Ang Diyaryong Pinagkakatiwalaan
Naipamahagi na ng Department of Health ang P14.3 bilyon na halaga ng benepisyo ng mga public at private health workers.
Sinabi ni DOH Secretary Francisco Duque III, na minarapat na ibigay ang nasabing mga benepisyo ng mga medical frontliners.
Hanggang aniya sa susunod na taon ay magkakaroon aniya ng benepisyo ang mga frontliners.
Ang mga nakatanggap ng benepisyo aniya ay yung mga kwalipikado sa umiiral na batas habang patuloy ang pagproseso ng kanilang special risk allowance.
AYON sa award-winning actor na si Allen Dizon, ang papel niya bilang Olan sa Battered Husband ang isa sa pinaka-challenging na kanyang ginampanan.
“Kasi hinahayaan ko na abusuhin ako ng asawa ko physically, emotionally at psychologically. Hindi ako ganyan sa totong buhay. Hindi ko sinasaktan ang asawa ko at hindi ko rin naman hinayaan ang kahit sino na saktan ako,” pahayag ni Allen.
Ayon pa sa actor, karamihan sa mga battered husbands, dahil sa kanilang macho image, ay hindi umaamin na sinasaktan sila ng kanilang misis. Itinatago nila ito, tulad nang ginawa ni Olan sa pelikula.
Ang maipakita ang acting talent niya ang nagbunsod kay Allen para maging isang actor. Siyempre gusto rin naman niyang kumita. Nais din niya na sumikat at maging stable ang kanyang career.
“Para sa akin, ang hardest or toughest part ng trabaho ng isang actor ay kung paano siya magtatagal sa business. Siyempre tumatanda na rin tayo at maraming mga bagong artista na ang dumarating. Mahigpit na ang competition kaya kailangan na i-reinvent mo ang sarili at ipakita ang iyong versatility,” paliwanag ni Allen.
Si Ralston Jover ang director ng The Battered Husband. Naipanalo niya si Allen ng best actor award sa isang A-List International Film Festival.
“Very cool na director si Ralston. Ayaw niya sa artista na over acting. Ang gusto niya ay sincere at affecting performance. Sa ‘Battered Husband’, lagi niya akong nire-remind to be focused at pag-aralan ang complexity ng character ko.”
***
MARAMING nagtatanong kung bakit nagkaroon ng season break ang The World Between Us, ang bagong serye nina Alden Richards, Jasmine Curtis at Tom Rodriguez.
Kasisimula lang ng show eh bakit may break agad?
Sabi ng isang taga-GMA, dahil sa restrictions during ECQ kaya di sila pwede mag-taping ng tuluy-tuloy.
Maraming quarantine restrictions pag ECQ kaya doble ingat ang cast at staff ng programa.
Siyempre unang inisip ng ptoduction team ang safety ng mga taong involved sa taping.
May mga safety protocols na dapat sundin to ensure everyone’s safety on the set.
Mahirap naman kung may magkakasakit sa cast o staff kasi buong production ang apektado if ever something like that happens.
Kaya wait na lang muna ang regular viewers ng TWBU kung kailan magkakaroon ng new episodes sng programa.
(RICKY CALDERON)
MGM has released the final U.S. trailer for the newest 007 movie, No Time To Die.
The trailer takes a look back at all of the previous films starring Daniel Craig as James Bond, as well as giving us a look at what to expect from this final installment when it premieres on October 8.
The trailer begins by showing some of Craig’s most iconic scenes from the previous four James Bond movies, which include Casino Royale, Quantum of Solace, Skyfall, and Spectre, explaining that everything has led to the events of No Time to Die.
We then see clips from the new movie, as Bond and his team are trying to figure out who the villain Safin is and what his terrible plan entails, though it seems that this is a convergence of every mission Craig’s Bond has had over his previous films.
You can check out the final U.S. trailer below:https://www.youtube.com/watch?v=N_gD9-Oa0fg
No Time to Die will be the fifth and final movie starring Craig as Bond, and the 25th movie in the entire James Bond series. Along with Craig, Léa Seydoux, Ben Whishaw, Naomie Harris, Jeffrey Wright, Christoph Waltz, Rory Kinnear, and Ralph Fiennes will all be reprising their roles from the previous films and will be joined by Rami Malek, Lashana Lynch, Ana de Armas, Dali Benssalah, Billy Magnussen, and David Dencik.
The movie’s release was delayed from its original date, first by the departure of director Danny Boyle, and then by the COVID-19 pandemic. No Time to Die will have its world premiere in London on September 28 followed by the theatrical release in the United Kingdom on September 30 and in the United States on October 8. (source: collider.com)
(ROHN ROMULO)
Iaapela ng National Chess Federation of the Philippines (NCFP) ang pag-disqualified ng bansa sa 2021 FIDE Online Olympiad dahil umano sa paglabag sa patakaran ng laro.
Kasunod ito sa pagkakadiskubre na isang manlalaro nito ang lumabag sa fair play kaya buong koponan ay na-disqualified.
Nasa pangalawang overall kasi ang Pilipinas sa Pool A na pinangunahan ng Indonesia.
Ang top 3 finishers sa mga pool ay mag-aabanse sa Top Division.
Dahil sa pagkaka-disqualified ng Pilipinas ay pasok na sa Top Division ang koponan mula sa Shenzhen, China at Australia.
Sinabi naman ni Grandmaster Jayson Gonzales ang chief operating officer and delegation head na dapat hindi buong koponan ang dinis-qualified at ang tanging manlalaro lamang ang kanilang dinisqualified.
MAGANDANG balita sa mga fans ni Megastar Sharon Cuneta na magkakaroon siya ng guest role sa action series na FPJ’s Ang Probinsyano ni Coco Martin.
Naiinip na kasi silang mapanood umarte sa TV si Sharon. Pero may mga nagtatanong din kung totoo ba iyon dahil ang alam nga nila ay gagawa ng sariling series si Sharon sa Kapamilya channel na sabi pa ay siya mismo ang magpu-produce.
Pero hindi naman nga raw muna matutuloy ang series na gagawin dahil uunahin niyang mag-guest sa serye.
May mga nagtatanong nga kung anong role raw ang gagampanan ni Sharon, ibig sabihin daw ay magkakasama sila ni Lorna Tolentino doon.
So, wait muna tayo ng tamang balita, dahil sa ngayon ay naka-quarantine pa raw lahat ang buong cast ng Ang Probinsyano sa Ilocos Sur dahil may nag-positive sa COVID-19 sa lock-in taping nila roon.
***
NAGSALITA na rin ang dating partner ni Jomari Yllana, si Joy Reyes, na inili-link siya kay Paolo Contis at siya raw ang nakitang kasama nito sa Manaoag at sa Baguio City.
Hindi pala niya kilala nang personal si Paolo kaya nagtataka siya kung bakit siya ang sinasabing dahilan ng paghihiwalay nina LJ Reyes at Paolo.
Post ni Joy sa kanyang Instagram account: “First and foremost, I’ve never known the guy personally. The topic of linking me to the guy is just a fabricated story, a fragment of imagination of the person with unstable mind.
“To the fans of the people involved, think first. How can I be a 3rd party if they are spotted together somewhere while I am here in QC thinking about all the bills & other necessities that the father of my baby boys is not paying ontime and is not paying at all.”
Ang tinutukoy ni Joy sa huli ay ang sustentong ipinangako ni Jomari para sa kanilang mga anak na hindi nga raw dumarating on time at kung minsan ay wala talaga.
***
TULOY na tuloy na ang pagsisimula ng trabaho ni GMA Artist Center Consultant Johnny Manahan ngayong isinagawa na nila ang biggest contract signing ceremony ng new generation of world-class Kapuso talents.
Muling nag-renew ng contracts nila sina Mark Herras, Pauline Mendoza, Ashley Ortega, Faye Lorenzo, Therese Malvar, Vaness del Moral, Analyn Barro, Lucho Ayala, Sherilyn Reyes-Tan, Martin Javier, Patricia Tumulak, Claire Castro, Alexandra Yap, Luane Dy, Jose Sarasola, Denise Barbacena, Gabrielle Hahn, Shemee Buenaobra, Brye Eusebio, at Shanelle Agustin.
Sa list ng mga bagong GMA artists, tinawag silang mga ‘Showbiz Royalties’ dahil kabilang ang mga anak ni Wendell Ramos na sina Saviour at Tanya Ramos, si Lala Vinzon ni Roi Vinzon, Alexandra Yap ni Melinda Mendez, Julia Pascual na niece ni Piolo Pascual, Sandro Muhlach ni Nino Muhlach, Brianna Bunagan ni Michael V, at Claire Castro nina Diego Castro at Raven Villanueva.
Ipinakita na nila ang kanilang talents sa pagkanta at pagsayaw nang mag-perform sila last Sunday, September 5, sa GMA noontime show na All-Out Sundays.
Winelcome naman sila ng mga GMA artists led by Alden Richards.
(NORA V. CALDERON)
Ginawaran ng kauna-unahang Philippine Senate Medal of Excellence ang apat na Filipino medalist sa nakaraang Tokyo Olympics sa bansang Japan.
Ito na ang pinakamataas na parangal mula sa mataas na kapulungan ng Kongreso.
Dumalo sa awarding si weightlifter at Olympics goldmedalist Hidilyn Diaz, boxer silver medalist Carlo Paalam, silver medalist Nesthy Petecio at bronze medalist Eumir Marcial.
Kasabay nito, ibinigay din ng mga senador ang P1-million kay Diaz, tig-P500,000 kina Petecio at Paalam, habang P400,000 naman para kay Marcial.
Gumagawa ng ingay ang isang half-Pinay tennis player sa prestihiyosong US Open na ginaganap sa New York City.
Muling nagpasiklab si Filipino-Canadian Leylah Fernandez matapos patalsikin si 2016 US Open champion Angelique Kerber ng Germany, 4, 4-6, 7-6 (5), 6-2, upang makapasok sa quarterfinals ng naturang Grand Slam kahapon.
Kaya naman itinuturing na giant-killer ang 18-anyos netter kung saan nauna nitong pinatumba si defending champion Naomi Osaka ng Japan sa third round noong nakaraang araw.
Pinatunayan ni Fernandez na hindi biro ang kanyang panalo matapos muling gulantangin si Kerber para masiguro ang kanyang-kauna-unahang quarterfinal appearance sa isang Grand Slam event sa seniors division.
Nasa puso ni Fernandez ang pusong Pinoy na palaban. Sa katunayan, inamin nito na naramdaman nito ang pagod sa third set. Subalit hindi sumuko si Fernandez.
“I was honestly tired in the third set. But with that thought, I was telling myself, like, ‘If I’m tired, she must be exhausted,” ani Fernandez.
Muling daraan sa pagsubok si Fernandez dahil makakasagupa nito sa quarterfinals si Elina Svitolina ng Ukraine na nanalo kay Simona Halep ng Romania, 6-3, 6-3.
Sa kabila ng matitinding labang pinagdaraanan nito, ayaw ipasok ni Fernandez sa isipan nito ang pressure.
Nage-enjoy lang ito sa bawat laro nito sa US Open.
Inangkin ni Fil-Japanese karateka Junna Tsukii ang gold medal matapos ungusan si Egyptian bet Areeg Rashed, 2-1, sa women’s kumite -50 kilogram division sa 2021 Karate1 Premier League sa Cairo.
Isang matulis na suntok ang nailusot ni Tsukii sa natitirang anim na segundo para takasan si Rashed sa kanilang finals match.
“We won the Premier League Tournament! Thank you for all your support,” sabi ni Tsukii sa kanyang Facebook post.
Para makapasok sa gold medal round ay kinailangang talunin ng 29-anyos na national karateka sina Aleksandra Grujic ng Austria, Yorgelis Salazar ng Venezuela at Ahmed Saleema ng Egypt.
Ito ang ikatlong gold medal ni Tsukii matapos magreyna sa nakaraang Golden Belt Tournament sa Cacak, Serbia noong Marso at sa Karate1 Premier League leg sa Lisbon, Portugal noong Mayo.
Kasalukuyang nasa No. 7 ang 2019 Southeast Asian Games gold medalist sa kanyang kategorya sa pinakabagong listahang inilabas ng World Karate Federation (WKF).
Nauna nang nabigo si Tsukii na makakuha ng tiket para sa nakaraang Tokyo Olympic Games matapos matalo sa World Olympic Qualification Tournament sa Paris, France noong Hunyo.
NAPAG-UUSAPAN din pala ng mag-asawang Governor Chiz Escudero at Heart Evangelista ang mga posibilidad tulad na lang kung muling makikipag-trabaho o makikipag-tambal si Heart sa ex-boyfriends niya.
Tinanong ni Karen Davila sa kanyang YouTube vlog kung halimbawa raw at may pelikula, ang magiging partner ni Heart ay si Jericho Rosales, papayag daw ba si Chiz.
“Pinag-usapan na ba natin ‘yan?,” tanong ni Chiz kay Heart na ibinuko naman ng huli ang Mister na, “Many times.”
Sinagot naman daw ito ni Chiz na, “It’s up to you.”
Meaning, si Heart ang bahalang mag-desisyon kung sakali na papayag nga itong muling makipag-trabaho kay Jericho.
Sabi pa ni Chiz, “It’s up to her. If it will help her. If it will make her grow. For me again, hindi ako selosong tao.”
Kinumpirma naman ni Heart na hindi nga raw seloso ang Mister, instead, “N.R.” daw ito, ‘No reaction.’ Pero sey niya rin, “sensitive.”
“Pero lately, sensitive,” sabi ni Heart.
Paglilinaw naman ni Chiz, “it has nothing to do with my level of confidence, it’s more on my level of being secure.”
Sina Jericho at misis na si Kim Jones kaya, napag-uusapan din nila kung okay sa mga ito sakali at magsama muli sa isang project sina Heart at Echo?
***
ANG bible verse na Psalms 127: 1 ang unang Instagram stories na pinost ni LJ Reyes pagkatapos niyang kumpirmahin ang naging hiwalayan nila ng partner na si Paolo Contis.
Sinabi naman ni LJ sa kanyang interview na kay Lord siya kumakapit at mukhang nagbibigay talaga ng lakas sa kanya.
Inspiring naman ang pinost niya na para rito, naniniwala siyang si Lord ang magre-restore at magbi-build ng bahay, pamilya, carrer at bawat aspeto ng buhay niya.
Naniniwala naman ang mga malalapit na kaibigan ni LJ na “very strong” ito at ‘yun daw talaga ang isa sa magandang katangian ng kaibigan.
Nasa New York pa rin si LJ at ‘di malayong magtagal ito rito.
***
PANGALAN na rin ng bagyo ang name ni Jolina Magdangal.
May tropical depression ngayon sa bansa na ang pangalan ay Jolina.
At ipinost ito ni Jolina sa kanyang Instagram at sabi niya, “Kung ako ang masusunod, gusto ko umulan ng butterflies. Stay safe everyone.”
Gusto raw talaga niyang umulan ng butterflies, pero may netizen na nag-comment dito na nakatatakot daw umulan ng butterflies at baka mabulag daw ang Pinoy.
Nagsipag-react at comment naman sa post nila ang ilang Kapamilya stars at kaibigan niya. Sana raw katulad ni Jolina, maging mahinahon lang din ang bagyo.
Sabi ni Karla Estrada, “Omgeee sana mahinahon lang yan tulad mo!” Na sinagot naman ni Jolina na, “sana nga hindi maging disastrous para di matanggal sa listahan haha!”
Pati si Vice Ganda ay nag-comment sa post ni Jolina na, “Sana cute din ang ulan! Hahaha!”
So, hindi na lang kapag papasok ang July month nako-coined ang name ni Jolina, hindi na lang din kapag ang isang batang lalaki ay tuli na, pati na rin sa bagyo na mukhang nae-enjoy naman ni Jolens na gamit ang name niya.
***
SIMULA sa September 11, sanib-pwersa ang GMA-7 at ang Regal Entertainment sa Regal Studio Presents
Feeling namin binubuhay ng Regal ‘yung noong 80’s na mga Regal Studio na sa totoo lang, isa sa inaabangan namin palagi sa telebisyon noon.
Sabi nga sa collaboration nila ngayon, “Regal Feels na, Tatak Kapuso pa!” Dito rin unang mapapanood ang tambalan nina Ken Chan at Sanya Lopez sa initial offering nila na “That Thin Line Between”.
Followed by Allen Ansay at Sofia Pablo sa “Raya Sirena” sa September 18 at “One Million Comments…. Magjo-jowa Na Ako!” ng real-life sweethearts na sina Khalil Ramos at Gabbi Garcia sa September 26.
(ROSE GARCIA)
Posibleng iisantabi ni Bise Presidente Leni Robredo ang pagtakbo sa panguluhan sa 2022 kung ‘yun ang mapagkakaisahan ng koalisyon ng mga oposisyon sa eleksyon sa darating na taon.
Ito nga ang ipinahiwatid ni Robredo sa panayam ng ANC, Lunes ng umaga, nang tanungin kung ano ang pagtingin niya kung sakaling maging running mates sa 2022 sina Sen. Manny Pacquiao at Manila Mayor Francisco “Isko Moreno” Domagoso sa halalan.
“Ako, yes. Yes if that will be the result of discussions of the broadest coalition that we can form,” sagot niya kanina.
“Bukas ako sa kahit ano na would put a stop to this kind of governance already.”
Ganyan nga ang kanyang sinabi kahit na maraming humihimok sa ikalawang pangulo na puntiryahin ang pinakamataas na posisyon sa gobyerno ng Pilipinas.
Kaugnay niyan, inisantabi naman niya ang posibilidad na tumakbo sa pagkasenador sa dahilang “hindi niya ‘yun kalakasan.”
Ipinaabot naman ni Sen. Manny Pacquiao, na usap-usapang tatakbo sa pagkapangulo, ang kanyang pasasalamat kay VP Leni.
“I’m thankful to Vice President Leni Robredo for her trust in me,” wika ng fighting senator kanina.
“Ngunit tulad ng nasabi ko ay pinag-iisipan ko pang mabuti kung alin sa tatlong option ang pinagpipilian ko: ang presidency, ang tumakbo bilang senador o ang tuluyan nang magretiro sa pulitika.”
Gaya ni Pacquiao, hindi pa nagdedeklara si Domagoso kung tatakbo bilang standard-bearer ng anumang partido bagamat kalilipat lang ng alkalde sa partidong Aksyon Demokratiko.
Kasalukuyang magkapartido sa PDP-Laban sina Pacquiao at Duterte, na nagpahayag na ng pagnanais tumakbo sa pagkabise presidente. Gayunpaman, nagkakaroon ngayon ng biyakan sa partido’t may dalawang magkaibang liderato ang mga paksyon: ang “wing” nina Pacquiao at “wing” nina Energy Secretary Alfonso Cusi.
Ineendorso ng paksyon nina Cusi si Duterte para sa pagka-VP next year, na siyang nangunguna ngayon sa Pulse Asia survey.
Kilalang miyembro ng oposisyon si Robredo, na siyang bumabatikos sa ilang mga polisiya ng administrasyon ni Pangulong Rodrigo Duterte. Ilan na riyan ang paghawak ng gobyerno sa COVID-19 pandemic, madugong war on drugs at human rights issues.
Bagama’t bukas pa rin siya sa pagtakbo sa pagkapangulo, hindi pa naman siya nag-aanunsyo ng pinal niyang desisyon: “I can run for a local position, I can retire, I can just help the next administration if I don’t run for president,” wika pa niya”
“I continue to give serious thought to this.”
Kasalukuyan naman siyang nakikipagpulong ngayon sa sari-saring grupo para na rin matulungan siya sa kanyang pagdedesiyon at pagpapalawak ng kanilang baseng masa.
Hulyo lang nang kumpirmahin ni Barry Gutierrez, tagapagsalita ni Robredo, na kinakausap ng VP sina Sen. Panfilo Lacson, Sen. Dick Gordon at Senate President Vicente “Tito” Sotto III para lumikha ng pinakamalawak na alyansa ng mga nagnanais ng pagbabago sa 2022.
Una nang sinabi ni Lacson na tatakbo siya sa pagkapresidente kung makakatambalan niya si Sotto bilang VP.