LUNGSOD NG MALOLOS- Humigit kumulang 150 sako ng mga lumulutang na basura ang nakolekta sa ginanap na maliitang cleaning operation sa mga daluyan ng tubig sa ilalim ng tulay sa Brgy. Tawiran, Obando, Bulacan noong Biyernes, Enero 21, 2022.

Nilinis ng Pamahalaang Panlalawigan ng Bulacan sa pangunguna ng Bulacan Environment and Natural Resources Office (BENRO) at sa pakikipagtulungan ng Municipal Environment and Natural Resources Office (MENRO) ng Obando ang mga basura na nagmula sa ibang lugar at tinangay ng daloy ng tubig sa Obando.

Sinabi ni Gob. Daniel R. Fernando na patuloy ang Pamahalaang Panlalawigan ng Bulacan, sa tulong ng iba pang ahensya ng gobyerno para sa kalikasan, sa paggawa ng kanilang bahagi upang panatilihin ang kalinisan ng lalawigan ngunit idiniin niya na bawat isang tao ay may responsibilidad sa pangangalaga sa inang kalikasan.

“Napakalaki ang ginagampanang tungkulin ng bawat indibidwal sa pagpapanatili ng malinis na kapaligiran. Mahalaga na sa ating sarili at sa ating mga tahanan magsimula ang disiplina sa paglalagay ng basura sa tamang tapunan. Kung mangyayari ito, aabutan pa ng mga susunod na henerasyon ang mga pamana ng ating mga likas na yaman,” anang gobernador.

Ang clean-up drive ay bahagi ng pagtupad sa 10-point agenda ni Fernando o ang “People’s Agenda 10” na kabilang ang Mabiyayang Kalikasan at Malinis na Kapaligiran. (Bishop Jesus “Jemba” M. Basco)

INULAT ni Department of Transportation (DOTr) Secretary Arthur Tugade na umaandar na ang mga sirang elevators at escalators sa Light Rail Transit Line 2 (LRT 2) matapos na makita na isang disabled na pasahero ang umaakyat sa hagdanan habang dala-dala ng dalawang (2) security personnel ang wheelchair nito.

Agad umaksyon si Tugade at inutusan ang Light Rail Transit Authority (LRTA) na ayusin ang mga nasabing sirang elevators at escalators.

Sa kasalukuyan, mayron 34 na elevators at 26 na escalators sa mga estasyon ng LRT 2 ang tumatkbo at umaandar na.

“Last November, I ordered the LRTA, operator of LRT 2 to prioritize the repairs of the defective elevators and escalators to help commuters, especially the elderly, pregnant women, and persons with disabilities. The LRTA commits to work around the clock to repair the remaining non-operational escalators and elevators,” wika ni Tugade.

Ang bagong lagay na LRTA administrator Jeremy Regino ay nagpatawag naman ng isang pagpupulong upang ang mga natitirang sirang elevators at escalators ay maging operational sa lalong madaling panahon.

Isa sa mga options na puwedeng gawin ay ang magkaron ng emergency procurement para sa mga kailangan bahagi at ilagay ang existing na maintenance provider ng LRT 2 upang sila ang gumawa ng pagaayos.

Noong nakaraang December, ang LRTA ay naghain ng complaints sa Office of the Ombudsman laban sa mga opisyales at mga private contractors na sinasabing sangkot sa isang maanomalyang pagbili ng mga equipment para sa nasabing rail line na nagkakahalaga ng P170.3 million

Kasama sa complaint ang P138 million na kontrata na ibinigay sa Ma-An Construction Inc. at IFE Elevators Inc. para sa supply, delivery, installation at commissioning ng conveyance system ng LRT 2. Pinagutos na ni Tugade na ilagay sa mga listahan ng mga blacklisted na suppliers ang nasabing kumpanya.

Ang LRT 2 ay may 13 estasyon simula Recto sa Manila hanggang Masinag, Antipolo na may habang 17.69 na kilometro.

Samantala, nawalan ng operasyon ang LRT line 1 noong nakaraang Linggo dahil sa ginawang testing para sa bagong signaling system. Ayon sa Light Rail Manila Corp (LRMC) na siyang operator ng LRT line1, na kanilang ina-upgrade ang LRT-1’ signaling system upang magtugma sa bagong train sets na tinatawag na fourth generation train sets.

Magkakaron ulit ng suspension ng operasyon sa Jan. 30 upang gawing muli ang testing at nang making kumpleto na ang testing sa bagong signaling system na siyang gagamitin upang mag direct ng traffic sa railway.

Ang LRMC consortium na binubuo ng Metro Pacific Investments Corp.’s Metro Pacific Light Rail Corp., Ayala Corp.’s AC Infrastructure Holdings Corp., at Macquarie Infrastructure Holdings (Philippines) PTE Ltd. ang siyang nanalo ng kontrata para sa pagtatayo ng LRT-Cavite extension project.  LASACMAR

INANUNSYO na ng Professional Regulation Commission (PRC) ang 1,307 mula sa 2,619 na nakapasa sa Medical Technologist Licensure Examination.

Ang nasabing pagsusulit ay ibinigay ng Board of Medical Technology na idinaos sa Manila, Baguio, Cagayan de Oro, Cebu, Davao, Iloilo, Legazpi, Lucena, Rosales, San Fernando, Tacloban, Tuguegarao at Zamboanga ngayong January 2022.

Nanguna sa Medical Technologist Licensure Examination si Kyle Patrick Rivera Magistrado mula University of Santo Tomas (UST) na nakakuha ng 90.40 na rating.

Mula rin sa UST ang pumangalawa na si Natalie Cu na mayroong 89.30 rating, pangatlo ay taga-Southwestern University na si Elaine Dagondon na may 88.70, sunod si Marjo Escalon ng DMMC Institute of Health Sciences, INC na may 88.50.

Samantala, pagdedesisyunan pa ng PRC ang petsa kung kailan at saan isasagawa ang oathtaking ceremony ng mga bagong medical technologist.