2022 April 07 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for April 7th, 2022

COVID-19 lockdown sa Shanghai, China pinalawig pa

Posted on: April 7th, 2022 by @peoplesbalita No Comments

PINALAWIG ng mga otoridad sa Shanghai, China ang ipinatupad nilang lockdown dahil sa pagtaas ng kaso ng COVID-19.

Kung dati kasi ay mayroong hiwalay na paghihigpit sa western at eastern Shanghai.

Maituturing ngayon ang Shanghai bilang pinakamalaking lungsod sa China na naka-lockdown.

Sa ngayon ay aabot sa 13,000 na COVID-19 ang naitala sa isang araw.

Apektado ang nasa 25 milyong populasyon ng lungsod kung saan pinagbawalan ang mga ito na lumabas sa kanilang bahay.

Magugunitang gumamit na ng mga sundalo ang China para tulungan ang mga health workers na magsagawa ng COVID-19 testing.

Hindi naman nagbigay ng kasiguraduhan ang mga otoridad kung hanggang kailan ang ipapatupad nilang lockdown.

Sandra Bullock: A Novelist Turned Adventurer in ‘The Lost City’

Posted on: April 7th, 2022 by @peoplesbalita No Comments

SANDRA Bullock has long been drawn to the idea of making an action-adventure film seasoned with comedy, like the classic sweeping adventures she has enjoyed as a moviegoer.

So, she decided to produce one, through her production company Fortis Films. And with that, The Lost City is born!

Sandra Bullock as Producer

As expected, the Academy Award-winning actor and respected filmmaker aimed high. Bullock recalls, “We knew we were ambitious in what we were trying to pull off… but we also knew we HAD to pull it off. This film wouldn’t work if all the tones in it didn’t intersect seamlessly. The central characters are a shut-in author and a model, neither of whom should be in a jungle or even out in nature. Jungles eat people like them. They should remain in a hermetically sealed building with air conditioning.”

In the film, brilliant but reclusive author Loretta Sage (Bullock) has spent her career writing about exotic places in her popular romance-adventure novels featuring handsome cover model Alan (Tatum), who has dedicated his life to embodying the hero character, “Dash.” While on tour promoting her new book with Alan, Loretta is kidnapped by an eccentric billionaire (Daniel Radcliffe) who hopes that she can lead him to the ancient lost city’s treasure from her latest story.

Wanting to prove that he can be a hero in real life and not just on the pages of her books, Alan sets off to rescue her. Thrust into an epic jungle adventure, the unlikely pair will need to work together to survive the elements and find the ancient treasure before it’s lost forever.

Loretta is really a historian disguised as a best-selling author of romantic historical fiction. “No one would buy her history books,” Bullock explains, “so Loretta added some sex to sell them and found great success with that.”

A widow whose beloved husband was an archaeologist, Loretta is now a recluse. She hides in a comfortable house, surrounded by artifacts and memories, finding adventure in the stories she concocts while pining for a life that has long since passed. “Loretta finds comfort in her home, books, words, and in her brain,” says Bullock. “She finds adventure in her imagination and has no need to go out there and look for it.”

Instead, Loretta seems more than satisfied to send her heroine, Dr. Angela Lovemore, into the wild in such floridly titled books as “A Year in the Bush” and, her latest release, “The Lost City of D.”

When Loretta comes down with writer’s block, her best friend and publisher/marketing guru, Beth, insists that she attend a book convention to get the ideas flowing and spice up sales. But Beth knows success at the convention will take more than a personal appearance by the author; it requires a secret weapon – Dash, the strikingly handsome model who graces the covers of Loretta’s romance novels. Then, the shenanigans begin.

Sandra Bullock closes with her hopes and thoughts for a big-scale entertainment in which she served in two key roles. “You could make a ride out of this film at Disneyland, with its scope and scale. It transports you, makes you feel like you’re flying, and makes you feel like you’re there with Loretta and Dash in the vastness of this jungle. So, if we can’t go on vacation just yet, hopefully you’ll be able to go into the movie theaters and feel like you’ve been on a vacation with us.”

In Philippine cinemas on April 20, The Lost City is distributed by Paramount Pictures through Columbia Pictures.

Follow on Twitter at www.twitter.com/paramountpicsph/; Instagram at www.instagram.com/paramountpicsph/ and YouTube at https://www.youtube.com/channel/UCsZ7igjHZB-5k8DDM7ilVJw Connect with #TheLostCity and tag @paramountpicsph

(ROHN ROMULO)

Mayor sa Ukraine at pamilya nito, natagpuang patay at nakatali pa ang mga kamay

Posted on: April 7th, 2022 by @peoplesbalita No Comments

NATAGPUAN ng mga awtoridad sa Ukraine ang katawan ng limang sibilyan kabilang ang Mayor at asawa’t anak nito na nakatali pa ang mga kamay sa isang village sa west ng Kyiv.

Ayon sa awtoridad, ang apat na narekober na katawan kabilang ang alkalde ay bahagyang nakabaon sa lupa sa isang kagubatan malapit sa bahay nito sa Motyzhyn.

Ang isa namang bangkay ay narekober mula sa isang maliit na balon na nasa isang harden.

Ang dalawang kalalakihan naman na hindi parte ng pamilya ng alkalde ay nakatali ang kanilang mga kamay sa kanilang likuran.

Natukoy ang mayor na si Olga Sukhenko, 50 anyos na dinakip ng Russian troops kasama ang kaniyang asawa’t anak noong Marso 24 matapos na tumangging makipag-cooperate sa pwersa ng Russia.

Nito lamang ding nakaraang araw nadiskubre ang mga bangkay ng daan-daang mga sibilyang Ukrainians na nagkalat sa mga kalsada at sa mass graves o libingan na pinaniniwalaang biktima ng massacre ng Russian forces.

Robredo voters lumobo habang Marcos dumapa nang kaunti sa survey — Pulse Asia

Posted on: April 7th, 2022 by @peoplesbalita No Comments

BAHAGYANG nabawasan ang mga Pinoy na iboboto sa pagkapangulo si survey frontrunner Ferdinand “Bongbong” Marcos Jr. habang umakyat naman ang mga nagsabing kay Bise Presidente Leni Robredo sila ngayong Mayo 2022, ayon sa Pulse Asia.

Ito ang lumabas na resulta, Miyerkules, matapos ang pag-aaral na ginawa mula ika-17 hanggang ika-21 ng Marso sa 2,400 katao mula Metro Manila, nalalabing bahagi ng Luzon, Visayas at Mindanao.

Sinagot ng respondents ang sumusunod na tanong: “Sa mga taong nasa listahang ito, sino ang inyong iboboto bilang PRESIDENTE NG PILIPINAS kung ang eleksyon ng Mayo 2022 ay gaganapin ngayon at sila ang mga kandidato?”

Narito ang mga resulta:

Bongbong Marcos (56%)

Leni Robredo (24%)

“Isko Moreno” Domagoso (8%)

Manny Pacquiao (6%)

Ping Lacson (2%)

Faisal Mangondato (1%)

Ernie Abella (0.1%)

Jose Montemayor Jr. (0.05%)

Leody de Guzman (0.02%)

Norberto Gonzales (0%)

Hindi paalam/Tumanggi sumagot/Wala (3%)

Kapansin-pansing bumaba si Marcos sa bagong labas na survey, gayong nasa 60% ang nagsabing iboboto siya sa pag-aaral na isinagawa noong Pebrero.

Tumaas naman ng siyam na puntos si Robredo sa bagong survey gayong nasa 15% lang siya sa pag-aaral na inilabas noong nakaraang buwan.

Matatandaang hindi pa nangyayari ang mga higanteng mga campaign rallies ni Robredo noong isinagawa ang survey na inilabas noong nakaraang buwan.

“Former Senator Ferdinand Marcos, Jr. remains the frontrunner in the May 2022 presidential race (56%) while Manila Mayor Francisco Domagoso posts the highest second-choice voter preference (23%),” ayon sa pahayag ng Pulse Asia.

“[F]ew significant changes in voting figures occur between February 2022 and March 2022, with Vice-President Maria Leonor G. Robredo gaining support (+9 percentage points)”

Ayon pa sa research firm, halos walang nagbago mula sa February at March surveys maliban kina Marcos at Robredo.

Bumaba nang 5% ang electoral support kay BBM sa class D habang tumaas naman kay Robredo hindi lang sa buong Pilipinas (9%) kundi pati sa buong Luzon (14%), Mindanao (9%) at Class D (10%).

Ikinatuwa naman ng kampo ni VP Leni ang kinalabasan ng Pulse Asia survey at sinabing dahan-dahan nang pumipihit pabor sa kanila ang mga numero kasabay ng biglaang paglaki ng suporta sa bise presidente nitong mga nagdaang buwan at linggo. Tinawag nila itong “turning of the tide.”

“The survey numbers are starting to reflect what we have been seeing on the ground all along: the massive crowds, the fierce passion, the untiring commitment of Filipinos from all walks of life, coming together to rally behind Leni Robredo’s bid for the Presidency,” ani Barry Gutierrez, tagapagsalita ni Robredo.

“This 13-point swing going into the last two months of the campaign clearly establishes what we have long known: that VP Leni has the momentum, which we expect will only further intensify and accelerate all the way to May 9.”

Aniya, malaki raw ang nagagawa sa ngayon ng kanilang supporters na patuloy sa pagbabahay-bahay at pagkumbinsi sa kapwa.

Samantala, patuloy namang nangunguna si UniTeam bet Davao City Mayor Sara Duterte-Carpio pagdating sa pagkabise presidente matapos makakuha ng 56%. Sinundan naman siya nina Senate President Vicente Sotto III (20%) at Sen. Francis Pangilinan (15%).

“For the period February 2022 to March 2022, the only marked changes in first-choice voter preferences for vice-president are recorded by Senate President Sotto and Senator Pangilinan,” dagdag pa ng Pulse Asia.

“Support for the former eases in the rest of Luzon (-9 percentage points) while the reverse occurs in the latter’s case (+9 percentage points).”

Isinagawa ang Ulat ng Bayan survey sa sariling kapasidad ng research organization at hindi kinomisyon ninuman.

Bagama’t ganito ang mga numero, hindi ibig sabihing ang mga nabanggit na ang mananalo sa Mayo. (Daris Jose)

Double pay para sa mga manggagawang papasok tuwing regular holidays ngayong Abril, ipinag-utos ng DOLE

Posted on: April 7th, 2022 by @peoplesbalita No Comments

IPINAG-UTOS ng Department of Labor and Employment (DOLE) sa mga employers na ibigay ang double pay ng mga manggagawa na papasok sa trabaho sa mga araw na idineklaang regular holidays ngayong buwan.

Ayon kay Labor Secretary Silvestre Bello III ang mga empleyado na papasok sa regular holidays sa Abril 9,14 at 15 ay entitled na makatanggap ng doble sa kanilang arawang sahod alinsunod sa nakasaad sa Labor Advisory no.8.

Ibig sabihin ang mga magtratrabaho sa nasabing mga petsa ay dapat na makatanggap ng 200% ng kanilang regular na sahod habang ang mga empleyado naman na hindi papasok sa regular holidays ay makakatanggap pa rin ng 100 porsyento ng kanilang sahod.

Dapat din na bayaran ng mga employer ang pagtratrabaho ng overtime ng mga empleyado ng karagdagang 30% ng kanilang hourly rate gayundin kapag ang mga empleyado ay nagtratrabaho tuwing regular holidays at araw ng kanilang day off dapat silang makatanggap ng karagdagang 30% ng kanilang hourly rate ng double pay at karagdagng 30% kung magtratrabaho pa ng overtime.

Subalit sa Abril 16 naman na idineklarang special non-working day, ayon kay Bello dapat na i-apply ang no work, no pay.

Kapag pumasok naman ang isang empleyado sa special day dapat na makatanggap ito ng karagdagang 30% ng kanilang basic wage sa unang walong oras ng pagtratrabaho at karagdagang 30% para sa OT.

Sa kabilang banda naman, ang mga manggagawa na papasok sa trabaho sa araw ng kanilang dayoff na nagkataong special day ay dapat na makatanggap ng 50% ng kanilang sahod para sa unang walong oras sa kanilang trabaho at 30% pa na dagdag para sa overtime.

P470 umento sa NCR, ipipilit sa wage board

Posted on: April 7th, 2022 by @peoplesbalita No Comments

MULING naghain ang Trade Union Congress of the Philippines (TUCP) sa Regional Tripartite Wages and Productivity Board ng P470 dagdag-suweldo para sa mga manggagawa sa Metro Manila.

Ito ay makaraang ibasura noong Lunes ng wage board ang naunang petisyon ng TUCP dahil hindi umano sila maaaring makapagbigay ng “across the board” na umento.

Dahil dito, inalis na ng TUCP ang terminong ‘across the board’ sa kanilang bagong petisyon.

Iginiit ni TUCP President Raymond Mendoza, na kahit hindi kayang magbigay ng ‘across the board’ na dagdag-sahod ang wage board, may kapangyarihan pa rin naman umano ito na magpatupad ng umento. Hindi umano dapat magpaka-teknikal ang pamahalaan ngayong nasa panahon ng emergency ang bansa.

Bukod dito, hindi naman nila hinihiling ang ‘across the board’ na umento sa buong bansa ngunit para lang sa Metro Manila. Napapanahon umano ito dahil sa patuloy na pagtaas sa presyo ng mga bilihin dulot ng sobrang taas na presyo ng langis. (Daris Jose)

7 dinala sa hospital dahil sa ammonia leak sa Navotas

Posted on: April 7th, 2022 by @peoplesbalita No Comments

NASA pitong katao ang isinugod sa hospital habang napilitang lumabas ng kanilang bahay para lumikas ang mga residente sa gitna ng malakas na ulan kasunod ng pagtagas ng ammonia sa planta ng yelo sa Navotas City, Martes ng madaling araw.

Nakatanggap din ng report ang Navotas City Disaster Risk Reduction and Management Office (DRRMO) na isa ang namatay subalit, inaalam pa nila kung may kaugnayan ang pagkamatay nito sa ammonia leak na naganap dakong alas-2:50 ng madaling araw sa Magsimpan Ice Plant sa kahabaan ng M. Naval St., Brgy. NBBS Kaunlaran.

Sa ulat na nakarating sa opisina ni Navotas police chief P/Col. Dexter Ollaging, habang ang mga empleyado ng Magsimpan Ice Plant ay nagtatrabaho sa kani-kanilang lugar nang napansin nila ang isang malakas na amoy ng ammonia na naging dahilan upang agad silang umalis sa company premises at humingi ng tulong sa nagpapatrolyang mga pulis.

Nabulabog naman ang mga residente sa naturang lugar na agad naglabasan ng kanilang bahay habang tinatakpan ang kanilang bibig at ilong upang lumikas.

Mabilis namang rumesponde ang mga tauhan ng Navotas Bureau of Fire Protection (BFP) sa pangunguna ni F/Insp. Pedrito Polo at tatlong BFP fire trucks sa naturang lugar para magsagawa ng imbestigasyon at mapigil ang pagtagas ng ammonia.

Sa ulat ng DRRMO, napigilan ang pagtagas ng ammonia bandang alas-4 ng madaling habang pitong pasyente ang isinugod sa Navotas City Hospital kung saan sila inoobserbahan.

Ipinag-utos din ng Pamahalaang Lungsod ng Navotas ang pansamantalang pagsususpinde sa operasyon ng Magsimpan Ice Plant upang matiyak ang kaligtasan ng lahat ng empleyado at mga residenteng nakatira malapit sa lugar.

Ayon sa DRRMO, ang Magsimpan Ice Plant ay sampung taon nang operational at sa kabila ng patuloy na safety checks na isinasagawa ng BFP at DRRMO, dalawang beses nang nakapagtala ng ammonia leak ang kumpanya noong nakaraang taon at ang pinakahuli ay nangyari nitong Martes ng madaling araw.

Sinabi ng City Health Office na ang liquid ammonia, na ginagamit bilang regrigerant o coolant para sa paggawa ng purified tube ice, ay mapanganib sa mga taong direktang nalantad sa malalaking konsentrasyon na maaaring magdulot ng mga komplikasyon tulad ng pagkabulag, pagkatuyo ng lalamunan at hirap sa paghinga na maaaring ikamatay. (Richard Mesa)

WHO, Qatar at FIFA leaders, nagkasundo sa pagsulong sa kalusugan sa World Cup 2022

Posted on: April 7th, 2022 by @peoplesbalita No Comments

NAGKASUNDO ang World Health Organization, Qatar at FIFA sa pagsulong sa kalusugan sa World Cup Qatar 2022.

Ayon kay Kathleen Bico Comia, nakipagpulong si WHO Director General Dr Tedros Ghebreyesus, Qatar Ministry of Public Health, FIFA at Supreme Committee for Delivery & Legacy para sa pinakaunang Steering Committee meeting kung saan tema ang “Healthy FIFA World Cup Qatar 2022 Creating Legacy for Sport and Health.”

Anya, kabilang sa mga napagkasunduan ay ang pagpapatupad ng pag-iingat, pagsugpo sa hawaan ng COVID-19 at pagbibigay ng mga masustansyang pagkain sa stadiums at fan zones.

Napagkasunduan rin ng Steering Committee leaders ang pagbabawal sa tobacco sa lugar na pagdarausan ng World Cup.

Ngunit papayagan anya ang pagbebenta ng alcoholic drinks sa mga hotels at restaurants sa lalo na sa mga foreign visitors.

PAGHALIK SA ALTAR AT KRUS, HINDI INIREREKOMENDA

Posted on: April 7th, 2022 by @peoplesbalita No Comments

HINDI inirerekomenda ng Department of Health (DOH) ang paghalik sa altar at krus sa gitna ng COVID-19 pandemic ngayong panahon ng Holy Week. .

Ang Holy Week ay mula April 10, Linggo hanggang April 16, Sabado.

Sinabi ni Health Usec Maria Rosario Vergeire sa media forum na ang nasabing virus ay maaaring maisalin sa pamamagitan ng droplet infection na maari namang maipasa sa iba kung hahalik sa isang puon na hinalikan na ng paulit-ulit .

Aniya, ang health department ay pinayuhan at hinimok ang mga simbahan na pansamantalang huwag munang ituloy ang kinaugalian .

“Meron naman po tayong mga iba pang bagay o ano ba ways kung paano tayo makakapag show ng ating devotion sa ating mga santo, sa ating mga pinupuntahang simbahan,” sinabi ni Vergeire.

“Sana po itong practice na ito maiwasan para hindi na tayo magkaroon ng pagtaas ng kaso kung saka-sakali dahil sa practice na ito,” dagdag pa ni Vergeire .

Dagdag pa, hindi hinihikayat ng DOH ang pagpapako sa krus dahil maaari itong magdulot ng malaking pinsala sa isang indibidwal.

Babala ni Vergeire, ang pagpapako sa krus ay magdudulot ng blood loss, tetanus, at ibang uri ng infections.

“We request and we recommend no, a-advise po natin sa ating mga kababayan, kung maiiwasan naman po, maaari naman po tayo, katulad ng sabi ko, sumamba sa ating Panginoon sa ibang paraan.” (GENE ADSUARA )

Pangangampanya sa Holy Thursday, Good Friday bawal – PNP

Posted on: April 7th, 2022 by @peoplesbalita No Comments

PINAGBABAWAL ang pangangampanya sa April 14, Holy Thursday at April 15, Good Friday.

Ito ang paalala ni Philippine National Police chief General Dionardo Carlos sa lahat ng mga kandidato ngayong eleksyon.

Ayon kay Carlos ito ay batay sa calendar of activities na ipinasa ng Commission on Elections (COMELEC) at pagbibigay respeto sa paggunita sa Holy Week

Sinabi ni Carlos na mahigpit nilang babantayan ang mga aktibidad sa mga pampublikong lugar sa mga nabanggit na mga araw gayundin ang mga politiko at kanilang mga supporters.

Agad nilang ipaaalam ito sa Comelec upang mabigyan ng kaukulang parusa.

Ang paalala ay ginawa ng PNP chief kasabay ng paghahanda ng PNP para sa darating na Semana Santa.

Una nang binilinan ng PNP chief ang lahat ng field commanders na siguraduhin ang police visibility at magtatag ng mga police assistance centers sa mga lugar na tradisyunal na dinudumog ng mga tao sa panahong ito, partikular sa mga transportation hubs at sa mga major highways patungo sa mga lalawigan.

Kamara naghahanda na sa canvassing of votes

Naghahanda na ang Mababang Kapulungan ng Kongreso para sa Consolidation and Canvassing System (CCS) sa posisyon ng presidente at bise presidente sa bansa.

Sinabi ni House Secretary General Mark Llandro Mendoza na ang canvass of votes ay kabilang sa pinakamahalagang constitutional mandate ng Kongreso.

Nitong Lunes ay nagsagawa ang ilang mga mambabatas sa Kamara ng executive session para sa briefing ng Comelec sa National Board of Canvassers-Congress para sa paggamit ng CCS sa halalan.

Samantala, tiniyak naman ni Comelec Commissioner Marlon Casquejo sa publiko partikular na sa mga botante na bawat boto ay mabibilang ng tumpak.

Ang deployment ng CCS equipment ay inaasahan sa huling linggo ng Abril.