• September 14, 2024
  • Search in People's Balita

  • Ang Diyaryong Pinagkakatiwalaan

 

Archive for April 8th, 2022

PDu30, nananatiling committed na tapusin ang ‘abusive’ work scheme

Posted on: April 8th, 2022 by @peoplesbalita No Comments

NANANATILING masigasig at committed si Pangulong Rodrigo Roa Duterte na tapusin ang “abusive” o mapang-abuso na work arrangements sa bansa.

 

 

Ito’y matapos na magpahayag ng pagkadismaya si vice presidential aspirant Senate President Vicente Sotto III sa sinasabing pagkabigo ni Pangulong Duterte na tuparin ang kanyang pangako na itigil ang “unfair contractualization practices” makaraang ibeto (vetoed) ng Pangulo ang Security of Tenure bill noong 2019.

 

 

Sinabi ni acting Presidential Spokesperson at Communications Secretary Martin Andanar na bineto (vetoed) ni Pangulong Duterte ang panukalang batas dahil sa ilang “unsuitable provisions.”

 

 

“While it is true that President Rodrigo Roa Duterte vetoed the Security of Tenure Bill in 2019, as mentioned by Senate President Vicente Sotto III, the Chief Executive explained that the version submitted by Congress unduly broadens the scope and definition of prohibited labor-only contracting, effectively proscribing forms of contractualization that are not particularly unfavorable to employees involved,’” ayon kay Andanar.

 

 

Sinabi ni Andanar na umaasa si Pangulong Duterte na lilikha ng bagong batas ang Kongreso na naglalaman ng katanggap-tanggap na probisyon na mapakikinabangan ng “labor at business sectors.”

 

 

“The President hopes that Congress would rectify the vetoed provisions as he remains committed to eradicating all forms of abusive employment practices and protecting the workers’ right to security of tenure,” aniya pa rin..

 

 

Sa kabila ng naging pagtanggi ng Pangulo sa Security of Tenure bill, sinabi ni Andanar na tinintahan ng Chief Executive ang executive order (EO) noong 2018 na naglalayong ipatigil ang “illegal” contracting at subcontracting arrangements sa pagitan ng mga employers at mga empleyado.

 

 

Sinabi ni Andanar na ang EO 51, nilagdaan ng Pangulo noong Mayo 1, 2018, ay naglalayong protektahan ang ‘right to security of tenure’ ng mga manggagawa.

 

 

“A clear example is Executive Order No. 51 which PRRD signed in 2018 that strictly prohibits contracting or subcontracting undertaken to circumvent the worker’s right to security of tenure, self-organization and collective bargaining, and peaceful concerted activities,” ayon pa rin kay Andanar. (Daris Jose)

Los Angeles Lakers eliminated na sa NBA playoffs matapos pahiyain ng Phoenix Suns

Posted on: April 8th, 2022 by @peoplesbalita No Comments

TULUYANG  naitsapuwersa sa play-in tournament ng NBA ang Los Angeles Lakers matapos na pahiyain ng Phoenix Suns, 121-110.

 

 

Para naman sa Suns napatibay pa ang hawak nitong record bilang best team sa liga nang maiposte ang ika-63 nilang panalo ngayong season.

 

 

Hindi pa rin kinaya ng Lakers na mapigilan si Devin Booker na nagpakawala ng 32 points, lalo na at hindi nakapaglaro ang kanilang superstar na si LeBron James.

 

 

Lumayo na rin ang agwat ng Suns sa pitong panalo mula sa number two na Memphis Grizzlies, bilang second-most wins sa NBA.

 

 

Noong unang bahagi ng laro ay dikitan pa ang laban pero sa huli ay hindi na napigilan pa ang Suns hanggang sa magbunyi sa malaking milestone sa kanilang prangkisa.

 

 

Para sa Los Angeles (31-48) masaklap ang pagkatalo dahil ito na ang ikapito nilang sunod-sunod na talo.

 

 

Nasayang din ang ginawa ni Russell Westbrook na tumipon ng 28 points, habang si Anthony Davis ay nagdagdag ng 21 points at 13 rebounds.

 

 

Labis namang ikinalungkot ni Lakers coach Frank Vogel ang sinapit ng kanilang koponan.

 

 

“We fell short,” ni Vogel. “We were eliminated tonight.”

 

 

Kung tutuusin ay nasa limang mga future Hall of Famers ang nasa lineup ng Lakers pero bigo ang mga ito na dalhin ang team sa playoffs na kinabibilangan nina James, Davis, Westbrook, Carmelo Anthony at Dwight Howard.

VP Robredo handang magbigay ng ‘legal assistance’

Posted on: April 8th, 2022 by @peoplesbalita No Comments

MULING  kinastigo ni 2022 presidential candidate at Bise Presidente Leni Robredo ang mga nag-uugnay sa kanya at kanyang mga tagasuporta sa armadong rebelyong komunista, dahilan para maitulak ang kanyang kampong ipagtanggol ang mga tagasuporta kung magkagipitan sa otoridad.

 

 

“Kaisa ako ng mga volunteers natin na tumitindig para sa katotohanan at pag-asa; na nalalagay sa panganib at nakakaramdam ng pangamba dahil ni-reredtag sila,” ani VP Leni sa isang pahayag, Huwebes.

 

 

Marso lang nang maiulat na inaresto sa Cavite ang ilang kampanyador ng Anakpawis party-list, na bahagi ng Makabayan bloc na nag-endorso kay Robredo. Marami sa mga naaaresto at napapatay na aktibista ay nare-red tag sa kasaysayan.

 

 

Ilang beses nang ikinakabit ang pangalan ng opposition bet at kanyang supporters sa Communist Party of the Philippines-New People’s Army (CPP-NPA). Bukod sa ilang nagpapakalat ng pekeng impormasyon online at text blasts, nariyan din ang kampo ng kalaban niya sa eleksyon na si Sen. Panfilo “Ping” Lacson.

 

 

Iniuugnay din ni Pangulong Rodrigo Duterte ang mga “dilawan” — na kadalasang tawag sa mga taga-suporta ng partido ni VP Leni na Liberal Party — sa mga komunista para “manggulo sa eleksyon.”

 

 

Humaharap din ngayon sa ilang administrative complaints sa Office of the Ombudsman si  NTF-ELCAC spokesperson at Presidential Communications Undersecretary Lorraine Badoy dahil sa social media posts na nagsasabing “supporter” at “mouthpiece” si Robredo ng CPP-NPA, na siyang tinatawag niyang “teroristang grupo.”

 

 

“Malinaw ang motibasyon ng walang-tigil na pangre-redtag sa akin at sa mga volunteers natin: Ang pigilan ang momentum ng ating People’s Campaign,” dagdag pa ng bise presidente, habang idinidiing hindi siya makikipag-alyado sa sinumang gumagamit ng dahas para magsulong ng anumang agenda.

 

 

“Tandaan natin, nagsimula ito noong naging sunud-sunod ang pagdagsa ng mga tao sa ating mga People’s rally—na para bang di makapaniwala ang iba na puwedeng magkaisa ang karaniwang Pilipino sa ngalan ng pag-asa.”

 

 

Bagama’t magkahalintulad sa prinsipyo pagdating sa maraming bagay ang Makabayan bloc at ligal na Kaliwa sa CPP-NPA, walang armas ang una at ikalawa.

 

 

Ikinagalak naman ng grupong Amihan National Federation of Peasant Women (Amihan) ang pagtindig ni Robredo laban sa red-tagging at pagpapakalat ng maling impormasyon laban sa kanya habang itinutulak na mapanagot sa batas ang mga nasa likod nito.

 

 

“Kami ay nagagalak na nagpahayag si VP Robredo laban sa red-tagging na karaniwang inilulunsad ng mga kalabang kandidato, mga pasista sa gubyerno at kanilang mga ahente. Nangangahulugan… ito na sila ay apektado sa bumabahang partisipasyon ng mamamayan sa mga grand rallies ni VP,” ani Zen Soriano, national chair ng Amihan.

 

 

“Red-tagging against activists is dangerous as it usually leads to extrajudicial killings and other grave human rights abuses.  Red-tagging the vice president should not be taken lightly.”

 

 

Hinimok din ng grupo ang lahat ng sektor at indibidwal na nagdadala sa kandidatura ni Robredo na ipahayag ang kanilang pagtutol sa red-tagging na ginagawa ng mha kampo ng kanilang mga kalaban sa eleksyon.

 

 

Ilan sa mga tagasuporta ni Robredo ay mga retiradong heneral ng Armed Forces of the Philippines at Philippine National Police, mga institusyong dati nang nag-uugnay sa mga progresibo sa CPP-NPA.

 

 

Paliwanag pa ng Amihan, labag sa Bill of Rights, karapatan sa pagpapahayag, pag-oorganisa atbp. ang red-tagging.

 

 

“I-normalisa natin ang paglaban rito at biguin ang dominansya nito sa publiko, na naglalayong takutin, patahimikin at pasunurin ang mga mamamayan sa mga kontra-demokratiko o pasistang patakaran ng gubyerno, partikular ngayong eleksyon, para paburan ang kandidatura ni Marcos Jr. na anak ng isang diktador at mandarambong, at isang tax evader,” panapos ni Soriano.

Final testing and sealing ng mga VCM sa Israel, naisagawa

Posted on: April 8th, 2022 by @peoplesbalita No Comments

INIULAT ng Philippine Embassy sa Israel na naging matagumpay ang final testing at ang sealing o pagpapatakbo at pagseselyo ng vote counting machines (VCM) na gagamitin sa halalan.

 

 

Isinagawa ito bilang paghahanda sa nalalapit na pagsisimula ng overseas absentee voting (OAV) sa darating na Linggo.

 

 

Naging bukas naman ito sa mga kinatawan ng political parties at iba pang observer.

 

 

Ang testing sa mga balota at ang pagseselyo sa mga makina ay bahagi rin ng mga itinatakdang aktibidad ng poll body, upang matiyak ang kahandaan ng mga mangangasiwa sa halalan, pati na ang mga makinang gagamitin sa eleksyon.

 

 

Kasabay nito, tinuruan na rin ng technical team ang iba pang aalalay sa halalan hinggil sa proseso ng paggamit ng VCMs.

 

 

Tiniyak naman ng embahada na mahigpit namang paiiralin ang physical distancing sa pagdaraos ng OAV, upang maiwasan ang anumang posibilidad ng hawaan ng virus.

Kasama sa mga Summer shows ng GMA: Highly-anticipated TV comeback nina DINGDONG at MARIAN, mapapanood na ngayong Mayo

Posted on: April 8th, 2022 by @peoplesbalita No Comments

PINADARAMA ng GMA Network sa Kapuso viewers na as long as we love together, walang makapipigil na I-enjoy ang summer fun at lalo ngayong nakikita na ang pagtatapos ng pandemya.

 

 

Sa latest Kapuso Summer Campaign, mas mai-enjoy ang fun-filled activities under the sun as shown by the stars sa upcoming GMA shows and specials ngayong Abril ay Mayo.

 

 

Kinabibilangan ito ng “Limitless Part 3: Rise,” “Raya Sirena,” “Raising Mamay,” “False Positive,” “Apoy sa Langit,” “Eleksyon 2022” coverage, “Jose and Maria’s Bonggang Villa,” “Love You Stranger,” at “Bolera.”

 

 

This weekend, April 9 and 10, na mapapanood ang third and final leg ng New York Festivals TV and Film Awards’ finalist “Limitless, A Musical Trilogy” ni Asia’s Limitless Star Julie Anne San Jose.

 

 

After ng first two legs sa Mindanao at Visayas, ang last installment ng extraordinary musical experience ay kinunan naman sa Luzon para sa “Limitless Part 3: Rise.”

 

 

Tuwing Sunday, simula naman sa April 24, ang Sparkle love team na sina Sofia Pablo at Allen Ansay ay naka-set na to brighten up your afternoons sa “Raya Sirena.”

 

 

The show tells the story of Raya (Sofia), who continues her journey of self-discovery both as a human and mermaid, and the importance of love for friends and family.

 

 

Magpi-premiere naman sa Afternoon Prime ngayong April 25 ang “Raising Mamay,” ang heartwarming drama on the reversal of roles between a mother and her child.

 

 

A teenage daughter, portrayed by Shayne Sava, takes care of her scornful mother, played by Ms. Aiai Delas Alas, who was stricken with brain regression after being shot in the head.

 

 

Ang inaabangang romance-comedy “False Positive” ay naka-set na ring mapanood sa May 2 sa GMA Telebabad. Pagtatambalan ito nina Xian Lim at Glaiza de Castro, the series showcases a neglected wife who malevolently wishes in front of a magical fountain, resulting in the husband developing a fetus in his tummy.

 

 

Sa May 2 rin mapapanood ang “Apoy sa Langit,” a compelling series that showcases an unusual story of betrayal and family affairs.

 

 

Ang drama series ay pangungunahan ni Maricel Laxa, who continues to return to the small screen coming from her stellar performance in Mano Po Legacy: The Family Fortune.

 

 

Makakasama niya sina Zoren Legaspi, Mikee Quintos, at ang showbiz newcomer na si Leanne Valentin who is set to play a challenging role.

 

 

As the country votes for its next set of leaders, all set na rin ang GMA Network para ihatid ang most comprehensive election coverage across all platforms sa pamamagitan ng “Eleksyon 2022: The GMA News and Public Affairs’ Election Coverage” on May 9 and 10.

 

 

Sama-sama rito ang GMA News pillars na sina Mel Tiangco, Mike Enriquez, Vicky Morales, Arnold Clavio, Howie Severino, at Jessica Soho. 

 

 

At sa May 14, matutunghayan na rin ang highly-anticipated TV comeback ng Kapuso royal couple na sina Dingdong Dantes at Marian Rivera-Dantes sa “Jose and Maria’s Bonggang Villa.”

 

 

Ang weekly sitcom ay tungkol sa most hospitable couple you’d ever meet, na mag-i-start ng garden bed and breakfast business.

 

 

Samantala, ang “Love You Stranger” ay malapit na ring mapanood sa primetime.   Pagbibidahan ito ng real-life Kapuso couple na sina Gabbi Garcia at Khalil Ramos, ang mystery romance series ay iikot sa film designer searching for the truth behind a shadow monster from folklore feared by her reclusive mother at sa charming young director whose next movie is about the same shadow creature.

 

 

Magtatapos ang Summer program offerings ng GMA sa TV comeback ng Kapuso actress na si Kylie Padilla na bibida sa original series na “Bolera” at mapapanood naman simula sa May 30.

 

 

She breathes life to a billiards prodigy who aims to prove herself worthy of the male-dominated sport and her struggles along the way. Makakasama niya sa serye sina Rayver Cruz at Jak Roberto.

 

 

Ginamit sa music video GMA Network para sa newest summer campaign ang kanta na “Love Together this Summer” na inawit nina Thea Astley and Anthony Rosaldo, with lyrics by Jann Fayel Lopez and arranged by Natasha L. Correos.

 

 

For more stories about the Kapuso Network, visit www.gmanetwork.com.

(ROHN ROMULO)

Donaire pinaghahandaan na ang rematch kay Inoue

Posted on: April 8th, 2022 by @peoplesbalita No Comments

SIMULA na ng pukpukang ensayo ni World Boxing Council (WBC) bantamweight champion Nonito “The Fil­ipino Flash” Donaire para sa kanilang unification bout ni World Boxing Association (WBA) at International Bo­xing Federation (IBF) bantamweight king Naoya Inoue.

 

 

Nakatakda ang blockbuster rematch nina Donaire at Inoue sa Hunyo 7 sa Super Arena sa Saitama, Japan.

 

 

Sa unang araw ng ensayo ni Donaire ay sumalang kaagad siya sa sparring session.

 

 

Anim na rounds ang pinagdaanan ni Donaire at gusto pa sanang sumalang sa dagdag na dalawang rounds.

 

 

Subalit pinigilan siya ng kanyang coach dahil ayaw ni­tong masunog ang Pinoy champion lalo pa’t matagal-tagal pa naman ang laban kay Inoue.

 

 

“Six rounds logged. First sparring scheduled for four, I wanted eight rounds but coach stopped me since we have 10 weeks to go,” pahayag ni Donaire. “Big thanks to Angelo Leo for the work.”

 

 

Matagal nang hinihintay ni Donaire na maikasa ang rematch niya sa Japanese pug.

 

 

Kaya naman desidido si Donaire na makaresbak sa pag­kakataong ito matapos makalasap ng unanimous de­­cision loss kay Inoue sa finals ng World Boxing Super Se­ries noong 2019.

Idris Elba Reveals He Improvised Knuckles Dialogue in ‘Sonic the Hedgehog 2’

Posted on: April 8th, 2022 by @peoplesbalita No Comments

IDRIS Elba reveals that he improvised much of Knuckles the Echidna’s spoken dialogue for Sonic the Hedgehog 2 after finding his tone.

 

 

The actor stars alongside Ben Schwarz, Jim Carrey, Colleen O’Shaughnessey, James Marsden, and Tika Sumpter in the 2022 sequel movie. Sonic the Hedgehog 2 is inspired by SEGA’s iconic franchise and mascot character.

 

 

Created for and introduced in 1994’s Sonic the Hedgehog 3 video game, Knuckles the Echidna has become a beloved, central figure in the Sonic the Hedgehog franchise. An Echidna of a well-established clan, Knuckles, was tasked with safeguarding the powerful Master Emerald on Angel Island until he was tricked into fighting Sonic by Dr. Robotnik.

 

 

Both Sonic and Knuckles soon uncover the truth and form a powerful friendship, with Knuckles becoming a recurring ally to the blue hedgehog and Tails in following adventures. With Sonic the Hedgehog 2 seemingly staying faithful to Knuckles’ story, Elba will bring the character to life on the big screen, facing Ben Schwarz’s Sonic and O’Shaughnessey’s Tails. Elba isn’t just responsible for voicing Knuckles; as it turns out, he had a hand in crafting dialogue too.

 

 

At the premiere of Sonic the Hedgehog 2, Elba spoke exclusively to Screen Rant about how he developed his portrayal of Knuckles. Elba explained that as they developed Knuckle’s voice for the film, they ultimately settled on giving the character a staccato tone.

 

 

Once Knuckle’s tone of voice had been firmly agreed on, director Jeff Fowler suggested that Elba improvise his dialogue and say what he liked. Elba states that much of his improvised dialogue found its way into the film’s theatrical cut and that he had enjoyed the experience.

 

 

Elba says, “Yeah, actually, great question, because as we found his voice, you know, he speaks very sort of staccato, right? So the director was like, “Hey, just say what you want.” And I was just saying whatever I wanted, and some of it ended up in the movie. It was good fun.”

 

 

One of the most anticipated elements of the sequel, Elba’s portrayal of Knuckles, caused much discussion, with Elba having to lower audience expectations following his casting announcement. With the actor being well known for his suave roles, popular memes arose following his casting that speculated that his portrayal would be attractive, earning the film’s incarnation of the character the title of “Sexy Knuckles.”

 

 

While Elba stated he didn’t intend to make Knuckles attractive, his fellow cast members and those involved in the production had seen the memes. The meme was even utilized in the sequel’s promotion, as a frame of Elba as “Sexy Knuckles” was cut into a trailer.

 

 

Many will be curious to see how the actor handles the character with Knuckles set to have his own adventures in a spin-off television series. Knuckles has been a beloved figure in the Sonic franchise since his introduction, having appeared in most entries in the modern era, and has gathered many fans.

 

 

Sonic the Hedgehog 2 will bring the character to a new audience. Elba’s hand in the character’s dialogue clarifies that the actor treated Knuckles’ step into live-action with tremendous care.

 

 

Sonic the Hedgehog 2 is now showing in cinemas nationwide and distributed by Paramount Pictures through Columbia Pictures.

(source: screenrant.com)

 

(ROHN ROMULO)

IPs, LGUs kasama sa Kaliwa Dam talks sa gitna ng kritisismo

Posted on: April 8th, 2022 by @peoplesbalita No Comments

TINUKOY ng Malakanyang na kasama ang mga indigenous people’s groups at local government units (LGUs) sa negosasyon para sa pagsisimula ng Kaliwa Dam project sa Quezon at Rizal province.

 

 

Ang pahayag na ito ni acting presidential spokesperson Martin Andanar ay matapos na umapela ang grupong Kababaihang Dumagat ng Sierra Madre kay presidential bet Vice President Leni Robredo at running mate Senator Francis “Kiko” Pangilinan na itigil ang proyekto.

 

 

“We assure that the Kaliwa Dam project undergoes due process and that all stakeholders including the indigenous people and the concerned local government units are involved in the negotiations,” ayon kay Andanar.

 

 

Aniya pa, prayoridad ng administrasyong Duterte ang national interest at ang mapakikinabangan ng mga Filipino mula sa Kaliwa Dam project.

 

 

Sa ulat, nagpalabas ng apela ang mga Dumagat leaders habang tinintahan naman ng team ni Robredo ang isang covenant kasama ang IP communities na naglalayong protektahan ang kanilang karapatan kabilang na ang national census at konsultahin ang mga ito ukol sa proyekto ng pamahalaan.

 

 

Bilang tugon, sinabi ni Robredo na mabigyan lamang siya ng pagkakartaon na maging Pangulo ng bansa, titiyakin niya na ang government policies ay magtataas sa kalidad ng buhay ng mga IPs.

 

 

Sa ulat, may P12.2-billion China-funded project ay magsisilbing karagdagang mapagkukuhanan ng tubig para sa mga residente ng Kalakhang Maynila at kalapit-lalawigan sa gitna ng palaging banta ng water shortage lalo na ngayong summer months.

 

 

Nauna rito, nakapagtala naman ang Metropolitan Waterworks and Sewerage System (MWSS) ng 400 indibiduwal mula sa 55 barangays na maaapektuhan ng konstruksyon. (Daris Jose)

Dahil sa kilig Tiktok videos nila ni RAYVER: JULIE ANNE, umaming nagulat sa pag-unfollow sa kanya ni JANINE

Posted on: April 8th, 2022 by @peoplesbalita No Comments

DAHIL sa mga kilig Tiktok videos ni Julie Anne San Jose at Rayver Cruz, ‘di napigilang tanungin si Julie tungkol sa pag-unfollow sa kanya sa social media ng ex-girlfriend ni Rayver na si Janine Gutierrez.

 

 

“Nagulat na rin lang po ako. But to be honest, wala na po sa akin ‘yun. May kanya-kanya po tayong reason, wala po akong problem with anybody walang masamang tinapay sa akin and everyone is entitled to their own opinion. Good vibes good vibes lang po tayo,” sey ni Julie.

 

 

Follower pa rin daw ni Janine si Julie sa Instagram: “Naka-follow po ako sa kanya, wala naman po talagang kaso sa akin.”

 

 

Tungkol sa real score with Rayver, ito ang sagot ni Julie: “Mas mabuti pong siya ang tanungin n’yo at sumagot dyan. We’re ok and I’m very happy.”

 

 

Guest ulit ni Julie si Rayver sa last part ng kanyang musical trilogy na Limitless: Rise. 

 

 

***

 

 

PINAGDIINAN ni Troy Montero na hindi na sila magdadagdag ng kanyang fiancee niyang si Aubrey Miles ng isa pang anak.

 

 

Nang tanunging si Troy kung magkakaroon pa ba sila ng isa pang baby ni Aubrey, sagot niya ay “NO” dahil may napagkasunduan na raw sila na tama na ang tatlong anak para ma-enjoy nila ang bawa’t isa.

 

 

Paliwanag pa ni Troy: “We’re happy na with everything now. We’ve already discussed na two boys, one girl, tapos na that’s it. So, we’re just going to enjoy it. I think ‘yung family size and even ‘yung age gap. I think it’s better na we’re finished, happily finished.”

 

 

Hindi raw nakikita ni Troy na nag-aalaga pa siya ng isa pang baby sa kanyang edad. He just turned 50 last year. Iniisip din daw niya ang magiging kalagayan ni Aubrey kapag nagbuntis pa ito in her 40’s.

 

 

Gusto lang daw niyang maging healthy silang dalawa at ma-enjoy pa nila ang isa’t isa kapag naging independent na ang tatlo nilang anak.

 

 

Dalawa ang anak nila Troy at Aubrey na sina Hunter Cody (13 years old) at Rocket (3 years old). Ang anak naman ni Aubrey kay JP Obligacion na si Maurice ay 21 years old na.

 

 

***

 

 

ENGAGED na ang Filipino-American actor na si Nico Santos sa kanyang boyfriend na si Zeke Smith na sumikat sa reality competition show na Survivor.

 

 

Nag-propose si Smith kay Santos sa harap ng live audience sa recently concluded na GLAAD Media Awards.

 

 

Sa Instagram video, makikita na lumuhod si Smith on one knee sa harap ni Santos at sinabing: “Nico, your love has taught me how to love. You are my other half, and I want to spend the rest of my life with you.”

 

 

Nagulat si Santos sa moment na iyon pero mabilis siyang sumagot ng yes. Pagkasuot ng engagement ring sa kanya, nag-share sila ng kiss na ikinatuwa ng audience.

 

 

Si Nico Santos ay napanood sa pelikulang Crazy Rich Asians at naging main cast ng NBC sitcom na Superstore bilang ang undocumented Filipino immigrant named Mateo Aquino Liwanag na nagtatrabaho sa isang discount value store.

 

 

Si Zeke Smith naman ay ang kauna-unahang transgender contestant ng Survivor at naglaro siya sa Survivor: Millennials vs. Gen X and Survivor: Game Changers noong 2017.

 

(RUEL J. MENDOZA)

Police power kailangan laban sa agri smugglers- DA exec

Posted on: April 8th, 2022 by @peoplesbalita No Comments

BINIGYANG diin ng Department of Agriculture (DA) ang pangangailangan para sa ahensiya na mabigyan ng police power para arestuhin at kasuhan ang mga smugglers sa bansa, maging ito man ay technical o outright.

 

 

Iginiit ni Agriculture Undersecretary Fermin Dantes Adriano na limitado kasi ang kanilang kapangyarihan sa ilalim ng batas at umaasa lamang sila sa Bureau of Customs (BoC).

 

 

“Kung gusto n’yong magkaroon ng ngipin ang departamento laban sa smuggling, bigyan po natin ng kapangyarihan, ng mandato, na makapag-file, apprehend, and file cases against smugglers. Pero sa ngayon po sa batas, wala pong magagawa ang DA, kundi umasa sa BOC, kasi sila ‘yung naroon sa batas na may kapangyarihan noon,” ayon kay Adriano.

 

 

Nauna rito, nabanggit na ng DA ang ilang schemes o pamamaraan na ginagamit ng mga smugglers kabilang na ang “misdeclaration, undervaluation, at outright smuggling.”

 

 

Ang paliwanag ni Adriano, iniaalok ang smuggled products sa mas abot-kayang halaga dahil sa mababang produksyon nito at deliverty cost.

 

 

“Kung mahuli sila ng isang beses, pero kung maging successful sila sa second, or third attempt nila na mag-smuggle, kikita pa rin sila kasi malaki nga ‘yung price difference,” aniya pa rin.

 

 

Samantala, nagsasagawa na ang DA ng imbestigasyon para matunton ang di umano’y grupo ng technical smugglers sa loob ng kanilang departamento.

 

 

Binanggit din nito ang pinaigting na kolaborasyon ng DA sa BOC, na aniya’y nagsasagawa rin ng sarili nitong administrative investigation.

 

 

“‘Yung manifest ng iniimport at kung saan galing na bansa ‘yung import na ‘yun ay ishe-share sa atin, ito recent lang nagpirmahan po ang departamento ng agrikultura at BOC about that, ” ayon kay Adriano. (BISHOP JESUS “JEMBA” M. BASCO)

People's Balita.
All rights reserved. © Copyright 2024.