2022 January 20 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for January 20th, 2022

DA, mag-aangkat ng 60MT ng isda dahil sa ‘Odette’-induced shortage

Posted on: January 20th, 2022 by @peoplesbalita No Comments

SINABI ni Department of Agriculture (DA) Secretary William Dar na may pangangailangan para mag-angkat ng 60,000 metric tons (MT) ng maliit na pelagic fish upang ma- meet ang demand para sa first quarter ng 2022 dahil sa pinsala na natamo ng fishery sector mula sa bagyong Odette noong Disyembre ng nakaraang taon.

Inanunsyo rin ni Dar, ang paglagda sa Certificate of Necessity to Import matapos makita sa isinagawang assessment ang malaking pinsala at nabawasang fish production, lalo na ang galunggong (round scad), sardines, at mackerel.

Sa Laging Handa public briefing, sinabi ni Dar na ginagawa na nila ang lahat ng pamamaaraan para remedyuhan ang Bureau of Fisheries and Aquatic Resources’ projection na 119,000 MT fish supply deficiency sa unang tatlong buwan.

“We are bolstering the aquaculture sector to close gaps in fish production and sustainably improve our catch,” dagdag na pahayag nito.

Sinasabing P4 bilyong piso ang total value loss at damage na natamo ng fishery sector matapos manalasa ang bagyong “Odette” sa bansa noong Disyembre 16 at 17, 2021.

Nakikini-kinita rin ng DA ang isang pulgadang pagtaas sa fisheries at aquaculture input costs kasabay ng global prices ng petroleum at pagkain ng isda.

“We are, as always, striking the crucial balance to ensure fish security among consumers while coming to the aid of our fish producers,” ayon kay Dar.

Dahil dito, naglaan ang DA ng P50 milyong piso mula s a P1 billion Quick Response Fund post- “Odette” para sa pamamahagi ng marine diesel/gasoline engines, fiberglass fishing boats, at distribution ng relief goods gaya ng canned tuna, sardines, at frozen fish.

Isa pang P35 milyong halaga ng interventions ang naipamahagi sa mga apektadong rehiyon. (Daris Jose)

Indonesia may bago ng capital city

Posted on: January 20th, 2022 by @peoplesbalita No Comments

PINALITAN na ng Indonesia ang kanilang capital na mula sa dating Jakarta ay inilipat na nila ito sa Kalimantan.

Matatagpuan ang Kalimantan sa mala-gubat na lugar sa silangang bahagi ng Borneo Island.

Ang nasabing hakbang ay inaprubahan ng mga mambabatas dahil sa dumaraming mga naninirahan na sa Jakarta at nagiging political center na ito kaya nagpasya sila na maghanap ng bagong capital.

Ibinase ng mga mambabatas sa ilang konsiderasyon ang paglipat ng capital city gaya ng regional advantages at kapakanan ng mga tao.

Noon pang 2019 ng ianunsiyo ni Indonesian President Joko Widodo ang plano nilang magkaroon ng bagong capital.

MARICEL, pinupuri ng netizens sa mahusay na pagganap sa ‘Mano Po Legacy’; si DONNY ang nag-convince na tanggapin

Posted on: January 20th, 2022 by @peoplesbalita No Comments

PINUPURI ng netizens ang pagganap ni Maricel Laxa bilang ang common-law wife na si Valerie Lim sa GMA primetime teleserye na Mano Po Legacy: The Family Fortune.

Sa mga tagahanga pa rin ng award-winning veteran actress, hindi pa rin daw nawawala ang husay ni Maricel sa pag-arte na hinangaan nila noon sa mga pelikulang Iisa Pa Lamang at Ikaw Ang Lahat Sa Akin.

Natutuwa ang netizen sa pagiging ganid sa pera at pakikipagtarayan ni Maricel kay Sunshine Cruz. Pero may kahinaan din ang character niya dahil sa hindi magandang family background na kanyang tinatago.

Nasabi na noon ni Laxa na homecoming niya ang teleserye with GMA dahil nagsimula siya sa GMA Supershow ni Kuya Germs at doon nagsimula ang lahat sa kanya.

“Para akong nabalik sa magagandang memories of my beginnings. I never imagined that I would be here in this season of my life. Hindi ko ine-expect na in this season of my life na mayroon pa rin akong projects in showbiz.

“Kasi sa totoo lang hindi na ito ‘yung parang ini-imagine ko para sa sarili ko, I’m very content where I am, I am just so happy seeing and supporting my children doon sa mga ginagawa nila on and off screen,” sey pa ng aktres.

Ang anak daw niyang si Donny Pangilinan ang nag-convince sa kanya na tanggapin ang ‘Mano Po’ teleserye.

“Unang-una dati niya akong pinipilit na mag-say yes pero hindi ko rin sila masisisi na pilitin ako kasi kung may magagandang projects na dumadating, parang hindi rin naman tama na mag-no ako di ba?

“Kasi kahit papaano pala, once na nasa dugo mo ang showbiz parang tumatalon ‘yung dugo pag ka may darating na isang bagay na alam mo na tama para sayo,” diin pa niya.

Thankful din si Maricel na hindi lang mga beterano sa showbiz ang nakakatrabaho niya kundi mga baguhan din tulad nila Barbie Forteza, David Licauco, Rob Gomez, Nikki Co at iba pa.

***

INAMIN ni Faith Da Silva na may isang bagay na iniuwi siya mula sa set ng teleseryeng Las Hermanas na nagtapos na noong nakaraang linggo.

Nauwi raw ni Faith ay ang portrait ng character na si Carla Illustre na unang asawa ni Lorenzo (Albert Martinez) na kamukhang-kamukha niya.

Inakala ng mga televiewers na nasira ang buong portrait sa isang eksena ng Las Hermanas. Pero ang totoo ay hindi ito nasira at natanggal lang daw sa frame. Kaya noong hingin daw ito ni Faith sa production, binigay daw sa kanya bilang souvenir.

Sey ni Faith na hindi raw niya malilimutan ang unang pinagbidahan niyang teleserye kunsaan nakasama pa niya sina Yasmien Kurdi, Thea Tolentino at Albert Martinez.

Bukod sa mahuhusay na artista, napabubuting tao rin daw ang mga nakatrabaho niya sa serye.

“Outside sa work hindi mo maitatanggi kung gaano sila kababait na mga tao. Para akong nakaroon ng mga bagong kapatid kina Yasmien at Thea,” sey ni Faith na mukhang magiging regular na sa sitcom ni John Lloyd Cruz na Happy ToGetHer.

***

NAG-CELEBRATE ng kanyang kaarawan si Super Tekla na hindi niya kapiling ang dalawang anak na sina Aira at Angelo.

Ang kanyang 12-year old daughter na si Aira ay bumalik na sa lola nito sa Bacolod. Nagpadala naman ito ng birthday message sa kanyang tatay sa programa nitong The Boobay And Tekla Show.

“Hindi porke umalis ako diyan hindi na kita mahal. Mahal na mahal kita daddy. Kailangan ko lang umalis [para] ‘di na rin ako makaabala sa trabaho mo. Magkikita rin tayo soon, daddy,” mensahe ni Aira.

Paliwanag ni Tekla na pinayagang bumalik sa Bacolod ang anak dahil hirap daw itong maka-adjust sa Maynila. Nami-miss daw nito ang kanyang lola at mga pinsan, pati na ang kanyang mga kaibigan sa school.

“Na-culture shock ang anak ko. Akala ko makakapag-adjust siya sa pagbabago ng paligid niya. Hindi ko na -realize na nilayo ko siya sa lugar na nakasanayan niya. Pati kasi sa pagkain, marami siyang hindi gusto dito sa Manila.

“Kaya ‘nak hindi kita inoobliga na pahalagahan mo ako, just ano lang, connect lang sa akin. Kung anong problema mo, nandito lang ako. Just chat me,” emosyonal na mensahe ni Tekla kay Aira.

Ang kanyang bunsong anak na si Angelo naman ay nasa ex-girlfriend niyang si Michelle Banaag. Birthday wish ni Tekla na bumuti na ang kalagayan ng kanyang bunso.

“Magiging kampante lang ako at masaya ako na parang makakatulog akong maayos kapag nakikita ko yong anak kong si Angelo na stable at maayos.”

(RUEL J. MENDOZA)

Tinaguriang kanang kamay ni Pope Francis nagpositibo sa COVID-19

Posted on: January 20th, 2022 by @peoplesbalita No Comments

NAGPOSITIBO sa COVID-19 ang tinuturing na kanang kamay ni Pope Francis na si Cardinal Pietro Parolin.

Kinumpirma ni Vatican spokesman Matteo Bruni ang pagpositibo sa virus ng 67-anyos na ikalawang mataas na opisyal ng Vatican.

Kasalukuyan na rin itong naka-isolate matapos na makaranas ng katamtamang sintomas mula sa nasabing sakit.

Maging si Venezuealan archbishop na si Edgar Pena Parra ang deputy secretary of state ay nagpositibo rin sa COVID-19 subalit siya ay asymptomatic.

Dagdag pa ni Bruni na ang kapwa mga opisyal ng Vatican ay bakunado na laban sa COVID-19.

Ads January 20, 2022

Posted on: January 20th, 2022 by @peoplesbalita No Comments

Garantiya ng Malakanyang, may mananagot sa NBP incident; imbestigasyon, nakakasa na

Posted on: January 20th, 2022 by @peoplesbalita No Comments

SINABI ni Acting Presidential Spokesperson at Cabinet Karlo Nograles na may isinasagawa ng “full investigation” sa New Bilibid Prison (NBP) incident.

Tiniyak ni Nograles na mananagot ang mapatutunayang may kinalaman sa insidente.

“Yes. Of course , mayroon tayong mga procedures na sinusunod diyan kapag nagkakaroon ng ganiyang klaseng mga pangyayari, a full investigation is already under way,” ayon kay Nograles.

Aniya, may mga rekomendasyon base sa imbestigasyon at “those who will be found responsible will be penalized.”

Sa ulat, tatlong inmate ang nakatakas mula sa Maximum Security Compound ng New Bilibid Prison nitong madaling araw ng Lunes, ayon sa pulisya.

Ayon sa inisyal na imbestigasyon ng Muntinlupa police, tumalon ang mga pugante mula sa path walk at nakipagbarilan sa mga guwardiya sa Gate 3 at 4.

Kinilala naman ng Bureau of Corrections (BuCor) ang mga pugante bilang sina:

– Arwin Villeza, 35 (homicide at attempted homicide)

– Drakilou Yosores Falcon, 34 (robbery at homicide)

– Pacific Villaruz Adlawan, 49 (frustrated homicide at illegal drugs)

Pawang armado ang mga nakatakas na preso, na nakasuot ng BuCor shirts.

Dinala naman sa pagamutan ang mga jail guard na nasugatan sa barilan. (Daris Jose)

DOTr, Chinese joint venture , tinintahan ang P142-billion contract para sa PNR Bicol project

Posted on: January 20th, 2022 by @peoplesbalita No Comments

NILAGDAAN ng Department of Transportation (DOTr) at isang joint venture ng tatlong Chinese companies ang multibillion-peso contract para sa pagtatayo ng first package ng Philippine National Railways South Long Haul project (PNR Bicol).

Sa isang kalatas, sinabi ng DOTr na pinirmahan ni Transportation Secretary Arthur Tugade, noong Enero 17 ang “single largest rail contract” kasama ang joint venture ng China Railway Group Ltd., China Railway No. 3 Engineering Group Co. Ltd., at China Railway Engineering Consulting Group Co. Ltd. (CREC JV) para sa PNR Bicol project’s first 380 kilometers mula Banlic, Calamba papuntang Daraga, Albay.

Ang P142-billion Design-Build contract ay para sa “design, construction, and electromechanical works” para sa proyekto.

“The first 380 kilometers of PNR Bicol from Banlic, Calamba to Daraga, Albay will span 39 cities and municipalities, four provinces, and two regions, ” ayon sa DOTr.

“The contract will involve the construction of 23 stations, 230 bridges, 10 passenger tunnels, and a 70 hectare depot in San Pablo, Laguna,” dagdag na pahayag nito.

Sa Facebook post, sinabi ni Chinese Ambassador to the Philippines Huang Xilian na ang kontrata sa pagitan ng DOTr at CREC JV ay “so far the highest-funded G-to-G (government-to-government) project between our two countries.”

Sinabi ng DOTr na ang CREC JV ay kasama sa listahan ng Hong Kong and Shanghai stock exchanges at nasa ranked 35th sa Fortune Global 500 list at panglima naman sa China’s top 500 enterprises noong 2021.

Ang PNR Bicol Project ay isa sa flagship projects ng Duterte Administration sa ilalim ng “Build, Build, Build” program.

Sinabi pa rin ng DOTr na ang PNR Bicol ay mayroong 565 kilometer railway, nagdudugtong sa Kalakhang Maynila patungong southern Luzon provinces ng Sorsogon at Batangas.

“Once fully operational, it will cut travel time between Metro Manila and Bicol from the current 12 hours by road to as short as four hours,” ayon sa DOTr sabay sabing “passenger trains will run at a speed of up to 160 kilometers per hour, while freight trains will run at a speed of up to 100 kilometers per hour.”

“During construction, the project is expected to generate more than 5,000 direct jobs per year,” dagdag na pahayag nito.

Samantala, inaprubahan naman ng National Economic and Development Authority (NEDA) Board ang pagpopondo ng PNR Bicol project sa pamamagitan ng ODA mula China. (Daris Jose)

Pag-revise sa 2022 economic growth targets sa gitna ng expanded Alert Level 3, masyado pang maaga- NEDA

Posted on: January 20th, 2022 by @peoplesbalita No Comments

MASYADO pang maaga para baguhin ng economic managers ang growth targets para sa 2022 sa gitna ng pinalawig na Alert Level 3 sa Kalakhang Maynila at 50 iba pang lugar hanggang katapusan ng Enero.

“With respect to the target for the year, it’s still early days to be revising it whether upwards or downwards because it’s just January 18,” ayon kay National Economic and Development Authority (NEDA) Undersecretary Rosemarie Edillon sa isinagawang Presidential Communications and Operations Office’s (PCOO) virtual press briefing.

Target ng mga economic manager na kasama sa Development Budget Coordination Committee (DBCC), na kinabibilangan ng mga hepe ng Budget and Management, Finance, at Socio economic Planning na gawing 9% ang dating 7% gross domestic product (GDP) growth para sa 2022.

Nauna nang sinabi ng mga economic managers na “the Philippine economy stands to lose P3 billion each week the National Capital Region (NCR) and its four adjacent provinces are under Alert Level 3.”

Ang NCR at karatig-lalawigan nito ay nasa ilalim ng Alert Level 3 simula Enero 7. Pinalawig ng pamahalaan ang alert level hanggang katapusan ng buwan kasama ng mas maraming lugar sa bansa.

Sa ilalim ng Alert Level 3, may ilang establisimyento ang pinayagan na mag-operate ng 30% indoor venue capacity subalit “exclusively” para lamang sa mga fully vaccinated na indibiduwal at 50% outdoor venue capacity para sa mga empleyado na fully vaccinated.

Ang In-person classes, contact sports, funfairs/perya, at casinos ay kabilang sa mga aktibidad at establisimyento na ipinagbabawal sa ilalim ng Alert Level 3.

“Despite the projected billions of pesos worth of economic productivity while the most areas of the country are under Alert Level 3,” ayon kay Edillon.

Sinabi pa niya na “there’s still a lot of developments that can happen, hopefully positive developments.”

“The alert level system is more of a balancing act with respect to health and economic objectives,” dagdag na pahayag nito sabay sabing “the losses under the alert level system are “much tamer” compared to the community quarantine system implemented in 2020 and 2021.”

Kumbinsido naman si Edillon na ang pagpapaigting sa vaccination drive ng pamahalaan ay “very good protection” para sa public health at economic sectors.

Samantala, sinabi ni economic team na nilikha ng pamahalaan ang 10-point policy agenda para i-shift ang bansa mula sa pandemic tungo sa endemic paradigm.

Sakop ng 10-point policy agenda ang mga sumusunod na lugar gaya ng metrics; vaccination; healthcare capacity; economy and mobility; schooling; domestic travel; international travel; digital transformation; pandemic flexibility bill; at medium-term preparation para sa pandemic resilience.

Sinopharm booster, walang side effects kay PDu30- Nograles

Posted on: January 20th, 2022 by @peoplesbalita No Comments

HINDI nakaranas ng kahit na anumang masamang epekto si Pagngulong Rodrigo Roa Duterte matapos na makatanggap ng kanyang Sinopharm booster shot laban sa COVID-19.

Ito’y sa kabila ng wala pang data ang makapagpapakita na ang Sinopharm ay “appropriate booster.”

“Wala naman pong masamang epekto kay President Duterte [ang Sinopharm] sa pagkakaalam namin,” ayon kay Acting Presidential Spokesperson at Cabinet Secretary Karlo Nograles.

Ang pahayag na ito ni Nograles ay tugon sa tanong sa kanya kung bakit Sinopharm ang ginamit na booster kay Pangulong Duterte kahit hindi pa naman inirerekomenda ng vaccine experts panel ng bansa ang Sinopharm bilang booster dahil sa kakulangan ng data kapwa mula sa ibang bansa at manufacturer ng Chinese vaccine.

“The vaccine given to the President, including his primary dose [of two-dose Sinopharm] is between him and his personal physician,” ayon kay Nograles.

Gayunpaman, hindi naman masabi ni Nograles ang timeline kung kailan ilalabas ng mga eksperto ang kanilang rekomendasyon kung ano ang nararapat na booster para sa Sinopharm na itinurok din sa publiko.

“Our experts panel are in touch with the Sinopharm manufacturers for the data so that the proper recommendation for its booster can be issued as soon as possible,” ayon kay Nograles.

Nauna rito, sinabi ni Nograles na nabigyan na ang Chief Executive ng booster shot laban sa COVID-19 at iyon nga aniya ay Sinopharm.

“Sa declaration niya kagabi sa Talk to the People, it appears na nakapag-booster na si Pangulo at Sinopharm ang nagamit,” ayon kay Nograles noong Enero 7. (Daris Jose)

300 tauhan ng DOH nagpositibo sa COVID-19

Posted on: January 20th, 2022 by @peoplesbalita No Comments

UMABOT na sa 300 tauhan ng Department of Health (DOH) ang nagpositibo sa COVID-19 habang nasa 400 naman ang sumasailalim sa ‘quarantine’ dahilan para bumaba ang kapasidad sa paggawa ng ahensya.

“Marami rin po infected, marami rin po naka-quarantine kaya ngayon po medyo mababa po ‘yung workforce namin. But we are still doing and continuing work,” ayon kay Health Undersecretary Maria Rosario Vergeire.

Sa kabila nito, tuloy pa rin ang trabaho sa ahensya dahil sa matagal na nilang ipinatutupad na ‘skeletal workforce’.

Inaasahan na marami na sa mga tauhan nila na nasa ‘isolation’ ang babalik sa trabaho dahil sa binagong polisiya at mas pinaiksing ‘quarantine period’ sa mga bakunado na healthcare workers na nalantad o infected ng COVID-19.

“But because of this new policy direction that we have, ‘yung shift, nakapagbawas na po kami and we are slowly nakakapag-return sa mga bilang ng mga tao sa bawat opisina,” paliwanag ni Vergeire.

Una nang kinontra ng ilang sektor ang pagpapababa sa quarantine period sa mga healthcare workers. Ngunit sinabi ni Health Secretary Francisco Duque III na hindi naman ito sapilitan at maaaring magdesisyon ang iba’t- ibang healthcare institution kung susundin ito.