TIYAK na nagulat at natuwa ang nabigyan ng cash gifts ng mag-asawang Dennis Trillo at Jennylyn Mercado bilang pamasko nila sa kanila. 

Nai-feature ito ng mag-asawa sa kanilang “After All” youtube vlog. Papunta ang mag-asawa para sa regular check-up ni Jen sa coming baby girl nila ni Dennis, at in random ang mga binigyan nila ng papasko.

Para hindi sila makilala ng mga binigyan nila, pareho silang naka-face mask.

First recipient ay isang taho vendor na tinawag ni Dennis sa labas ng bahay nila.  Matapos mapuno ng taho ang malaking coffee mug, ibinigay na ni Dennis ang sobre at dahil umuulan noon, binigyan pa niya ng jacket at rubber shoes si manong na bago umalis ay nagpa-selfie pa sa kanila.

Nagulat din ang grab rider na nag-deliver ng food nila sa ibinigay ni Dennis.

Inabutan din ni Dennis ang security guard nila sa village.  Sa labas ng village, isang pamilya na lulan ng kariton ang mga gamit nila ang tinigilan ni Dennis at inabutan.

Isang lalaki na nakatira sa tricycle kasama ang alagang aso ang sumunod na inabutan ni Dennis. Isang nanay na namamalimos kasama ang tatlong anak. Mag-iinang nakatira sa tabing daan.

Na-sorpresa rin ang first subscriber nila sa kanilang vlog na nasa abroad na pero ipinadala pa rin nila ang cash gift. Isang lola na naglalakad lamang habang nagbebenta ng mga ready-made dresses at last ang isang lolo na nangangalakal.

Kita ang happiness sa mukha nina Jen at Dennis pagkatapos nilang mamigay ng Pamasko.

***

MARAMI nang naghihintay na mga televiewers sa opening salvo for 2022 ng GMA Network, ang Mano Po Legacy: The Family Fortune. 

Mula sa big screen, mapapanood na ito ngayon sa primetime TV at may worldwide premiere na sila sa Monday, January 3, 2022, after The World Between Us sa GMA-7.

Ang first installment of this compelling drama series ay magtatampok sa isang malaking cast na pangungunahan ni Kapuso Primetime Princess Barbie Forteza, sa isang mapanghamong character as Steffy Dy, kasama sina Ms. Sunshine Cruz as her boss, Christine Chan, Ms. Maricel Laxa as Valerie Lim, at si Ms. Boots Anson Roa-Rodrigo, the Matriarch of the Chan family.

Nasa cast din si David Licauco as Anton Chan, Nikki Co as Jameson Chan, Rob Gomez as Joseph Chan, and Dustin Yu as Kenneth Chan. In special roles sina Almira Muhlach, David Chua, Darwin Yu at Casie Banks.

***

  COMEDY Queen Ai Ai delas Alas will cut short her vacation with her husband Gerald Sibayan and children sa North Carolina, dahil bago pa sila umalis papuntang Amerika ay nag-offer na sa kanya ang GMA Network ng isang drama series na pagbibidahan niya.

Matagal na palang wish ni Ai Ai na makagawa ng isang seryosong serye na hindi siya magpapatawa, kaya naging Christmas gift niya iyon at nag-promise siyang pagbubutihin ang trabaho niya kapag sinimulan na nila ito.

Kaya labis ang pasasalamat ni Ai Ai sa Diyos sa lahat ng mga biyayang natatanggap niya, sa kabila ng mga pinagdadaanan natin ngayon.   Patuloy pa rin daw siya sa pagdarasal, na matapos na ang pandemya at makabalik na tayong lahat sa normal na pamumuhay, hindi lamang dito sa Pilipinas kundi sa buong mundo.

May schedule na ng lock-in taping si Ai Ai at buong cast ng serye, kaya malamang na mid-January, 2022, ay babalik na rin siya sa bansa.

(NORA V. CALDERON)

KASAMANG nag-Christmas si senatorial candidate Herbert Baustista ang rumored girlfriend niya na si Ruffa Gutierrez at ang buong pamilya nito.

Sa TikTok video nga na pinost ng aktres, na nag-exchange gift ang kanyang pamilya at makikitang na magkausap sina Herbert at Ramon Christopher Gutierrez.

Sa last part ng video, kita rin na tinawag ang pansin niya ni Ruffa para mag-hi sa camera.

Marami talaga ang kinilig dahil hindi na talaga itinago ni Ruffa kung ano man ang relasyon nila ni ex-Mayor Bautista, na kitang-kita naman na tanggap ng pamilya Gutierrez, na lalo ang Mommy Annabelle ni Ruffa.

As usual, kanya-kanya na naman ang reaction ng netizens, na may natutuwa at meron din naman gulat pa rin sa sinasabing relasyon ng dalawa.

“Luh hahahhaha! Well, happy lang, sige na nga.”

“Mukhang good fit naman si Bistek sa family Gutz.”

“Puro gwapo at maganda yun mga Gutierrez. Nakipag-sabayan si Sarah sa looks pero hindi fit si Herbert.”

“Bastos ka. Tignan mo sa personal si Herbert kung pangit. Kawawa ka.”

“Wala talagang taste si Ropa pagdating sa boylet.”

“Ok nman yung mga dati may mga hitsura. Kay Bistek di ko makita kng ano nagustuhan nya kung sila man.”

“Balikan nya yung panahon na dalagita pa lang sya at nagsisimula pa lang sa showbiz. Ewan ko lang kung magustuhan nya noon ang patpating si Bistek tapos surrounded pa sya ng other hunky boys sa Thats.”

“Pinaka gwapong naging boyfie ni Ruffa ay si Dennis da Silva mala Ricky Martin noong bagets.”

“Downgrade si Ruffa.”

“Meaning tanggap sya ni Mommy Anabel. Di ko sya beg for Ruffa at isa pa, walang pqninindigan ang lalakeng ito. Akala ko ba sila nung nanay ng anak nyang si Athena?”

“She seems too proud and smug with this relationship. Oh well he’s a future senator no wonder no lait si mader dearest sa new boyfie.”

“I wont vote for him. Sa dami ng deserving na makapasok, sayang boto kay bistek.”

“Eh ang kaso ang dami paring voters na boboto kasi familiar sila sa pangalan. Gaya nung survey few months ago. Puro artista kahit walang credibility yung nasa top. Kakaloka! Jusko, yung wish ko talaga nung birthday ko at pasko hindi para sa sarili ko eh. Para sa Pilipinas talaga.”

“Si madir Annabelle na mismo nagsabing Herbert is good for Ruffa daw kasi in-encourage ni Herbert si Ruffa to finish her studies kaya napa enrol daw si Ruffa. Boto si madir infer.”

“Dyan lang pala ang ending ni Ropa. Heniways baka sila talaga. Surprisingly walang nega comments coming from Annabelle. I always thought Ropa had a type, yun mga middle eastern hunks. Ibang iba si Bistek ha.”

“Di sila bagay physically pero alam ko multi millionaire si guy.”

“Napanood ko yung old movie ni Herbert na Bagets, he was cute naman pala. Okay pa rin naman sya ngayon though not hunk level.”

“True. Kung yung Bagets days niya ngayon, sobrang benta siya. He was funny and cute.”

“Basta nagkakasundo, mahal sya at kaya syang buhayin okay na yun. Wala naman sa physical yan.”

“Hahaha pg si Herbert sumama kina Ruffa at mga anak, mapagkamalan pa sya bunso bsta may facemask lang

“I love them. Bagay!”

***

SA pangako ng GMA Artist Center na maka-develop ng globally competitive talents, nagbahagi ang seasoned TV Host at Philippine King of Talk na si Boy Abunda ng kanyang expertise bilang mentor sa naganap na ikatlong batch ng Breakout Room: Master Class Series noong November 16 at 23.

Si Tito Boy, na higit dalawang dekada na sa showbiz bilang talk show host, ay nagturo ng ‘art of public speaking’ sa higit na 20 Artist Center talents.

Present sa virtual workshop sina Julie Anne San Jose, Rayver Cruz, Ken Chan, Rita Daniela, Barbie Forteza, Martin Javier, Sophia Senoron, Kyline Alcantara, Luane Dy, Glaiza De Castro, Jose Sarasola, Patricia Tumulak, Gil Cuerva, Ruru Madrid, Miguel Tanfelix, Derrick Monasterio, Sanya Lopez, Ysabel Ortega, Sanya Lopez, Bianca Umali, Khalil Ramos, Gabbi Garcia, Ashley Rivera, Rocco Nacino, Arra San Agustin, Lexi Gonzales, at Rain Matienzo.

Um-attend din sina Consultant for Comedy, Infotainment, Game and Reality Productions Bang Arespacochaga, Senior Vice President for Entertainment Group Lilybeth G. Rasonable, Senior Assistant Vice President for Alternative Productions Gigi Santiago-Lara, at GMA Artist Center Consultant Johnny Manahan.

“As in all my classes, I don’t say I’m going to teach you what you want to do,” sabi Tito Boy sa simula ng workshop.

“Instead, I would like to help you discover yourselves. I’d like to help you discover your power to tell your story. I’d like to journey with you as you explore, as you examine, as you provoke your question, and most importantly, as you commit mistakes along the way. One of the best ways to learn in the talk business is to commit mistakes.”

Dagdag pa niya ng premyadong host, “Learn all the rules because only then can you break them. Sometimes the best way to create something original is by breaking it. And breaking it is sometimes by committing mistakes.”

Ang second round ng public speaking workshop ay mas interactive dahil required na ang mga artists to participate sa isang mock interview presentation.

Ang Breakout Room: Master Class Series ay isang virtual roundtable discussion where top-notch mentors impart knowledge about their craft.

Marami pang talented industry experts, leaders, and professionals ang madyo-join sa next sessions sa pagpapatuloy ng GMA Artist Center na mag-provide international standard workshops sa kanilang mga stars.

(ROHN ROMULO)

MAGIGING maganda ang pagtatapos ng 2021 para sa Kapuso actor na si Kristoffer Martin dahil sa pakikipagbalikan sa girlfriend na si AC Banzon na ina ng kanyang anak na si Precious Christine o Pre.

Nag-celebrate ng 5th birthday niya si Pre at namasyal silang tatlo sa isang marine theme park.

Post ni Kristoffer sa Instagram: “She turned 5 today. Yes, that fast. Grabe, totoo nga ‘yung sinasabi nila na mabilis ang oras ‘pag may anak ka na. Happy birthday, Pre. You’ve been the best blessing that God has given us. Mahal na mahal ka namin.”

Naging malaking challenge para kay Kristoffer ang 2021 dahil sa sunud-sunod na nangyari sa buhay niya.

Noong January inamin ni Kristoffer sa publiko ang pagiging binatang ama niya. April nang makipaghiwalay ang aktor kay AC at aminin niya ang relasyon kay Liezel Lopez. July nang maghiwalay sila ni Liezel at maging Born Again Christian ang aktor.

Ngayon ay mukhang okey na sila ulit ni AC dahil malaki na raw ang pinagbago ng aktor sa sarili niya.

***

NA-SIGHT si Heart Evangelista sa Netflix’s holiday party kasama ang Bling Empire star na si Kane Lim sa Amerika.

Nasa US ang bida ng GMA teleserye na I Left My Heart In Sorsogon kasama ang mister na si Chiz Escudero at ang twins nito para doon mag-celebrate ng Christmas at New Year.

Sa pinost ni Heart sa social media, enjoy ito makipag-rubbing elbows sa party ng Netflix.

“Had such a lovely time winin’ and dinin’ during @netflix’s Holiday party. Thanks for bringing me, @kanelk_k,” caption pa niya.

Tila bagong BFF ni Heart si Kane dahil pareho silang animal lover. Sa isang post, bitbit nila ang dalawang aso na gusto nilang ampunin pareho.

Balita kasing makakasama sa season 2 ng Bling Empire si Heart. Pero wala pang confirmation ito. Hindi kaya ang pag-attend ni Heart with Kane sa party ay kabilang na sa mga eksena ng naturang reality show?

Anyway, maraming naka-line up na trabaho si Heart sa US kaya tama lang na kasama nito ang kanyang pamilya.

“Same time last year, everything was different. The big shift in our lives made me practice gratitude even more and express my love to my family every single moment. To celebrate this very special holiday with them is the best gift I could ever receive,” sey ni Heart.

Isa sa pinagkaabalahan ni Heart ay ang pakikipag-collaborate niya with local artists to create her first non-fungible tokens (NFTs).

Ang digital object na ito ay puwedeng drawing, piece of music, photo, or video, comes with a certificate of authenticity created by blockchain technology.

***

HINDI pa man umiinit sa mga kamay ng The Clash Season 4 grand champion na si Mariane Osabel ang kanyang napanalunan na P1 million cash prize, ipinangako na niyang mag-donate ng bahagi nito sa mga nasalanta ng Typhoon Odette sa Visayas at Mindanao.

Sey pa ng 22-year old singer na mula sa Iligan City: “Gusto ko pong tumulong sa mga nasalanta ng bagyong Odette. Plano ko po maki-collaborate sa mga co-Clashers ko and gusto ko pong mag-virtual concert for a cause at ibibigay ko po ‘yung nalikom namin sa mga nasalanta ng bagyong Odette.”

Bukod sa pagtulong, gagamitin din daw ni Mariane ang napanalunang premyo sa pagpapatayo ng negosyo at para sa medical assistance ng kanyang nakatatandang kapatid na si Arne na isang kidney transplant patient.

Ang Kuya Arne niya ang malaking impluwensya sa kanyang singing career at una raw itong naniwala na siya ang mananalo sa The Clash.

“Sobrang blessed po kami kasi si Kuya Arne kidney transplant patient, and last year lang kritikal po ‘yung condition ni Kuya and, miraculously, nagamot po siya. Sobrang naka-witness po ako ng miracle na ‘yun po ‘yung isa sa mga inspiration ko na grabe si Lord talaga.

“Sobrang pray po namin no’n and parang nawalan na rin po kami ng pag-asa and tinuloy-tuloy lang po namin ‘yung prayers para kay Kuya and, miraculously, nasagot po. So isa po ‘yun sa isa sa mga pinasasalamatan ko na in good health si Kuya Arne at ‘yung family ko.”

Maliban sa cash prize, ginawaran din si Mariane ng exclusive contract sa GMA-7 at bagong house and lot.

(RUEL J. MENDOZA)