- July 3, 2024
-
Search in People's Balita
Ang Diyaryong Pinagkakatiwalaan
Archive for September 25th, 2021
Active COVID-19 cases sa NCR nakikitang papalo sa 58-K sa katapusan ng Setyembre
Binago ng Department of Health (DOH) ang kanilang COVID-19 case projections para sa National Capital Region (NCR).
Ayon kay Health Undersecretary Maria Rosario Vergeire, patuloy na kumakalat ang virus pero sa mas mabagal na rate.
Sa kanilang tantiya, maaring aabot ang COVID-19 active cases ng 58,117 pagsapit ng Setyembre 30 bago ito bababa sa 54,780 sa Oktubre 15 at 46,536 sa Oktubre 31.
Nakikita rin nila na sa Oktubre maitatala ang peak pagdating sa mga active cases o iyong mga pasyenteng nagpapagaling pa sa COVID-19.
Samantala, sinabi rin ng DOH na posibleng makapagtala ng 6,085 na bagong mga kaso ng COVID-19 pagsapit ng Setyembre 30.
Gayunman, nilinaw ni Vergeire na maari pa ring magbago ang mga projections na ito dahil nakabase lamang ang mga ito sa kanilang assumptions at mga pagbabago sa actual case trend.
TOM, gustung-gusto nang makasama ni CARLA ‘pag natapos na ang kanilang lock-in taping
DESPITE the challenges of the COVID-19 pandemic, nagawa pa ring maayos nila Carla Abellana at Tom Rodriguez ang kanilang kasal na sa Nobyembre magaganap.
Ayon kay Carla, wala raw nabago sa original plans nila. May mga adjustments lang dahil sa mga susundin na protocols.
“Mas mahirap, given kasi pandemic ngayon, most especially because we don’t have full control over what’s happening around us, pati ‘yung protocols, decision ng government, it affects everything. Pero kahit paano naitatawid naman po so far.”
Kahit na matagal na nagkahiwalay ang dalawa dahil sa kanilang lock-in tapings, hindi raw naging hadlang iyon para maayos ang kasal nila.
“This is the longest na nagkahiwalay kami ni Tom. We are both in different tapings kaya we communicate through video chat with our suppliers.
“Tuwing break ng taping namin ng ‘To Have And To Hold’, dun lang ako nakakaharap sa suppliers namin via Zoom. Sa awa ng Diyos, naging successful naman ang lahat for us.”
Looking forward si Carla na makasama na niya ang fiance na si Tom kapag natapos na ang lock-in taping nito ng The World Between Us.
***
PAGKATAPOS nang walong taon, maglalabas si Geneva Cruz ng new single titled “Sinungaling”.
Eight years nagpahinga si Geneva sa recording scene at na-excite siya sa muling paglabas ng new song sa ilalim ng Curve Entertainment at composed ang single niya ni Junji Arias.
Nag-shoot na rin ng music video si Geneva ng ”Sinungaling” na ire-release in October. Dinirek ito ng fellow Smokey Mountain member na si Jeffrey Hidalgo. Ang styling ng video ay mula sa kaibigan niyang si Rachel Alejandro.
Huiing album ni Geneva ay To Manila na ni-release noong 2013. Ilang taon ding tumira abroad ang singer bago siya mag-decide na bumalik sa Pilipinas.
***
BUMUHOS ang pakikiramay sa pagpanaw ng Sex and the City actor na si Willie Gardon sa edad na 57 dahil sa pancreatic cancer.
Gumanap si Garson sa SATC bilang loveable gay BFF ni Sarah Jessica Parker na si Stanford Blatch.
Naging regular si Gardon sa six seasons ng SATC at lumabas din siya sa dalawang film versions ng award-winning HBO comedy noong 2008 at 2010.
Kasama ulit ang character niya sa reboot ng SATC na And Just Like That…
Mensahe ng adopted son niya na si Nathen: “I’m glad you shared your love with me. I’ll never forget it or lose it.”
Nag-post din ng kani-kanilang mensahe sa social media ang mga nakatrabaho ni Garson sa mga shows at pelikula tulad nila Cynthia Nixon, Kim Cattrall, Kristin Davis, Mario Cantone, Ben Stiller, Jason Alexander, Julie Bowen, Chad Lowe, Rex Lee at marami pang iba.
Hinihintay ng marami ang post ni Sarah Jessica on social media ng kanyang magiging mensahe sa pagpanaw ng TV BFF niya.
Bukod sa SATC, lumabas din si Garson sa John from Cincinnati, White Collar, Whole Way Down and Hawaii Five-O.
(RUEL MENDOZA)
STUDENT HEALTH PROFILING SA EDAD 12-17 SINIMULAN NA SA VALENZUELA
SINIMULAN nang ipatupad ng Pamahalaang Lungsod ng Valenzuela ang Student Health Profiling para sa mga estudyanteng 12 hanggang 17 taong gulang dahil sa napipintong pagbabakuna sa mga menor de edad laban sa COVID-19.
Ayon kay Mayor Rex Gatchalian, Setyembre 22 ang simula ng profiling, at kung ang anak ay nag-aaral sa public school sa lungsod, makipag-ugnayan sa class adviser o school principal para sa Student Health Profile information sheet na maaaring makuha o i-fill-out sa pamamagitan ng Google Form.
Kung ang anak naman ay nag-aaral sa private school sa lungsod, ang Pamahalaang Lungsod ay makikipag-ugnayan sa mga private school heads, at makipag-ugnayan lamang sa kanila o sa class adviser ng anak para makakuha ng Student Health Profile information sheet.
Para naman sa mga estudyanteng Valenzuelano na nag-aaral sa public o private schools sa labas ng Valenzuela, abangan ang ilalabas na URL/website link para sa online submission ng Student Health Profile.
Ipinaalala ng Pamahalaang Lungsod na tanging mga magulang/ authorized guardian lamang ang maaaring kumuha at/o mag-fill out ng Student Health Profile information sheet; italaga ang mga tamang impormasyon ng anak at; ipasa muli ang information sheet sa guro ng anak.
Ang pagbabakuna sa mga menor-de-edad sa Valenzuela ay bukas para sa mga estudyanteng nasa Grades 6 to 12 o nasa edad 12-17 taong gulang.
Giit ng Pamahalaang Lungsod, taga-Valenzuela man o hindi, basta’t nag-aaral sa lungsod ay maaaring mabakunahan laban sa COVID-19.
Inaaasahan umano ng City Hall ang kooperasyon at suporta ng bawat magulang/guardian at mag-aaral sa inisyatibong ito, at hinimok ang lahat na magpabakuna na para sa magandang kinabukasan. (Richard Mesa)
YEN, binura na ang lahat ng posts at photos kaya mas lalong nagduda ang netizens sa kanila ni PAOLO
DAHIL binura ni Yen Santos sa kanyang IG account ang mga pictures nilang dalawa ni Paolo Contis mas lalong nagduda ang netizens na may relasyon nga sila ng aktor.
Bakit naman tinanggal ni Yen ang pictures nila ni Paolo kung wala naman silang itinatago?
Mas lalo tuloy naisip ng nga netizens na may romantic involvement sila ng Kapuso actor.
Kaya para matigil ang bashing ay inalis na niya ang photos nila ng dating karelasyon ni LJ Reyes.
Pero mas lalo lang umigting ang paniwala ng netizens na there is more than friendship ang namamagitan kina Yen at Paolo.
***
PINAGKAKAGULUHAN sa isang soft porn site ang picture ni Marco Gallo, ang leading man sa upcoming horror love story na Ang Manananggal na Nahahati ang Puso.
May butt exposure kasi si Marco sa mga litratong posted sa site. Kuha ang mga photos mula sa eksena ng movie na dinirek ni Darryl Yap.
Tuwang-tuwa ang mga beki na nakatuklas sa litrato ni Marco. Flawless ang skin ng binata.
Sa soft porn site lang lumabas ang photos ni Marco. Hindi naman ito pwede ilabas sa FB or sa IG kasi bawal ang hubad na litrato at baka ma-block pa ang account mo for sharing such kind of photos.
Kaya yung mga beki na nakakita ng pictures ni Marco ay malamang na magkakainteres na panoorin ang pelikula ni Darryl Yap na ipalalabas via streaming simula October 1.
(RICKY CALDERON)
DOTr: Mga tollways hindi tataas ang fees
Binalita ng Department of Transportation (DOTr) na wala munang mangyayaring pagtaas ng toll fees sa mga expressways dahil sa nararanasang pandemya sa ating bansa.
Binigyan ng kariguraduhan ni DOTr Secretary Arthur Tugade ang mga motorista at mamayan na walang mangyayari pagtaas ng toll fees habang may pandemya.
“I am giving my assurance to the motorists and users of the country’s expressway that they need not to worry about paying increased toll fees amid the COVID-19 pandemic,” wika ni Tugade.
Ayon pa rin kay Tugade na nakikita din niya na kailangan ng mga operators ng mga expressways na magtaas ng kanilang toll fees upang magkaron ng revenues na kanilang gagamitin sa operasyon ng mga expressways, subalit mas kailangan bigyan ng proteksyon ang mga kapakanan ng mga mamamayan sa gitna ng hindi magandang epekto sa ating ekonomiya na dala ng pandemya.
“We need to strike a good balance – between the needs of our investors and the public. Considering the conditions imposed by the pandemic, the DOTr may approve toll rate hikes but such will definitely be implemented at a later date,” dagdag ni Tugade.
Samantala, sinimulan na ng San Miguel Corp. (SMC) ang pangongolekta ng toll fee sa Skyway Stage 3 noong nakaraang July 12 kung saan tumagal din ng pitong (7) buwan ang libreng paggamit ng 18-kilometer na Skyway 3.
Gamit ang bagong toll fee matrix na mas mababa kaysa sa dating inihain na toll fees, nangongolekta na sila ngayon sa mga motoristang gamit ang mas maikling distansya.
Binigyan ng Toll Regulatory Board (TRB) ang SMC ng toll operating permit at notice na maaari na silang mangolekta ng toll fee para sa Skyway 3 simula noong July.
“We started collecting toll on the new elevated expressway last July 12 using a revised toll fee matrix that is lower than the original proposed toll fees, particularly for motorists traveling shorter-distances. We were given a toll operating permit and a notice to start collecting toll by the TRB on Skyway Stage 3,” wika ng SMC.
Ang Skyway on-and off-ramps na bukas na ngayon ay ang mga sumusunod: Buendia SB Exit at NB Entry; Quirino NB at SB Exit; Plaza Dilao SB Entry; Nagtahan SB at NB Exit; E. Rodriguez SB Exit; Quezon Ave. SB Exit at Entry; Quezon Ave. NB Exit at Entry; A. Bonifacio NB Exit; NLEZ NB Exit at NLEX SB Entry. LASACMAR
2 tulak nalambat sa P24 milyong marijuana sa Navotas
NASAMSAM ng mga awtoridad ang tinatayang nasa P2.4 milyon halaga ng marijuana sa dalawang hinihinalang drug pushers matapos maaresto sa isinagawang buy-bust operation sa Navotas City, kamakalawa ng gabi.
Kinilala ni Navotas police chief Col. Dexter Ollaging ang naarestong mga suspek na sina Ali James Erese alyas “Ali”, 20 ng 99 4E Hermosa St., Brgy. 200, Manila at Joseph Raven Cotejo, 22 ng Wawa 3 Salinas Rosario Cavite.
Sa report ni Col. Ollaging kay Northern Police District (NPD) Director PBGEN Jose Hidalgo Jr, dakong alas-9:20 ng gabi nang magsagawa ang mga operatiba ng Station Drug Enforcement Unit (SDEU) sa pangunguna ni PLT Luis Rufo Jr, ng buy-bust operation sa Sitio Sto Nino Brgy. NBBS Proper kung saan isang undercover police ang nagawang makipagtransaksyon sa mga suspek ng P14,000 halaga ng droga.
Matapos tanggapin ng mga suspek ang marked money mula sa poseur-buyer kapalit ng isang malaking brick ng hinihinalang pinatuyong dahon ng marijuana ay agad silang dinamba ng mga operatiba.
Nakumpiska sa mga suspek ang humigi’t-kumulang sa 20 kilo’s ng hinihinalang pinatuyong dahon ng marijuana na may Corresponding standard drug price (SDP) P2,400,000.00, buy-bust money na dalawang tunay na P1,000 bills at 12 pirasong P1,000 boodle money, plastic bag, duffle bag, north face hiking bag at cellphone.
Kaugnay nito, pinuri ni NCRPO Chief PMGEN Vicente Danao Jr, ang Navotas PNP sa ilalim ng pamumuno ni Col. Ollaging dahil sa matagumpay na pagkakaaresto sa mga suspek at pagkakakumpiska ng naturang illegal na droga.
Nahaharap ang mga naarestong suspek sa kasong paglabag sa RA 9165 o Comprehensive Dangerous Drugs Act of 2002. (Richard Mesa)
Iloilo City gov’t nagpaliwanag sa maling brand ng bakuna ang naiturok sa vaccinee
Nagpaliwanag ang Iloilo City government kasunod ng reklamo ng isang vaccinee na binakunahan ng first dose ng Coronavirus disease 2019 (COVID-19) vaccine na Sinovac ngunit para sa kanyang second dose, Moderna na ang naiturok sa kanya.
Sa panayam ng Bombo Radyo kay Iloilo City Mayor Jerry Treñas, sinabi nito na base sa naging sagot ng Iloilo City Health Office kasunod ng insidente, na “overlook” lang ng assessment at vaccination personnel ang first dose na Sinovac na nakalagay sa assessment at vaccination card ng nagrereklamo.
Ayon sa alkalde, pagod na ang mga vaccinators at halos walang pahinga at kailangan na mag-move on na lang upang maiwasan na maulit ang katulad na pangyayari.
Una nang sinabi ng alkalde na kailangan may gawing disciplinary action sa vaccinator na nagturok ng maling bakuna sa nasabing vaccinee.