2021 October Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for October, 2021

Dolomite Beach isara muna – Binay

Posted on: October 29th, 2021 by @peoplesbalita No Comments

Habang wala pang malinaw na regulasyon ang Department of Environment and Natural Resources (DENR), iginiit ni Sen. Nancy Binay ang pagpapasara ng Dolomite beach sa Manila Bay.

Ayon kay Binay, ito ay habang walang maliwanag na sistema ang DENR para sa mga taong nagtutungo sa naturang lugar.

Iginiit pa ng senador na nagsisikap ang mga frontliner sa health sector para makontrol ang hawaan ng COVID-19 at ng sumusulpot na variants nito, kaya kakatwa na may mga okasyon o lugar kung saan hinihikayat ang pagtitipon o kumpulan ng maraming tao.

Iminungkahi naman ni Binay na dapat kapulutan ng leksyon ng national at local government units (LGUs) ang pagdagsa ng mga tao sa Dolomite beach.

Dahil ibig sabihin umano nito ay kailangan nang isama sa urban planning ang mga bukas na lugar na mapupuntahan ng mga tao sa ilalim ng new normal na bunsod ng ekonomiya. (Gene Adsuara)

KIM, posibleng makalaban ni SHARON sa pagka-Best Actress sa next awards season ayon sa netizens

Posted on: October 29th, 2021 by @peoplesbalita No Comments

ANG Halloween presentation ng Reality Multi Media Studios at Viva Films na Sa Haba ng Gabi ang pangatlong pelikula nina Jerald Napoles at Kim Molina para sa 2021. Ibang-iba nga ito sa Ang Babaeng Walang Pakiramdam at Ikaw at Ako at ang Ending.

Ang multi-awarded director na si Erik Matti ang producer at si Miko Livelo ang direktor ng Sa Haba ng Gabi na kung saan bida rin si Candy Pangilinan at mapapanood ito ngayon sa Vivamax sa maraming bansa.

Ang Sa Haba ng Gabi na tungkol sa zombie apocalypse ay pabiro ngang ikinumpara nina Jerald at Kim na comedy version ng Kingdom, ang 2019 hit South Korean horror thriller na gumawa ng record sa Netflix.

Kinunan ang comedy-horror movie sa isang mansion sa Tagaytay City at kahit matagal nilang natapos ang movie, hindi talaga malilimutan nina Kim ang malakas na bagyo at sinabayan pa ng lindol. Labis nga silang humanga sa pagmamalasakit na ipinamalas ng production staff sa kanilang proyekto na tiyak naman na riot ang reunion nina Kim, Jerald at Candy na magdadala ng katatawanan at katatakutan, kaya nood na sa Vivamax.

Samantala, marami nakapansin sa husay sa pag-arte ni Kim sa Ang Babaeng Walang Pakiramdam, kaya sabi ng viewers at netizens, strong contender daw siya sa pagka-Best Actress next year at posibleng makatunggali niya si Sharon Cuneta sa Revirginized at iba pang mahuhusay na aktres.

Gulat naman si Kim sa kanyang reaction, “hindi ko po talaga alam, pero ang award ay award, hindi naman ako mag-iinarte na hindi kailangan yun ganyan.

“Pero ang reaction ko, pag may ganyan, hindi pa rin mag-sink in lahat. But it is very humbling at nakatutuwa that people got to appreciate my craft. So, thank you!”

***

DADALHIN ng fast-rising Kapuso actor na si Kelvin Miranda ang mga fans sa isang musical journey sa kanyang latest single under GMA Music, ang “Slow Dance.”

Pagkatapos na mahalin ng viewers bilang Marcus sa Stories from the Heart: Loving Ms. Bridgette at bilang Chef Harvey sa GMA Public Affairs’ fantasy-romance series na The Lost Recipe, nagbabalik si Kelvin sa kanyang love for music with this sweet song and tt tells the story of two young individuals transitioning from friends to lovers after their magical prom night.

Written by Jomari Felices Jintalan, “Slow Dance” holds a special meaning in Kelvin’s heart since he dedicates it not only to everyone in a relationship but also to people from all walks of life who want to find hope and inspiration.

“Everybody can relate to this song. This is not a love song for your special someone but a song you can also dedicate to your family and friends. I want this song to provide hope that someday we can all bond again together when this pandemic is over, and we will all just ‘slow dance,’” sabi ni Kelvin.

Samantala, ang hit-fantasy romance series The Lost Recipe nila ni Mikee Quintos ay nakatanggap ng Best Editing and Best Visual or Special FX in TV or Feature Films sa 2021 Asian Academy Creative Awards.

Muli namang nagkasama sina Kelvin at Mikee sa Regal Studio Presents: Promises to Keep.

Tune in to Kelvin Miranda’s “Slow Dance” on Spotify, YouTube Music, Apple Music, and other digital stores worldwide.

Find out the latest news about your favorite Kapuso shows and artists by logging on to GMANetwork.com.

(ROHN ROMULO)

Welcome kay PDu30, paglagda sa PH-Korea free trade pact

Posted on: October 29th, 2021 by @peoplesbalita No Comments

WELCOME kay Pangulong Rodrigo Roa Duterte ang paglagda sa Philippines-Republic of Korea (ROK) free trade agreement, araw ng Martes, Oktubre 26.

Sa naging talumpati ng Pangulo sa 22nd ASEAN-ROK Summit, sinabi nito na ang trade pact ay “needed for our economies to recover and bounce back,” malinaw na tumutukoy ito sa mga epekto ng coronavirus disease (COVID-19) pandemic.

Itinulak din ng Chief Executive ang full implementation ng ASEAN-Korea free trade agreement at maagang pagpasok sa puwersa ng Regional Comprehensive Economic Partnership Agreement.

Ang ASEAN-ROK Summit ay isa lamang sa mga pagpupulong sa nagpapatuloy na 38th at 39th ASEAN Summits and Related Summits, na ang tumayong host ay ang bansang Brunei.

Dumalo ang Pangulo sa high-level meetings virtually sa pamamagitan ng video conference.

Sa naging pahayag naman ng Pangulo sa 38th ASEAN Summit, binigyang diin nito ang “road to recovery” ng ASEAN mula sa COVID-19 ay matagal at mahirap habang ang rehiyon ay nananatiling hilong-talilong mula sa epekto ng pandemiya.

Giit ng Punong Ehekutibo, kailangang tiyakin ng ASEAN ang ” phased and comprehensive implementation” ng comprehensive recovery framework ng regional bloc.

Nanawagan din ang Pangulo para sa agarang pagtatatag ng ASEAN Centre on Public Health Emergencies and Emerging Diseases.

Ito ang huling ASEAN Summit na dadaluhan ji Pangulong Duterte bago siya bumaba sa puwesto sa Hunyo 30, 2022. (Daris Jose)

Gobyerno, target na bakunahan ang 90% ng mga guro at estudyante bago matapos ang Nobyembre

Posted on: October 29th, 2021 by @peoplesbalita No Comments

PUNTIRYA ng pamahalaan na tapusin ang pagbabakuna, kahit man lang 90% ng mga guro, estudyante at iba pang education personnel laban sa coronavirus disease 2019 (Covid-19) bago matapos ang Nobyembre.

Sinabi ni Secretary Carlito Galvez Jr., hepe ng National Task Force (NTF) against Covid-19, bahagi ito ng paghahanda ng gobyerno para tiyakin na ligtas ang isasagawang gradual reopening ng face-to-face classes sa gitna ng Covid-19 pandemic.

“On the opening of the school, we will vaccinate teachers and students and personnel to at least 90 percent before the end of November,” ayon kay Galvez sa Talk to the People ni Pangulong Rodrigo Roa Duterte, Lunes ng gabi.

Tinukoy ang data mula kay Commission of Higher Education (CHED) chairperson Prospero de Vera, iniulat ni Galvez na 57% pa lamang ng mga guro at estudyante ang bakunado laban sa Covid-19, dahilan para itulak ng pamahalaan ang pagpapataas at pagpapaigting ng vaccination drive para sa sektor ng edukasyon.

Sa inaasahang pinalawig na face-to-face classes, nauna nang hinikayat ni de Vera ang mga college students na magpabakuna laban sa Covid-19.

“The good news is in some schools, the vaccination level is very high, as high as 90 plus percent. And 53 percent of our HEIs (Higher Education Institutions) have reported a vaccination level of more than 75 percent among their personnel,” ayon kay de Vera.

Samantala, inilarawan naman nj Galvez ang pagbabakuna sa mga menor de edad na 12 hanggang 17 bilang “instrumental tool” para sa pagbubukas ng face-to-face classes at “ancillary businesses” na may kaugnayan sa education sector.

“Allowing them to have leeway to move around and play will not just help in protecting the mental well-being of minors, but also revive economic activities especially this Christmas season,” aniya pa rin.

Ayon sa 2021 Philippine Projected Population data of the Philippine Statistics Authority, mayroong 12,722,070 young population na may edad na 12 hangang 17 sa bansa.

Ang rollout ng pediatric vaccination sa buong bansa ay sumipa noong Oktubre 29. (Daris Jose)

Booster shots para sa priority groups, maaaring simulan sa Nobyembre

Posted on: October 29th, 2021 by @peoplesbalita No Comments

TARGET ng National Task Force (NTF) Against Covid-19 na simulan sa Nobyembre ang pagbabakuna ng coronavirus disease 2019 (Covid-19) vaccine booster shots sa priority sectors.

Inaprubahan na kasi ng Department of Health (DOH) ang probisyon ng booster shots sa mga fully vaccinated health care workers (A1), na unang nakatanggap ng bakuna noong Marso.

Prayoridad din ang Senior citizens (A2) at immunocompromised adults (A3) ayon kay NTF chief implementer Secretary Carlito Galvez Jr., sa isinagawang Talk to the People ni Pangulong Rodrigo Roa Duterte, Lunes ng gabi.

Ani Galvez, ang Health Technology Assessment Council (HTAC) at All Experts Groups on Covid-19 Vaccines ay nagpalabas ng “positive opinion” sa pagbabakuna ng booster shots.

“Nagpalabas po ng kanilang positive opinion ang HTAC at ang ating All Expert Group para kapag nag-start na po tayo ng boosters sa ating mga health care workers,” ayon kay Galvez.

Sinabi ni Galvez na sinimulan na ng DOH ang pagpo-proseso ng emergency use authorization na inamiyendahan para sa iba’t ibang brand ng bakuna na gagamitin bilang booster shots.

Dalawang milyong booster doses ang inilaan para sa A1 at limang milyon naman para sa A2 at A3 priority groups.

“We have enough doses for them. Regardless of brand, mayroon po tayo na nakatabi ,” dagdag na pahayag nito.

Aniya, hinihintay na lamang nila ang anunsyo ng All Expert Groups kung ito’y heterologous (mixed) o homologous (same brand) vaccination at para sa final guidance mula sa Strategic Advisory Group of Experts on Immunization ng World Health Organization.

Ang mga binakunahan ng Sinovac jab ay maaaring bakunahan ng Pfizer, AstraZeneca o Moderna bilang booster shot. (Daris Jose)

Ads October 29, 2021

Posted on: October 29th, 2021 by @peoplesbalita No Comments

Rookie card ni Serena Williams naibenta sa mahigit P2.2-M

Posted on: October 28th, 2021 by @peoplesbalita No Comments

Naibenta sa auction sa halagang $44,280 o mahigit P2.2-M ang autographed 2003 rookie card ni tennis star Serena Williams.

Ayon sa Goldin Auctions na ito na ang maituturing na pinakamahal na sports card ng isang babaeng atleta na naibenta.

Una kasing naitala ang rookie card ni dating US soccer player Mia Hamm na naibenta sa halagang $34,440.

Ang nasabing card ni Williams ay pag-aari ng isang pribadong indibidwal.

SYLVIA, napagod nang husto kay ‘Barang’ kaya pahinga muna sa pagtanggap ng serye; aminadong tutol sa pagpasok ni ARJO sa politika

Posted on: October 28th, 2021 by @peoplesbalita No Comments

SOBRANG napagod si Sylvia Sanchez sa pagganap niya bilang ‘Barang’ sa Huwag Kang Mangamba kaya ang plano niya ay magpahinga muna ng six months to one year bago tumanggap ng bagong teleserye.

“I liked the role kaya ko ito tinanggap and I am very thankful to Dreamscape for giving me this role kasi sobrang na-challenge ako doing it,” pahayag ng aktres sa zoom presscon ng HKM.

Nagpapasalamat din siya sa kanilang mga director dahil hinayaan siya to interpret the role how she wants it. Bihirang pagkakataon daw na ang isang director ay hahayaan ang isang artista to play the role as she sees or feels it.

“Kaya very special talaga sa akin ang role ni Barang kahit na nahirapan ako. It’s the most challenging role I have done so far. I was drained emotionally and physically. “Kaya I want to take a break para sa pagbabalik ko I have something new to offer,” sabi pa ni Sylvia.

Three weeks na lang at magtatapos na ang Huwag Kang Mangamba. Mas marami pa mangyayaring dapat abangan sa serye.

Tungkol naman sa pagpasok ng anak niyang si Arjo Atayde sa politics ay hindi raw ito gusto.

But since gusto ni Arjo na makatulong sa tao kaya suportado nilang mag-asawa ang binata.

Iga-guide na lang daw nila si Arjo para matiyak na hindi ito malilihis.

***

NAG-ENJOY si Enchong Dee sa pagganap ng pari sa Huwag Kang Mangamba.

“I was able to play a role na malayo sa personality ko,” wika ni Enchong.

Isa sa actor na very vocal sa pagpuna sa mga nakikita niya sa ating kapaligiran. Hindi siya takot to say what he feels.

Naniniwala si Enchong na dapat tayong maging responsableng mamamayan. Hindi raw dapat ang sarili lang natin ang ating iniisip.

“Kung sakaling may natutunan ka na maganda, it is better to teach to it to others para sila ay matuto rin,” sabi pa ng aktor.

***

ANG Sailun Tires ang bagong endorsement deal ni Manila Mayor and presidential aspirant Isko Moreno.

Hindi namin alam kung magkano ang ibinayad kay Mayor Isko pero tulad ng ibang talent fees niya from endorsements, these were donated to charity.

Tulad ng qualities ng Sailun Tires na durability, affordability and safety, ipinakikita ni Isko na ang kanyang values ay tulad sa Sailun, at gaano ka-importante sa kanya na may katulong sa pagpapatupad ng kanyang goals.

Naniniwala si Mayor Isko sa maayos na edukasyon, pagtulong sa mga nangangailangan in all aspects at ang matiyak na ang bawat serbisyo ay agad makukuha at makatutulong sa lahat in the near future.

(RICKY CALDERON)

Ads October 28, 2021

Posted on: October 28th, 2021 by @peoplesbalita No Comments

DOH: Lahat ng bata 12 pataas pwede ng paturok vs COVID-19

Posted on: October 28th, 2021 by @peoplesbalita No Comments

Kinumpirma ng Department of Health na maaari nang maturukan laban sa coronavirus disease (COVID-19) ang lahat ng batang edad 12-17 simula susunod na linggo.

Ito ang kinumpirma ni Health Undersecretary Maria Rosario Vergeire matapos matanong ng reporters tungkol sa pahayag ni vaccine czar Carlito Galvez Jr., Miyerkules.

“Yes we are confirming [nationwide vaccination for children next week],” banggit ni Vergeire kung totoong sisimulan na ang COVID-19 vaccination ng mga bata simula ika-5 ng Nobyembre.

“Guidelines are being drafted.”

Dati kasi ay sa Metro Manila lang pinapayagan ang pediatric vaccination sa mga 12-17 years old gamit ang Pfizer at Moderna, na kinakailangang may comorbidity pa o karamdaman.

Wala pa namang detalye kung saang mga rehiyon, anong mga ospital at pasilidad at kung ilang menor de edad ang target mabakunahan ng gobyerno sa ngayon.

Kanina lang nang sabihin ni Galvez mababakunahan na ang mga bata sa susunod na Biyernes, na maaari pa nga raw maging “as early as November 3.” Gayunpaman, inilinaw ng DOH na ika-5 ng Nobyembre talaga ito igugulong.

Kasalukuyang nagbibigay ng COVID-19 vaccinations sa mga bata ang 28 ospital at pasilidad sa Pilipinas. Inaasahang nasa 40-50 ospital pa ang madadagdag dito ngayong Biyernes, ani Galvez.

Wala pa namang detalye kung saang mga rehiyon, anong mga ospital at pasilidad at kung ilang menor de edad ang target mabakunahan ng gobyerno sa ngayon. (Gene Adsuara)