2021 December Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for December, 2021

PDu30, binisita ang mga biktima ng bagyong Odette sa Dinagat islands

Posted on: December 28th, 2021 by @peoplesbalita No Comments

PERSONAL na binisita ni Pangulong Rodrigo Roa Duterte, kasama si Senador Christopher Lawrence “Bong” Go at iba pang opisyal ng pamahalaan ang mga biktima ng bagyong Odette sa Dinagat Islands.

Nakipagkita ang Pangulo sa mga evacuees o bakwit at lokal na opisyal ng nasabing lugar kung saan ay nangako siyang magbibigay ng tulong upang mapabilis ang clearing operations at tulungan ang mga residente na kumpunihin ang kanilang mga tahanan.

Sinabi ni acting Presidential Spokesperson at Cabinet Secretary Karlo Nograles na nagbigay din ng mga sumusunod na direktiba ang Pangulo.

Unang direktiba ng Pangulo ay magbibigay ng financial assistance ang Department of Social Welfare and Development (DSWD) sa mga pamilyang apektado ng bagyong Odette.

Pangalawa, imo-monitor at pangangasiwaan ng Department of the Interior and Local Government ang distribusyon ng nasabing financial assistance.

Pangatlo, patuloy na magbibigay ang DSWD ng family food packs sa mga biktima ng bagyo.

Pang-apat, magbibigay ang National Housing Authority ng housing assistance na nagkakahalaga ng P100-M sa typhoon victims sa Dinagat Islands kung saan ang mga bahay ay “partially at totally damaged.”

At pang-lima, titiyakin ng Department of Energy ang delivery ng gasolina at iba pang petroleum products sa Dinagat Islands.

Samantala, pinasalamatan naman ng Malakanyang ang lahat ng “generous allies” sa international community, development partners, organisasyon, mga pamilya at mga indibiduwal para sa nag-uumapaw na suporta at pagdamay sa mga kababayang filipino.

“We also assure our kababayans that your government continues to work double time in its relief, recovery, and rehabilitation efforts to aid displaced families in hard-hit areas as they begin the process of rebuilding their lives in the aftermath of the most devastating typhoon to hit our country this year,” ayon kay Nograles. (Daris Jose)

John Riel Casimero tuluyan ng napanatili ang WBO bantamweight belt

Posted on: December 28th, 2021 by @peoplesbalita No Comments

Tuluyan ng nakakuha ng clearance sa World Boxing Organization (WBO) si Filipino boxer John Riel Casimero para mapanatili nito ang kaniyang bantamweight champion title.

Sa resolution na inilabas ng WBO na nakapag-comply na si Casimero sa mga kutusan na kanilang inilatag gaya ng pagpakita ng mga medical documents matapos ang pag-atras nito sa laban niya kay Paul Butler noong Disyembre 11 sa Dubai.

Itinakbo kasi sa American Hospital sa Dubai si Casimero dahil sa viral gastritis isang araw bago ang weigh-ins nito.

Dagdag naman ni WBO Championship Committee Chairman Luis Batista Salas, na wala namang anumang kontrobersiya sa pag-atras ni Casimero dahil naisumite naman nito ang lahat ng kanilang hinihinging dokumento.

Sa naganap na holiday party ng NetfliX: HEART, nakitang kasama ang ‘Bling Empire’ star na si KANE LIM

Posted on: December 28th, 2021 by @peoplesbalita No Comments

MAGIGING maganda ang pagtatapos ng 2021 para sa Kapuso actor na si Kristoffer Martin dahil sa pakikipagbalikan sa girlfriend na si AC Banzon na ina ng kanyang anak na si Precious Christine o Pre.

Nag-celebrate ng 5th birthday niya si Pre at namasyal silang tatlo sa isang marine theme park.

Post ni Kristoffer sa Instagram: “She turned 5 today. Yes, that fast. Grabe, totoo nga ‘yung sinasabi nila na mabilis ang oras ‘pag may anak ka na. Happy birthday, Pre. You’ve been the best blessing that God has given us. Mahal na mahal ka namin.”

Naging malaking challenge para kay Kristoffer ang 2021 dahil sa sunud-sunod na nangyari sa buhay niya.

Noong January inamin ni Kristoffer sa publiko ang pagiging binatang ama niya. April nang makipaghiwalay ang aktor kay AC at aminin niya ang relasyon kay Liezel Lopez. July nang maghiwalay sila ni Liezel at maging Born Again Christian ang aktor.

Ngayon ay mukhang okey na sila ulit ni AC dahil malaki na raw ang pinagbago ng aktor sa sarili niya.

***

NA-SIGHT si Heart Evangelista sa Netflix’s holiday party kasama ang Bling Empire star na si Kane Lim sa Amerika.

Nasa US ang bida ng GMA teleserye na I Left My Heart In Sorsogon kasama ang mister na si Chiz Escudero at ang twins nito para doon mag-celebrate ng Christmas at New Year.

Sa pinost ni Heart sa social media, enjoy ito makipag-rubbing elbows sa party ng Netflix.

“Had such a lovely time winin’ and dinin’ during @netflix’s Holiday party. Thanks for bringing me, @kanelk_k,” caption pa niya.

Tila bagong BFF ni Heart si Kane dahil pareho silang animal lover. Sa isang post, bitbit nila ang dalawang aso na gusto nilang ampunin pareho.

Balita kasing makakasama sa season 2 ng Bling Empire si Heart. Pero wala pang confirmation ito. Hindi kaya ang pag-attend ni Heart with Kane sa party ay kabilang na sa mga eksena ng naturang reality show?

Anyway, maraming naka-line up na trabaho si Heart sa US kaya tama lang na kasama nito ang kanyang pamilya.

“Same time last year, everything was different. The big shift in our lives made me practice gratitude even more and express my love to my family every single moment. To celebrate this very special holiday with them is the best gift I could ever receive,” sey ni Heart.

Isa sa pinagkaabalahan ni Heart ay ang pakikipag-collaborate niya with local artists to create her first non-fungible tokens (NFTs).

Ang digital object na ito ay puwedeng drawing, piece of music, photo, or video, comes with a certificate of authenticity created by blockchain technology.

***

HINDI pa man umiinit sa mga kamay ng The Clash Season 4 grand champion na si Mariane Osabel ang kanyang napanalunan na P1 million cash prize, ipinangako na niyang mag-donate ng bahagi nito sa mga nasalanta ng Typhoon Odette sa Visayas at Mindanao.

Sey pa ng 22-year old singer na mula sa Iligan City: “Gusto ko pong tumulong sa mga nasalanta ng bagyong Odette. Plano ko po maki-collaborate sa mga co-Clashers ko and gusto ko pong mag-virtual concert for a cause at ibibigay ko po ‘yung nalikom namin sa mga nasalanta ng bagyong Odette.”

Bukod sa pagtulong, gagamitin din daw ni Mariane ang napanalunang premyo sa pagpapatayo ng negosyo at para sa medical assistance ng kanyang nakatatandang kapatid na si Arne na isang kidney transplant patient.

Ang Kuya Arne niya ang malaking impluwensya sa kanyang singing career at una raw itong naniwala na siya ang mananalo sa The Clash.

“Sobrang blessed po kami kasi si Kuya Arne kidney transplant patient, and last year lang kritikal po ‘yung condition ni Kuya and, miraculously, nagamot po siya. Sobrang naka-witness po ako ng miracle na ‘yun po ‘yung isa sa mga inspiration ko na grabe si Lord talaga.

“Sobrang pray po namin no’n and parang nawalan na rin po kami ng pag-asa and tinuloy-tuloy lang po namin ‘yung prayers para kay Kuya and, miraculously, nasagot po. So isa po ‘yun sa isa sa mga pinasasalamatan ko na in good health si Kuya Arne at ‘yung family ko.”

Maliban sa cash prize, ginawaran din si Mariane ng exclusive contract sa GMA-7 at bagong house and lot.

(RUEL J. MENDOZA)

Pangakong P10B ni PDu30, huhugutin sa calamity, contingency fund, 2022 GAA —DBM

Posted on: December 28th, 2021 by @peoplesbalita No Comments

SINABI ng Department of Budget and Management (DBM) na may paghuhugutan na ang P10-billion aid para sa mga biktima ng bagyong Odette na ipinangako ni Pangulong Rodrigo Roa Duterte.

“For the P10 billion which the resident mentioned, the P2 billion is already available under the NDRRMF which is the long name of the calamity fund,” ayon kay DBM acting secretary Tina Canda sa Palace briefing.

Ang National Disaster Risk Reduction and Management Fund (NDRRMF) o calamity fund ay lump-sum appropriation na nakalaan para sa “aid, relief, and rehabilitation” para sa mga lugar na hinagupit ng human-induced at natural calamities.

Sinabi ni Canda na mayroong P4 bilyong piso ang natitira sa ilalim ng P20-billion NDRRMF para sa taong 2021.

“The next P2 billion is available under the President’s contingent fund,” anito.

Matatandaang, nangako si Pangulong Duterte na mangangalap ng P10 bilyong piso para sa rehabilitation at recovery efforts sa typhoon-affected areas, ayon kay acting presidential spokesperson Karlo Nograles.

Ang pangakong ito ng Pangulo ay matapos niyang ihayag na ubos na ang pondo dahil sa COVID-19 pandemic.

“The remainder P6 billion will be available in a couple of days once the GAA (General Appropriations Act) is signed for 2022,” ani Canda.

“When is it going to be signed? We expect the 2022 budget measure will be signed before the year ends so it’s between after Christmas until the 29th these are the days that are open,” dagdag na pahayag ni Canda. (Daris Jose)

Paggamit ng face shield, mananatiling boluntaryo sa mga lugar na nasa Alert Level 2 –Nograles

Posted on: December 28th, 2021 by @peoplesbalita No Comments

MANANATILING boluntaryo ang paggamit ng face shield sa mga lugar na nasa Alert Level 2 maliban na lamang sa mga ospital.

Ginawa ni Acting Presidential Spokesperson at Cabinet Secretary Karlo Nograles ang paglilinaw matapos sabihin ni Pangulong Rodrigo Roa Duterte na kailangang ipagpatuloy ng nga tao ang paggamit ng face shields sa gitna ng pagpasok ng Omicron variant ng coronavirus sa bansa.

“Under Alert Level 2, the mandatory use of a face shield is only for hospital settings. Those are our guidelines,” ayon kay Nograles.

“As to what the President said, it was only to remind people that the use of a face shield is voluntary to have an additional layer of protection,” dagdag na pahayag nito.

Nauna rito, sinabi ng World Health Organization (WHO) na wala ng pangangailangan para imandato ang pagsusuot ng face shield sa gitna ng pagsulpot ng Omicron variant.

“The virus is airborne, transferred via close contact transmission. What is important is observing social distancing, wearing face mask and hygiene,” ayon kay WHO representative to the Philippines Dr. Rabindra Abeyasinghe.

“As long as these minimum public health protocols are complied with and we ensure that people do not congregate in closed settings…face shields, at this point, are not mandatory because we are still looking at and understanding the transmission dynamics of the Omicron variant,” dagdag na pahayag ni Abeyasinghe.

Sa ulat, kinumpirma ng Department of Health (DOH) ang tatlong kaso ng Omicron variant sa gitna ng pagbaba ng bilang ng bagong COVID-19 cases sa bansa.

Nito lamang Disyembre 21, nakapagtala ang Pilipinas ng 168 bagong COVID-19 cases, pinakamababa sa daily count sa loob ng isangbtaon at pitong buwan.

Inilagay naman ng gobyerno ang buong bansa sa ilalim ng Alert Level 2 para sa buong buwan ng Disyembre.

Sa ilalim ng Alert Level 2 — ang second lowest sa bagong alert level system — ilang establisimyento at aktibidad ang pinapayagan ng 50% capacity indoors para sa fully vaccinated adults (at menor de edad at maging hindi bakunado), at 70% capacity outdoors. (Daris Jose)

Paggamit ng face shield iminungkahi ni Duterte na ibalik vs Omicron variant

Posted on: December 28th, 2021 by @peoplesbalita No Comments

Muling iminungkahi ni Pangulong Rodrigo Duterte ang pagsusuot ng face shield bukod sa pa sa face mask dahil sa banta ng Omicron coronavirus variant.

Sa kaniyang “talk to the people” nitong Martes ng gabi, sinabi ng pangulo na kahit na binabatikos at pinagtatawanan ng ibang bansa ang paggamit ng face shield sa mga pampublikong lugar sa Pilipinas ay malaking tulong aniya ito para maiwasan ang pagkalat ng virus.

Pinayuhan niya ang mga mamamayan na huwag munang itapon ang mga face shields dahil ito ay magagamit bilang doble proteksyon.

“Continue using it I advise you,” ani Pres. Duterte. “I really firmly believe that the wearing of face shield has contributed a lot.”

Magugunitang noong nakaraang mga buwan ay tinanggal ng Inter-Agency Task Force (IATF) ang paggamit ng face shield matapos ang tuluyang pagbaba ng kaso ng COVID-19 sa bansa.

“It might be not really a well-studied proposition but I would dare say that the shield will add another layer of protection,” giit pa ng pangulo.

PDu30, nangako ng pabahay, pagbabalik ng suplay ng kuryente sa mga Odette-hit areas

Posted on: December 27th, 2021 by @peoplesbalita No Comments

NANGAKO si Pangulong Rodrigo Roa na magbibigay ng housing assistance at tiyakin na agad na maibabalik ang suplay ng kuryente sa mga lugar na hinagupit ni bagyong Odette.

Sinabi ni acting Presidential Spokesperson at Cabinet Secretary Karlo Nograles na nagbigay kasiguraduhan ang Pangulo sa ginawa nitong pagbisita sa mga lalawigan ng Cebu at Bohol, araw ng Linggo.

“In Argao, Cebu, the President interacted with the local government officials and evacuees in the area. He instructed Department of Human Settlements and Urban Development Secretary Eduardo del Rosario to provide housing assistance to residents whose places of residence have been damaged by the typhoon,” ayon kay Nograles.

“President Duterte likewise instructed Department of Energy (DOE) Secretary Alfonso Cusi to call on the private sector to help and encourage gas stations to open and operate. In addition, the DOE is working double time to restore energy in Cebu,” dagdag na pahayag nito.

Aniya pa, noong panahon na binisita ni Pangulong Duterte ang Cebu, naibalik na ang suplay ng kuryente sa ilang bahagi ng lalawigan para magamit ang mga ospital.

Idagdag pa rito, naglaan ang Department of Agriculture ng P445 milyong piso para tulungan ang mga magsasaka at mangingisda sa rehiyon kung saan ang mga ani ay sinira ni bagyong Odette.

“President Duterte underscored that while the effects of the typhoon is devastating even as the country continues its battle against COVID-19, the government must help because people need help,” ayon kay Nograles.

“He then committed that the national government will urgently provide for the needs of typhoon-hit areas and their residents, which include rice and water, construction materials for rebuilding of damaged houses, and housing assistance, with topmost priority given to the poor,” dagdag na pahayag nito. (Daris Jose)

P2-B pondo inilaan ng gobyerno para sa relief ops – Defense Chief

Posted on: December 27th, 2021 by @peoplesbalita No Comments

Nasa P2 bilyong piso ang inilaan ng pamahalaan para sa relief efforts sa mga lugar na sinalanta ng Bagyong Odette.

Ito ang inihayag ni Defense Secretary at NDRRMC Chairman Delfin Lorenzana kasabay ng pagtiyak na ang lahat ng mga nangangailan ay pagsisilbihan sa takdang panahon.

Nagpahayag naman ng kumpiyansa ang kalihim na kakayanin ng pamahalaan ang paghahatid ng tulong sa mga apektadong mamayan nang walang tulong mula sa ibang bansa.

Pero kung may mga tutulong ay welcome ito sa pamahalaan.

Sinabi pa ng kalihim na sa ngayon ay ongoing pa ang assesment ng kapinsalaan na dulot ng bagyo.

Ang priority aniya sa ngayon ay ang paghahatid ng pagkain, tubig at tulong medikal sa mga biktima, at Inatasan na niya ang AFP na ideploy ang lahat ng available assets para dito.

Samantala, umalis kahapon mula sa Cavite City ang BRP Agta (LC290) patungong Cebu City dala ang halos 15 Tonelada ng relief supplies para sa mga biktima ng bagyong “Odette”.

Nauna rito, naghatid ng 7000 kahon ng pagkain ang Phil. Navy sa Siargao sakay ng BRP Ivatan (LC298).

Ipinadala din ng Phil. Navy sa sa Siargao ang BRP Ang Pangulo (ACS25) na pinagamit ng Pangulong Duterte Bilang Floating hospital.

Una nang sinabi ni Phil. Navy Spokesperson Commander Benjo Negranza na Bukod sa mga naturang barko, nakahanda rin ang Navy na ideploy ang BRP Tarlac (LD601), BRP Bacolod City (LC550), at BRP Iwak (LC289), para tumulong sa Humanitarian ang Disaster Relief Operations sa mga lugar na lubhang napinsala ng bagyong “Odette”. (Daris Jose)

15 toneladang relief supplies hinatid ng C-130 sa Cebu

Posted on: December 27th, 2021 by @peoplesbalita No Comments

Naihatid na ng C-130 aircraft ng Philippine Air Force (PAF) ang nasa 15 tonelada ng relief supplies para sa mga biktima ng Bagyong Odette sa Cebu.

Ayon kay PAF Spokesperson Lt. Col. Maynard Mariano, ang mga relief supplies ay inilipad mula sa Villamor Airbase patungong Benito Ebuen Airbase sa Mactan kahapon sa dalawang sortie.

Kinabibilangan ito ng relief goods kasama ang mga sako ng bigas, galon ng tubig at mga delata.

May karga rin itong mga non-food item tulad ng tent, toiletries, mga donasyong damit at generator set.

Ipamamahagi ang relief goods sa Visayas Region at Northern Mindanao.

Samantala, bukod sa relief operations, tiniyak ng PAF operations sa mga lugar na lubhang naapektuhan ng bagyo. (Daris Jose)

P8-M halaga ng food packages, tulong ng China sa mga sinalanta ng bagyong Odette

Posted on: December 27th, 2021 by @peoplesbalita No Comments

Nagpaabot ng tulong ang China sa mga sinalanta ng Bagyong Odette sa Pilipinas.

Ayon kay Chinese Ambassador to the Philippines Huang Xilian, naghatid ng 20,000 food packages ang China na nagkakahalaga ng P8 million sa iba’t ibang probinsya sa bansa na hinagupit ng naturang bagyo.

Kabilang na aniya rito ang probinsya ng Cebu, Leyte, Negros Occidental, Bohol, Cagayan de Oro City, Surigao City at Negros Oriental.

Iginiit ni Huang na gagawin ng China ang lahat ng kanilang makakaya sa pagtulong sa pamahalaan ng Pilipinas sa mga sinalanta ng bagyo kamakailan.

Umaasa raw sila na makakabalik sa kanilang normal na pamumuhay ang mga mga biktima ng bagyo sa lalong madaling panahon.

“Our hearts go out to all the Filipino families who were devastated by Typhoon Odette which has caused massive casualties as well as property loss,” ani Huang.