2022 May 17 Archive - People's Balita

December 23, 2024
Search in People's Balita
Ang Diyaryong Pinagkakatiwalaan

Archive for May 17th, 2022

Magbigay ng ₱3,000 extra pay sa mga gurong apektado ng VCM issues

Posted on: May 17th, 2022 by @peoplesbalita No Comments

HINIKAYAT ng Department of Education ang Commission on Elections na bayaran ang mga teaching at non-teaching personnel na nagbigay ng kanilang extra work nito lamang katatapos na halalan sa bansa.

Sa isang kalatas, sinabi ng DepEd na nakipag-ugnayan na sila sa Comelec sa bagay na ito at ipinanukala ang karagdagang bayad na ₱3,000.

“As reports of extended hours of service were raised, mainly by reasons of vote-counting machines malfunctions and SD cards issues, it is but appropriate that our personnel be justly compensated for the extra hours they have rendered,” ayon sa DepEd.

Ang koordinasyon sa pagitan ng DepEd Election Task Force sa pamumuno ni Education Undersecretary Alain Pascua at Director Marcelo Bragado Jr. at Comelec ay nangyari noong Mayo 11.

Sa kabilang dako, sinabi ni acting Comelec spokesperon Rex Laudiangco na nakatanggap sila ng liham mula sa DepEd na humihiling para sa karagdagang bayad sa personnel nito.

“Bilang naman namin sila. Accounted sila and we know who we will give this additional honoraria to… This is not overtime pay as overtime pay is not allowed, at hindi rin ito across the board—not all electoral borads. Dun lamang sa affected ng VCM issues,” ani Laudiangco.

Kinilala rin nito ang naging kahilingan ng DepEd para sa ₱3,000 additional honoraria, subalit ang pinal na halaga aniya ay magiging subject sa “the availaility of funds and…in accordance with accounting and aufiting rules.”

Samantala, sa isang panayam, sinabi naman ni Laudiangco na ang mga poll workers na apektado ng delays ay makatatanggap ng ₱2,000 hanggang ₱3,000, base sa halaga na ibinigay sa panahon ng nagdaang eleksyon, idagdag pa ang pinal na halaga ay kahalintulad para sa lahat.

“Yung P2,000 may basis na tayo…last elections ‘nung 2019. So it will not go below ₱2,000,” anito.

Sinabi ng DepEd na ang honoraria at allowances para sa kanilang mga personnel ay dapat na ibigay bago o sa mismong araw ng Mayo 24.

Ayon sa Comelec Resolution No. 10727, ang honoraria at allowances ay babayaran sa loob ng 15 araw mula sa petsa ng eleksyon. (Daris Jose)

Philippines-best tankers hakot ng 2 golds, 3 silvers sa France

Posted on: May 17th, 2022 by @peoplesbalita No Comments

UMARANGKADA pa nang husto ang Pinoy tankers matapos humakot ng dalawang ginto at tatlong pilak na medalya sa 10th Circle of Swimmers of Melun Val de Seine na ginaganap sa Piscine de Melun swimming pool sa Melun, France.

Rumesbak si Philippine national junior record holder Micaela Jasmine Mojdeh sa pagkakataong ito matapos pagreynahan ang women’s 200m butterfly sa bendisyon ng impresibong 2:20.85.

Inilampaso ni Mojdeh sina French tankers Gabriella Lardier-Puigdomene (2:26.42) at Lisa Verdier (2:28.43) na nagkasya sa pilak at tanso, ayon sa pagkakasunod.

“I am extremely happy with the second day turn out despite the colder temperature here in France. Swimmers gave all their best in their respective events. I think they are filled with so much excitement to swim side by side with the European and world champions that it translated to their swim and were able to win medal for our country,” ani Philippines BEST-Swim League Philippines team manager Joan Mojdeh.

Nagpasiklab din si Lucena pride Ivan Radovan nang masikwat nito ang ikalawang gintong medalya ng Pilipinas nang mangibabaw sa men’s 200m butterfly.

Nairehistro ni Radovan ang 2:10.28 upang masiguro ang gintong medalya kung saan pinataob sina France bets Nat Villerfranche (2:11.27) at Meaux Natation (2:12.27).

Humataw din ang Behrouz Persian Cuisine-sponsored team ng tatlong pilak na medalya mula kina Jordan Ken Lobos, Hugh Antonio Parto at Lance Argel Lotino sa kani-kanyang events.

Pumangalawa si Lobos sa men’s 200m breaststroke (2:22.66) habang sumegunda rin si Parto sa men’s 200m butterfly (2:13.48) at si Lotino na naka-pilak sa men’s 50m breaststroke (31.70).

‘Unity’ tema ng 19th Congress

Posted on: May 17th, 2022 by @peoplesbalita No Comments

UNITY o pagkakaisa ang magiging tema ng 19th Congress sa pagpasok ng bagong administrasyon, ayon kay Majority Leader at 1st District Leyte Rep. Martin Romualdez na number 1 contender sa House Speakership.

Ginawa ni Romualdez ang pahayag bilang reaksyon sa pakikipagkamay ng pamangkin nito na si Ilocos Norte 1st District Rep. Sandro Marcos kay ret. Comelec Commissioner Rowena Guanzon na naging hayagan ang pagbatikos noon kay presumptive President Ferdinand “Bongbong” Marcos Jr.

Si Sandro ay panganay na anak ni BBM.

“So thats what we all are about. We are about the House of the people, the House of Representatives of the Phiippines. We are for every Filipino. No more colors no more politics work,” ayon kay Romualdez, Presidente ng Lakas-Christian Muslim Democrats (CMD).

Kasabay nito, nanawagan si Romualdez sa kanyang mga kapwa mambabatas na kalimutan muna ang magkakaibang kulay ng pulitika upang mapagbuti ang trabaho para sa kapakanan ng mga Pilipino. (Daris Jose)

MIYEMBRO NG ABU SAYYAF GROUP NAARESTO SA NAIA

Posted on: May 17th, 2022 by @peoplesbalita No Comments

NAARESTO ng mga ahente ng Bureau of Immigration (BI) ang isang hinihinalang miyembro ng Abu Sayyaf Group sa kabila ng pagtatago nito sa kanyang pagkakakilanlan .

Sinabi ni BI Commissioner Jaime Morente na si Omar Bin Harun, 52, ay nasabat sa Ninoy Aquino International Airport (NAIA) Terminal 2 paglapag niya sakay ng Philippine Airlines mula Kuala Lumpur na nagpakita ng Malaysian passport pero pinaghihinalaang peke ito.

“While his passport seems to be genuine, we believe he might have procured it through illegal means or by misrepresentation,” ayon kay Morente.

Ayon sa BI, lumalabas na si Omar, ay isang Filipino national, ay sinasabing miyembro ng ASG at sangkot ito sa 2001 Lamitan Siege na sumakop sa isang simbahan at hospital at ginawang hostage ang mga pari, medical staff at mga pasyente.

Sinabi naman ni BI-NAIA Anti-Terrorist Group (ATG) Chief Bienvenido Castillo III na nakatanggap sila ng intelligence information hinggil sa pagdating sa bansa ni Omar kaya nakipag-coordinate sila sa ilang law enforcement para sa kanyang pag-aresto.

“Omar was also said to have links with the terrorist group ISIS,” ayon kay Castillo. “We were informed then that there was also a warrant for his arrest from the Philippine National Police Southern Police District,” dagdag pa nito.

Sinabi ni Castillo na nai-turn over na si Omar was turned over na sa PNP na nagpatupad sa kanyang pagkakaaresto.

“Coordination amongst law enforcement agencies, both here and abroad, is necessary to curb terrorist activities that attempt to destroy the peace and order in our country. We will remain vigilant to ensure that these criminals are brought to justice,” ayon kay Morente. (GENE ADSUARA)

Tom Cruise’s Return as Pete “Maverick” Mitchell and His Daredevil Attitude

Posted on: May 17th, 2022 by @peoplesbalita No Comments

A brand new Top Gun: Maverick trailer highlights Tom Cruise’s return as Pete “Maverick” Mitchell.

With less than a week to go before the Joseph Kosinski blockbuster hits theaters, Paramount is continuing its marketing efforts to keep the hype going until the Top Gun sequel premiere.

In a new promotional spot, Cruise’s daredevil pilot takes center stage as he returns to the character he last played more than three decades ago.

The highly-anticipated sequel to Tony Scott’s Top Gun is finally releasing in theaters on May 27 (May 25th in the Philippines) after a series of delays. Top Gun: Maverick will see Cruise’s Maverick still working at the same flight academy he trained in, but now, as an instructor himself.

Among his students is the son of his former RIO Nick “Goose” Bradshaw (Anthony Edwards), Bradley “Rooster” Bradshaw (Miles Teller), who isn’t exactly fond of him. Aside from this core conflict, the follow-up blockbuster will also delve deep into Maverick’s psyche as he’s forced to re-examine his life and deal with deep-seated internal turmoil that he has long tried to ignore.

Shared on Top Gun’s official Twitter page is a brand new Top Gun: Maverick trailer. Clocking in at just 15 seconds, the video focuses on Maverick’s daredevil attitude both on the ground and up in the air, reminding viewers that he may have aged, but his devil-may-care attitude is still very much intact.

Watch the trailer below: https://twitter.com/TopGunMovie/status/1524479461701210112?ref_src=twsrc%5Etfw%7Ctwcamp%5Etweetembed%7Ctwterm%5E1524479461701210112%7Ctwgr%5E%7Ctwcon%5Es1_&ref_url=https%3A%2F%2Fscreenrant.com%2Ftop-gun-2-maverick-trailer-tom-cruise-video%2F

While the general public has to wait several more days before seeing the Top Gun sequel, critics reviews have already been released and they’re all generally positive. Much of the marketing for Top Gun: Maverick focuses on the fantastic stunts and action scenes that the film’s cast and crew worked on for months, so the glowing reviews these scenes received was somehow expected.

The other common praise for Top Gun: Maverick is for its emotional story. Between the involvement of Goose’s son and the return of Val Kilmer as Tom “Kazansky” Iceman, there’s a strong sense of nostalgia in the movie. But more than those, the film’s examination of Maverick is very important, especially since it’s clear he has been self-sabotaging himself for years — remaining as a Navy Captain when he could easily climb further up the organization ladder given his piloting skills.

The original Top Gun movie was about the actual flight academy and the experiences the trainees underwent while participating in boot camp. Some of that will factor in the sequel with a new generation of newbie pilots learning about camaraderie.

But, as suggested by its title, Top Gun: Maverick will heavily focus on Cruise’s character. A lot of time has passed since audiences last saw him, and while it appears as if he hasn’t changed much, everything else around him has. So, it’s curious why he seems to be resisting changing himself. (source: screenrant.com)

(ROHN ROMULO)

P1 bilyon sa health workers na nagka-COVID-19, inilabas

Posted on: May 17th, 2022 by @peoplesbalita No Comments

MAHIGIT sa P1 bilyon ang inilabas ng Department of Budget and Management (DBM) para sa sickness at death benefits ng public at private healthcare workers at mga hindi health workers na tinamaan at matatamaan ng COVID-19 habang nagsisilbi sila sa gitna ng pandemya.

Sinabi ng DBM na sakop nito ang mga nagkaroon ng mild o moderate COVID-19 infection na makakatanggap ng P15,000 habang ang mga nasapul naman ng severe o critical ay bibigyan ng P100,000 bilang kompensasyon.

Makakatanggap naman ng P1 milyon ang mga pamilya ng HCWs at non-HCWs na nasawi sa COVID habang nasa duty.

Ang pagtukoy ng eligible HCWs at non-HCWs ay nakabase sa criteria na itinakda ng health department.

Ang pondo ay manggagaling sa regular budget ng DOH sa ilalim ng Fiscal Year 2022 General Appropriations Act at ililipat sa DOH-retained and corporate hospitals, DOH Treatment and Rehabilitation Centers, at Centers for Health Development, at iba pang attached institutions.

Tiniyak naman ng departamento na ipagpapatuloy nito ang timely approval ng budget para sa frontliners.

Mga Filipino sa Vietnam, todo suporta sa mga atletang pinoy na sumasabak sa 31st SEA Games

Posted on: May 17th, 2022 by @peoplesbalita No Comments

IBA’T IBANG pamamaraan ang ginagawa ngayon ng mga Pilipino sa Vietnam para maipakita ang kanilang suporta sa mga Pilipino athlete sa nagpapatuloy na 31st South East Asian Games.

Sinabi ni Bombo International News Correspondent Arlie Dela Peña, isang guro sa Hanoi, Vietnam na kahit kaunti lamang silang mga Pilipino sa naturang bansa ay mainit ang kanilang suporta sa team ng Pilipinas.

Aniya, iba’t ibang pamamaraan ang kanilang ginagawa para maipakita ang kanilang suporta.

May mga nagpapagawa ng scarf na may nakalagay na Mabuhay Pilipinas, nagpapadisenyo sila ng mga T-shirt, may dala silang watawat ng Pilipinas sa pagtungo sa venue at flaglets.

Kahit nasa malayo aniya ay nagpupunta para manood at nang magkaroon ng suporta sa mga atleta ng bansa.

Pinakaabangan naman nila si weighlifter Hidilyn Diaz at ang soccer team ng Pilipinas.

Sa ngayon ay patuloy na nangunguna ang host country na Vietnam sa 31st South East Asian Games.

Proklamasyon sa 12 nanalong senador, partial party-list, ipo-proklama na– Comelec

Posted on: May 17th, 2022 by @peoplesbalita No Comments

NAKATAKDANG iproklama ng Commission on Elections (Comelec) ang mga mananalong senador sa Miyerkules ng hapon.

Ayon kay Comelec Commissioner George Garcia, sabay-sabay daw ipoproklama ang 12 winning Senators.

Ngayong araw dadating ang mga Certificate of Canvass mula sa Hong Kong.

Ang mga Party-list groups na sigurado nang magkakaroon ng upuan sa Kongreso ay ipoproklama naman kinabukasan o sa araw ng Huwebes.

Sa ngayon, nasa 159 sa 173 COCs ang na-canvass na ng poll body na tumatayong National Board of Canvassers (NBOC).

Ang 24 na natitirang COCs ay kinabibilangan ng 19 manual overseas COCs, isang manual COC mula sa Vulnerable Sector Office, isang manual COCs mula sa 63 barangays, isang electronic COC mula Lanao del Sur, isang electronic overseas COC mula Hong Kong at isang electronic COC mula sa Jordan.

Ang Lanao del Sur ay magsasagawa naman ng special election at ang target at sa May 24 matapos ideklara ang failure of elections sa 14 barangays.

Nanindigan naman si Garcia na kailangang maiproklama nang minsanan ang mga nanalong senador.

Para naman sa party-list, posible umanong hindi maiproklama lahat dahil bawat bilang dito ay mahalaga para sa mga grupong hindi pa nakakakuha ng 2 percent ng total votes.

Sa ilalim kasi ng batas ay dapat makakuha ng dalawang pursiyento ang mga party-list groups para makakuha ng isang upuan sa Kamara.

Ang mga lalagpas naman sa 2 percent threshold ay mabibigyan ng karagdagang upuan na hindi lalagpas sa tatlo. (BISHOP JESUS “JEMBA” M. BASCO)

VP Leni Robredo, mga anak lumipad pa-New York

Posted on: May 17th, 2022 by @peoplesbalita No Comments

LUMIPAD pa-New York City si Vice President Leni Robredo kasama ang kanyang mga anak upang dumalo sa graduation ng kanyang bunso na si Jillian at gugulin ang oras kasama ang kanyang pamilya.

Sa kanyang Instagram, nagbahagi si Aika, anak ni Robredo, ng video kasama ang kanyang ina at mga kapatid habang sakay ng eroplano.

Sa kabila ng naturang biyahe, tiniyak naman ng bise presidente na pangangasiwaan pa rin niya ang paghahanda para sa paglulunsad ng Angat Buhay program.

Ang Angat Buhay program ay isang non-government organization na binubuo ng mga volunteers na tumulong sa kanyang kampanya noong katatapos na eleksiyon.

Sinabi rin ni Robredo na ang Office of the Vice President ang siyang gumagawa ng paghahanda para sa official turnover ng kanyang tanggapan sa susunod na bise presidente ng bansa na si Davao Mayor Sara Duterte-Carpio.

Matatandaang si Robredo ay tumakbo sa pagka-pangulo sa katatapos na May 9 polls.

Bigo naman si Robredo na maluklok sa puwesto matapos na talunin ng kanyang mahigpit na katunggali na si presumptive president Ferdinand ‘Bongbong’ Marcos Jr..

Batay sa partial unofficial tally ng mga boto sa pagkapangulo hanggang noong Mayo 13 mula sa datos ng Comelec Transparency Media Server, nakakuha lamang si Robredo ng 14,822,051 boto kumpara sa 31,104,175 boto ni Marcos. (Daris Jose)

Ads May 17, 2022

Posted on: May 17th, 2022 by @peoplesbalita No Comments