“Nagkombulsyon ako habang nagte-taping. They rushed me to the hospital. I stayed in the hospital for almost a month.

“So I was thinking… they couldn’t find out what’s going on with me. So they had to get like a water thing sa spine ko to examine the water in my brain. Then ‘yon nga, they found out meningitis and it’s deadly.”

Puwede nga raw ikamatay ni Cristine ang naging sakit niya kaya hindi raw siya tumigil sa pagdasal. Lumaban siya dahil ayaw pa raw niyang mamatay.

“So, nag-pray na ako kay God no’n. Sabi ko, ‘I can’t die. I wanna live.’ Kasi sa hospital, ‘di ba sa bed mo ‘yung wall laging may crucifix? Merong crucifix doon. I remember… parang I think I was fighting for my life, ‘I can’t die.’ Even though I was super weak,” pag-alala ng aktres.

Unti-unting lumakas ang katawan ni Cristine hanggang sa malabanan na ng kanyang katawan ang sakit.

“Ang sabi lang ng mga doctors kasi it’s really your body that will fight for itself, eh, sa mga virus na yan. So, I guess God gave me strength to fight because I asked for it and I didn’t wanna give up,” sey pa niya.

***

NAIKUWENTO ni LJ Reyes na patuloy ang communication ng panganay niyang si Aki sa biological father nitong si Paulo Avelino.

Noong magkaroon ng pandemic last year, parati raw nag-uusap ang dalawa na ikinatuwa naman ni LJ.

“Hindi na dumadaan sa akin. Diretsong tumatawag si Paulo kay Aki. Sinasabi na lang ng anak ko na tinatawagan siya ng daddy niya.

“Natuwa ako na nandoon ang concern niya kay Aki. Lagi silang nagkukumustahan. Pinapabayaan ko lang silang mag-usap kasi Aki is turning 11-years old na at kailangan makilala niya ng husto ang father niya. Kahit na sa patawag-tawag lang, nakikita kong masaya si Aki,” sey ni LJ.

Nag-renew pala si LJ ng kontrata with GMA Artist Center at thankful siya sa pag-alaga at pag-intindi sa kanya ng Kapuso network.

“It’s been 17 years since I became a talent of GMA after StarStruck 2. I am thankful sa pag-alaga ng GMA sa akin na minsan nahihiya na ako sa kanila. May mga projects akong tinatanggihan dahil sa mga anak ko. Naiintindihan naman nila iyon.

“Naging very supportive sila noon pang nag-aaral ako hanggang sa naka-graduate ako. Ngayon ay supportive pa rin sila sa akin when it comes to the security and health of my family. Kaya natuwa ako nang ma-renew ang kontrata ko.”

May usapan daw sila ng partner niyang si Paolo Contis na hindi sila sabay tatanggap ng project para may isa sa kanilang maiwan sa mga bata.

Tulad ngayong buwan, si Paolo raw muna ang mag-lock-in taping para sa teleserye na I Left My Heart In Sorsogon.

(RUEL MENDOZA)