2022 June 23 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for June 23rd, 2022

LeBron James at tennis star Osaka naglunsad ng sariling media company

Posted on: June 23rd, 2022 by @peoplesbalita No Comments

NAGSAMA si Japanese tennis player Naomi Osaka at NBA star LeBron James para ilunsad ang bagong media company.

Tinawag nila itong “Huma Kuma” o ibig sabihin ay “Flower Bear” na gagawa ng mga kuwento tungkol sa kultura pero mayroong malaking epekto sa lahat.

Ayon kay four-times Grand Slam champion na si Osaka na sabik na ito na mamamhagi ng kuwento na magiging inspirasyon ng mga tao.

Ang dalawa ay mayroon ng sports agency na Evolve na ang pinakahuling manlalaro na kanilang napapirma ay si Australian tennis player Nick Kyrgios.

Nakapaninibago at aminadong may konting takot: PAULO, malungkot na masaya sa premiere ng movie nila ni JANINE

Posted on: June 23rd, 2022 by @peoplesbalita No Comments

PAREHONG batikang director ang may hawak ng Pinoy adaptation ng hit Korean drama na Start Up na sina Direk Dominic Zapata at Direk Jerry Sineneng.

Dito pa lang, alam mo na espesyal ang Start-Up para bigyan ng dalawang mabibigat na director.

Ayon kay Direk Jerry, “perfect casting” daw ito. Mula kina Alden Richards at Bea Alonzo hanggang sa mga supporting cast na sina Direk Gina Alajar, Jeric Gonzales at Yasmien Kurdi.

Pareho rin all-out ang mga papuri ng dalawang directors kina Alden at Bea. Si Direk Jerry bilang first time niyang maka-trabaho si Alden. As in, tama raw pala lahat ng mga narinig niya tungkol dito. Mabait at very professional. Same goes with Direk Dom na si Bea raw, napakahusay na actress talaga.

Sinigurado rin nila na may consent ng Korean production ang mga pagbabagong gagawin nila sa serye. Na katwiran din ni Direk Dom, kung gagayahin lang nila as is ang original version, “bakit pa namin gagawin?”

Yun na!

Malapit na malapit na nga itong mapanood sa primetime ng GMA-7.

***

TOP trending ang pangalan ni Asia’s Multimedia Star Alden Richards sa Twitter.

Nang tingnan namin kung ano ang dahilan bakit nagti-trending siya, yun pala, kino-congratulate si Alden dahil sa bagong milestone na na-achieve ng huling serye niya sa GMA Networks, ang The World Between Us.

Simula kasi ngayong June 22, hindi na lamang sa online streaming platform na Netflix ito available, pati sa Amazon Freevee. Ito yung dating IMDb TV.

At ang siste, ang pinagbibidahang serye na ito nina Alden at Jasmine Curtis-Smith lang naman ang kauna-unahang Filipino language o tagalog title na mapapanood dito.

Sa nga comments, nababasa namin na ang Amazon Freevee pa raw ang lumapit sa GMA para makuha ito.

***

NAGPAHAYAG si Paulo Avelino na nakalulungkot na masaya raw ang nararamdaman niya sa ginanap na red carpet premiere ng pelikula nila ni Janine Gutierrez na Ngayon Kaya.

Given na yung masaya siya dahil kahit kami, na-happy nang makita ang crowd sa SM Mega sa kanilang pa-red carpet premiere. Maraming tao at ang dami rin nilang mga kaibigang celebrities na sumuporta sa kanila. Kabilang na sina Jake Cuenca, Jake Ejercito, Ria Atayde, Liza Diño, Ice Seguerra, Ramon Christopher at iba pa.

Kumbaga, parang unti-unti na talagang bumabalik yung dating festive at feel ng mga premiere night.

Sabi ni Paulo, “Medyo nakalulungkot na masaya kasi, ang tagal na nating walang ganito, for two years actually but I’m happy.

“Nakakapanibago, may konting takot pa rin dahil hindi na rin sanay na makakita ng ganitong karaming tao.”

Si Janine naman, excited daw siya na may premiere night muli at ang pelikula nga nila ni Paulo under T-Rex Films sa direksiyon ni Prime Cruz ang isa sa mga unang ipinapalabas muli na Filipino film sa mga sinehan.

“Parang fresh start ulit natin,” sey niya.

Kaya parehong nakikiusap sina Paulo at Janine na sana nga raw, ngayong balik cinema na ang ilang Pinoy movies tulad ng Ngayon Kaya, sana ay marami ang sumuporta at manood nito.

Maganda ang pelikula na para sa amin, very millennial ang approach sa romance pero siguradong marami ang makaka-relate.

(ROSE GARCIA)

UAAP crown sinakmal ng NU

Posted on: June 23rd, 2022 by @peoplesbalita No Comments

NAKUMPLETO ng National University ang matamis na 16-0 sweep upang matagumpay na masungkit ang kampeonato sa UAAP Season 84 women’s volleyball tournament.

Nagawa ito ng Lady Bulldogs matapos patumbahin ang De La Salle University, 25-15, 25-15, 25-22, sa Game 2 ng best-of-three championship series kagabi sa Mall of Asia Arena sa Pasay City.

Muling nagsanib-puwersa ang top hitters ng Lady Bulldogs sa pangunguna nina Mhicaela Belen, Princess Robles, Alyssa Solomon, Ivy Lacsina at Sheena Toring para tuldukan ang ilang dekadang pagkauhaw ng kanilang tropa sa korona.

Ito ang unang titulo ng Lady Bulldogs sapul noong 1957. Sa kabuuan, may tatlong titulo na ang NU sa liga.

Maliban sa 1957 season at sa 2022 season, nagreyna rin ang Lady Bulldogs noong 1954.

Ang NU rin ang ikatlong koponan sa UAAP Final Four era na naka-sweep sa buong season.

Una itong nagawa ng La Salle noong Season 67 na sinundan ng Ateneo de Manila University noong Season 77.

Inilagay naman ni Belen ang kanyang pangalan sa kasaysayan ng UAAP nang hablutin nito ang Rookie of the Year at Most Valuable Player awards.

Si Belen ang kauna-unahan nakagawa nito sa women’s division ng liga.

Maliban sa ROY at MVP, napasakamay din nito ang First Best Outside Hitter trophy.

Nasa No. 1 ito sa service area (0.47 per set), No. 3 si Belen sa scoring matapos makalikom ng kabuuang 203 points sa eliminasyon, No. 2 sa spiking (38.96 percent success rate), No. 8 sa digs (2.38 per set), No. 6 sa reception (40.85 efficiency rate).

Umani rin ng individual awards ang kapwa NU players nitong sina Camilla Lamina (Best Setter), Alyssa Solomon (Best Opposite Spiker), Jennifer Nierva (Best Libero) at Sheena Toring (Second Best Middle Blocker).

Ang iba pang awardees ay sina Faith Nisperos ng Ateneo de Manila University (Second Best Outside Hitter) at Thea Gagate (First Middle Blocker).

Itinanghal na Finals MVP si Robles.

Ads June 23, 2022

Posted on: June 23rd, 2022 by @peoplesbalita No Comments

Mayor Dra. Maria Sheilah “Honey” Lacuna-Pangan: ANG UNANG BABAENG ALKALDE NG MAYNILA, MANUNUNGKULAN NA

Posted on: June 23rd, 2022 by @peoplesbalita No Comments

Sa katanghalian ng Hunyo 30 ng kasalukuyang taon, magsisimula ng manungkulan bilang bagong alkalde ng Lungsod ng Maynila si Vice Mayor Honey Lacuna habang magiging isa namang ordinaryong mamamayan si Mayor Isko Moreno Domagoso.

Si Mayor-elect Honey Lacuna ang kauna-unahang nahalal na babaing alkalde ng Lungsod ng Maynila, simula pa nang unang maupo bilang kauna-unahang Punong Lungsod si Mayor Arsenio Cruz Herrera noong taong 1901.

Bagama’t may ilang kumukuwestiyon sa kakayahan ni Vice Mayor Honey Lacuna na pamunuan ang Kapitolyo ng Pilipinas bilang isang babae noong kasagsagan ng halalan, higit na mas marami ang naniniwala sa kanyang abilidad, patunay ang napakalaking kalamangan niya sa bilang ng boto kumpara sa kanyang mga naging katunggali.

Bukod kasi sa matagal na rin sa mundo ng pulitika na nagsimula sa pagiging konsehala ng ika-apat na distrito noong taong 2004 hanggang 2013, napakarami rin niyang nai-akdang ordinansa at resolusyon na naipasa ng Sangguniang Panlungsod. Nakadagdag pa rito ang kanyang pagiging anak ng isa sa mahusay at matalinong bise alkalde ng lungsod na si Vice Mayor Danny Lacuna.

Noong 2016, nahalal siya bilang kauna-unahang babaeng Vice Mayor, katambal ng nagwagi rin noong alkalde na si dating Pangulong Joseph Estrada hanggang tumakbo at muling nanalong vice mayor sa ilalim naman ng partido ni Mayor Isko Moreno noong 2019. Ang kanyang mga ipinamalas na kakayahan bilang pangalawa sa pinakamataas na lokal na pinuno ng Maynila ang nagbunsod kay Mayor Isko Moreno na ipagkatiwala sa kanya ang pamamahala sa kapitolyo ng bansa.

Ang isa pang malaking bentahe para mapamunuan ni Vice Mayor Honey Lacuna ng maayos ang Maynila ay ang pagkakapanalo rin ng kanyang mga ka-alyado sa pulitika sa pamamagitan siyempre ng ginawang pag-e-endorso sa kanila at pagtulong ni Mayor Isko Moreno.

Hindi maikakaila na mahirap para sa isang lokal na punong ehekutibo na maisulong ang kanyang mga proyekto at programa kung hindi niya magiging ka-alyado ang mga nagwaging kongresista, bise alkalde at konsehal dahil kahit walang makitang butas sa mga ito sa mga ilalatag ng alkalde para sa kaayusan, kagandahan at interes ng nakararami, tiyak na hahanap ng paraan ang kanyang mga hindi ka-alyadong opisyal upang maantala ang pagsusulong ng mga balakin.

Pero dahil ang mga nagwaging kongresista sa anim na distrito ng lungsod, pati na rin ang vice mayor na si Cong. Yul Servo at mga konsehal ay kaisa ni Mayor-elect Honey Lacuna, walang duda na maipagpapatuloy niya ng maayos ang nasimulan ni Mayor Isko Moreno at madadagdagan pa dahil tiyak na susuportahan siya ng mga opisyal ng lungsod.

Kaya doon sa mga nagdududa sa kakayahan ni Mayor Honey Lacuna para maayos na mapamunuan ang Maynila, relaks lang kayo at kumalma dahil nakasisiguro na kayo na tama ang landas na tatahakin ng uupong kauna-unahang alkalde ng Lungsod ng Maynila.

Bukod kay Mayora, naglilingkod din bilang public servant ang mga kapatid nito tulad na lamang nila dating Konsehal Dennis Lacuna na ngayon ay nasa Zoning Division ng Manila City Hall, 6th District Councilor Phillip Lacuna, at Liga ng mga Barangay President Lei Lacuna. (BISHOP JESUS “JEMBA” M. BASCO)

P11B HALAGA NG ILLEGAL NA DROGA, SINIRA NG NBI

Posted on: June 23rd, 2022 by @peoplesbalita No Comments

SINIRA ng gobyerno ang P11 bilyong halaga ng illegal na droga na nasabat ng mga ahente ng National Bureau of Investigation (NBI) noong Marso 15, 2022 sa Infanta, Quezon.

Sinabi ni NBI Director Eric B.Distor na sa memorandum na isinumite ng NBI Forensic Chemistry Division (NBI-FCD), ang P11 bilyong kaso ay isa sa mga ebidensyang kasama sa pagsira sa mga mapanganib na droga na iniutos ng Regional Trial Court.

Sinabi rin ni Distor na ang pagsira ng ilegal na droga at sa imbitasyon ng PDEA, anim (6) na tauhan ng NBI-Forensic Chemistry ang dumalo at nasaksihan ang pagsira ng mga nasabat na illegal drugs sa pamamagitan ng utos ng korte sa Integrated Waste Management Inc. (IWMI) sa Trece Martirez, Cavite.

Binigyang-diin ni Distor na sa pagsira sa nasabing mga droga, lumahok ang mga NBI Chemists sa paglalagay ng mga delikadong droga sa loob ng pyrolysis machine habang ang ibang tauhan ng NBI-FCD ay pinayagang kumuha ng litrato at pangasiwaan ang pagsira.

Ang NBI Chemist in charge ay nagsagawa ng imbentaryo at nagtala ng 80 selyadong itim na megabox na tinutumbas na bilang ng mga ebidensya na itinurn-over sa PDEA.

Matatandaang noong Marso 15, 2022, ang mga operatiba ng NBI- Task Force Against Illegal Drugs (TFAID), NBI-Research and Analysis Division (RAD) at Lucena District Office (LUCDO), sa pakikipag-ugnayan sa PNP Infanta, Quezon at PDEA Lucena ay nagsagawa ng interdiction operation sa Barangay Comon, Infanta Quezon na nagresulta sa pagsamsam ng P11 bilyong halaga ng methamphetamine hydrochloride o shabu.

Ang operasyon ay nagresulta rin sa pagkakaaresto sa sampung (10) mga salarin habang nasa akto ang pagbibiyahe ng mga hinihinalang iligal na droga sakay ng tatlong (3) commuter van.

Ang nasabing operasyon ay itinuturing na pinakamalaking nasabat na droga at hindi pa nagagawa sa kasaysayan ng Pilipinas hanggang sa kasalukuyan. (GENE ADSUARA)

Excited na ring maigawa ng customized rings ang ina: KC, thankful at sobrang saya na nagkaayos na sila ni SHARON

Posted on: June 23rd, 2022 by @peoplesbalita No Comments

PINOST ni KC Concepcion sa Instagram ang screenshot ng FaceTime nila ng inang si Megastar Sharon Cuneta, habang naghahanda ang huli sa taping para sa FPJ’s Ang Probinsyano.

Tuwang-tuwa naman ang netizens at followers ng mag-ina dahil okey na okey na talaga ang kanilang relasyon.

Caption nang isa sa bida sa movie na Asian Persuasion, “Not only THE… but MY one & only!!! 🥹🌹 I hear about so many mother-daughters that never get the chance to heal their relationships nor resolve issues, and I feel lonely for them.”

Say pa ni KC, “I’m so thankful we’re able to speak with each other with mutual care and respect, and now talk like girlfriends and found our way back to each other! I love you Mama! There is nothing like having your own mother’s LOVE ✨ @reallysharoncuneta.”

Pahabol pa ng aktres, “(There she is with my ring sizers cuz now that she’s lost all that weight I need her new sizes for her custom @avecmoijewelry rings! Excited to make them for her!)”

Ni-repost naman ito ni Sharon at nilagyan ng caption na,
“Facetiming with my eldest yesterday – while having “Aurora’s hairstyle” – extensions – attached! Love you, Toot!❤️❤️❤️🙏🏻🙏🏻🙏🏻”

Reaction naman ng mga marites:

“Normal naman sa pamilya ang clashes. Ganyan din kami ng mom ko, away-bati pero down the core, super mahal isa’t-isa. All starts and ends with family.”

“On and off ba ang awayan nila?”

“Meron bang mag-ina o kahit sinong may relasyon ka na hindi nagkakatampuhan?”

“Ang cute nilang dalawa!”

“Pansin ko sa dalawang to parang may kompetisyon sa kanilang mag ina kaya di maiwasang magkaroon ng misunderstandings.”

“Obviously not competition when it comes to career. More on jealousy. Cause Sharon is closer to her kids with Kiko and KC is closer to her dad. No professional jealousy.”

“Uhmm, there’s no competition. Sharon is still thriving and soaring up there, while KC has been idle and project-less for years. #realtalk.”

“Normal mom/daughter relationship. My mom will get mad on me, she don’t answer my call, then proceed to ignore me every now and then hahaha!”

“Ganon talaga ang mom and daughter. ako nga nagtatampo sa anak ko because i feel she doesn’t confide in me, but when she needs something sa akin din tatakbo. sometimes i cry but sige na lang, hope when she gets a kid of her own, she won’t go thru what i’m going thru hehe.”

“Good to hear it’s not just me. I’m not talking to my mom right now. I got tired of grovelling for nothing.”
“I’m happy for them. Hirap kalaban ng nanay. Laging dapat panalunin haha. Ganun kami ng mom ko. Pag di siya nanalo, Walang magbabati!”

“Family drama is normal. part talaga yan.”

“On going pa pala yung jewelries ni KC.”

“For me lang, pag yung anak nasa 30s na parang dun nagkakaroon ng clash minsan sa parents. Kasi ayaw na ng anak mapagsasabihan parang ganun ba. Personal experience ko lang. Hehe.”

“Nakakahiya dapat dina I public awayan ng family.. respect ang dapat Meron sila…if you a mother dapat ikaw ang unang makaintindi Sa mga anak mo..at I-secret ang family problems..kaso gusto nilang sumikat pa…”

“As the saying goes.. all’s well that feels well..”

“Ang importante nagbabati sila.”

(ROHN ROMULO)

‘Paghawak ni Marcos sa Department of Agriculture maituturing na ‘brilliant move’ – Piñol

Posted on: June 23rd, 2022 by @peoplesbalita No Comments

UMANI nang papuri ang naging hakbang ni President-elect Ferdinand Marcos Jr. na hawakan mismo ng personal ang Department of Agriculture (DA) sa kanyang pag-upo sa pwesto.

Kabilang sa humanga ay si dating Agriculture Secretary Manny Piñol.

Si Piñol na natalo sa nakalipas na halalan sa pagkasenador ay sinabi na maituturing itong “brilliant move.”

Ayon pa sa kanya, kung mangyari ito ay baka manginig sa takot ang mga cartel at smugglers.

Liban nito, maging ang hihinihinging budget sa kongreso ay wala na ring haharang pa na “tigasin” dahil presidente na ng Pilipinas ang haharap sa kanila.

Kung maalala, kamakailan ay inimbestigahan din ng Senado ang isyu sa smuggling sa agrikultura at ang kontrobersiyal na pag-aangkat ng mga produkto kasama na ang isda, bigas, asukal at iba pa mula sa ibang bansa.

Sinabi pa ni Piñol na dati ring Mindanao Development chief at humawak sa Department of Agriculture sa pagitan ng taong 2016 hanggang 2019, kung pangulo mismo ang hahawak sa naturang kagawaran ay matitiyak na ang sapat na pondo at tulong para umangat pa ang sektor ng agrikultura.

DILG, kinumpirma ang intel ukol sa plano na guluhin ang inagurasyon ni Bongbong Marcos

Posted on: June 23rd, 2022 by @peoplesbalita No Comments

KINUMPIRMA ng Department of the Interior and Local Government (DILG) ang intelligence reports kaugnay sa di umano’y plano na guluhin ang inagurasyon ni President-elect Ferdinand “Bongbong” Marcos Jr.

Tiniyak ng DILG na nakahanda ng ang mga pulis na tugunan ang mga pagbabanta.

Sinabi ni DILG spokesperson at Undersecretary Jonathan Malaya na plano ng communist groups at ng kanilang di umano’y front organizations na pahiyain si Marcos Jr. sa kanyang inagurasyon sa Hunyo 30

Sinabi ni Malaya na ang DILG at ang attached agencies nito na Philippine National Police (PNP) ay seryosong tinitingnan ang nasabing ulat.

“We are taking these intelligence reports seriously and we will do what is necessary to thwart any attempt to embarrass or discredit the forthcoming inauguration,” ayon kay Malaya.

Aniya pa, pinaigting ang security measures sa National Museum grounds sa kahabaan ng Padre Burgos Avenue sa Maynila, kung saan inaasahan na magte-take oath of office si Marcos Jr.

Tinatayang 6,200 PNP personnel, hindi pa kasama ang ibang uniformed services, ang ide-deploy upang i- monitor ang mga key areas na malapit sa National Museum.

Kaya nga ang nasabing plano ng rebeldeng komunista ay hindi na nakagugulat dahil ang grupong ito ay desididong guluhin ang gobyerno.

“That’s part of their playbook. Whoever sits in Malacañang is their enemy because ultimately, all they want is to overthrow the government through violent means to be followed by a socialist revolution,” ayon kay Malaya.

Tinukoy ni Malaya ang ibinunyag ng apat na dating miyembro ng Communist Party of the Philippines at New People’s Army (CPP-NPA) na ang mga rebelde ay nakikipagpulong sa mga magsasaka sa Hacienda Tinang.

Ang Hacienda Tinang ay ang kontrobersiyal na Tarlac farmland na nadawit sa kontrobersiya matapos na ang agrarian reform beneficiaries at kanilang kaalyado ay inaresto dahil sa sinasabing “uprooting existing plantations.” (Daris Jose)

Christian Bale Reveals Surprising Influences For His Villain, Gorr In ‘Thor: Love & Thunder’

Posted on: June 23rd, 2022 by @peoplesbalita No Comments

CHRISTIAN Bale reveals the surprising influences behind his villain, Gorr the God Butcher, in Thor: Love and Thunder.

After first being introduced in 2011’s Thor, Chris Hemsworth’s titular God of Thunder would go on to star in two additional solo films as well as a number of Avengers team-up movies. Thor: Love and Thunder, which is written and directed by Taika Waititi, picks up after the events of Avengers: Endgame, depicting the character on a quest to find inner peace when he is forced to confront Gorr the God Butcher, a villainous figure intent on wiping out all gods.

Initial trailers for Thor: Love and Thunder have teased some of what’s to come in the upcoming MCU offering, including an epic showdown between Thor and Gorr. Bale’s villain is depicted in heavy black and white makeup and is shown ominously wielding a large sword. While much of the character still remains shrouded in mystery, Waititi has previously revealed that Bale’s Gorr is the best-received MCU villain thus far in test screenings for the film.

In addition to Hemsworth and Bale, Thor: Love and Thunder stars Chris Pratt, Tessa Thompson, Natalie Portman, Karen Gillan, and Russell Crowe, among others.

In his recent interview, Bale reveals a few surprising influences for his villain, Gorr, which include Nosferatu and a music video from the band Aphex Twin. Bale explains that he and Waititi even wanted Gorr to have something of a dance sequence in Thor: Love and Thunder, which would have been inspired by singer-songwriter Kate Bush’s music.

While it would seem that even Bale isn’t sure what parts of his performance have made it into the final film, the actor’s comment does hint at some of what audiences can expect from Gorr the GodButcher in the Thor sequel.

Nosferatu is a 1922 German silent film, which acts as an unofficial adaptation of Bram Stoker’s Dracula novel, and it was, at the time, considered to be very frightening due to its vampiric villain, Count Orlok. Similarly, the Aphex Twin “Come to Daddy” music video features a pale and disturbing creature not dissimilar to Nosferatu’s vampire villain.

Count Orlok and the creature from the “Come to Daddy” music video certainly do share some visual similarities to Bale’s black and white Gorr as he is seen in the Thor: Love and Thunder trailers. Interestingly, however, it would appear that juxtaposed against Gorr’s scary appearance, both Waititi and Bale attempted to add a playfulness to the Thor: Love and Thunder villain as well, with the character potentially having an affinity for dance and a flare for the dramatic.

It remains to be seen how many of Bale’s influences will be apparent on screen when the movie releases on July 8th, but Gorr the God Butcher clearly has the potential to be the MCU’s most interesting villain yet. (souce: screenrant.com)

(ROHN ROMULO)