2022 May 18 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for May 18th, 2022

Watchdog ‘Kontra Daya’, brainchild ng CPP-NPA-NDF dating kadre

Posted on: May 18th, 2022 by @peoplesbalita No Comments

IBINUNYAG ni Jeffrey “Ka Eric” Celiz, dating kadre ng communist terrorist groups na ang Election watchdog Kontra Daya ay binubuo ng aktibong urban operators at infiltrators ng Communist Party of the Philippines-New People’s Army-National Democratic Front (CPP-NPA-NDF).

Ang “Kontra Daya group” ay kilala sa hanay ng dating mga rebelde, kadre at organizers ng CPP-NPA-NDF” bilang “nothing but a special project of the communist terrorists’ urban operators and infiltrators”.

Sa katunayan, kinilala ni Celiz ang isa sa mga core leaders bilang si Danilo Arao, isang University of the Philippines professor at tinukoy ang kanyang sarili bilang journalist na konektado sa Media Asia, Kontra Daya, Bulatlat, Pinoy Weekly, at Kodao Productions.

Si Arao, Kontra Daya convenor, ay nagpahayag na ang May 9 election ay ang “worst” o pinakamasama na automated election history.

“Kung may mas mababa pa na grado sa singko, ‘yun ang ibibigay ko sa Comelec (Commission on Elections) pati na sa service provider na Smartmatic,” ayon kay Arao sa media forum “Balitaan sa Maynila”, araw ng Linggo.

Sinabi naman ni Celiz na ang Kontra Daya ay isang CPP project na ginagamit upang manipulahin ang electoral public opinion.

Aniya pa, ang mga opinyon, ang mga panunulsol sa electoral fraud, at party-list manipulation ay kabilang sa standard propaganda operation lines ng CPP-NPA-NDF at ipinasa sa Kontra Daya bilang political analysis.

“Though there may be some interesting insights regarding how the influential and wealthy families try to dominate the party-list groups, yet the bogus Kontra Daya group maliciously and consciously avoids and brushes aside the exposition on the very obvious fact that the CPP-NPA-NDF, which is the main operator, is the one that really continues to infiltrate, hostage and sabotage the integrity of our electoral process, including their deceptive and manipulative ‘Kamatayan party-lists’ which are the vehicles for the communist terrorists’ government bureaucracy infiltration,” anito.

Aniya ang “obvious and intentional slant” ng Kontra Daya, ayon kay Celiz ay naglalayon na pagtakpan ang actual electoral at bureaucracy infiltration operation n communist terrorist group, “an act that is premeditated and orchestrated by the leadership of the CPP-NPA-NDF”.

Sa katunayan ayon pa rin kay Celiz, top nominee at secretary general ng Abante Sambayanan na nagpartisipa sa katatapos lamang na halalan, ang kanilang grupo ay isa sa naging biktima ng “prejudiced at partisan public opinion manipulation” na tinawag niyang “mind frame game and conditioning modus operandi”.

Ang Kontra Daya ay nagpartisipa sa post-election protests at rallies, kabilang na ang tinatawag na “Black Friday Protest”, araw ng Biyernes, Mayo 13.

Kinalampag ng election watchdog ang Comelec na imbestigahan ang di umano’y electoral fraud sa katatapos lamang na halalan sa bansa. (Daris Jose)

Petisyon laban sa kandidatura ni Presumptive President Marcos, naihain na sa SC

Posted on: May 18th, 2022 by @peoplesbalita No Comments

NAKARATING na sa Supreme Court (SC) ang petisyon para ipakansela ang certificate of candidacy (CoC) ni presumptive president Ferdinand “Bongbong” Marcos Jr.

Humirit din ang mga petitioners sa Supreme Court (SC) na mag-isyu ang kataas-taasang hukuman ng temporary restraining order (TRO) para harangin ang pagbibilang ng mga boto at ang proklamasyon kapag ito ay ideklarang manalo.

Kasama na rito ang nais ng grupo na ipaharang ang canvassing ng mga boto ng Senado at House of Representatives.

Kabilang sa mga petitioners ay sina Father Christian Buenafe, Fides Lim, Ma. Edeliza Hernandez, Celia Lagman Sevilla, Roland Vibal at Josephine Lascano. (Daris Jose)

Pinas walang naitalang COVID-19 surge – OCTA

Posted on: May 18th, 2022 by @peoplesbalita No Comments

ISANG linggo matapos ang isinagawang 2022 elections , inihayag ng OCTA Research Group na wala pang naitatalang panibagong COVID-19 surge sa bansa.

Sinabi ni OCTA Research fellow Dr. Guido David sa Laging Handa public briefing nitong Lunes, na bagama’t nagkaroon ng bahagyang pagtaas ng bilang ng COVID-19 cases, ito ay bumaba rin naman.

“Wala pa tayong nakikitang increase ng cases doon sa campaign rallies, sorties. February pa tayo nagkaroon ng campaigns, wala pa namang nagkakaroon ng pagtaas ng kaso na talagang sustained,” paliwanag niya.

“May nagsasabi na maghintay pa tayo up to two weeks. So far wala pa naman tayong nakikitang indication na may clustering of cases dahil doon sa recent elections natin noong May 9,” dagdag pa niya.

Una nang inianunsiyo ng Malacañang nitong weekend na ang Metro Manila at iba pang lugar sa bansa ay mananatili sa Alert Level 1 hanggang sa katapusan ng buwang ito.

Pinaburan naman ito ni David dahil wala naman silang nakikitang anumang banta na muling magkaroon ng surge ng COVID-19 sa kabila nang kumpirmasyong nakapasok na sa Pilipinas ang Omicron subvariant BA.2.12.1. (Daris Jose)

Paghihigpit sa protocol ‘di na kailangan – health expert

Posted on: May 18th, 2022 by @peoplesbalita No Comments

HINDI na kailangang higpitan ang pagpapairal ng protocol laban sa COVID-19 kahit na may paglitaw ng bagong Omicron subvariant sa Pilipinas.

Ayon kay Dr. Edsel Salvaña, wala namang indikasyon sa ngayon na tataas ang kaso ng COVID na maaaring maging banta sa kalusugan ng maraming mamamayan.

“Sa ngayon, ang nakikita naman natin, hindi umaakyat ‘yung cases, okay naman ‘yung health care capacity, I don’t think kailangan maghigpit. Sa ngayon, minimal o low risk naman ‘yung health care utilization rate natin so I don’t think there’s any reason na maghihigpit tayo,” pahayag ni Salvaña.

Mas mainam anya ay ang palagiang pagsunod ng publiko sa health standards tulad ng pagsusuot ng mask, pagpapabakuna kontra COVID, social distancing, at malinis na pangangatawan.

“The numbers remain manageable and even if the numbers increase, dahil sa antas ng pagbabakuna, ‘yung number of people developing severe and critical disease remain low. Hindi na talaga tayo babalik doon sa nagla-lockdown tayo,” dagdag ni Salvana.

Bigyang diin din nito na kahit na tamaan ng virus ang mga hindi bakunado ay mayroon namang mga gamot ngayon na maaaring maging panlunas sa sakit. (Daris Jose)

PDU30 inutos ang paggamit ng digital payments sa gobyerno

Posted on: May 18th, 2022 by @peoplesbalita No Comments

IPINAG-UTOS ni Pangulong Rodrigo Duterte sa lahat ng departamento at ahensiya ng gobyerno ang paggamit ng digital payment services.

Sa Executive Order 170 na nilagdaan ni Duterte noong Mayo 12, nakasaad na nakita ang mga benepisyo ng digital payment services sa iba’t ibang sektor sa kasagsagan ng COVID-19.

Nakasaad sa EO na naging mabilis, convenient, secure at transparent ang paggamit ng digital payment services.

Sa ilalim ng EO, lahat ng departmento, ahensiya, at instrumentalities ng gobyerno kabilang ang mga state universities at colleges, government-owned-or-controlled corporations, at maging ang mga local government units (LGUs) ay inaatasan na gamitin ang digital payments para sa kanilang disbursements at collections.

Lahat ng mga ahensiya na sakop sa EO ay dapat ipatupad ang ligtas at maayos na digital disbursement sa pagbabayad ng goods, services, at iba pang disbursements, kabilang ang pamamahagi ng pinansiyal na tulong, suweldo, allowances at iba pang bayarin sa mga empleyado.

Para sa koleksiyon ng gobyerno, lahat ng kinauukulang ahensiya ay dapat mag alok ng digital mode para sa pagbabayad ng buwis, fees, tolls st iba pang dapat kolektahin.

Nakasaad sa EO na hindi pa naman tuluyang isinasara ang pagtanggap ng cash at iba pang tradisyunal na paraan nang pagbabayad.

Willing na maghintay kahit gaano katagal: RAYVER, inamin na rin na ‘mahal’ niya at inspirasyon si JULIE ANNE

Posted on: May 18th, 2022 by @peoplesbalita No Comments

NAKABALIK na si Asia’s Multimedia Star Alden Richards early morning of Tuesday, May 17, matapos niyang mag-attend ng red-carpet premiere showing ng favorite series niya sa Netflix ang “Stranger Things” na Season 4 na, last Saturday, May 14, in Brooklyn, New York.

Nag-post agad si Alden sa kanyang Twitter ng, “When a dream turns into reality. #StrangerThings #StrangerThings4.”

Nag-post din si Daddy Bae ng photo ni Alden habang in-interview sa after party ng premiere night, wearing a Christian Dior Homme CD Blue Buckle Belted Blazer na hindi na naming isusulat kung magkano ang price.

Today, Wednesday, May 18, ay magpapa-swab test na si Alden in preparation para sa lock-in taping nila ng Start-Up with Bea Alonzo, Jeric Gonzales, Yasmien Kurdi and Ms. Gina Alajar na excited nang muling makatrabaho si Alden.

Gagampanan ni Gina ang role ng mabait na lola na mag-aalaga kay ‘Good Boy’ na si Tristan Hernandez (Alden). Ayon kay Gina, matagal na niyang gustong mag-artista muli at makaganap naman ng isang mabait na role. Kaya challenge daw sa kanya si Lola Joy, dahil mabait nga ang kanyang character.

Halos lahat daw kasi ng nagawa niyang movies o series ay mataray ang character niya, tulad ng huli, ang Nagbabagang Luha.

Ang Start-Up ay idinidirek nina Jerry Sineneng at Dominic Zapata.

***

PAREHONG mula sa ABS-CBN sina Ariel Rivera at Beauty Gonzalez, pero first time lamang nilang magtatambal sa The Fake Life ngayong isa nang Kapuso si Beauty at muling nagbabalik si Ariel sa GMA Networks. Makakasama rin nila sa seye si Sid Lucero.

Inamin ni Beauty na madalas siyang kabado kapag kaeksena ang dalawang mahuhusay na actor. Kaya sinisiguro raw niyang prepared siya sa mga eksena nila para hindi siya mapahiya sa kanila.

Nasa second leg na ang lock-in taping nila ng The Fake Life, kaya medyo naging emosyonal si Beauty nang magpaalam siya sa anak na si Olivia. Mami-miss daw niya ang anak dahil lagi silang magkasama nito.

Kasama rin sa cast sina Kristoffer Martin, ang muling magtatambal na sina Bea Binene at Jake Vargas, Will Ashley, Rina Reyes at marami pang iba.

Papalitan ng The Fake Life ang GMA Afternoon Prime na Artikulo 247 nina Rhian Ramos, Mark Herras, Benjamin Alves at Kris Bernal, na nasa last three weeks na at napapanood after Raising Mamay.

***

MUKHANG totohanan na ang relasyon ng mga Kapuso stars na sina Julie Anne San Jose at Rayver Cruz.

Isang Instagram post ang inilabas ni Rayver noong birthday celebration ni Julie na nagpapasalamat siya kay Julie for “everything.”

“Gusto ko lang sabihin how much I appreciate you, Juls,” sabi ni Rayver.

“You are such a “blessing to me and everyone.”

Isa raw inspirasyon sa kanya si Julie, “Gusto ko lang sabihin is nandirito lang ako, maghihintay ako kahit gaano katagal. Kapag ready ka na and kapag okay na kay Tito at Tita, palagi lang akong nandito. Mahal kita, Happy Birthday.”

Muling mapapanood ang Limitless: A Musical Trilogy, Part 2: Heal this Sunday, May 22, at 2:00PM, after All-Out Sundays sa GMA-7.

Si Rayver ang special guest dito ni Julie.

(NORA V. CALDERON)

Carlos Yulo itinuring na ‘most bemedalled athlete’ sa SEA Games

Posted on: May 18th, 2022 by @peoplesbalita No Comments

NGAYON pa lamang itinuturing na most bemedalled athlete na ang Pinoy Olympian at dating world champion gymnast na si Carlos Edriel Yulo sa nagpapatuloy na SEA Games doon sa Hanoi, Vietnam.

Liban kasi sa limang gold medals, meron pa siyang dalawang silver medals sa team at at parallel bars.

Sa mga atleta ngayon sa Vietnam si Caloy ang may pinakamaraming gold.

Ang Japan based na si Yulo, ay inaasahan na namang tatabo sa matatanggap na cash incentives batay naman sa batas sa Pilipinas.

Ang nanalo kasing atleta ng gold medal sa SEA Games ay mabibiyayaan ng P300,000, ang silver medal ay may nakalaang P150,000, habang ang bronze medal ay merong nag-aantay na P60,000 na cash incentive.

Sa inisyal na pagtaya nasa P1.5 million ang kanyang matatanggap sa limang gold medals at meron pa siyang premyo at percentage sa dalawang silver medals.

Napantayan ni Yulo ang swimming legend ng Pilipinas na si Eric Buhain (isa ng congressman ngayon sa Batangas) na nakasungkit din ng limang gold medals sa SEA Games noong taong 1991.

Netizens, tinag pa si Kim para subukang mag-react: Photo nina BARBIE at XIAN na kuha sa isang hotel, ginawan ng malisya

Posted on: May 18th, 2022 by @peoplesbalita No Comments

NAG-VIRAL ang photo nina Barbie Imperial at Xian Lim na kuha sa lobby ng isang hotel sa Davao Oriental dahil nilagyan ito ng malisya ng ilang netizens.

Una itong lumabas sa Facebook post ng isang hotel sa Mati, Davao Oriental noong Linggo, May 15 at may caption ito na, “Thank you so much, Mr. Xian Lim & Ms. Barbie Imperial for staying at Hotel Rosario Mati (smiling, black heart emoji).”

Kaya naman agad na nag-comment ang ilang netizens sa pagsasamang ito nina Barbie at Xian at naglagay nga ng malisya sa photo at tinag pa sa girlfriend ng aktor na si Kim Chiu.

Ilan sa naging comments nila:

“Xian Lim ngiti nang tagumpay.”

“Ikaw na ba ang icing sa ibabaw ng cupcake ko – Kim Chiu tara kape.”

“Okay lang yan kim. I know you are in a good place now.”

“Barbie kabahan kana sa hot water.”

May nagtanggol din naman na netizens kung bakit magkasama sina Xian at Barbie sa naturang hotel:

“This hotel is creating a gossip. Wala alam sa confidentuality.”

“Kaya sila magkasama sa Mati City kasi isa sila sa celebrity guest ng candidato doon. Dyan siguro sila nag-stay habang nasa Mati City haha.”

“FYI THEY WERE HERE SA MATI CITY FOR A SHOW SA MITING DE AVANCE HAYS PEOPLE LOVE CHISMIS KAAYO.”

“Nag guesting sila sa isang Political Rally dito sa Mati City invited by Mayo Almario and his team, same hotel po sila ng pinagstayhan pero iba-ibang kwarto.”

“Yung resting place po nila ay prepared by the people who invited them. Nandoon sila for work po. Wag tayong pala desisyon at gumawa ng issue na wala naman doon.”

Reaction naman ng netizens sa photo na kuha noong May 7, 2022 sa nasabing hotel, sa isang entertainment blogsite:
“Infer, bagay sila.”

“No, sa height medyo tagilid, nagmuka maliit si barbie sa tabi ni xian.”

“Common sense na lang e. Magpapapicture ba yan na magkasama kung may something.”

“Sadly sa Pinas, kulang sa sustansya ang mga tao. Mas gusto nila paniwalaan yung ikakasira ng isang tao.”

“Natawa ako dun sa comment na ngiting tagumpay haha.”

“I wondered when they’d drag Xian to get back at Kim & I guess this lame attempt is it. Nothing but malicious gossips!”

“Grabe ung mga hotel sa pinas, kung dito yan sa US pwedeng kasuhan.”

“Cheap publicity.”

“Grabe no, how did we end up like this. Parang people are living for chismis and they glorify misinformation. People rejoice pag may binabash.”

Sa ngayon, wala pang reaction sina Xian at Barbie sa ginawang pagli-link sa kanila and hopefully ‘wag na nilang patulan.

(ROHN ROMULO)

Ads May 18, 2022

Posted on: May 18th, 2022 by @peoplesbalita No Comments

Minimum wage hikes sa NCR at sa Western Visayas, aprubado na – DOLE

Posted on: May 18th, 2022 by @peoplesbalita No Comments

INANUNSIYO ngayon ng Department of Labor and Employment (DOLE) na inaprubahan na sa National Capital Region (NCR) at Western Visayas wage boards ang adjustments sa minimum wages ng mga manggagawa.

Batay sa statement ng DOLE ang Regional Tripartite Wages and Productivity Board (RTWPB-NCR) ay naglabas ng Wage Order No. NCR-23 nitong nakalipas na May 13, 2022.

Nakapaloob dito na pinagbigyan daw ang wage hike increase ng P33 kada araw para sa mga minimum wage earners, kaya tataas na sa P570 ang minimum wage para sa mga non-agriculture sector at P533 naman sa mga workers na nasa agriculture sector.

Ayon sa DOLE inaasahan nila na aabot daw sa one million minimum wage earners sa mga private establishments sa rehiyon ang mabibiyayaan.

“It is expected to protect around one million minimum wage earners in private establishments in the region from undue low pay. The increase considered the restoration of the purchasing power of minimum wage earners because of the escalating prices of basic goods, commodities, and petroleum products,” bahagi pa ng statement ng DOLE. “The last Wage Order for workers in private establishments in NCR took effect on 22 November 2018.”

Samantala, inanunsiyo rin naman ng Regional Tripartite Wages and Productivity Board – VI ang Wage Order No. RBVI-26 para rin sa wage increase sa mga non-agriculture, industrial and commercial establishments sa Western Visayas na aabot sa PP55 at P110.

Dahil dito ang daily minimum wage sa rehiyon ay nasa P450 at PP420 sa mga negosyo na merong 10 workers o higit pa at doon sa may 10 o mas mababa pa ang bilang ng mga workers.

Pinagtibay rin naman ng Board ang P95 na taas sa mga manggagawa sa agriculture sector para tumaas na ang daily minimum wage ng P410.

Ang bagong Wage Orders ay isusumite sa Commission para sa review at magiging epektibo ito 15 matapos ang paglalathala sa newspaper na may general circulation.