2021 August 05 Archive - People's Balita

May 15, 2024
Search in People's Balita
Ang Diyaryong Pinagkakatiwalaan

Archive for August 5th, 2021

PNP Chief ipinag-utos ang mahigpit na pagpapatupad ng curfew sa NCR

Posted on: August 5th, 2021 by @peoplesbalita No Comments

Inatasan ni PNP Chief PGen. Guillermo Eleazar ang National Capital Regional Police Office (NCRPO) na mahigpit na ipatupad ang curfew hours sa oras na maging epektibo ang Enhanced Community Quarantine (ECQ) sa NCR.

Kasabay ito ng paghihigpit sa mga border control mula Agosto 6 hanggang Agosto 20.

Sinabi ni Eleazar na nauunawan niya ang sinasabing “quarantine burnout” na nararamdaman ng mga mamayan, pero mali aniya ang pananaw na walang nagagawa ang paghihigpit.

Ayon kay Eleazar ang mas mahabang curfew sa NCR mula alas-8:00 ng gabi hanggang alas:4:00 ng umaga at striktong border control ay makakatulong upang mapigilan ang mass gathering at super spreader events.

Hinimok ni Eleazar ang publiko na sunding maigi ang minimum health safety standards at quarantine protocols para maiwasan ang pagkalat ng mas nakahahawang Delta variant.

Nakita na aniya ang epekto ng Delta Variant sa India at nararapat lang ang agarang aksiyon ng pamahalaan bago mauwi sa sisihan.

Dagdag pa ng PNP Chief, tutulong din sila sa mahigpit na pagpapatupad ng liquor ban na pina-iiral ng ilang mga lokal na pamahalaan sa Metro Manila.

Simula Agosto 6, sabay-sabay na ipatutupad sa buong National Capital Region ang uniform curfew, ayon kay Metropolitan Manila Development Authority chairperson Benhur Abalos. (Daris Jose)

24/7 NA BAKUNAHAN, ISASAGAWA SA MAYNILA

Posted on: August 5th, 2021 by @peoplesbalita No Comments

MAGSASAGAWA ang lokal na pamahalaang Lungsod ng Maynila ng 24/7 COVID-19 mass vaccination sa mga susunod na linggo.

Dahil sa plano ng lokal na pamahalaang lungsod, nanawagan si Manila Mayor Isko Moreno Domagoso na nangangailangan sila ng mga magboboluntaryo para sa 24/7 na bakunahan sa Maynila.

Aniya, bukas ang Manila Health Department (MHD) sa mga intresado at agad na makipag-ugnayan sa kaniyang opisina ang mga indibidwal upang mailatag na agad ang plano sa lalong madaling panahon.

“Kung sinumang lisensiyadong puwedeng magbakuna, idu-duty ko kayo sa gabi to replenish our workforce, our medical frontliners during daytime,” ani Domagoso

Kabilang sa mga kinakailangan nila para sa kanilang plano na 24/7 vaccination ay ang mga Doktor (Doctor), Nars (Nurse), Dentista (Dentist), Komadrona (Midwife), Medical Technologist, Parmasyutiko (Pharmacist), Iba pang propesyunal ng allied health (All other allied health professionals), Gradweyt ng Kolehiyo o Mag-aaral ng Kolehiyo na maalam sa paggamit ng kompyuter (College graduates or college students who are computer-literate), at iba pa.

Ayon sa Alkalde, kailangan nila ng karagdagang volunteers na may kaalaman sa pag-eencode sa computer para sa mga data na kakailangain. Nanawagan rin siya sa mga estudyante sa kolehiyo, SK officials at iba pang kabataan para tumulong sa gagawing 24/7 vaccination program.

Ang plano ng lokal na pamahalaan ay upang matugunan na ang layunin ng national government na maturukan ang lahat kung may sapat na suplay ng bakuna.

Sa mga interesado naman na indibdwal ay maaaring tumawag o mag-text sa numerong 0995-1069524 at 09606040771.

“Hindi natutulog ang COVID-19 kaya dapat walang tulugan ang tulungan sa bakunahan. Maraming salamat po at sama-sama tayo tungo sa tuluyang pagsugpo sa pandemyang ito,” dagdag pa ni Domagoso. GENE ADSUARA

Truck ban, suspendido sa loob ng 2 -week ECQ sa NCR

Posted on: August 5th, 2021 by @peoplesbalita No Comments

SUSPENDIDO ang ipinatutupad na truck ban sa Kalakhang Maynila sa panahon ng enhanced community quarantine (ECQ) mula Agosto 6 hanggang 20, 2021.

Sa Talk to the People ni Pangulong Rodrigo Roa Duterte, Lunes ng gabi ay sinabi ni Metropolitan Manila Development Authority (MMDA) chair Benhur Abalos na layon nito na maging dire-diretso ang delivery ng cargo.

“Iyong truck ban po ay sinuspinde namin para dire-diretso po ang delivery ng mga cargo,” ayon kay Abalos.

Sa kabilang dako, inireport din ni Abalos sa Pangulo ang napag-usapan ng mga Alkalde ng Kalakhang Maynila na mga palatuntunan na gagamitin sa panahon ng ECQ.

“Ire-report ko lang po iyong mga pinaplano ng mga Alkalde during the ECQ. Napag-usapan na namin ang mga palatuntunan, may curfew po tayo para limitahan ang paggalaw. Bale alas-8 ng gabi hanggang alas-4 ng umaga. Pangalawa po, ang ating public transportation ay dire-diretso lang po. Ito po ay para sa ating mga frontliners, mga essential workers at higit sa lahat po sa mga magpapabakuna. Pangatlo po, iyong truck ban po ay sinuspinde namin para dire-diretso po ang delivery ng mga cargo. Pang-apat, ang quarantine passes po ay ang mga LGUs na po …ang mga Mayors na po ang magi-issue kung ano po ang ginawa nila noong araw sapagkat gahol na po kami sa oras.Nasa mga Mayors na po ito,” litaniya ni Abalos.

Ang liquor ban naman aniya ay nasa desisyon na rin ng mga Alkalde.

Habang ang border controls naman ay pinag-usapan kung saan ay inayos na aniya ito nina DILG Sec. Eduardo Ano at ng kapulisyahan.

Sinabi pa rin niya na kapag nagsimula na ang ECQ ay magta-trabaho pa rin ang mga Alkalde ng Kalakhang Manila.

‘Mr. President, gusto ko lang pong sabihin na ang susunod na dalawang linggo ng ECQ ay talagang magta-trabaho po ang lahat dito. Hindi na po magpapahinga dahil magbabakuna po kami. Nakahanda po kami hanggang sa 250,000 a day na bakuna. Dati po ang nagawa namin ay 200,000 lang … habang ginagawa po namin ang pagbabakuna ay ang pagbibigay naman ng ayuda. Sabay. Gusto ko lang pong i-announced na iyong mga senior citizens .. sila po ang pokus ng LGUs,” aniya pa rin.

Sa katunayan aniya sa Agosto 5, araw ng Miyerkules ay ima-marked nila sa Mandaluyong ang 100% na ang bakunadong lolo’t lola.

Nauna rito, nagpasalamat naman si Abalos kay Pangulong Duterte dahil sa pagtugon nito sa kanilan kahilingan na kasabay ng ECQ ay ang pagbibigay ng ayud ng gobyerno sa mga residente na apektado ng ECQ.

“Unang-una po, nagpapasalamat po kaming lahat dahil po sa ayuda na napakabilis po kaagad na nadesisyunan. Sabi nga ni Spox Harry, napaka-importante ho ng ayuda dahil talaga pong mahirap mag-ECQ dahil kawawa po ang mga mahihirap nating kapatid,” aniya pa rin

“Ang mga Mayors po ng Metro Mnaila at ang national government ay nagkakaisa, iisa lang po ag boses. Iisa lang po ang patakaran,” dagdag na pahayag ni Abalos.

Samantala, suspendido rin ang number coding para sa buwan ng Agosto “until further notice.” (Daris Jose)

Gobyerno, hindi kulang sa preparasyon laban sa Delta coronavirus variant

Posted on: August 5th, 2021 by @peoplesbalita No Comments

IGINIIT ng Malakanyang na hindi kulang sa preparasyon ang gobyerno para sa Delta coronavirus variant sa kabila ng kinapos sa pondo para sa Philippine Genome Center (PGC), nakade-detect ng variants.

“I disagree that there was lack of foresight because we have vigorous testing. We know who is infected, regardless of the variant. Pareho ang protocol na isolation, contact tracing and treatment,” ayon kay Presidential Spokesperson Harry Roque.

Sinabi ng UP-National Institute of Health na mangangailangan ito ng P100 million para paganahin ang satellite offices ng PGC sa Visayas at Mindanao para makapagsagawa ng genome sequencing upang sa gayon ay mai-prososeso ang mas maraming samples kada isang linggo at mapabilis ang detection ng Delta variant.

Sinabi ng Department of Health na ang Delta variant ay maaaring makahawa ng lima hanggang 8 katao “in one setting.”

Inamin naman ni Sec. Roque na ang pagsuporta sa PGC ay kailangan na palakasin subalit iginiit nito na ang pagtaas ng genome sequencing ay hindi mandatory sa pakikipaglaban sa mas maraming nakahahawang Delta variant.

“I concede, talagang papalakasin pa natin ang ating kakayahan nang malaman natin kung anong variant iyan, ‘no? Pero hindi naman ibig sabihin na dapat 100% tini-test para malaman natin kung anong variant. Mayroon din naman talagang statistics na tinatawag,” anito.

Tiniyak naman ni Sec.Roque na sisiguraduhin ng pamahalaan na ang planned satellite offices sa PGC sa Visayas at Mindanao ay mapopondohan.

“Well, if I’m not mistaken po, ‘no, that should be in the 2022 national budget. But if it is not, gagawan po natin ng paraan dahil sisimulan pa naman po ang talakayan ng parehong Kapulungan ng Kongreso ang ating pangtaunang budget for 2022,” dagdag na pahayag nito. (Daris Jose)

Shang-Chi Movie Images Show Detailed Look At Marvel Superhero Costume

Posted on: August 5th, 2021 by @peoplesbalita No Comments

MARVEL’S newest hero is ready for action in new images from Shang-Chi and the Legend of the Ten Rings.

After the successful released of Black Widow, all eyes are now turning towards the MCU’s next movie release. Shang-Chi will arrive in theaters on September 3, and unlike Black Widow, it will only be available in theaters.

The Destin Daniel Cretton-directed movie was once scheduled to arrive earlier this year, but the coronavirus pandemic delayed it by several months. Luckily, the wait is almost over.

Shang-Chi stars Marvel newcomer Simu Liu as the titular hero, who in the comics is known as the Master of Kung Fu. Though Shang-Chi’s origins have been altered slightly to erase some outdated stereotypes, the essence of it will remain the same. By the time the movie begins, Shang-Chi will have spent years trying to distance himself from his father’s criminal empire.

However, the Mandarin (Tony Leung) is ready to welcome his son back with open arms, making for the ultimate family conflict. Shang-Chi also stars Awkwafina, Fala Chen, Meng’er Zhang, Benedict Wong, and Michelle Yeoh.

As Shang-Chi draws ever closer to release, Empire has unveiled fresh images from the film. In addition to a new shot of Shang-Chi’s bus fight with Razor Fist (Florian Munteanu), there’s a closer, more detailed look at his red superhero costume. It looks even more impressive up close than it does in the trailers.

The costume is often one of the most hotly anticipated aspects of a superhero movie, and Shang-Chi’s was revealed early on with the release of the first poster. It feels different than other MCU costumes, but it still manages to retain the spirit of the comics.

It’ll be interesting to see how Shang-Chi comes to wear it in his solo movie, seeing as he’s attempted to distance himself from an action-packed life. Of course, plenty of action will still find him, and Shang-Chi‘s stunts have been hyped as some of the best in the entire MCU.

Shang-Chi is the first new hero to lead his own solo project in the MCU’s Phase 4, so there’s a lot of interest in seeing how he will fit into the franchise. The action-centric look in the above pictures feels right at home with the MCU, but as the Shang-Chi trailers have hinted, the movie is also a family drama at its heart. Marvel has found success in telling stories grounded in families (Thor: Ragnarok, Black Panther, Guardians of the Galaxy), so this could be another win for the franchise.

Liu’s Shang-Chi looks up to the task of continuing the Marvel legacy. (source: screenrant.com)

(ROHN ROMULO)

Libreng sakay sa rail lines sa mga may bakuna

Posted on: August 5th, 2021 by @peoplesbalita No Comments

Binalita ng Department of Transportation (DOTr) na may libreng sakay ang mga fully vaccinated na sasakay ng Metro Rail Transit Line 3 (MRT3), Light Rail Transit Line 2 (LRT2), at Philippine National Railways (PNR).

“The DOTR is offering the free rides beginning August 3 until August 20,” wika ni DOTr Secretary Arthur Tugade.

Ang mga authorized persons outside of residence tulad ng frontliners na mayron ng isang dose ng COVID-19 vaccines ay maaaring din na sumakay ng mga rails lines ng walang bayad.

Kinakailangan lamang na ipakita nila ang kanilang vaccination cards upang makasakay ng libre at walang bayad.

Ayon kay Tugade na mas mahalaga sa DOTr ang kalusugan ng mga mamayan kaysa ang kumita ngayon may pandemya.

Samantala, ang Light Rail Transit Line 1 (LRT1) na nasa ilalim ng private consortium ay hindi naman nagpahayag kung sila ay mayron din libreng sakay. Ang nasabing tatlong (3) rail lines ay nasa ilalim ng pangangasiwa ng DOTr.

Ilalagay ang Metro Manila muli sa enhanced community quarantine simula August 5 hanggang August 20 dahil sa tumataas na bilang ng COVID 19 cases.

Ang LRT 2 ay mayron 13 na estasyon simula sa Recto hanggang Antipolo. Samantala, ang MRT 3 naman ay may 13 na estasyon na nagsisimula sa Pasay hanggang North Avenue. Ang PNR naman ay 20 na estasyon. LASACMAR

Hidilyn Diaz nagpasalamat kay Nesthy Petecio sa dangal na inuwi nito para sa Phl

Posted on: August 5th, 2021 by @peoplesbalita No Comments

Nagpaabot ng kanyang pagbati si Hidilyn Diaz kay Nesthy Petecio matapos na makasungkit ng silver medal ang naturang Pilipinang boksingero sa women’s featherweight division sa Tokyo Olympics.

Ang panalo ni Petecio ang ikalawang medalya ng Pilipinas sa Summer Games kasunod nang gold medal finish ni Diaz sa women’s weightlifting.

Pinuri ni Diaz ang silver medal finish ni Petecio, at sinabi rin na ang Pinay boxer ang panalo sa puso ng lahat ng mga Pilipino.

Nagpasalamat din ito kay Petecio dahil sa dangal na ginawa nito para sa Pilipinas.

Ang panalo ni Petecio ang kauna-unahang silver medal ng Pilipinas sa larangan ng boxing sa Olympics magmula noong 1996.

Ito rin ang ika-anim na medalya ng Pilipinas sa Olympics magmula nang manalo ng bronze si Jose Villanueva noong 1932.

2 barangay sa Navotas, isinailalim sa lockdown

Posted on: August 5th, 2021 by @peoplesbalita No Comments

ISINAILALIM sa dalawang linggong lockdown ang dalawang barangay sa Navotas City simula August 3 ng hating gabi hanggang 4am ng August 16 dahil sa mabilis na pagdami ng hawaan ng COVID-19.

“Napilitan po tayong magpatupad ng lockdown sa Tanza 1 at Tanza 2 dahil sa mabilis na pagdami ng mga nahahawaan ng COVID-19 sa nasabing mga barangay. Sa mass testing na ating isinagawa kamakailan lang, 25% ang nagpositibo. Bagaman may ECQ na sa August 6, kinailangan nating maglockdown para mahinto ang mabilis na hawaan,” ani Mayor Toby Tiangco.

Lahat ng mga residente sa Tanza 1 at Tanza 2 ay dapat manatili sa bahay at kailangan sumailalim sa swab test ang mga residente sa lugar na mataas ang hawaan. Sinumang magpositibo ay dadalhin agad sa Community Isolation Facility. Bibigyan din ng relief packs ang mga pamilyang apektado.

Samantala, ang mga may trabaho o negosyo ay papayagang lumabas hanggang August 5 pero dapat ay hindi sila close contact at kailangan lang magpresenta sila ng valid company ID, certificate of employment o business/DTI permit.

Sa August 6-20, makalalabas lamang kung sino ang papayagan ng IATF.

Habang umiiral ang lockdown pati na ang ECQ, ang araw ng pamamalengke o pagbili ng essentials ng Brgy. Tanza 1 ay Miyerkules, Biyernes at Linggo. Sa Brgy. Tanza 2 naman ay Martes, Huwebes at Sabado. Pagsapit ng August 6, mga polisiya na ng ECQ ang susundin.

“Hindi po natin gusto ang lockdown; mahirap ito para sa ating lahat. Ngunit kailangan po ito para sa ikabubuti ng bawat isa. Hinihingi po namin ang iyong lubos na suporta at kooperasyon,” pahayag ng alkalde. (Richard Mesa)

‘Matigas talaga ulo ko’: Paalam sure medal winner na sa Olympics kahit na-headbutt

Posted on: August 5th, 2021 by @peoplesbalita No Comments

Siguradong makapag-uuwi ng medalya mula sa 2020 Tokyo Olympics ang isa pang Pinoy na atleta — sa pagkakataong ito, sa larangan ulit ng boksing.

Natalo kasi ng Pinoy boxer na si Carlo Paalam ang reigning Olympic champion na si Shakhobidin Zoirov (Uzbekistan), dahilan para dumiretso siya sa semifinals sa Huwebes. Dahil dito, bronze ang pinakamababang pwedeng makuha ni Paalam.

‘Di sadyang nagkaumpugan sila ni Zoirov habang nasa quarterfinals, pero okey lang daw ‘yan, matigas naman daw ang ulo niya na isa sa mga dahilan kung bakit ihininto ang laban.

“Umi-istraight ako ng tiyan eh kasi tinatarget ko yung body niya. Kasi magaling siya sa ulo magmove,” sabi niya sa panayam ng One Sports pagkatapos ng bakbakan.

“So [yung katawan] yung part na suntukin ko, ayun nagkasalungat kami. Kasi umi-straight din siya… Matigas lang talaga ulo ko nasugatan siya sa ulo.”

Parehong duguan ang dalawa matapos ang accidental headbutt.

Kahit itinigil ang laban at may 1:16 pang natitira noong round two, sapat ang puntos na naibigay sa kanya ng apat na hurado para maipanalo ang laban.

Lockdown sa kanya-kanyang tahanan, hiling ng Malakanyang na ideklara ng “head of the family”

Posted on: August 5th, 2021 by @peoplesbalita No Comments

HINILING ng Malakanyang sa bawat pamilya na magdeklara ng lockdown sa kanilang tahanan bago pa ang nakatakdang Enhanced Community Quarantine (ECQ) sa Metro Manila at ilang lugar sa bansa.

Ang National Capital Region (NCR) ay isasalalim sa ECQ mula Agosto 6 hanggang 20 para pigilan ang pagsirit ng kaso ng COVID-19 at mapigilan na rin na mapuno ang mga ospital ng mga COVID-19 patients.

“Huwag na tayo mag-rely sa ECQ-ECQ. Family lockdown is the solution,” ayon kay Sec. Roque.

“Family heads, mag-declare na po kayo ng lockdown. Huwag na po ninyong palabasin ang inyong mga mahal sa buhay dahil baka mamatay pa iyan dahil sa Delta variant,” dagdag na pahayag nito.

Tanging ang mga essential trips lamang ang papayagan sa ilalim ng ECQ.

Sinabi naman ng Department of Health na maaari kasing makapanghawa ang Delta variant ng lima hanggang walong katao “in one setting.”

Sa ngayon, nakapagtala ang Pilipinas ng 216 Delta variant cases.