2022 April 28 Archive - People's Balita

December 23, 2024
Search in People's Balita
Ang Diyaryong Pinagkakatiwalaan

Archive for April 28th, 2022

95% ng mga namatay dahil sa COVID-19 sa PH, hindi pa bakunado – DOH

Posted on: April 28th, 2022 by @peoplesbalita No Comments

INIULAT ni Department of Health (DOH) Secretary Francisco T. Duque III na nasa 95% ng mga namatay dahil sa COVID-19 sa Pilipinas ay hindi pa bakunado.

Ayon kay Duque malaking porsyento ng mga namamatay dahil sa COVID-19 ay mga senior citizens sa bansa.

Samantalang, nakitang nasa 85% ang mga na-admit na severe at critical covid19 cases na hindi pa bakunado.

Sa naturang data ayon kay Duque patunay aniya ito na ang pagbabakuna at pag-obserba sa minimum health and safety protocols ay ang pinakaepektibong pagtugon laban sa COVID-19 pandemic.

Muling panawagan ng DOH sa mga hindi pa nakakatanggap ng bakuna laban sa COVID-19 na magpabakuna na dahil sa ito ay libre, ligtas at epektibo na siyang long term solution laban sa nakamamatay na sakit.

Movie nila ni BEA, inaabangan bukod sa serye: ALDEN, good vibes lang palagi kaya patuloy ang blessings

Posted on: April 28th, 2022 by @peoplesbalita No Comments

SABI ni Direk Roman Cruz, Jr. tinitiyak daw niya na every movie na kanyang ginagawa ay ibang-iba sa huling project na kanyang dinirek.

Pero aminado naman siya na itong latest movie for Vivamax titled Putahe ay homage niya sa pelikula niyang Adan na umagaw ng atensiyon nang ito ay ipalabas.

“Hindi naman ito sequel ng ‘Adan’ kasi may subplot itong ‘Putahe’ about cooking. Parang sinasabi na kapwa importante ang cooking at sex,” pahayag ni Direk Roman sa zoom con ng Putahe.

Dahil daw sa Adan kaya nagkasunud-sunod ang projects niya under Vivamax. Pero may ibang twist daw itong Putahe dahil sa mga bidang babae na sina Ayanna Misola at Janelle Tee (Miss Earth 2019).

Sinabi raw ni Direk Roman kay Ayanna na siya ang magdidirek ng launching film ng dalaga.

“Very innocent kasi ang dating ni Ayanna tapos may ibang putahe na hatid si Janelle,” pahayag pa ng kontrobersiyal na director.

Excited daw si Direk Roman na mag-launch ng mga baguhan dahil very raw at innocent ang dating ng mga ito.

Kaya maski ang male cast ng movie na sina Massimo Scofield Nathan Cajucom, at Chad Solano ay pawang mga baguhan din.

Baptism of fire para sa male cast ang dahil first movie pa lang nila ito pero napasabak na agad sila sa mga sexy scenes.

***

IPINAGDIRIWANG ni Alden Richards ang third anniversary ng branch ng fastfood joint na kanyang ini-endorse.

Good vibes lang kasi palagi si Alden kaya patuloy na dumarating ang blessings sa kanya.

May upcoming endorsement na naman ang Pambansang Bae na tiyak na magdadagdag ng earnings sa kanyang bank account.

Sa ngayon ay busy si Alden sa taping ng bago niyang serye sa GMA na adaptation ng Korean novela na Start Up with Bea Alonzo as his co-star under the direction of Jerry Lopez Sineneng.

Kailan kaya ipalalabas ang Start Up? At kailan kaya sisimulan nia Alden at Bea ang gagawin nilang movie?

Matagal na rin naman walang movie si Alden since the blockbuster hit Hello Love, Goodbye.

Siyempre miss na si Alden ng kanyang mga fans na nag-aabang kung ano ang susunod project ng Pambansang Bae.

***

IMPRESSED si Direk Louie Ignacio sa performance ni Jeric Gonzales sa launching film nito na Broken Blooms under Bentria Productions.

Si Jeric talaga ang first and only choice ni Direk Louie at ni Engr. Ben(ang producer) to play the lead sa pelikula na nagwagi ng Gold Remi Awards sa 55^th Houston International Film Festival.

Hindi talaga pumayag si Direk Louie na hindi si Jeric ang magbibida sa Broken Blooms at hindi naman siya nagkamali in entrusting him the role because the guy delivered.

“I told Jeric the shoot na bagay sa kanya ang role. Kumbaga parang tailor made for him and I am happy na hindi naman kami nabigo dahil nakuha ni Jeric yung acting na gusto ko,” kwento ni Direk Louie.

Naniniwala si Direk Louie na given more challenging roles, mas lalong lalabas ang pagiging seryosong actor ni Jeric. Kailangan lang daw magtiwala ni Jeric sa kanyang sarili na he can do any role, basta isapuso niya ang pagganap.

(RICKY CALDERON)

Japan ipinagmalaki ang mabisang gamot laban sa COVID-19

Posted on: April 28th, 2022 by @peoplesbalita No Comments

IPINAGMALAKI ng kumpanyang Shionogi & Co Ltd. sa Japan na mayroong mabilis na epekto ang kanilang gamot laban sa COVID-19.

Ayon sa datus ng Japanese drug maker na mabilis nitong pinapagaling ang mga nagpositibo sa COVID-19.

Patuloy na ini-evaluate ng mga Japanese regulators ang nasabing S-217622 pill ng nasabing kumpanya.

Plano ng kumpanya na ilunsad ito sa buong mundo para makatulong sa ibang bansa na lumalaban sa nasabing virus.

3 notorious hackers arestado sa iligal na pag-access sa sistema ng Smartmatic

Posted on: April 28th, 2022 by @peoplesbalita No Comments

INARESTO ang tatlong hackers mula sa Cavite at Laguna na kaya umanong nilang pasukin ang sistema ng Commission on Election (Comelec) at manipulahin ang resulta ng eleksiyon.

Sa inilabas na report ng Cybercrime Investigation and Coordinating Center (CICC), ang entrapment operation sa naturang mga suspek ay nangyari noong Abril 23 sa pakikipagtulungan ng CICC at Philippine National Police Anti-Cybercrime Group (PNP-ACG) agents na nagpanggap bilang kliyente para makabili ng stolen data.

Nagresulta ito sa pagkakadakip ng mga suspeka na sina Joel Adajar Ilagan a.k.a Borger, Adrian de Jesus Martinez a.k.a. AdminX, at Jeffrey Cruz Ipiado a.k.a. Grape/ Vanguard/ Universal/ LLR.

Batay sa claim ng mga hacker, kaya din umano nilang palitan ang magiging resulta ng eleksiyon sa pamamagitan ng pag-access sa sistema ng Smartmatic, ang automated poll system provider ng bansa.

Nabatid din na base sa initial findings na ang grupong ito ang siya ring responsable raw sa nangyaring hacking incidents at target ang Comelec at Smartmatic system, hacking sa Napocor website at hacking sa credit cards at iba pang online transactions gayundin ang ransomware sa ilang local commercial websites.

Nahaharap ang mga suspek sa kasong paglabag sa Cybercrime Prevention Act of 2012. (Daris Jose)

BOC, NBI nanguna sa raid ng P250 milyong pekeng luxury goods

Posted on: April 28th, 2022 by @peoplesbalita No Comments

PINANGUNAHAN ng Bureau of Customs (BOC), Customs Intelligence and Investigation Service-Manila International Container Port (CIIS-MICP), at National Bureau of Investigation-Special Action Unit (NBI-SAU) ang isang joint operation noong Biyernes sa Peter Street, Perpetual Village, Las Piñas City kung saan nadiskubre nila ang humigit-kumulang sa P250 milyong halaga ng mga puslit na pekeng luxury items.

Ayon kay CIIS Director Jeoffrey C. Tacio, na nahaharap sa kasong paglabag sa intellectual property rights (IPR) ang mga sangkot sa pamemeke ng produkto.

Nakumpiska ng grupo ang mga smuggled na imported IPR-infringing clothing items, gaya ng shorts, pants, t-shirts, polo shirts, baby apparel, at iba pa. Ang mga items ay imitasyon ng luxury brands na Louis Vuitton, Chanel, Hermes, Gucci, Lacoste, Levi’s, Adidas, Nike, Fila, Champion, Zara, at H&M.

Nadiskubre rin ang mga IPR-infringing bottles ng mga pabango, gaya ng luxury brands na Jo Malone, Versace, at Lanvin.

Pinuri naman ni Customs Deputy Commissioner for Intelligence Raniel Ramiro ang operasyon. “We don’t want the country to suffer from a certain reputation that allows infringed goods to get into the market and make a mockery of our laws and systems,” aniya. “This is non-negotiable for us. We’re not only working to protect our borders, but we want to secure our markets, too,” dagdag pa ni Ramir.

Samantala, aabot naman sa halagang P31.5 milyon ang nasabat na mga peke at hindi rehistradong mga produktong pangkalusugan sa pagsalakay rin ng Bureau of Customs (BOC) sa dalawang bodega sa Sta. Cruz, Maynila kamakailan.

Sa ulat na inilabas kahapon, nakasaad na sinalakay ng Customs Intelligence and Investigation Service-Intellectual Property Rights Division (CIIS-IPRD) dalawang bodega sa may Ongpin Street at Fernandez Street sa Sta. Cruz.

Nagkakahalaga ng P9.5 milyon ang nasabat na produkto sa bodega sa Ongpin habang P22 milyon naman ang nasabat sa Fernandez Street. (BISHOP JESUS “JEMBA” M. BASCO)

Posibleng pagtaas sa kaso ng COVID 19, maaaring maganap anumang araw

Posted on: April 28th, 2022 by @peoplesbalita No Comments

ANUMANG araw ay posibleng magsimula ng tumaas muli ang kaso ng COVID 19 sa bansa.

Ayon kay Dr. Guido David ng OCTA Research sa Laging Handa Public briefing na kanilang ibinase ang kanilang projection sa pagkakahalintulad ng characteristics ng Pilipinas sa South Africa at New Dehli sa India na ngayoy inaatake naman ng panibagong sub- variant.

Concern ani David sila sa posibilidad na makapasok sa bansa ang sub- variant na tiyak aniyang magpapataas sa kaso ng COVID sa Pilipinas.

Batay sa kanilang projection, hindi naman nila nakikitang magiging kasing taas ng kaso nung January ang posibleng mangyari anomang araw.

Tinatayang, 50,000 hanggang 100, 000 ayon kay David ang kanilang tinatayang maitalang active cases o 5 libo hanggang sampung libong kaso kada araw.

Samantala, puwede pa rin naman aniyang mabago ang naturang projection. (Daris Jose)

US top diplomat muling bibisita sa Ukraine sa kabila ng banta na World War III ng Russia

Posted on: April 28th, 2022 by @peoplesbalita No Comments

BABALIK pa sa Ukraine nitong Linggo si US Secretary of State Antony Blinken matapos ang pakigpulong nito kay Ukrainian President Volodymyr Zelensky sa Kyiv.

Ito ay sa kabila ng babala ng Russia na maaaring magresulta sa World War III ang labanan sa Ukraine matapos ang ginawang pagbisita nito kasama si Defense Secretary Lloyd Austin.

Mas nag-trigger ang conflict dahil sa suporta ng mga Western Nations sa Ukraine sa pamamagitan ng pagpapadala ng mga weapons laban sa Russian troops.

Pinuna naman ni Russian Foreign Minister Sergei Lavrov ang diskarte ng Kyiv sa pag-usad ng usapang pangkapayapaan.

Magugunitang, sa loob ng maraming buwan, humihingi si Ukrainian President Volodymyr Zelensky sa mga kaalyado ng Ukraine ng mga heavy weapons– kabilang ang artillery at fighter jet.

Napag-alaman na sina Blinken at Austin ang mga highest-level US officials na bumisita sa Ukraine simula ng pananalakay ng Russia.

Nag-trending na naman dahil sa larawang naka-pink: Management ni SARAH, nilinaw na in-alter ang IG story kaya wala pa rin sinusuportahan

Posted on: April 28th, 2022 by @peoplesbalita No Comments

NAG-TRENDING na naman si Popstar Royalty Sarah Geronimo nang kumalat sa social media noong Lunes, April 25, 2022, ang screenshot ng Instagram story.

May isang na photo na nagpapakita ng kalahating mukha ng isang babaeng may hawig kay Sarah na suot pink t-shirt at nilagyan ng caption na “Papunta palang tayo sa exciting part.”

Na tila pagpapahiwatig ito tungkol sa kandidatong susuportahan ng singer-actress na asawa ni Matteo Guidicelli.

Sa screenshot copy ng Instagram story na kumalat ay may logo ng Viva Artists Agency kaya marami ang natuwa at agad na naniwala na baka nga isa na ngang “Kakampink” si Sarah at sinusuportahan na rin ang pagtakbong Pangulo ni Vice President Leni Robredo.

Say pa ng netizens, pwede na siyang ihanay kina Angel Locsin, Regine Velasquez & Ogie Alcasid, Nadine Lustre, Julia Barretto kasama ang pamilya, Cherry Pie Picache & Edu Manzano, Agot Isidro, Nikki Valdez, Pinky Amador, Janine Gutierrez, Jolina Magdangal & Mark Escueta, Gary Valenciano & Gab Valenciano, Elmo Magalona, national artist BenCab, Iza Calzado, Camille Prats, Saab Magalona, Rica Peralejo, Bianca Gonzalez, Pokwang, Ogie Diaz at marami pang iba.

Bukod pa ang pagpapahayag ng suporta nina Piolo Pascual, Pia Wurtzbach, Catriona Gray, Vice Ganda at si Diamond Star Maricel Soriano.

Ilan sa naging comment ng netizens, “If Sarah G is coming to Laguna or coming to any Leni Rally, then, for the nth time- She has proven to be worthy of my love since 2004, the 1st time I met her in our high school, Angelicum College. May the heavens speak to her.”

“How true na Sarah G will be endorsing Leni !!!! OMG

“omg sarah g for leni???? YASSSSSSSSSSS TRUE BEHAVIOR.”

At dahil nga nag-viral ang post at talagang pinag-usapan, noong gabi ng Martes, April 26, naglabas ng official statement ang Viva Artists Agency para bigyan ng linaw ang isyu tungkol kay Sarah at pagiging ‘Kakampink’ nito.

Ayon sa statement: “A screenshot of an Instagram story is circulating online supposedly from the account of Viva Artists Agency (‘VIVA’).

“The post was altered and was never published on any official VIVA social media account.”

So, malinaw na fake news na naman ang kumalat na socmed katulad nang lumabas last month na isang blind item na tumutukoy sa surprise daw ang paglabas ni Sarah sa PasigLaban Peoples Rally nina VP Leni at Sen. Kiko Pangilinan, na kung saan kakanta siya.

Kaya may nag-tweet ng, “Isa RAW siya sa kakanta ng Rosas. Oo tama ang basa niyo. Isa RAW siya sa kakanta ng Rosas sa Pasig. Again, RAW is the operative word ng buong tweet na ito. ‘Wag kayong ano.”

“The writer of Sarah G’s Tala is also the same writer of “Kay Leni Tayo” and “Rosas”. Sarah G. we hope to see you soon.”

Pero, hindi nga nagkatotoo ang blind item, at mukhang tulad noong 2016, walang i-endorsong kandidato si Sarah G, mabuti na rin ‘yun na manatili siyang umiiwas sa gulo ng pulitika.

(ROHN ROMULO)

Brownlee isa na sa mga PBA Greatest Imports

Posted on: April 28th, 2022 by @peoplesbalita No Comments

BITBIT ang isa na namang kampeonato, lalong hinigpitan ni Justin Brownlee ang kanyang puwesto sa tuktok bilang isa sa Greatest Imports sa kasaysayan ng PBA.

May limang kampeonato na ngayon si Brownlee sahog pa ang dalawang Best Import awards matapos ang 3-2 panalo ng Barangay Ginebra kontra sa karibal na Meralco sa katatapos lang na 2021-2022 PBA Governors’ Cup Finals.

Kumayod si Brownlee ng mga averages na 30.3 points, 11.2 rebounds, 5.4 assists, 1.7 steals at 1.6 blocks sa season-ending conference tampok ang 24 markers, 16 boards, 6 assists, 2 steals at 2 blcoks sa championship-clinching 103-92 win nila sa Game 6.

Hindi pa natatalo si Brownlee, wagi din bilang Best Import at champion noong 2018 Commissioner’s Cup, sa limang salang sa PBA finals simula nang maging resident import ng Gin Kings noong 2016.

Sumampa na rin si Brownlee sa Top 5 ng All-Time Scoring List para sa mga imports sa PBA sa hawak na 4,539 points sa itaas ni Billy Ray Bates (4,523) na siyang nagbigay ng unang PBA title sa Gin Kings noong 1986.

Nasa likod ni Brownlee sina Meralco coach Norman Black (11,329), Bobby Ray Parks (8,955), Sean Chambers (8,225) at Lou Masey (5,386).

“It feels great to be in the company of things in the league. I feel like this is a great league. It’s very established with a lot of history, a lot of great imports and local players. It feels great to keep accomplishing things in this league because it means a lot,” ani Brownlee.

Sa dami ng Best Imports trophy ay tabla na siya kina Black, Bates, Derrick Brown, Gabe Freeman, Arizona Reid, Jerald Honeycutt at Kenny Redfield sa likod nina Parks (7) at Allen Durham (3).

Matamis na regalo ito para kay Brownlee sa kanyang ika-34 na kaarawan kamakalawa, isang araw matapos ang kampeonato ng Gin Kings subalit higit doon – isa itong malaking karangalan.

Meta, pinagpapaliwanag sa Senado sa isyu ng umano’y censorship

Posted on: April 28th, 2022 by @peoplesbalita No Comments

PINAGPAPALIWANAG ni Sen. Ramon “Bong” Revilla Jr. ang social media giant na Meta, ang mother company ng social networking platform na Facebook.

Ayon kay Revilla na siyang chairman ng Senate committee on public information and mass media, nakakaalarma ang sunod-sunod na censorship ng social media firm.

Matatandaang isa sa umalma sa warning ng Meta ang kampo ni Presidential Security Adviser Hermogenes Esperon Jr.

Habang ngayong araw naman ay kinumpirma ng tagapagsalita ni dating Sen. Ferdinand Marcos Jr. na si Atty. Vic Rodriguez na sinusinde ng Facebook ang kaniyang account.

Samantala, nanindigan naman ang Meta na walang company officials na sangkot sa flagging ng mga post ng ilang government offices.

Ayon sa Meta, batid nila na tila na-block ng isang automation system ang pag-share ng ilang links sa kanilang platform.

Dahil dito, naka-flag din ang posts ng ibang Facebook pages na una nang nag-share ng mga nasabing link kaya’t iniimbestigahan at nireresolba na nila ang issue.

Nilinaw pa ng Meta na ang third-party fact-checking partners ay hindi basta nagtatanggal ng content, accounts o pages mula sa kanilang apps.

Nagtatanggal lamang ang FB ng content kung lumalabag ito sa kanilang community standards, na iba pa sa fact-checking programs nito.