Ang Diyaryong Pinagkakatiwalaan
PASOK na sa ikalawang round ng Dubai Duty Free Tennis Championships si Serbian tennis star Novak Djokovic.
Tinalo kasi nito si Lorenzo Museti ng Italy sa score na 6-3, 6-3.
Ito ang unang laro ni Djokovic ngayong taon matapos na ito ay ma-deport sa Australia nitong Enero dahil sa hindi pagsiwalat ng kanyang vaccination status.
Sinabi nito na nasiyahan siya sa kaniyang laro dahil sa ito ang unang pagkakataon na maglaro ngayong taon.
NAGPAALALA ang Bureau of Immigration (BI) sa lahat ng mga dayuhan na nakarehistro sa ahensiya na mayroon na lamang hanggang March 01 upang mag-file ng kanilang 2022 annual report (AR).
Sinabi ni BI Commissioner Jaime Morente na hindi katulad noong nakaraang taon na nagbigay ang kagawaran ng extension, ngayong taon ay hindi na ito magbibigay ng anumang extension ang kagawaran base sa nakasaad sa alien registration act na kinakailangan nilang mag-report “in person” sa ahensya sa loob ng 60 days kada calendar year.
Dagdag pa ni Morente na papatawan ng sanctions, kabilang ang multa at deportation ang hindi susunod kaya pinapayuhan nito ang lahat na hindi pa nag-file na kumuha ng slot para sa BI’s online appointment system.
Sa ilalim ng patakaran, ang lahat ng foreign nationals na rehistrado sa BI at may hawak na of immigrant at non-immigrant visas ay obligadong sumundo sa annual reportorial requirement.
Sa mga magpa-file, kinakailangan nilang ipakita ang kanilang original alien certificate of registration identity card (ACR I-Card) at valid passport.
Exempted na personal na pumunta sa kagawaran ay mga dayuhan na may edad 14 pababa at 65 pataas, gayundin ang buntis, PWDs at mentally and physically incapacitated.
Bukod sa punong tanggapan sa Intramuros Manila maaari din silang magtungo sa iba’t ibang field, district, satellite at extension offices ng ahensya nationwide. (GENE ADSUARA)
“ANDREA, akala mo ba porke’t nagbihis ka na ng maganda at naglagay ka ng mga kolerete sa mukha e mag-iiba na ang tingin ko sa’yo? Ikaw pa rin ang Andrea na nakilala ko. Simple, tahimik at mahal ko.”
Nabigla si Bela sa huling tinuran nito.
“M-mahal?”
“Ano ka ba, bingi, manhid o tanga? Ang sabi ko mahal kita.” pabulong pero madiin ang pagkakasabi ni Jeff.
Daig pa ni Bela ang natuklaw ng ahas. Hindi siya makagalaw. Pakiramdam niya ay sasabog ang kanyang dibdib sa sobrang saya. Pero agad din siyang nahimasmasan nang maisip na baka pinapasakay lang siya ng binata.
“Alam mo okay lang kahit huwag ka nang sumagot, basa na kita, kita ko na sa mata mo na mahal mo rin ako. Dinig ko rin kung ano ang isinisigaw ng puso mo, Sir Jeff tama ba?” nangingiting anang binata. “Sa sobrang lakas nga malamang nadinig din ni Jared!”
Bahagyang dumistansya si Bela kay Jeff.
“Alam mo ang kapal ng apog mo. Pwede ba Sir Jeff, hindi porke’t may nangyari na sa atin e mahal na kita at pag-aari mo na’ko. Walang gano’n, kaya huwag kang ilusyunado!” pabulong ngunit mariin ding sabi ng dalaga sabay irap at talikod.
“What?” naiwang naguguluhan si Jeff. Sa isip isip niya, linya niya iyon sa mga babaeng pinaglaruan lang niya. Walang love na involve. Purely sex lang. At ngayon iyon din ang narinig niya mula sa babaeng mahal niya. “Ano ‘to karma?”
Sinamantala naman ni Jared ang pagkakataon na malapitan si Bela nang makitang iniwanan nito si Jeff.
“Bela!”
“Jared, bakit?”
“Ang ganda ng tugtog ah, sayaw tayo?”
Sinulyapan muna ni Bela si Jeff na nanatili sa kinatatayuan nito bago tumango kay Jared.
Lumukso naman sa tuwa ang puso ni Jared nang pumayag ang dalaga na maisayaw niya sa saliw ng malambing na musikang nagmumula sa violin.
“Salamat Bela at pumayag ka.”
“Ba’t naman ako hindi papayag, wala namang masama sa pagsasayaw at ikaw lang naman ang nag-aya sa akin.”
Naningkit ang mga mata ni Jeff nang makita ang mga kamay ni Jared na nakakapit sa beywang ni Andrea habang ang mga kamay ni Andrea ay nasa balikat ni Jared. Gustong gusto niyang lapitan ang mga ito at hatakin si Andrea para itakas sa okasyong iyon ngunit napigilan pa niya ang sarili. Kahit papa’no kasi ay nahiya rin siya sa mga magulang ng dalaga. Kaya sa halip na lapitan ay pinili niyang humakbang palayo roon.
Kinabahan naman si Andrea nang makitang palabas na si Jeff.
“S-saan siya pupunta?” tanong niya sa isip.
“Ahm, Jared, sandali lang ha.” bumitaw siya sa kanilang pagsasayaw at palihim na sinundan si Jeff. Nakita niya itong sumakay ng motor at pinaharurot iyon paalis. Hindi maiwasan ng dalaga na hindi makadama ng lungkot habang tinatanaw niya ang lalaking mahal palayo.
Habang abala si Angela sa pakikipag-usap sa mga bisita ay nilapitan ni Regine si Bernard at inabutan ng isang basong wine.
“Cheers for Bela!” anang babae.
“Cheers!” tugon naman ni Bernard.
“You know what? You are so very lucky to have your family. Isang buo at masayang pamilya. Parang gusto ko na ngang magsisi na pinakawalan pa kita noon.”
“Regine, mukhang tinatamaan ka na ng alak?” natatawang tanong ni Bernard.
“Ano ka ba, ang aga pa para malasing, naalala ko lang naman ang family ko, they’re all gone. Mabuti na lang nandiyan ka pa.”
“Nandito kami ni Angela para sa’yo, as friends.”
Humarap si Regine kay Bernard at hinawakan ito sa pisngi.
“You’ re all I have Bernard…and I thank you for being there.”
Napakunot noo si Cecilia nang makita ang tagpong iyon. Hindi niya nagugustuhan ang kilos ng babae. Masyado itong malapit kay Bernard na parang may namamagitan sa kanila.
Nagulat pa siya nang biglang yumakap mula sa likuran niya si Andrea.
“Andrea.”
“Ma, dito ka na matulog kahit ngayong gabi lang.” naglalambing na sabi ng dalaga.
“Alam mong hindi pwede, walang kasama si Lola Lucia. Kaya mamaya hahabol ako sa last trip ng bus.”
“Huwag na ma, sasabihin ko kay daddy na ipahatid ka na lang kay Mang Delfin.”
“Sige ikaw ang bahala. Andrea, kilala mo ba ang babaeng ‘yon na kung makapulupot kay Bernard ay daig pa ang ahas?”
“Ah, si Tita Regine po. Siya ang mama ni Janine. Yung kaibigan ko na naikwento ko na po sa inyo dati. At ang sabi po ni mommy, ex girlfriend daw po ‘yan ni daddy na ngayon ay tinutulungan nilang makarecover mula sa mga mabibigat na pinagdaanan sa buhay.”
“Gano’n ba. Iba ang kutob ko sa babaeng ‘yan. Kaya mag-ingat ka anak at maging mapagmatyag. Huwag mong hahayaang masaktan ang mommy mo nang dahil sa kanya.”
Lumipat ang tingin ni Andrea kay Regine at napaisip.
Kung masama ang kutob ni Cecilia kay Regine ay ganoon din ang iniisip nito sa kanya.
“Isang bagong salta sa pamilya na hindi dapat magkaroon ng lugar dito.” sa isip ni Regine habang sinasalinan ng wine ang sariling baso. Nang masalinan na ito ay naglakad siya palapit kay Cecilia at kunwa’y hindi sinasadyang napatid siya at natapon ang wine sa babae.
Nagulat si Cecilia.
“Oh, I’m sorry my dear!”
Pinunasan ni Cecilia ng tissue ang natapunang bahagi ng suot niyang dress.
“Okay lang. Pero mag-iingat ka na. Kasi baka sa susunod, ikaw naman ang matapunan.”
“What do you mean?” kunot noong tanong ni Regine.
“Wala naman. Gusto ko lang talaga na mag-ingat ka.” makahulugan ang ngiti at tinging iniwan ni Cecilia kay Regine.
“Sweetheart, shall we dance?” aya ni Bernard kay Angela.
“Yes.” tinanggap ni Angela ang kamay ng asawa at naka-abrisyete siya ritong sumama patungo sa gitna.
Tinugtog sa pamamagitan ng violin ang paborito nilang awitin na ‘When the girl in your arms is the girl in your heart’.
“Sweetheart, ngayong narito na si Bela,w ala na akong mahihiling pa. I love you both…” ani Angela.
“Ako man. Mahal na mahal ko kayong dalawa kaya wala na rin akong mahihiling pa.” tugon ni Bernard sabay halik sa noo ng asawa.
Si Bela ay masayang nakamasid sa mga magulang. Natutuwa siyang masdan ang mga ito. Para sa kanya, isang huwaran ang kanilang wagas na pag-ibig sa isa’t-isa.
Nasa ganoon siyang pag-iisip nang lapitan siya ni Manang Sonya.
“Andrea Bela, salamat sa pag-imbita pero mauuna na ako ha.”
“Ho? Pero maaga pa naman Manang Sonya, sabay ko na kayong ipapahatid ni mama kay Mang Delfin mamaya.”
“Hindi na. Tumawag kasi sa akin si Sir Jeff, nasa ospital daw siya,sa St.James, malapit lang dito eh, pupuntahan ko muna.”
“Ha? Bakit anong nangyari kay Sir Jeff?”
“Hindi ko pa alam, basta ang sabi puntahan ko raw siya sa St.James hospital.”
“Sasama po ako.”
“Pero…”
(ITUTULOY)
NAGHAHANDA na ang Department of Finance (DOF) ng fiscal consolidation proposal nito para sa gagawing pagpapataas sa singil sa buwis para pambayad sa tumataas na utang ng Pilipinas.
Sinabi ni Finance Secretary Carlos Dominguez III sa Financial Executives Institute of the Philippines (FINEX), na kasama sa kanyang panukala ang measures o mga hakbang na makapalilikha ng revenues o kita para pambayad ng bansa sa utang na ginamit para tugunan ang COVID-19 pandemic.
“We are just putting the final touches on our fiscal consolidation plan and we are not… At this point I don’t have a complete package but certainly, looking realistically at our situation, we have to pay for COVID,” ayon kay Dominguez.
“I mean, we cannot just have COVID and not pay for it okay. You don’t know how much we spent in just paying for the vaccines,” dagdag na pahayag nito.
Sa huling data ng DOF, nakasaad dito na naka-raised ang bansa ng $22.55 billion na budgetary support financing “as of January 14, 2022.”
Kabilang na rito ang mga kasunduan sa Asian Development Bank, World Bank, Asian Infrastructure Investment Bank, tAgence Française de Développement, Japan International Cooperation Agency, Bank of Korea Economic Development Cooperation Fund, at foreign currency denominated global bonds.
“Again I tell you, doing tax reform, doing any reform requires a lot of planning and a lot of strategic thinking. You cannot just go there and start waving a banner and say, ‘Oh, we’ll do this, we’ll do that,’ you can’t do it,” ayon kay Dominguez.
“You have to sit down, think about it, think who your enemies are, think who your friends are, and hopefully your enemies make mistakes and that you don’t,” aniya pa rin.
Sa ilalim ng liderato ni Dominguez, sinimulan ng DOF ang tax reform program ng administrasyong Duterte na may mga kaukulang batas gaya ng Tax Reform for Acceleration and Inclusion (TRAIN), atCorporate Recovery and Tax Incentives for Enterprises (CREATE).
“Reforming the tax system in this country required a lot of confidence and it was a confidence building exercise,” ayon kay Dominguez.(Daris Jose)
NAKARANAS ngayon ng malawakang cyberattack ang Ukraine kung saan tinamaan ang mga government websites.
Ayon kay Deputy Prime Minister Mykailo Fyodorov, na bukod sa mga government websites ay may ilang bangko rin ang nabikitma ng nasabing cyberattacks.
Inakusahan din nila ang Russia na sila ang nasa likod ng cyber-attacks.
Ang ilang mga gumaganang sites ay lumipat na sa ibang provider para maiwasang magkaroon ng malawakang damyos.
Magugunitang noong nakaraang linggo rin ay inatake rin ng cyber attacks ang ilang ministries at banks websites mula sa denial-of-service na galing umano sa Russia.
INARESTO ng mga ahente ng Bureau of Investigation (NBI) ang limang indibidwal dahil sa kasong Grave Coercion at Robbery Extortion.
Kinilala ni NBI Officer-In-Charge (OIC) Director Eric B. Distor ang mga suspek na sina Rowena Nava y Cuision, Jeffey Brequillo y Sanchez, Norman Solsona y Abella, Lando Banzon y Manio at Efren Dela Pena Y Bulura.
Ayon kay Distor, nag-ugat ang nasabing operasyon dahil sa reklamo ng isang complainant na nagmamay-ari ng isang lupa na sinasabing pag-aari din ng mga suspek. Nanghihingi rin ng pera ang mga ito kapalit na pagsasauli sa kanya ang nasabing lupa.
Dahil dito, nagreklamo ang complainant sa NBI at nitong February 16, 202 isinagawa ang operasyon ng mga operatiba ng NBI-Anti Violence Against Women and Children Division (NBI-AVAWCD) sa isang mall sa Quezon City kung saan magkikita ang complainant at mga suspek at kunwang ibibigay nito ang hinihinging pera na nagresulta sa kanilang pagkakaaresto. (GENE ADSUARA)
WALA nang iba pang reyna ng Youtube sa mga artista kung hindi ang sexy actress na si Ivana Alawi.
Nag-post si Ivana last Thursday sa kanyang Instagram account na 15 million na ang kanyang Youtube subscribers.
“Happy 15 million subscribers on Youtube!!!”
At parang pa-bonus ba niya o pasasalamat sa mga subscribers or followers niya ang picture na ipinost na talagang lumuluwa na ang kanyang boobs at halos aninag ang kanyang nipples sa suot na white dress o lingerie.
Eh, ang paglalaba ng walang bra ang isa sa nagpainit ng kasisimulang Youtube channel pa lang ni Ivana noong 2020.
Sa isang banda, kung may isang hahangaan sa Kapamilya sexy actress/vlogger, ito ay ang hindi niya paggamit ng kanyang Youtube channel sa pulitika kumpara sa ibang artista na talagang pinagkakitaan ang mga accounts nila para sa kampanya at mga ini-interview na pulitika.
Ewan kung aaminin ni Ivana, pero halos lahat yata ng mga tumatakbo ngayon mula sa pinakamataas na posisyon ay nag-o-offer at nagwi-wish na ma-feature sa kanyang Youtube channel.
Pero ang alam namin, mas pinili ni Ivana na ‘wag na lang mag-allow ng politics or election-related content sa kanyang channel.
***
BINASA namin ang mga comments ng netizens sa pagiging vocal ni Jake Ejercito sa kandidato sa pagka-Presidente na napili niyang suportahan.
Very vocal si Jake na si VP Leni Robredo ang kanyang iboboto o sinusuportahan. Very evident ito sa mga social media posting ni Jake.
Kung tutuusin, matapang si Jake at tila ipinapakita ang pagiging independent niya pagdating sa sarili niyang choice kahit alam naman ng lahat ang political affiliation ng kanyang ama na si dating President Erap Estrada at gayundin ng kanyang mga kapatid.
Ang recent tweet ni Jake, “Never be so loyal that you betray your country.”
Siyempre, may mga nati-trigger talaga kapag nagtu-tweet o nagpo-post si Jake ng openly support niya kay VP Leni.
May nag-comment kay Jake na, “Your leni just said papakulong niya yun mga anak at pamilya ng magnanakaw. kasama ka at si ellie dun. evaluate your candidate before you take a stand!”
Pero halos lahat ng comments ng netizens kay Jake, puro paghanga.
“Gwapo na, may paninindigan pa.”
“Goals, maging Daddy kahit walang partner. Pero mas goals yung #voteforLeniRobredo.”
“Nice jake!!! iba ka tlaga.”
“Crush ko sya dati ngayon Love ko na, may Prinsipyo at Paninindigan.”
“Jake, the only Ejercito that matters.”
***
MUNTIK nang mabudol o ma-scam ang actor na si Rocco Nacino gamit ang pangalan ni Gabby Eigenmann.
Merong nagpapanggap na siya si Gabby at nangungutang kay Rocco ng 10,000 pesos. Mabuti na lang, hindi agad-agad nagpahiram si Rocco o posibleng nakatunog na may nanloloko sa kanya.
Bukod sa siguro, napaisip din ito bakit biglang mangungutang sa kanya si Gabby ng halagang 10k. So, ang ginawa ni Rocco, nag-send siya ng message kay Gabby asking kung ito nga ang nagme-message sa kanya.
Pinost ni Gabby sa kanyang Facebook account ang screenshot ng conversation nila ni Rocco. At sabi ni Gabby, “Got a call from my friend @nacinorocco, asking if i was the one messaging him on telegram.. sad to say there’s this person using my name and profile pic asking for money.
“Pls do not entertain any messages from this person pretending to be me. Kung sino ka man tigilin mo na ang pangloloko sa mga tao, mas doble ang balik sa karma..”
Nag-comment naman ang kapatid ni Gabby na si Max Eigenmann sa screenshots ng scammer at sinabing dapat daw, mag-aral ito ng tamang grammar, huh!
(ROSE GARCIA)
WALANG kinalaman sa nalalapit na halalan sa Mayo at nagpapatuloy na political campaigns ang hakbang ng mga Metro Manila mayors na ibaba na sa Alert Level 1 ang National Capital Region (NCR).
Sinabi ni Metropolitan Manila Development Authority (MMDA) officer-in-charge at general manager Romando Artes, ibinase ng mga alkalde ang kanilang rekomendasyon sa COVID-19 data sa rehiyon.
“Wala naman pong kaugnayan ito,”ayon kay Artes nang tanungin kung ang nasabing rekumendasyon ay may kiinalaman sa eleksyon at kampanya.
“Ang basehan lang po ng Metro Manila mayors dito ay ‘yung datos po na nakukuha namin sa Department of Health-NCR na nagpapakita naman na bumababa ang kaso natin…Wala pong kinalaman ang eleksyon dito,” dagdag na pahayag nito.
Nagkasundo kasi ang mga NCR mayors na irekumenda na ibaba na sa Alert Level 1 mula sa Alert Level 2 ang alert level status sa NCR simula Marso 1, 2022.
Nauna rito, may ilang kampo ng mga kandidato ang nananawagan sa Commission on Elections na i-adjust ang restriksyon sa in-person campaigning. (Daris Jose)
PARAMOUNT Pictures has just revealed the solo character posters of Sonic, Tails and Knuckles for the upcoming comedy adventure Sonic the Hedgehog 2.
Check out the one-sheets below and see Sonic the Hedgehog 2 only in Philippine cinemas March 30.
[Watch the film’s latest trailer at https://youtu.be/t173IsuKwOU]
About Sonic the Hedgehog 2
The world’s favorite blue hedgehog is back for a next-level adventure in SONIC THE HEDGEHOG 2. After settling in Green Hills, Sonic is eager to prove he has what it takes to be a true hero. His test comes when Dr. Robotnik returns, this time with a new partner, Knuckles, in search for an emerald that has the power to destroy civilizations. Sonic teams up with his own sidekick, Tails, and together they embark on a globe-trotting journey to find the emerald before it falls into the wrong hands.
From the filmmakers behind The Fast and the Furious and Deadpool, SONIC THE HEDGEHOG 2 stars James Marsden, Ben Schwartz as the voice of Sonic, Tika Sumpter, Natasha Rothwell, Adam Pally, and Jim Carrey returning, alongside new additions Shemar Moore, with Idris Elba as the voice of Knuckles, and Colleen O’Shaughnessey as the voice of Tails.
Directed by Jeff Fowler. Screenplay by Pat Casey & Josh Miller and John Whittington. Story by Pat Casey & Josh Miller, based on the SEGA Video Game.
NAG-ANUNSIYO na si Russian President Vladimir Putin ng military operation sa Donbas Region ng Ukraine.
Kaugnay nito, hinikayat ni Putin ang mga sundalo sa may eastern Ukraine na magbaba na ng kanilang mga armas at umatras na.
Sa Donbas Region, naroon ang dalawang teritoryo na Luhansk at Donetsk na unang nagdeklara ng kalayaan.
Samantala, kaagad kinondena ni US President Joe Biden at tinawag na “unprovoked at unjustified” attack ang Russian military forces.
Aniya, nakikiisa sa pagdarasal ang buong mundo sa mga mamamayan ng Ukraine.
Tiniyak din ni Biden na magiging responsable ang Russia at mananagot sakaling may maitatalang patay at pinsala sa naturang pag-atake.
Makakaasa aniya na aaksyunan ito ng Amerika at ng mga kaalyadong bansa.
“The prayers of the entire world are with the people of Ukraine tonight as they suffer an unprovoked and unjustified attack by Russian military forces. President Putin has chosen a premeditated war that will bring a catastrophic loss of life and human suffering. Russia alone is responsible for the death and destruction this attack will bring, and the United States and its Allies and partners will respond in a united and decisive way. The world will hold Russia accountable,” bahagi ng statement ni Biden.
Patuloy na imo-monitor din daw ni Biden ang sitwasyon at makikipagpulong sila sa G7 leaders bago magpataw ng anumang consequences sa Russia.
Para naman kay Putin, nilinaw nito na hindi uri nang pananakop ang pagsisimula ng kanilang paglusob sa bahagi ng Donbas Region.
“Circumstances require us to take decisive and immediate action,” ani Putin sa pamamagitan ng RIA-Novosti transcript. “The People’s Republics of Donbas turned to Russia with a request for help. In this regard, in accordance with Article 51, part 7 of the UN Charter, with the sanction of the Federation Council and in pursuance of the friendship treaties ratified by the Federal Assembly and mutual assistance with the DPR and LPR, I have decided to conduct a special military operation.”