ANG ganda-ganda ni Angelu de Leon sa suot niyang blue terno na siya ay manumpa bilang member ng city council ng Pasig City.

Nagsimula ang term of office ni Angelu bilang newbie konsehala noong July 1.

Panibagong challenge kay Angelu ang pagpasok niya sa politics. Having seen her grow up mula sa pagiging young star sa Viva until sumikat ang tandem nila ni Bobby Andrews, naging nanay at dumaan sa maraming pagsubok, di namin maimadyin na makikita namin na papasok sa politics ang award-winning actress.

Pero siguro ang exposure niya sa mga tao bilang artista at sa experiences niya rin sa pakikihalubilo sa mga ito ang nagbukas ng isip ni Angelu na she can make a difference kung papasok siya sa politics.

Kahit na newbie candidate ay nanalo si Angelu. Masuwerte rin siguro na kasama siya sa ticket ni incumbent Pasig City Mayor Vico Sotto kaya di siya nahirapan na humingi ng suporta sa mga botante.

Bagong mundo for Angelu ang politics at hangad namin ang kanyang tagumpay. It is never late to venture into something na makatutulong sa iyo as a person and as a citizen.

***

NANALO ang ABS-CBN ng dalawang parangal sa 2022 Gold Quill Awards ng International Association of Business Communicators para sa kanilang mga programa para sa kanilang empleyado, kasama ang kauna-unahang “Kapamilya Himig Handog” employee songwriting competition.

Nagbunga ang “Kapamilya Himig Handog” ng limang bagong kanta na nakapaloob sa OPM Fresh Songwriters Series Vol. 1 EP na napapakinggan na sa iba’t ibang platform tulad ng Amazon Music, Apple Music, at Spotify. Meron na ring pinagsamang 70,000 views ang lyric videos nito sa YouTube.

Pinuri ang “Kapamilya Himig Handog” ng mga evaluator ng Gold Quill sa matagumpay nitong pagtupad sa layunin nitong mag-diskubre ng mga bagong manunulat ng kanta mula sa mga empleyado mismo ng ABS-CBN, at bigyan sila ng pagkakataong maipakinig sa mundo ang kanilang musika.

Panalo ang patimpalak na ito, na hango sa kilalang nationwide songwriting contest na “Himig Handog,” sa primerong awards program ng IABC, kung saan nagwagi rin ng ang COVID-19 awareness campaign ng ABS-CBN para sa Kapamilya employees.

Samantala, makatulong sa pagbaba ng mga kaso ng COVID-19 sa organisasyon naman ang hangarin ng “Act As If You Have the Virus” campaign ng ABS-CBN, na kinilala naman sa mahusay na pagpapaalala sa mga empleyado na sumunod sa safety protocols at mag-ingat sa panahon ng pandemya.

Ginanap sa New York City, USA noong Hunyo 28 ang 2022 Gold Quill Awards, na apat na dekada nang nagbibigay ng pagkilala sa kahusayan sa komunikasyon sa buong mundo. Umabot sa 406 entries mula sa 16 na bansa ang kasali ngayong taon, kung saan 125 lamang ang tatanggap ng parangal.

Nakuha ng ABS-CBN ang dalawa sa pitong Gold Quill Awards na napanalunan ng Pilipinas ngayong taon. Bago ang mga ito, nagwagi na rin ang ABS-CBN sa Gold Quill Awards para sa Sagip Pelikula film restoration project (2019), “Wow at Saya” audience experience program (2018), at election advocacy campaign “Boto Mo, i-Patrol Mo” (2011).

Para sa iba pang updates sa ABS-CBN, i-follow ang @ABSCBNPR sa Facebook, Twitter, Instagram, at TikTok o bumisita sa www.abs-cbn.com/newsroom.

***

PAGKATAPOS gumanap ng ilang supporting roles sa ilang teleserye sa ABS-CBN, sasabak na sa isang challenging role ang newbie actor na si Heindrick Sitjar.

Sa kuwento niya sa mediacon ng upcoming movie na ‘Pamilya sa Dilim’ na sinulat at ididirek ni Jay Altarejos, nag-undergo din siya ng audition.

After the audition ay binigyan si Heindrick ng chance na makilala si Allen Dizon at si direk Jay. Doon na niya nalaman ang takbo ng kwento at kung paano siya ang napili para sa role na ibinigay sa kanya.

Magkamukha raw sila ni Allen kaya siya nakuha sa movie para gumanap na young Eddie Boy.

Aminado naman si Heindrick na kinakabahan siya dahil mabigat ang role na ibinigay sa kanya. Mabibigat halos lahat ng mga eksena.

Sabi pa ng newbie actor, matagal na niyang pangarap na mag-artista at makagawa ng isang indie film. Kaya very thankful siya na he was chosen to be part of the cast of ‘Pamilya sa Dilim’.

Kasali rin siya sa cast ng ‘Lolong’ nagsimula ng ipalabas sa GMA Telebabad. Gumaganap siya sa serye bilang Ramil, isang atubaw na nagmamahal sa mga crocodile.

Ayon kay Heindrick, mabait at magaling na aktor si Ruru Madrid at pwede rin niya itong maging inspirasyon bilang isang upcoming young actor sa showbiz.

(RICKY CALDERON)

TALAGANG iba rin ang naging closeness ng mga Kapuso stars na sina Ruru Madrid at Kylie Padilla na nagsimula nang maging close nang magkapareha sila sa Encantadia.

Hindi naputol ang closeness at the same time, sweetness nilang dalawa kahit matagal ng tapos ang fantaserye.

At dahil biggest break ni Ruru ang GMA News and Public Affairs fantasy serye na Lolong na nag-pilot kagabi, July 4, hindi rin nagpahuli si Kylie.

Nag-effort pa siya na gumawa ng video message para i-promote ang serye na ito ni Ruru. Sey niya, “Naalala ko pa no’ng kinuwento mo sa akin na talagang minahal mo ang project na ‘to at malapit na siyang ipalabas.”

Sa caption ay sinabi rin niya na, “Always rooting for you!!!”

Obvious na masayang-masaya si Ruru sa ginawang ito ni Kylie at sa comment niya rito, tahasan niyang sinabi kung gaano niya ito kamahal. Aniya, “Awwww labyu so much Ky.”

Kung nagkataon kaya na parehong hindi taken sina Ruru at Kylie noon, ‘di kaya from friendship ay nag-level-up pa sila?

***

MAY bagong anggulo na pinag-usapan sina Ogie Diaz, Loi at Mrena sa kanilang Youtube vlog tungkol pa rin sa diumano’y dahilan ng hiwalayan ng mag-asawang Tom Rodriguez at Carla Abellana.

Pera pa rin ang sinasabing dahilan ng paghihiwalay nila. Ayon daw sa kanilang source na binasa nga ni Ogie ang text o chat message sa kanya.

“May pera din si Carla dun sa na-scam kay Tom. Kaya nga alam din ni Carla yung pera na yun kasi pareho nilang perang mag-asawa yun na-scam kay Tom.

“In other words, hiniwalayan ni Carla si Tom kasi naubos ang pera ni Tom, damay pa ang pera ni Carla.”

Sa isang banda, mukhang sinusunod naman talaga ni Tom ang sinabi niyang gag order na hindi siya pwedeng magsalita kaya tahimik lang itong talaga. Hindi nagko-comment at hindi rin idinidepensa ang sarili sa iba’t-ibang isyu na naglalabasan tungkol sa kanya.

Ang huling balita namin, nagpa-extend nga ng bakasyon sa America si Tom from GMA Networks at sa August na raw ito babalik. Yun ay kung okay na nga, na-process na niya sarili ang mga nangyari at nakapag-move-on na or kung hindi, another leave extension.

(ROSE GARCIA)