2022 April 26 Archive - People's Balita

July 18, 2024
Search in People's Balita
Ang Diyaryong Pinagkakatiwalaan

Archive for April 26th, 2022

UAAP volley hahataw na!

Posted on: April 26th, 2022 by @peoplesbalita No Comments

MULING masisilayan ang umaatikabong aksyon tampok ang matitikas na collegiate volleyball stars sa University Athletic Association of the Philippines (UAAP) Season 84 women’s volleyball tournament.

Nakatakdang umarangkada ang bakbakan sa Mayo 5 matapos ang pagdaraos ng men’s basketball tournament.

Kaya naman pagkakataon na ng mga fans na masilayan ang kanilang hinahangaang volleyball players sa collegiate level.

Ito ang masayang inihayag ni UAAP executive director Rebo Saguisag kung saan umaasa ito na magiging matagumpay din ang pagdaraos sa volleyball tournament gaya ng kasalukuyang ginaganap na men’s basketball event.

Nasa maluwag na quarantine protocols na ang buong Metro Manila kaya’t inaasahang mas magiging maluwag na rin ang UAAP at ang Commission on Higher Education (CHED) sa pagpapatupad ng safety and health protocols.

Phil. boxing team hindi lamang target na makahakot ng medalya

Posted on: April 26th, 2022 by @peoplesbalita No Comments

HINDI lamang nakatutok ang mga boksingero ng bansa na makahakot ng medalya sa paglahok nila sa 31st Southeast Asian Games sa Hanoi, Vietnam.

Sinabi ni Association of Boxing Alliances in the Philippines (ABAP) secretary-general Marcus Jarwin Manalo na kung tutuusin aniya ay kaya nilang higitan ang nakamit ng boksingero ng bansa noong 2019 SEA Games na ginanap sa bansa.

Humakot kasi ng pitong gold, tatlong silver at dalawang bronze medal ang bansa noong 2019 SEA Games.

Ayon kay Manalo na may mga timeline ang mga coaches nila na kasama sa training.

Nakatutok aniya sila sa magandang fight plan sa bawat laban.

Katuwang ng mga boksingero ng bansa sina Australian coach Don Abnett ang humawak sa mga PInoy boxers na sumabak sa Tokyo Olympics gaya nina flyweight Carlo Paalam at featherweight Nesthy Petecio ganun din kay bronze middleweight boxer Eumir Felix Marcial.

Magugunitang nasa Thailand ngayon ang mga Pinoy boxers kung saan doon na sila nagsasanay matapos ang pagsali nila sa tournament doon noong nakaraang mga linggo.

LIBO-LIBONG MGA TAGA-TAGUIG DUMAGSA SA BBM-SARA UNITEAM RALLY

Posted on: April 26th, 2022 by @peoplesbalita No Comments

IPINAKITA ng mga taga-Taguig ang kanilang solidong suporta sa tambalan ni presidential frontrunner Ferdinand ‘Bongbong’ Marcos Jr. at sa kanyang running mate vice presidential frontrunner Mayor Inday Sara Duterte nang dumagsa sila sa grand rally ng tambalan sa Arca South, Taguig City nitong Linggo ng gabi.

Umaga pa lang ay may marami nang tumungo sa lugar upang makapuwesto ng malapit sa entablado para malapitang makita ang mga pambato ng UniTeam, dala ang kanilang mga tubig, pagkain, tarpaulin at suot ang kanilang mga pula at green na t-shirt na may mukha ni Marcos at Duterte.

Ayon kay Nanay Rosie Matibag, sabik sila na makita sina Marcos at Duterte.

Aniya, ang dalawa ang karapat-dapat na mamuno sa ating bansa kaya naman todo ang suporta nila sa kanila.

“Gustong namin makita si BBM tsaka si Sara dahil alam namin na sila lang ang may kakayahan mamuno sa ating bansa, pumunta kami ng maaga para makapuwesto ng maayos, naghanda din kami ng mga pagkain, tubig pati itong tarpaulin dinala ko na,” ayon kay Nanay Rosie.

Sabi naman ng grupo ng mga kalalakihan ay solid BBM-Sara UniTeam sila at totoong taga-Taguig sila na sumusuporta sa tandem ng BBM-Sara UniTeam.

“Solid kami, solid BBM-Sara, magkakaibigan po kami, pinag-usapan na namin kagabi na pupunta po kami dito para suporatahan sila, pero bukod para makita ko rin sila pati si Andrew E,” sambit ng magkakaibigan.

“Hindi kami hakot! Hindi din kami bayad, taga-Taguig mismo kami na sumusuporta sa UniTeam, sila ang gusto namin na maging lider ng bansa,” dagdag pa ng grupo.

Habang nagpasalamat naman si Mayor Inday Sara sa organizer ng programa at sa mga Taguigeño na nakibahagi at naghintay sa kanila ni Marcos.

Nagpaalala rin siya na kung maari ay magdala ng kodigo o sample ballot sa araw ng botohan.

“Pasalamat tayo sa organizers dahil tinulungan nila tayo na mabuo ang pagsasama-sama natin ngayon gabi na ito at sa inyo mga taga-Taguig maraming salamat sa oras at oportunidad na binigay ninyo sa amin para makilala kayo, marami sa inyo kanina pang umaga,” ayon sa alkalde ng Davao City.

“Paalala lang din sa ating mga kababayan, sa inyong lahat, napakahalaga ng ating kodigo, sample ballot sa araw ng halalan dahil napakarami ng pangalan na kailangan natin alalahanin,” dagdag pa ng alkalde.

Lubos naman ang galak ni BBM, ang pambato ng Partido Federal ng Pilipinas (PFP) sa ipinakitang suporta ng Taguigeño dahil sa matiyagang paghihintay ng mga ito sa tambalan nila ni Mayor Inday Sara.

“Maraming salamat, alam ko po na marami sa inyo ang kanina pa nandito, nakakataba naman ng puso na nagtiyaga kayo na maghintay na nakabilad sa araw na hindi umaalis,” ayon sa kanya.

Habang nagsasalita naman ang dating senador ay sumisigaw ang mga tao ng “hindi kami bayad, panalo ka na, solid Taguig” ani Marcos na kitang kita na sa Taguig ay nagkaisa na sa tambalang Marcos at Duterte.

“Tama yan isigaw pa ninyo, para marinig ng buong Pilipinas na dito sa Taguig buo ang suporta ng Taguig sa likod ng UniTean at sa tambalang Marcos at Duterte,” ayon sa dating senador.

Inorganisa ng Next Gen For BBM ang naturang programa, si Ai Ai Delas Alas, Bayani Agbayani at Randy Santiago ang mga naging host na mas nagbigay saya sa grand rally.

Kinilig naman ang mga supporters lalo na ang mga kababaihan nang tumugtog ng ukulele ang bunsong anak ni Marcos na si Vincent.

Nag-perform din ang ilang mga banda tulad ng Silent Sanctuary, Aegis at maging ang rap group na Ex-Battalion ay nagbigay saya din sa supporters ng BBM-Sara UniTeam. (BISHOP JESUS “JEMBA” M. BASCO)

PDu30, personal na nagpaabot nang pagbati sa mga miyembro ng PSG na nakapasa sa Bar exams

Posted on: April 26th, 2022 by @peoplesbalita No Comments

PERSONAL na binati ni Pangulong Rodrigo Roa Duterte ang mga miyembro ng Presidential Security Group (PSG) na pumasa sa 2020/2021 bar examinations.

Sa isang text message, sinabi ni PSG spokesperson Major Zeerah Blanche Lucrecia, na nakipagkita ang mga bar passers kay Pangulong Duterte para sa isang photo opportunity sa Malago Clubhouse sa Malakanyang noong Abril 21.

“The gesture was gladly received by the new bar passers,” ayon kay Lucrecia.

Ang mga PSG members na matagumpay na nakapasa sa Bar examinations ay sina Captain Joan Napay, kasalukuyang nakatalaga sa PSG Station Hospital; Lt. April Bayabao mula sa Office of the Assistant Chief of Staff for Logistics at PSSg. Byron Angelo Bacud mula sa Presidential Police Security Force Unit.

Ani Lucrecia, ipinresenta ni PSG commander Brig. Gen. Randolph Cabangbang kay Pangulong Duterte ang mga PSG members na pumasa sa bar exams.

Sa kabilang dako, sinabi ni Napay na ibinahagi sa kanila ni Pangulong Duterte ang kanyang personal na karanasan bilang abogado at isang prosecutor nang siya ay nananatili pang nasa practice.

Samantala, inirekomenda naman ni Pangulong Duterte ang pagbabasa ng maraming libro ukol sa trial techniques at hinikayat ang mga bagong abogado na mag-engage sa practice maging sa Armed Forces of the Philippines o pribadong sektor.

Sinabi ni Napay na magsisilbi siya sa AFP.

May kabuuang 8,241 examinees mula sa 11,402 takers ang pumasa sa 2020/2021 Bar Examinations para sa 72.28% passing rate, ayon sa Korte Suprema. (Daris Jose)

Ads April 26, 2022

Posted on: April 26th, 2022 by @peoplesbalita No Comments

Ayuda sa seniors, PWDs dapat gawing P1K

Posted on: April 26th, 2022 by @peoplesbalita No Comments

NANGAKO ang ACT-CIS Partylist na tatrabahuhin ng kanilang grupo na madagdagan ang ayuda para sa mga indigent senior citizens sa bansa.

Ayon kay ACT-CIS nominee Edvic Yap, “sa kasalukuyan, P500 lang ang natatanggap na ayuda buwan-buwan ng mga indigent senior citizens natin at PWD.”

Ang budget ay nanggagaling sa Department of Social Welfare and Development (DSWD) at ipinamamahagi sa mga matatanda at PWD.

“Madami pong mga PWD at senior ang lumalapit sa amin para lang sabihin na kulang na kulang ang P500 para pambili nila ng pagkain o maintenance kada buwan,” ani Yap.

Paliwanag pa ni Yap, hihingin nila sa Committee on Appropriations ng kongreso na dagdagan ang pondo ng DSWD sa susunod na taon para sa ayuda ng mga senior at PWD.

“Pagbalik namin sa kongreso ito ang mga unang panukalang batas na aatupagin ng aming mga kasamahan,” dagdag pa ni Yap.

Charlize Theron Confirms the return of her Fast & Furious character, Cipher

Posted on: April 26th, 2022 by @peoplesbalita No Comments

CHARLIZE Theron announces her return for Fast & Furious 10, aka Fast X, in new behind-the-scenes set images.

Theron joined the franchise with 2017’s The Fate of the Furious, playing Cipher, a cyberterrorist who blackmails Vin Diesel‘s Dom Toretto to take part in her plan to hijack nuclear weapons.

By F9, Cipher has been captured by Kurt Russell’s Mr. Nobody, eventually breaking free and once again going after Dom (and his brother, John Cena‘s Jakob Torretto). In the end, Cipher fails her mission and escapes, leaving her still an active threat to Dom and his crew.

Fast X is being directed by franchise regular Justin Lin and brings back the main cast of Diesel, Michelle Rodriguez, Ludacris, Tyrese Gibson, Nathalie Emmanuel, and Sung Kang. Aquaman‘s Jason Momoa has also come on board as this entry’s main villain, as well as Captain Marvel‘s Brie Larson in an undisclosed role, and The Suicide Squad‘s Daniela Melchior in a mysterious role.

There are plenty of other stars that have appeared in the franchise before that could reappear, but thus far, those are the ones that have been announced.

However, one more recurring cast member can be added to the Fast X mix, as Theron has shared some behind-the-scenes set images that show Cipher is back for the next entry and rocking yet another new hairstyle, as has been her trademark thus far.

The black-and-white images reveal that Theron’s Cipher has longer locks this go round and appears to be still carrying on with her stylistic attire. The images also tease a pair of armed and armored bodies, which hints at a death toll to come in whatever sequence Theron is filming.

Given the ending of the last film, it isn’t much of a surprise that Theron is returning as Cypher. After all, F9 made it clear that her storyline wasn’t over. Theron has continued to walk the line between big-budget spectacle and action films (Prometheus, Atomic Blonde, The Old Guard) and more intimate, dramatic/comedic fare (Young Adult, Bombshell, Long Shot) over the years. Given her wide range of acting abilities, the return of Cipher will no doubt benefit the film, but it’s still a mystery how she ties into the storyline since Momoa is said to be the main villain.

While the cast announcements for Fast X have been notable thus far, they’ve also likely been holding back in order to keep a few surprises for fans when the movie releases. There are sure to be more casting additions throughout the filming of Fast & Furious 10, be it older characters from the series, guest appearances, or even potential resurrections, as has often been a theme with the series.

Some are speculating that Gal Gadot‘s Gisele, thought dead by the end of Fast & Furious 6, could make her return, which is entirely possible in the jump-the-shark world of The Fast & The Furious franchise. (source: screenrant.com)

(ROHN ROMULO)

Panahon na para sa “bolder, urgent action” para resolbahin ang paghihirap sa tubig – PDu30

Posted on: April 26th, 2022 by @peoplesbalita No Comments

ITO na ang tamang panahon para sa “bolder vision” at “agarang aksyon” para resolbahin ang water-related issues sa Asia-Pacific region.

Binigyang halimbawa ni Pangulong Rodrigo Roa Duterte ang mga developing countries gaya ng Pilipinas na nahaharap sa mga pagsubok upang masiguro na ang universal access ng mga mamamayang Filipino ay “ligtas, affordable at accessible water.”

Sa isang video message sa panahon ng heads of states at government meeting sa 4th Asia-Pacific Water Summit sa Kumamoto City, araw ng Sabado, sinabi ni Pangulong Duterte na ang mga bansa sa Asia-Pacific at katuwang nito ay kailangan na bumuo ng “a strong alliance” upang tugunan ang paghihirap ng rehiyon sa tubig.

“Excellencies, now is the time for bolder vision and urgent action. We need to decide wisely for ourselves and for future generations,” ayon kay Pangulong Duterte.

Tinukoy ang kaso ng Pilipinas, mayroon aniyang nananatiling “enormous challenge” upang matiyak na sapat ang suplay ng iniinom na tubig sa kabila ng kasaganaan ng tubig sa bansa.

“This requires an urgent sense of community action in the region, an integrated and coherent policy and the resolve to create opportunities for investment and collaboration for technological solutions,” ang sinabi ng Pangulo sa mga nagpartisipa sa water summit.

Nagmungkahi naman ang Chief Executive ng ilang hakbang upang matugunan ang mga hamon gaya ng “creating a robust regime for sustainable water management, using the best available science in water resource generation and climate resilient infrastructure, and securing sustainable forest protection and watershed management.”

Ang mga regional experts for technology development and transfer aniya ay kailangan na makipag-collaborate, at kailangan na i-promote ng bansa ang transboundary benefits para sa development ng mga ordinaryong mamamayan tungo sa 2050 “and beyond.”

Aniya pa, ang solusyon sa water-related issues ay kailangan na manggaling mula sa pamahalaan at non-government stakeholders.

Sinabi ni Pangulong Duterte na ang access sa tubig at sa kaugnay na serbisyo ay kinukonsidera bilang basic human right, lalo pa’t “it is a resource so vital for humans and ecosystems for survival and sustenance.”

Samantala, pinuri naman ni Pangulong Duterte ang Japanese government para sa patuloy na inisyatiba sa matagumpay na pag-organisa ng 4th Asia-Pacific Water Summit.

Sinabi naman ni Climate Change Commission Secretary Robert E. A. Borje, nagpakilala sa Pangulo sa idinaos na leaders’ meeting, na ang pangunahing posisyon ng Pilipinas sa climate change mitigation at adaptation ay climate justice.

“To the least responsible, to those with the least resources, to those most exposed, we need to do more,” ayon kay Borje.

“Philippines’s solidarity with all nations, which had to deal with water-related disasters brought about by climate change drivers,” aniya pa rin.

Samantala, noong nakaraang linggo ay sinabi ni Pangulong Duterte sa kanyang Talk to the People program na kailangan na bayaran ng mga developed countries ang mga developing nations na labis na naghihirap mula sa epekto ng climate change. (Daris Jose)

MAHIGIT 40K PULIS, IPAPAKALAT SA MAY 2022 POLLS

Posted on: April 26th, 2022 by @peoplesbalita No Comments

AABOT sa mahigit 40,000 na mga pulis ang ipakakalat ng Philippine National Police (PNP) para magbigay seguridad sa May 2022 national and local elections.

Ayon kay PNP Chief Police General Dionardo Carlos, handang-handa na sila sa halalan at kasalukuyang nasa phase na sila ng “monitoring” sa ground.

Binigyang-diin ni PNP chief, kasado na rin ang latag ng seguridad sa lahat ng rehiyon sa bansa at nakaalerto na ang lahat ng mga pulis na mag-du-duty.

Dagdag pa ni Carlos na ipakakalat din nila ang kanilang mga admin personnel ngayong linggo at susunod na linggo para tumulong sa mga pulis na una nang na-deploy sa kanilang mga areas of responsibility (AOR).

Samantala, nakabantay naman ang kanilang Regional Special Operation Task Group sa mga lugar na posibleng magkaroon ng intense political rivalry. (Daris Jose)

Kahit na may nagne-nega at kumokontra: JANINE, sinabihan na ‘wag nang itago ang relasyon nila ni PAULO

Posted on: April 26th, 2022 by @peoplesbalita No Comments

HINDI na nga maitatago ang labis na kaligayahan ngayon ni Janine Gutierrez at base ito sa pinost na New York photos, kasama ang isang larawan ni Paulo Avelino na nakatalikod inilagay niya sa bandang huli.

May caption ito ng, “once upon a time in NY (kasama ng pizza icon).”

Nag-comment naman si Paulo ng icon ng ‘man tipping hand’ sa post ni Janine. Sa IG naman ng aktor, pinost din niya ang solo pix ng aktres kaya ang request ng kinikilig nilang fans, na sana raw sa next post ay magkasama na sila.

Marami ang natuwa at sinasabing ‘love is in the air’ na kailangan na I-reveal na soon at ‘wag na raw itago ang kanilang relasyon.

As usual, nagtalo-talo na naman ang netizens na kung ang iba ay natutuwa, meron namang nagsasabi na hindi bagay ang dalawa at ilang sa naging komento nila:

“Downgrade masyado si Janine. Di sila bagay pa.”

“Why naman downgrade? If di mo alam, galing si Paulo A sa prominent family. Very lowkey lang talaga sya.”

“Paanong naging downgrade? Grabe ka naman.”

“Kahit na ano ang sabihin nyo super love love love nila ang isa’t isa.”

“What she meant is may anak at walang planing mag settle down.”

“C Rayver ang nakinabang sa relasyon nila ni Janine. khit talented cya pero walang dating prin sa tao unlike c Paolo na pnag-uusapan projs nya kc magaling tlaga cyang umarte.at ngka-tv commercial pa khit ayaw sa knya ng showbiz reporters kc suplado.”

“Dahil po ba may anak na si paulo? Pag may anak na pla ang mamahalin mo downgraded na pala tawag don ngayon. Mapanghusgang mata ng mga tao.”

“Di rin naman upgrade level yung ex nya. Itong si Pau, average lang but at least lamang pa rin sa looks and acting department.”

“Dati sila ni Rayver sa Paris ngayon naman NYC with Paulo. Ikaw na Janine!”

“Kaganda kaya ni Janine at edukada pa hindi high maintenance tulad ng ibang babae.”

“Anong masama sa babaeng high maintenance kung kaya naman ng bulsa.”

“She is high maintenance she is not even from a very rich family. I find her trying hard.”

“Nakikita mo ba ang sinasabi mong high maintenance eh sobrang simple at humble ni Janine jusmio ka naman.”

“Saan na yung nagsabing may resibo daw na hindi sila magkasama?”

“Hanep! Super saya naman ng araw ko ngayon.”

“Si Janine di na natuto. Naalala ko noon, Villa Quintana days nya pa lang nakipaghiwalay sya sa nonshowbiz bf nya dahil sobrang napressure ng mga handlers nya at mga fans na ipromote yung love team nila ni Elmo.

“Kaya ayun, kahit obvious namang di swak personalities nila and di naman sya ganun kahappy, naging sila. Tapos eto na naman ngayon. Parang yung tingin ko dito sa batang to di nya kayang ihandle pressure ng showbiz na hindi nya nawawala sarili nya.”

“Ano daw, di nga pumatok yung serye at love team nila e at wala na sila upcoming show, nagka inlaban lang talaga sila.”

“Hayy! Sarap ma inlove.”

“Paulo mas sikat. Pero si Rayver, fam oriented. Well cguro hindi natuturuan ang puso talaga.”

“Mga atribida sa comment section, maglaway kayo sa inggit!”

(ROHN ROMULO)