PINOST ni Kiray Celis ang Tiktok video na inaakit nila nina Elle Villanueva at Liezel Lopez si Derrick Monasterio sa “Ma Boy Dance Challenge”.

Kinabog ni Kiray ang mga seksing katawan nina Elle at Liezel dahil naging asset niya ay ang kanyang matambok na puwet.

May “puwetserye” nga si Kiray sa Instagram kunsaan suot niya ang black swimsuit at proud niyang dini-display ang kanyang bilugang puwet.

Gusto lang daw gawin ito ni Kiray para mapasaya niya ang maraming followers niya sa social media. Tsaka habang bata pa raw siya, ipu-flaunt niya ang gusto niyang parte ng katawan niya na agaw-pansin sa mga netizen.

At kahit na may bashers siya, hindi patitinag si Kiray at hinahamon pa niya ang mga ito.

“Don’t underestimate me, until you challenge me. Dont’ judge me, until you know me,” sey ni Kiray na may halong pagbabanta.

***

BABAENG-BABAE na ang former child actor na si EJ Jallorina.

Nagbabalik siya sa pag-arte bilang isang full transwoman sa Quantum Film series sa GMA na What We Could Be na bida sina Miguel Tanfelix, Ysabel Ortega at Yasser Marta.

Lumabas noon si EJ sa mga indie films na Pisay, Vhagets, New Moon at sa mga pelikula ng Regal Films na Manay Po: Overload, Bahay Kubo: A Pinoy Mano Po at Love Is Blind.

Sa TV ay naging bahagi si EJ ng Goin’ Bulilit, May Bukas Pa, Mga Anghel Na Walang Langit, Mara Clara, Growing Up, Walang Hanggan, Princess And I, at Pintada.

Noong 2018 nag-out si EJ at nagbida siya sa pelikulang Mamu: And A Mother Too na tungkol sa isang batang transgender.

Ngayon ay ina-identify ni EJ na isa siyang trans non-binary. Tanggap niya na ang trato sa kanya ng nakararami ay isang tunay na babae.

***

KINUMPIRMA ng Marvel Film actress na si Elizabeth Olsen na two years na siyang kasal sa musician na si Robbie Arnett.

Sa naging interview ng bida ng WandaVision sa The Jesse Cagle Show, inamin niyang nagtanan sila ni Arnett at magaganap ang kanilang wedding very soon.

“It was before COVID. I just never talked about it. I had to work in England and there are visa issues with that. He wouldn’t have been able to come at all, actually. And also everything was so backed up. You couldn’t even, like, try to get married then. But it ended up working out,” pahayag pa ni Olsen na ma-engage kay Arnett three years ago.

Naging very private ang relasyon ni Olsen kay Arnett at iilang tao lang daw ang nakakaalam. Thankful din si Olsen na very supportive ang kanyang husband lalo pagdating sa matinding work schedule niya.

Gusto na rin daw ng aktres na magkaroon na sila ng anak ni Arnett: “I was also thinking, ‘There’s this small room upstairs, which would be good for a kid. “I don’t know where things will lead, but I do think about it in that way: ‘I think I could raise kids here.’”

(RUEL J. MENDOZA)

INABANGAN talaga ng mga televiewers and netizens ang paglalaro ng billiards nina Kylie Padilla as Jose Maria “Bolera” Fajardo Jr. or si Joni, at ang special guest billiard player na si White Lotus, played by Ina Raymundo.

Ang maganda kasi, mabait at very accommodating ang character ni White Lotus, ‘di tulad nang iba niyang nakalaban, tulad ni Golden Eye (Klea Pineda). Naging record-breaking ang rating ng said episode nang makakuha ito ng 15.3% sa GMA-7 at sa GTV, laban sa 6.5% rating ng “2 Good 2 Be True” nina Kathryn Bernardo at Daniel Padilla, na combined rating naman mula sa TV5, A2Z, Kapamilya Channel, Cinemo at Jeepney TV.

Ang rating ay nagmula naman sa Nielsen Philippines TAM NUTAM People Rating based on preliminary overnight data.

Kaya siguradong muling aabangan ang mga kasunod na eksena ng “Bolera,” lalo ngayong magkasama nang lalaban ng billiards tournament sina Rayver Cruz as Miguel at si Joni.

Napapanood ito pagkatapos ng “Lolong,” sa GMA-7.

***

FROM heavy drama to hosting ang pinagkakaabalahan ngayon ni Kapuso actress Beauty Gonzalez.

Nang lumipat si Beauty sa GMA, tatlong magkakasunod na serye ang ginawa niya, at ngayon nga ay kasama na siya sa cast ng GMA Afternoon Prime na “The False Life.”

Ipinakilala na rin si Beauty as a new Dabarkads sa longest-running noontime show sa bansa, ang “Eat Bulaga.” Sa kanyang Instagram story, excited na ibinahagi ni Beauty ang poster ng EB, na nagsasabing magiging part na siya ng noontime show: “See you, Dabarkads! Beauty Gonzales guest co-host simula July 12.”

Naging masaya ang unang araw ni Beauty sa show, dahil kilala rin siya sa kanyang masayahing personalidad, naka-adjust siya agad sa mga co-hosts niyang sina Joey de Leon, JoWaPao, Ryan Agoncillo, Allan K, Ryzza Mae Dizon, Miles Ocampo, Maja Salvador, at Vic Sotto.

Big help si Beauty ng mga co-hosts, kapag Visaya ang dialect ng ini-interbyu nilang mga contestants sa show, siya ang nag-iinterbyu sa kanila.

***

MAY good news ang GMA Network sa mga netizens at tagasubaybay nila ng mga primetime drama series, Mondays to Fridays, after ng “Eat Bulaga.”

Nothing to worry na kayo kung nasa labas kayo at walang TV set na pwede kayong manood ng paborito ninyong teleserye. You can catch your Kapuso Shows online via “Kapuso Stream,” sa pamamagitan ng live stream, daily sa GMA Network’s You Tube, Facebook, and now sa “Tiktok!”

Sa GMA Afternoon Prime, mapapanood at 2:30 PM, ang “Apoy Sa Langit,” nina Maricel Laxa, Zoren Legaspi, Mikee Quintos at Lianne Valentin. Susundan ito ng “Raising Mamay” nina Ai Ai delas Alas, Shayne Sava at Valerie Concepcion, at “The False Life” nina Ariel Rivera, Beauty Gonzalez, Sid Lucero at Tetchie Agbayani.

Sa GMA Telebabad naman at 8:00 PM after “24 Oras,” ang “Lolong” nina Ruru Madrid, Shaira Diaz, Jean Garcia at Christopher de Leon, followed by “Bolera” nina Kylie Padilla, Rayver Cruz, Jak Roberto at Ms. Jaclyn Jose, then “Love You Stanger,” nina Gabbi Garcia, Khalil Ramos at Gil Cuerva.

(NORA V. CALDERON)