2022 July 06 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for July 6th, 2022

Tuloy pa rin ang Bulacan airport, special economic zone hiwalay na proyekto” -Fernando

Posted on: July 6th, 2022 by @peoplesbalita No Comments

LUNGSOD NG MALOLOS- Nilinaw ni Gobernador Daniel R. Fernando na tuloy pa rin ang konstruksyon ng paliparan sa Bulacan at hindi ito apektado ng pag-veto ni Pangulong Ferdinand “Bongbong” Marcos, Jr. sa bill na lumilikha sa Bulacan Airport City Special Economic Zone and Freeport.

Pinaliwanag ni Fernando, magkahiwalay na institusyon ang dalawang proyekto at sang-ayon siya na kailangan nito ng sapat na oras upang maingat na mapag-aralan, masuri, at mabisitang muli.

“The only issue that we have as of the moment is the approval of the proposed special economic zone which I strongly believe will just need to be justified, revisited, and reviewed,” anang gobernador.

Idinagdag pa ng gobernador na nagpapasalamat siya at positibo ang kanyang pananaw patungkol sa malaking progreso sa lalawigan.

“Tuloy ang airport, tuloy ang kaunlaran at magandang oportunidad sa ating mga kalalawigan. Nagtitiwala po tayo na ano man ang kahihinatnan ng nasabing usapin, ito ay masusing pag-aaralan, at maayos na mapag-uusapan dahil ang ating bagong administrasyon ay para sa kabutihan ng mamamayang Pilipino,” aniya.

Sinabi rin ni Fernando na walang dapat ipangamba ang mga dayuhang mamumuhunan dahil marami pang maihahandog ang Bulacan na lugar na pang-negosyo.

“Hindi nito maaapektuhan ang foreign investors dahil may mga site pa naman na pwedeng paglagyan ng foreign investments. Wala akong nakikitang dahilan para umatras sila. Still welcome sila sa Bulacan,” pagsisiguro ni Fernando. (BISHOP JESUS “JEMBA” M. BASCO)

State visit ni PBBM, wala pang iskedyul- Malakanyang

Posted on: July 6th, 2022 by @peoplesbalita No Comments

HANGGANG ngayon ay wala pang ipinalalabas na iskedyul ang Office of President (OP) hinggil sa state visit ngayong taon ni Pangulong Ferdinand “Bongbong” Marcos Jr.

Ang katuwiran Presidential Communications Operations Office (PCOO) Secretary Trixie Cruz, prayoridad ni Pangulong Marcos ang isapinal ang listahan ng mga miyembro ng kanyang gabinete.

“The President has not announced any state visits. As of now, he is busy building up the Cabinet. So, we will have to wait for an announcement if there is indeed such a thing,”ayon kay Sec. Angeles.

At sa tanong kung tinanggap ni Pangulong Marcos ang imbitasyon sa kanya ni United States President Joe Biden na bumisita sa Washington, sinabi ni Sec. Angeles “Let’s wait for Malacañang to formally acknowledge it and then we will probably make the announcement with regard to whether or not it’s going to happen.”

Sa ulat, kinumpirma ni Philippine Ambassador to United States Babe Romualdez na inimbitahan ni US President Biden si Pangulong Marcos na bumisita sa Amerika.

Ito ay kahit na mayroong standing contempt order si marcos na makatuntong sa United States dahil sa ilang mga kaso.

Sa isang panayam, sinabi ng envoy na nang bumsita ang delegasyon ng Amerika sa inagurasyon ni Marcos kamakalawa, ipinaabot umano ni US 2nd Gentleman Douglas Emhoff ang isang liham mula kay Biden.

Nilalaman nito ang pagbati sa bagong pangulo ng Pilipinas, at ang personal na imbitasyon nito.

Inimbitahan si Marcos ni Biden na makausap sa isang phone call, at kung magtutugma na ang schedule nila ay inanyayaan itong pumunta sa Washington.

Muli namang nilinaw ni Romualdez na mayroong diplomatic immunity si Marcos.

Dahil dito, papayagan umanong makatuntong ng Amerika si Marcos at ang pamilya nito. (Daris Jose)

Bus routes sa ‘Libreng Sakay’, posibleng dagdagan

Posted on: July 6th, 2022 by @peoplesbalita No Comments

PINAG-AARALAN na ng Department of Transportation (DOTr) ang posibilidad na magdagdag pa ng mga libreng bus rides sa mas maraming ruta, sa ilalim ng kanilang ‘Libreng Sakay Program’.

Ayon kay DOTr Undersecretary Cesar Chavez, makikipagpulong si DOTr Secretary Jaime Bautista sa mga pinuno ng mga ahensiyang may kinalaman dito upang talakayin ang isyu.

Aniya pa, sa ngayon ay sapat lamang ang budget ng DOTr para sa kasaluku ‘yang mga ruta ng libreng sakay.

“Nire-review ‘yan ngayon sapagkat ‘yung budget na nakalaan, of course through congressional approval at nung nakaraang administrasyon, ay sasapat lang at hindi kasama ‘yung ibang ruta na hinihiling nila ngayon,” paliwanag pa ni Chavez, sa panayam sa telebisyon nitong Lunes.

Matatandaang noong Biyernes ay inaprubahan na ni Pangulong Ferdinand ‘Bongbong’ Marcos Jr. ang pagpapalawig sa EDSA Carousel bus rides hanggang sa Disyembre 2022, mula sa dating hanggang Hulyo 30, 2022 lamang.

Inaprubahan din ng pangulo ang pagkakaloob ng libreng sakay para sa mga estudyante na gumagamit ng Metro Rail Transit Line 3 (MRT-3), Light Rail Transit Line 2 (LRT-2) at Philippine National Railways (PNR) sa pagbubukas ng klase sa Agosto 22.

Ipinaliwanag naman ni Chavez na hindi sustainable ang libreng sakay para sa lahat sa MRT-3 dahil ang naturang rail line ay mayroon lamang P82 milyong revenue collection noong Enero, habang gumastos ito ng P722 milyon para sa libreng sakay.

Hindi rin aniya maaaring magkaloob ng libreng sakay ang LRT-1 para sa lahat dahil ito’y nasa ilalim ng isang concession agreement sa Light Rail Manila Corporation (LRMC) at walang kontrol ang pamahalaan sa operasyon at kita nito. (Daris Jose)

Ads July 6, 2022

Posted on: July 6th, 2022 by @peoplesbalita No Comments

Nabalewala ang re-appointment ni PRRD kay Liza: TIRSO, napili ni PBBM na maging bagong chairman ng FDCP

Posted on: July 6th, 2022 by @peoplesbalita No Comments

NAGING usap-usapan sa apat ng sulok ng showbiz noong Lunes, July 4, 2022, na may bagong i-apppoint si President Ferdinand ‘Bongbong’ Marcos Jr. bilang chairman ng Film Development Council of the Philippines (FDCP) at Movie and Television Review and Classification Board (MTRCB).

Marami rin ang nakapansin ng post ni Direk Joey Reyes sa FB account niya na nagsasabing:

“CONGRATULATIONS TO THE NEW CHAIRMAN.

“May the coming years bring a truly meaningful and significant advancement to an industry that needs reassessment, revitalizing and reinventing.

“It is not about anybody. It is about EVERYBODY IN THE BUSINESS.”

Kahapong ng umaga, July 5, may mga lumabas na post na ang beteranong aktor na si Tirso Cruz III na ang napili at papalit kay Liza Diño bilang chairperson ng FDCP, na re-appointed pa ni Pres. Rodrigo Duterte noong Marso bago bumaba ng puwesto, na tatlong taon pa sanang maglilingkod.

Bahagi ng letter na binigay kay Liza, “Pursuant to the provisions of existing laws, you are hereby appointed CHAIRPERSON, FILM DEVELOPMENT COUNCIL OF THE PHILIPPINES, for a term of three (3) years…”

Bandang ika-3 nang hapon noong Martes, nakumpirmang na natuloy na ang panunumpa ni Tirso, kasama ang bagong MTRCB Chair, ang beteranong aktor na si Johnny Revilla.

Habang na-reappoint naman si Mark Lapid bilang Chair ng Tourism Infrastructure and Enterprise Zone Authority (TIEZA).

Samantala, aware naman si Chair Liza na ang masusunod ay ang desisyon ni President Bongbong Marcos at wala siyang magagawa kundi tanggapin na lang yun.

Pinuntahan namin ang FB account niya, pero wala pa siyang post tungkol sa pagkaka-appoint kay Tirso at sa pagtatapos ng kanyang termino bilang Chairperson ng FDCP.

Nakapanghihinayang at nakalulungkot dahil ang dami pa namang nakalatag na projects sa taon ito, na hopefully ay ituloy ni Chairman Tirso.

(ROHN ROMULO)