2022 May 07 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for May 7th, 2022

Gobyerno, double-time na nagta-trabaho para maging banayad ang inflation o pagtaas ng presyo ng ilang pangunahing bilihin

Posted on: May 7th, 2022 by @peoplesbalita No Comments

“Double time” ang ginagawang pagtatrabaho ng pamahalaan para maging banayad ang inflation o pagtaas ng presyo ng ilang pangkaraniwang serbisyo’t produktong binibili ng mga konsyumer sa gitna ng pabago-bagong global oil at non-oil prices.

Iniulat kasi ng Philippine Statistic Authority na pumalo sa 4.9 percent sa nakalipas na buwan ang inflation, 4.0% noong Marso at 4.1% sa kahalintulad na buwan noong nakaraang taon.

“The Executive, particularly our Economic Team, is closely monitoring the increase in the country’s inflation, which stands at 4.9 percent in April 2022,” ayon kay acting presidential spokesperson at Communications Secretary Martin Andanar.

Dahil dito, kailangan aniyang mag-dobleng trabaho ang pamahalaan para tugunan ang pagtaas ng presyo ng mga bilihin at serbisyo.

“We shall work double-time to address the socio-economic concerns of our people while taming high prices of goods and commodities,” dagdag na pahayag nito.

Sa ulat, bumilis pa ang Inflation o paggalaw ng presyo ng mga bilihin at serbisyo nitong Abril ngayong taon.

Batay sa datos ng Philippine Statistic Authority, pumalo sa 4.9 percent ang Inflation mas mataas kumpara sa 4 percent noong Marso.

Sinabi ni Usec Dennis Mapa ng PSA na ito na ang naitalang pinakamataas na inflation mula noong January 2019.

Lagpas na rin ito sa target ng Bangko Sentral ng Pilipinas na 2 hanggang 4 percent.

Pangunahing nag-ambag sa pagtaas ng Inflation ang mataas na presyo ng pagkain na umabot sa 51.5 percent, transportasyon, krudo at kuryente.

Ang mataas na presyo pa rin ng gasolina sa World market dulot ng gusot ng Russia at Ukraine ang nakikitang dahilan ng patuloy na pagsirit ng presyo ng mga bilihin at serbisyo. (Daris Jose)

PAGSUSUOT NG SHIRT O PARAPHERNALIAS NA MAY MUKHA NG KANDIDATO, DI REKOMENDADO

Posted on: May 7th, 2022 by @peoplesbalita No Comments

HINDI inirerekomenda ng Commission on Elections (Comelec) sa mga botante na magsuot ng T-shirt o paraphernalia na may mukha o pangalan ng mga kandidato at polling precincts sa araw ng halalan.

Kumpiyansa ang Comelec na maging ‘smooth’ ang May 9 electionsatapos ang final testing, sealing .

“Di po tayo magdidikta at hindi natin ipo-prohibit ang isang botante na nakasuot ng kulay ng isang kandidato… pero iwasan po natin magsuot ng mga damit na merong mukha ng kandidato,” sabi ni Comelec commissioner George Garcia.

Paalala ni Garcia, bawal na ang pangangampanya sa May 9.

“We will not dictate upon voters and prohibit them from wearing the campaign color of a candidate. But let us avoid wearing clothes with the face of a candidate. Let us remember that campaigning on May 9 is banned.” dagdag pa ni Garcia .

Sinabi ni Garcia na ang mga tumitingin sa halalan ay maaaring i-flag ang mga botante na magsusuot ng mga campaign materials sa loob ng mga polling precinct.

“Kapag po kayo nagsuot ng face mask na may mukha ng kandidato, baller o damit na may mukha ng kandidato, ‘yan po ay siguradong sigurado ako io-object ng mismong watcher sa loob ng polling precinct,” dagdag pa ni Garcia.

Ayon pa kay Garcia, ang sample ballots ay hindi dapat ipinamamahagi sa presinto.

“Bawal na bawal po ang pamimigay ng sample ballots. Unfortunately, despite the efforts of the commission, even in the past ang pinamimigay kasi mga bata. ‘Di mo puwede arestuhin ‘yung bata,” paalala ni Garcia. (GENE ADSUARA)

Disney and Pixar’s ‘Lightyear’ New Poster shows Emperor Zurg and His Robot Minions

Posted on: May 7th, 2022 by @peoplesbalita No Comments

Emperor Zurg looms over Buzz in a new Lightyear poster.

A spinoff of the Toy Story film series, the upcoming animated movie from Disney and Pixar serves as an origin story for the human astronaut Buzz Lightyear, who goes on to inspire the action figure of the same name voiced by Tim Allen in the Toy Story movies.

Now, Captain America actor Chris Evans takes over the mantle as the voice of the titular Space Ranger who becomes marooned on a hostile planet.

With Evans leading the cast, Lightyear also features the vocal talents of Keke Palmer, Peter Sohn, James Brolin, Taika Waititi, Dale Soules, Uzo Aduba, Mary McDonald-Lewis, Efren Ramirez and Isiah Whitlock Jr. in supporting roles. Directed by Pixar veteran Angus MacLane (Finding Dory) and based on a script he co-wrote with Pete Docter (Inside Out), Lightyear finds Buzz doing his first test flight for Star Command when he accidentally time-travels 62 years ahead to a future in which the galaxy is threatened by the evil Emperor Zurg (voiced by Brolin).

This release is a significant one for Pixar, in that it’s the studio’s first movie to arrive in theaters since the onset of the coronavirus pandemic.

Now, Disney and Pixar have unveiled a new Lightyear poster showing Emperor Zurg and his minions looming over Buzz and crew. In the poster, Buzz is holding his robotic feline companion Sox (voiced by Sohn) and is joined by the three cadets who accompany him on his dangerous mission – Izzy Hawthorne (Palmer), Mo Morrison (Waititi), and Darby Steel (Soules). Below them, the poster also showcases Star Command’s high-tech space station where Buzz’s rocket is launched from.

The poster was released in conjunction with a new Lightyear trailer that suggests Buzz may be more responsible for the movie’s time travel mishap than initially thought. The poster instead serves to highlight Lightyear‘s primary antagonist, Emperor Zurg, who first appeared in the Toy Story films as Buzz’s archenemy. In the past, Zurg served more as a parody of Darth Vader and Star Wars, but Zurg has now been redesigned to appear far more menacing and match Lightyear‘s more serious tone.

After years of seeing over-the-top recreations of Buzz and Zurg’s battles in Toy Story, Lightyear can reveal the reality of their adversarial relationship. That alone makes the spinoff an intriguing prospect.

Brolin will likely make for an imposing Zurg, though the early promotional materials for Lightyear have kept his vocal performance under wraps for the time being. Nevertheless, it can be assumed that he will bring some gravitas to the animated villain and add some layers to the character who began as just a side toy in Toy Story.

If this poster is any indication, the sinister threat of Emperor Zurg and his robot minions will loom large throughout the cosmos when Lightyear releases in theaters this summer on June 17. (sournce: screenrant.com)

(ROHN ROMULO)

Binanggit ang mga katangian at pagiging ‘miracle worker’… DINGDONG, nagdeklara na isang nanay ang kanyang iboboto sa Mayo 9

Posted on: May 7th, 2022 by @peoplesbalita No Comments

SA isang madamdaming pahayag para sa mga ina bago ang Mother’s Day sa Linggo, nagdeklara ang aktor na si Dingdong Dantes na ang isang nanay ang kanyang iboboto sa darating na halalan sa Mayo 9.

“Sa inyo po ang aking buong pagpupugay …ang aking paghanga, ang aking serbisyo, ang aking boto,” wika ni Dingdong sa isang video message kung saan nagpahayag siya ng pagmamahall sa kanyang ina.

“Tulad ninyong lahat, mahal ko ang Nanay ko. Pero hindi ko lubos matukoy kung bakit, hanggang masaksihan ko mismo sa asawa ko,” wika niya.

Sa video, binanggit ni Dingdong ang mga katangian ng isang mabuting ina, na pinoprotektahan ang mga anak sa panganib at inuuna ang kanilang kapakanan kaysa sa kanyang sarili.

“Kay tapang talaga ng mga Nanay. Handang makipaglaban, iharang sa peligro ang sariling katawan, makipagsapalaran, ipagpaliban ang sariling kapakanan. Walang aatrasan. Walang hamong sinusukuan. Ibang klaseng magmahal. Radikal!” wika niya.

Tinawag din niya ang mga ina bilang “miracle workers” dahil sa kanilang abilidad na pagkasyahin ang maliit na budget.

“Lahat ng sakit, naiinda. Pagkaing isusubo na lang, ibibigay pa sa mga anak niya. Prayoridad niyang umangat ang buhay ng mga mahal niya,” sabi pa niya.

Habang itinuturing ang mga ina bilang “ilaw ng tahanan”, sinabi ni Dingdong na karapat-dapat din silang tawaging “haligi ng tahanan” dahil sa rami ng kanilang ginagawa para sa pamilya.

“Inspirasyon namin siya para patuloy na maging mabuti at gumawa ng mabuti. Kaya buung-buo kong itataya sa pangangalaga niya ang mga pangarap ko para sa aking mga anak, para sa aming pamilya,” paliwanag ni Dingdong.

“Sana lahat tayo, ipagdiwang pang lalo ang mga ina. Dahil alam nating lahat na totoong dakila sila,” dagdag pa niya.

Sinuportahan ni Dingdong ang kandidatura ni Leni Robredo bilang bise presidente noong 2016.

***

MARAMING kumuwestiyon sa pagiging #3 ni Robin Padilla sa April 16-21 Pulse Asia survey bilang senatorial candidate, naungusan pa niya ang mga kilalang pangalan na muling nagbabalik sa puwesto.

At malabong bumaba na ang numero ng aktor lalo’t isa siya sa in-anunsyong iboboto ng Iglesia Ni Cristo.

Sa mga nakasama at nakakakilala kay Robin ay kilala nila ang buong pagkatao nito at kung gaano nito ipinagtatanggol ang maliliit o tinatawag na nasa laylayan at ipinaliwanag naman niya ito na kaya niya gustong pasukin ang pulitika para mas marami pa siyang matulungan.

Isa na ang ipaTUPAD 1st nominee Venus Emperado Apas sa naniniwala sa adhikaing ito ni Robin kaya naman todo tanggol siya sa mga kumukuwestiyon sa action star kung paani nito nakuha ang mataas na rating sa iba’t ibang surveys, isa na nga ang Pulse Asia.

Ayon sa kanya ay matagal na niyang nakilala si Robin at mas lalo pa siyang humanga sa aktor sa nakita niyang feeback sa nakaraang Lipa, Batangas campaign rally

“Ang bango ni Robin! Ha-hahaha! Totoo ‘yun! Kasi na-meet ko siya noong nasa Singapore kami, 10 years ago pa. Mabait si Robin Padilla. Kung may iboboto man akong isang senador, si Robin ‘yun,” kuwento ni Venus ng maka-tsikahan namin siya bilang kinatawan ng ipaTUPAD o ipaTUPAD For Workers, Inc. party list.

Tulad ni Robin ay pareho rin ang kalooban nila ni Venue na dating DOLE consultant at OFW kaya malapit ang puso niya sa mga kababayang nakasubok mag-=trabaho sa ibang bansa.

“Kung makikita n’yo sa pick-up ko (sasakyan) isinasama ko siya (Robin). Basta ‘yung makatutulong sa atin, mabilis malapitan at ‘yung magseserbisyo sa tao.

Naramdaman ko iyon sa kanya at mararamdaman din naman ninyo kung mambobola ako,”sabi pa ni Gng. Apas.

At ang mensahe ni Venus sa bashers ng aktor dahil sa mataas nitong rating sa survey,.

“Sa totoo lang, ang mga tao kasi mapanghusga rin, ipakita na lang natin at naramdaman kasi kapag pumupunta siya sa mga lugar na sincere si Robin at isa ako sa nakakita na maganda ang intensiyon niya,”sambit pa.

Samantala dating kasapi si Emperado ng programang “Tupad ng DOLE” na ang layon ay tumulong sa mga manggagawa.

At sa kagustuhang ituloy ang pagtulong, binuo nila ang ipaTUPAD. Nais nilang bawasan ‘di man tuluyang mawala ang kahirapan sa bansa sa pamamagitan ng pagbibigay ng disenteng trabaho gayun din ang pag-eliminate ng anti-social concerns sa labor force.

(REGGEE BONOAN)

PNP stations sa buong bansa, naka-full alert na ngayon

Posted on: May 7th, 2022 by @peoplesbalita No Comments

INANUNSYO ng Philippine National Police (PNP) na naka-full alert na ang lahat ng istasyon nito bilang bahagi ng pagsisikap na matiyak na matiwasay at payapa ang May 9 national and local elections (NLEs).

“We are all systems go. We have placed all police stations nationwide on full alert status,” ayon kay PNP chief Gen. Dionardo Carlos sa isang kalatas.

Bilang bahagi ng kanilang election security preparations, sabay-sabay na binuksan ng PNP “National Election Monitoring and Action Center” (NEMAC), at Regional Election Monitoring and Action Centers (REMACs).

Sinabi ni Carlos na ang NEMAC at REMACs ay magsisilbi bilang “mga mata at tainga” ng PNP Security Task Force NLE 2022 na magbibigay ng updated report sa lahat ng insidente na may kinalaman sa eleksyon at security activities na ginagawa ng kapulisan.

Ang mga standby forces at quick reaction teams ay naka-stationed ng 24-hour basis sa command posts ng kani-kanilang headquarters.

“We will stand strong, we will finish strong and we will perform professionally for peaceful elections. The 225,000 strong men and women of the PNP are with the Comelec (Commission on Elections) to make sure that we guard the votes of our Filipino nation. That is a commitment. And to the Filipino people, your PNP will be there in all polling centers and polling precincts to make sure that your votes will be counted,” ayon kay Carlos.

Samantala, sinabi naman ng Armed Forces of the Philippines (AFP) na handa na rin sila na tiyaking secure ang halalan kasama ang kanilang police counterparts sa araw ng halalan.

“The AFP is prepared, we are ready, we have done the planning, we have done the organization, and we have set up our monitoring command centers. We are declaring ‘red alert’ by Friday so that we ensure that all AFP personnel across the country are accounted for by their commanders and ready for the election on Monday,” ayon kay AFP chief Gen. Andres Centino.

Tiniyak din nito sa publiko na ang AFP ay malakas at may kakayahan na gampanan ang kanilang mandato na i-secure ang May 9 elections. (Daris Jose)

VACCINATION SITES SA POOLING CENTER, COMELEC, HINDI PABOR

Posted on: May 7th, 2022 by @peoplesbalita No Comments

HINDI pabor ang Commission on Elections (Comelec) sa mungkahi ng Department of Health (DOH) na maglagay ng vaccination sites malapit sa polling centers sa May 9, election.

Ayon kay Comelec Commissioner George Garcia, nais nilang tumutok sa main event sa araw na iyon na ang mga mamamayang Pilipino ay bumoto.

“Personally, as a member of the Commission, I think it is not proper with all due respect to the DOH. Of course, we have to focus on the election first which means we have to allow our voters to vote first,” sabi ni Garcia sa Kapihan Sa Manila Bay nitong Miyerkules.

Sinabi ng opisyal ng poll body na ayaw din nilang lumikha ng kalituhan sa araw ng botohan.

Aniya, maaaring matakot pumunta ang mga botante sa presinto lalo na kapag hindi bakunado dahil maaari aniyang isipin nila na requirement ang pagbabakuna.

Gayunman, sinabi ni Garcia na hindi pa ito nakakatanggap ng pormal na komunikasyon mula sa DOH sa nasabing mungkahi .

“To date, personally, my office has not received any intention on the part of the DOH, or letter of communication, signifying their intention to put-up vaccination centers,” sabi ng komisyuner.

Pero nilinaw nito ang suporta sa vaccination program ng gobyerno.

“I am fully supportive of the vaccination, but it is not the proper time. May 9 is for the election, let’s leave it at that for the election. Elections are only happening every three years, or every six years in the case of national election,” ani Garcia.

Nauna nang sinabi ni Health Undersecretary Maria Rosario Vergeire na tinatalakay na nila ang posibilidad nang paglalagay ng vaccination sites malapit sa voting centers upang makapagbakuna ng mas marami pang indibidwal. (GENE ADSUARA)

Sanib-pwersa ang mga ‘Bagong Idolo ng Senado’… MONSOUR, RAFFY, at Gen. ELEAZAR, maaasahan sa maayos na trabaho na walang kinatatakutan

Posted on: May 7th, 2022 by @peoplesbalita No Comments

NAGSANIB pwersa sa kanilang kampanya ang tatlong senatorial candidates na may iisang layunin na makapaglingkod sa sambayanang Pilipino.

Sina Monsour Del Rosario, Raffy Tulfo, at Gen. Guillermo Eleazar ang tinagurian mga “Bagong Idolo ng Senado. Dinumog ang tatlong kandidato sa naganap na grand rally nitong May 5 sa Cauayan, Isabela, ang hometown ni Tulfo, Bagamat maituturing na bagito sa pagka-Senador, sina Del Rosario, Tulfo, at Eleazar ay kapwa marami nang naiambag sa lipunan. Lahat may track record, may kredibilidad, at walang bahid ng korapsyon. Si Monsour Del Rosario ay siyam na taon nang nasa public service. Matapos lisanin ang showbiz, anim na taon siyang nagsilbing konsehal sa District 1 ng Lungsod ng Makati, hanggang sa maging congressman mula 2016 hanggang 2018.

Sa tatlong taon niya sa Kongreso ay nakapagtala siya ng 292 house bills and resolutions, kabilang na ang Telecommuting Act o mas kilala bilang Work From Home Law na napakinabangan nang husto ng maraming Pilipino nang pumutok ang pandemya noong 2020. “Si Monsour ay nagbigay ng karangalan sa ating bayan way back in 1988. Olympian siyang maituturing. Bukod pa riyan, siya ay naging miyembro ng 17th Congress so meron siyang karanasan bilang isang legislator,” ayon kay Tulfo.

“Okay ito maging kasama sa senado. Walang kakatakutan pagdating sa tama. Pag kami’y nagkasama sa senado, maaasahan niyo po gagawa kami ng maayos na trabaho na walang kinatatakutan – lahat tablado, lahat ng mga loko-loko,” dagdag pa niya. Samantala, sa pamamagitan ng kanyang mga programa sa radyo at telebisyon, pati na sa kanyang Youtube channel, ay ilang libong ordinaryong mamayang Pilipino na ang natulungan ni Raffy Tulfo.

Mula sa pagsugpo sa mga mapang-abusong employer, tiwaling opisyal ng gobyerno, at hanggang sa alitan ng magkakapitbahay o magkakamag-anak ay natutulungan ni Tulfo na mailapit ang mga tao sa tamang kinauukulan upang mabigyang solusyon ang kanilang problema at makatanggap sila ng hustisya. Napatunayan naman ni Guillermo Eleazar ang kanyang tapang at integridad sa ilang dekadang pagsisilbi sa bayan bilang isang pulis. Taong 2021 nang maabot ni Eleazar ang pinakamataas na posisyon sa pulisya bilang Chief ng Philippine National Police.

Ginawaran rin siya ni Pangulong Rodrigo Duterte ng Philippine Legion of Honor award noong 2021, na isa sa pinakamataas na antas ng karangalan sa bansa. Sa kanyang pagtakbo sa Senado, nais ipagpatuloy ni Eleazar ang kanyang hangarin na masugpo ang krimen at paigtingin ang peace and order sa bansa upang matulungan umangat ang ating ekonomiya. “Kung kami ay papalaring makapasok sa Magic 12 ng senado, excited akong makatrabaho sina Raffy Tulfo at Gen. Guillermo Eleazar na alam kong tapat ang puso at isip para sa pagseserbisyo. Napakarami na nilang natulungan bilang brodkaster at bilang pulis kaya alam ko na mas marami pa silang matutulungan sa senado.

“Magkakasama naming itutuloy ang mga nasimulan ko noong ako ay nasa kongreso pa at ipaglalaban namin ang karapatan at kapakanan ng bawat Pilipino. Nagpapasalamat ako sa mga kababayan ni Idol Raffy dito sa Isabela sa inyong mainit na pagtanggap sa Team Monsour,” wika ni Del Rosario.

(ROHN ROMULO)

VCMs at mga balotang gagamitin sa May 9 polls, nai-deliver – Comelec

Posted on: May 7th, 2022 by @peoplesbalita No Comments

NAI-DELIVER na sa lahat ng polling precincts ang mga vote counting machines (VCMs) at official ballots na gagamitin sa May 9 elections.

Sinabi ni Comelec Commissioner Aimee Ferolino na maliban sa mga VCMs at balota ay naipadala na rin ang mga ballot boxes, Broadband Global Area Network at Consolidated Canvassing System (CSS) kits ay nakumpleto na noong May 5.

Ayon naman kay Commissioner Marlon Casquejo ang 70,924 clustered precincts o 67 percent ng mahigit 106,000 clustered precincts nationwide ay nakapagsagawa na ng final testing at sealing ng mga VCM na gagamitin sa halalan.

Kung maaalala hanggang sa Mayo 7 pa ang isinasagawang final testing at sealing ng mga VCM na nagsimula noong May 2.

Nasa 355 VCMs at 44 SD cards naman ang nadiskubreng depektibo at kailangan na ng kapalit. (Daris Jose)

QC RTC Branch 223 pinayagan ng gumamit ang mga buses ng private terminals kahit anong oras

Posted on: May 7th, 2022 by @peoplesbalita No Comments

Isang order ang binaba ng korte sa Quezon City na pinapayagan ang mga kumpanya ng mga buses na gumamit ng kanilang private terminals kahit na anong oras.

Ang Quezon City Regional Trial Court Branch 223 ang nagbigay ng order na pinapayagan ang mga provincial buses na magsakay ng mga pasahero sa private terminals kahit na anong oras.

“An order was released last April 27 by the Quezon City Regional Court Branch 223 that allows provincial buses to ferry passengers to private terminals any time” wika ni Alex Yague ng Nagkakaisang Samahan ng Nangangasiwa ng Panlalawigang Bus sa Pilipinas.

Dahil sa desiyon ng korte, ang mga buses ay hindi na kailangan na gumamit ng integrated terminals tulad ng PITX, NLET at Sta Rosa Integrated Terminal.

“The court affirmed Inter-Agency Task Force for the Management of Emerging Infectious Diseases Resolution 164, which invalidates the previous order that provincial buses are required to use integrated terminals in areas under Alert Level 1,” dagdag ni Yague.

Ang nasabing desiyon ay magdudulot ng pagkabalam sa pinatutupad na window hour scheme ng Metropolitan Manila Development Authority (MMDA).

Sa window hour scheme ng MMDA, ang mga provincial buses ay maaaring gumamit ng kanilang private terminals mula 10:00 ng gabi hanggang 5:00 ng umaga. Kapag lumipas na ang window hour, ang mga provincial buses ay kinakailangan ng gumamit ng Paranaque Integrated Terminal Exchange (PITX), North Luzon Express Terminal (NLET) at Sta. Rosa Integrated Terminal.

Kung kaya’t ang mga pasaherong pupuntang mga probinsiya na hindi na window hours ay kinkailangan na sumakay muna sa mga city buses na papunta sa mga sinasabing terminals.

“Beyond the window hours, their origin and destination must be at the designated integrated terminal, where there are city buses that will ferry the passengers,” saad ng MMDA.

Umaasa si Yague na ang MMDA at Land Transportation Franchising and Regulatory Board (LTFRB) ay nakatangap ng nasabing order upang kanilang ipatupad na. Hiningan ng kuminto ang LTFRB subalit wala pa itong sinasabi.

Noong nakaraang linggo, ang Department of Transportation (DOTr), LTFRB at MMDA ay nagkasundo na ipagpatuloy ang pagpapatupad ng window hour scheme na ayon sa kanila ay patuloy na hindi tinutupad ng mga provincial bus operators.

Nagbigay din noong nakaraang buwan ang LTFRB ng show-cause order sa mga provincial bus companies na hindi nagpadala ng mga fleets ng buses upang magsakay ng mga pasahero mula at palabas ng Metro Manila outside ng window hours na pinatutupad ng MMDA. LASACMAR

PhilHealth contribution, tataas sa Hunyo 2022

Posted on: May 7th, 2022 by @peoplesbalita No Comments

TATAAS na sa darating na buwan ng Hunyo ang kontribusyon sa PhilHealth.

Ayon sa Philhealth, mula sa kasalukuyang 3% ay tataas na sa 4% ang sisingiling kontribusyon sa mga miyembro na kumikita ng P10,000 hanggang P80,000 kada buwan.

Alinsunod ito sa Universal Health Care Law.

Sinasabing, sa susunod na buwan pa magsisimula ang paniningil ng mas mataas sa premium dahil ia-adjust pa ng Philhealth ang kanilang IT system.

Tataas dapat mula sa 3% tungo sa 3.5% ang premium, Enero noong nakaraang taon subalit sinuspinde ito dahil sa pandemya.

Pag-aaralan naman ng Philhealth kung sisingilin pa nila sa mga miyembro ang halaga ng kontribusyon na hindi nakolekta dahil sa suspensyon.

Target ng Philhealth na makakolekta ng P180 bilyong piso ngayong taon mula sa mga kontribusyon. (Daris Jose)