2022 September 02 Archive - People's Balita

December 19, 2024
Search in People's Balita
Ang Diyaryong Pinagkakatiwalaan

Archive for September 2nd, 2022

PBBM, nakukulangan sa mga benepisyo ng mga nars sa bansa

Posted on: September 2nd, 2022 by @peoplesbalita No Comments

NAKUKULANGAN si Pangulong Ferdinand Marcos Jr. sa mga benepisyo na ipinagkakaloob sa mga nurses o nars sa bansa lalo pa’t iba ang ibinibigay na serbisyo at sakripisyo ng mga ito matiyak lamang ang kaligtasan ng publiko.

Sa naging talumpati ng Pangulo sa 100th anniversary celebration ng Philippine Nurses Association, sinabi ni Pangulong Marcos na “as of August 19, 2022,” nakapagbigay na ang pamahalaan ng P25.82 bilyong halaga ng benepisyo para sa mga nars.

“Sa palagay ko kulang pa ‘yan eh. Medyo hirap tayo sa pondo ngayon kaya’t sa ngayon ganyan lang muna. Pero palagay ko binubuhay niyo ‘yung may sakit eh. Ibang usapan ‘yan, mahirap lagyan ng dolyar, ng piso, ‘yung trabahong ginagawa ninyo,” ayon sa Pangulo.

Kabilang aniya sa mga kasalukuyang benepisyo para sa mga nars ay hazard duty pay, COVID-19 sickness at death compensation, meals, accommodation at transportation allowances, life insurance, Special Risk Allowance (SRA) at COVID-19 allowance.

Sa kabilang dako, pinuri naman ni Pangulong Marcos ang mga nars sa kanilang sakripisyo sa panahon ng kasagsagan ng COVID-19 pandemic.

“Hindi lang kayo nag-aalaga ng pasyente kundi noong panahon ng kabigatan ng COVID, noong 2020, 2021, eh kayo’y pumapasok pa rin kahit alam ninyong high risk ang inyong trabaho, sige pa rin… marami sa inyo ay talagang tinamaan, marami sa healthcare workers ay nawala dahil nga hindi na nga umuuwi sa bahay para hindi madala ‘yung sakit sa kanilang mga pamilya,” ayon sa Punong Ehekutibo.

Matatandaang, makailang ulit ng nagreklamo ang mga health workers mula sa gobyerno at private hospitals at health institutions ukol sa non-release ng kanilang SRAs at pag-alis sa kanilang benepisyo gaya ng “meal at transportation allowances” sa kabila ng ginagawa nilang patuloy na pagiging frontliners laban sa COVID-19.

Samanatala, ginarantiya naman ni Pangulong Marcos, na kinikilala ng gobyerno ang “hard work at sacrifices” ng mga nars.

Bukas aniya ang Office of the President para sa dayalogo para pag-usapan ang mga concerns ng mga nars at iba pang healthcare workers.

“As your President, you may rest assured that my office is always open for meaningful dialogue to address the issues concerning our nurses and allied healthcare professionals,” ayon kay Pangulong Marcos.

“In fact, I have taken special note of the clamor to address issues in the nursing profession by the passage of the new Philippine Nursing Practice Act,” dagdag na pahayag nito.

Samantala, maliban sa pagdiriwang ng 100th foundation anniversary ng Philippine Nurses Association, ang nasabing okasyon, idinaos sa Manila Hotel, ay paggunita rin sa 65th Nurses Week. (Daris Jose)

South Korean’s 5th Highest Grosssing Films of 2022 ‘Emergency Declaration’, Hits PH Cinemas

Posted on: September 2nd, 2022 by @peoplesbalita No Comments

“Emergency Declaration”, which now sits comfortably at the number 5 spot in the Highest Grossing South Korean films of 2022, hits Philippine cinemas.

Written and directed by the multi-awarded writer-director Han Jae-Rim (The King, The Face Reader, The Show Must Go On), this aviation disaster action thriller brings together some of the biggest actors that reign in Korean moviedom.

Song Kang-Ho (Parasite, The Drug King, Broker) portrays a veteran cop named In-ho who cancels a trip to Hawaii because of work. His wife, however, pushes through with the planned vacation. Alas, the flight that’s supposed to lead to a Hawaiian escapade suddenly becomes a flight of terror as a fellow passenger starts coughing up blood and then meets a gruesome death, the reason unknown. Unable to escape from a plane that has already taken off, not only the passengers but also the flight crew are unable to avoid the slowly impending disaster.

On the ground, In-ho receives a tip about a man threatening a terrorist attack against a plane. Realizing that the man and his wife boarded the same flight, and becoming aware that the plane is being refused to land anywhere, In-ho devotes everything he has to solving the crisis.

Lee Byung-Hun (The Man Standing Next, Ashfall, Keys to the Heart) plays Jae-hyuk, a man who has aerophobia, but flies anyway for the sake of his daughter who needs medical treatment. And now that their lives are all in danger, Jae-hyuk’s courage will be put to the test.

Jeon Do-yeon (Beasts Clawing at Straws, Ashfall, A Man and A Woman) is Sook-hee, the Transport Minister who has the overwhelming responsibility of ensuring the safety of Flight KI501 that is currently travelling between countries.

Kim Nam-gil (The Closet, The Odd Family: Zombie on Sale, Memoire of a Murderer) plays Hyun-soo, the co-pilot who must land the plane safely at all cost. Keeping in close contact with the crisis management center on the ground, he tries his best to keep the plane aloft, but with no solution in sight he finds himself having to make an ‘emergency declaration’.

Park Hae-joon (The 8th Night, Bring Me Home, Believer) plays Tae-Su, the head of the presidential crisis management center who is expected to make the most realistic decisions to protect the nation during this unprecedented disaster. As the news about the bioterrorism on the plane leaves the general public in shock, Tae-su is forced to choose between the safety of the passengers and the crew or the safety of the people on the ground. So many lives depend on him.

Director Han Jae-Rim wrote the screenplay back in 2019, before the Corona virus pandemic. In a statement that he released, he said, “I couldn’t help but be shocked to see the events which I had imagined in my mind become reality. Disasters always strike when we least expect them. Those of us living in this era are already accustomed to the way in which people easily lose strength and become self-centered in the midst of a disaster or crisis. But despite the turmoil faced by humanity during this pandemic, the situation is slowly improving. I hope that this film can provide a small measure of comfort and hope to those who suffered in this tragedy, to those who bravely fought against it, and to all of us who at this moment are exhausted from dealing with the pandemic.”

“Emergency Declaration” premiered at the 74th Cannes Film Festival in 2021 in the non-competing section of the event.

Catch it in PH cinemas nationwide. From Viva International Pictures and MVP Entertainment.

(ROHN ROMULO)

NCAP pinahinto ng Supreme Court (SC)

Posted on: September 2nd, 2022 by @peoplesbalita No Comments

EN BANC ang pagpapatupad ng no-contact apprehension policy (NCAP) na ginagawa ng Metropolitan Manila Development Authority (MMDA) at ng limang (5) lokal na pamahalaan sa Metro Manila.

Nagbigay ng temporary restraining order (TRO) ang SC bilang sagot sa petitions na inihain ng magkakahiwalay laban sa pagpapatupad ng NCAP.

“It issued the TROs without yet giving due course to the petitions,” wika ng SC sakanyang pahayag.

Ang mga respondents sa isang TRO ay ang siyudad ng Manila, Quezon,Valenzuela, Paranaque, Muntinlupa at Land Transportation Office (LTO). May isa (1) pana TRO ang inilabas kung saan ang respondents ay ang Sangguniang Panglungsod ng Manila at Mayor Honey Lacuna.

Sa unang TRO, sinabi ng SC na kahit na anong apprehensions sa pamamagitan ng NCAP program at ordinances na may kaugnayan dito ay hindi pinapayagan gawinhanggang walang further orders ang Korte. Samantala, sa ikawalang TRO, ang SC ay pinagbabawalan ang LTO na magbigay ng kung ano man information sa mga local government units (LGUs) sa pagpapatupad ng NCAP.

Pinaliwanag naman ni SC spokesman Brian Keith Hosaka na kasama pa rin ang MMDA kahit na hindi covered ng TRO bilang isang responsdent.

“Upon verification with the Clerk of Court, I was informed that the MMDA is covered by the TRO in theNCAP case. MMDA is covered because of its Resolution No. 16-10, Series of 2016which was the basis of the local ordinances of LGU respondents,” wika ni Hosaka.

Ayon naman sa MMDA ay hindi na muna nila ipapatupad ang NCAP dahil sa sinabi ni Hosaka na ang ahensya ay covered ng SC’s TRO sa pagpapatupad ng NCAP.Ang unang petisyon na inihain laban sa NCAP ay ginawa ng Kilusan saPagbabago ng Industriya ng Transportasyon Inc., Pasang Masda, Alliance ng Transport Operators and Drivers Association of the Philippines at Alliance of Concerned Transport Organization.

Sa ikalawang petisyon ay inihain naman ni Atty. Juman Paa kung saan niya nagbabala na ang Manila Traffic and Parking Bureau (MTPB) ay may access sa database ng LTO tungkol sa mga registradong sasakyan kasama na ang address at pangalan ng may-ari nito.

Nilinaw naman pa rin ni Hosaka na ang mga LGUs na nakalagay sa TRO ay siya lamang mga magiging respondents. Nang tinanong si Hosaka kung covered pa rin ang mga motorista na nabigyan ng apprehension bago pa ilabas ang TRO at kung magbabayad pa rin sila ng mga multa ay wala siyang masabi kung hindi ang maghintay na lamang ang publiko ng actual pronouncement ng SC para sa main petitions.

Sa Jan. 24, 2023 pa ang gagawing oral arguments sa nasabing mga petisyon. “Ido not know the reason why the case was set for hearing in January next year. However, in the meantime, the TRO will be in effect,” dagdag ni Hosaka.

Ayon sa SC Public Information Office na kanilang ilalagay sa kanilang website ang mga importanteng resolusyon kapag nakuha na nila ang official copy mula saOffice of the Clerk of Court En Banc.

“Likewise, the SC PIO will be creating a microsite in the SC website inconnection with the case and where the public may access and view all pertinent pleadings,” saad ni Hosaka.

Samantala, nalugod naman si LTO assistant secretary Teofilo Guadiz sa TROs na binigay ng SC sapagkat mabibigyan na ng pagkakataon ang mga transport stakeholders at LGUs na magkaroon ng pag-uusap tungkol sa mga issues at problems sa masalimuot ng polisiya.

Dahil naman sa TRO na inilabas ng SC, ang MMDA ay nagdagdag pa ngmaraming traffic enforcers sa mga pangunahing lansangan sa Metro Manila.

Maglalagay sila ng mga madaming traffic enforcers sa mga lugar kung saan dati pa napinatutupad ang NCAP upang mahuli ang mga traffic violators. Ganon din ang ginawang mga LGUs kung saan sila ay nagdagdag na rin ng madaming traffic enforcers. LASACMAR

Pacquiao dapat labanan si McGregor- Del Rosario

Posted on: September 2nd, 2022 by @peoplesbalita No Comments

ANG pagsagupa ni retired world eight-division champion Manny Pacquiao kay Ultimate Fighting Championship (UFC) star Conor McGregor ang dapat maitakda.

Ito ang paniniwala ng retiradong taekwondo living legend na si Monsour del Rosario sa hinihintay ng mga fans na exhibition match nina Pacquiao at McGregor.

“It’s still the fight that people would love to watch, including me because both fighters are real certified crowd drawer in their respective sports,” sabi ni del Rosario, ang 1987 at 1989 Southeast Asian Games gold medalist.

Idinagdag ng 1985 Seoul, Korea World Championships bronze medalist at 2017 Taekwondo Man of the Year na ang McGregor fight ang magpapasok kay Pacquiao ng malaking pera na maaari nitong gamitin para sa kanyang charitable cause.

Kamakailan ay inihayag ng dating Senador ang kanyang exhibition bout kay South Korean YouTuber DK Yoo sa Disyembre.

Ang Paradigm Sports Management (PSM) na nasa ilalim ng CEO Audie Attar ang manager ni McGregor.

Ngunit may nakasampang legal case ang PSM sa 43-anyos na si Pacquiao sa Superior Court of California dahil sa breach of contract noong 2021.

Gov’t-led job fair, tutulong para punan ang tourism labor shortage- DOT

Posted on: September 2nd, 2022 by @peoplesbalita No Comments

SA PAGPASOK ng buwan ng Setyembre ay magsisimula na ang government-led tourism job fairs para tugunan ang tourism labor shortages sa Pilipinas.

Pormal na tinintahan ng Department of Tourism (DOT) at Department of Labor and Employment (DOLE), memorandum of understanding (MOU) noong Agosto 30 para sa paglulunsad “Trabaho, Turismo, Asenso! National Tourism Jobs Fair”.

“Displaced workers are definitely a priority of the Department of Tourism in partnership with the Department of Labor and Employment. So what we intend to do is to give tourism job opportunities both to displaced workers, fresh graduates, and those wanting to shift into a career in the tourism industry,” ayon kay Tourism Secretary Christina Frasco.

Base sa pinakabagong data ng DOLE, mahigit sa 12,000 tourism workers ang na-displaced sa mahigit na 700 establisimyento dahil sa pandemya sa first half ng taong kasalukuyan.

Habang bumabawi ang sektor, ilang negosyante ang nagmamadali na punan ang puwang sa usapin ng job vacancies sinabi ni Frasco “matter of linking the demand with the supply.”

“This Trabaho, Turismo, Asenso is specifically designed to link the demand with the supply and so we anticipate that a number of employers would join this and a lot of applicants would participate,” aniya pa rin.

“As of August 27,” tinatayang 279 establisimyento ang sinurvey ng DOT, ang iniulat na 1,186 regular vacancies at 240 part-time jobs.

Ang multi-month campaign ay ilulunsad sa Hotels Supplier Show sa SMX Convention Center sa Mall of Asia Complex sa Pasay City mula September 22 hanggang 24.

“It will conclude in May 2023, with the two other venues to be held in SM City Cebu and SM Lanang in Davao City,” ayon sa ulat.

Ang MOU ay nilagdaan nina Frasco at Labor Secretary Bienvenido Laguesma, at sinaksihan ni Tourism Undersecretary Ferdinand Jumapao at Labor Undersecretary Paul Vincent Añover sa Conrad Hotel. (Daris Jose)

Kahit katapat nito ang pinag-uusapang ‘Darna’: Fantaserye ni RURU na ‘Lolong’, pataaas pa rin nang pataas ang rating

Posted on: September 2nd, 2022 by @peoplesbalita No Comments

BONGGA si Jillian Ward dahil nabigyan na siya agad ng GMA-7 ng isang napakabonggang role.

Gagampanan ni Jiliian ang isang genius young doctor sa bagong GMA Afternoon Prime, ang “Abot Kamay na Pangarap.”

Noong bata raw siya, around five years old, kapag tinatanong siya kung ano ang dream niya, ang sagot niya palagi, ‘To be a doctor and artista.’ Pero na-realize raw ni Jillian, teleserye pa lang, pero ang hirap daw pala talaga.

Sobra raw daming mine-memorize at dapat siyempre, kahit serye lang, kailangan accurate lahat ng sasabihin niya. Nag-immersion at nanood daw ng mga medical drama si Jillian bilang preparasyon niya sa role.

Naalala naman namin sa presscon ng ‘Prima Donnas’ dati na kitang-kita sa mukha ni Jiliian ang excitement sa bago niyang teleserye, pero hindi niya pa ma-reveal noon kung ano. Pero sey niya, talagang kakaiba ‘yung character na gagampanan niya.

So, totoo nga naman. Pero inamin nitong kinabahan din daw siya nang malaman niya.

Sey niya, “Siyempre po, sa totoo lang, sobrang kinakabahan ako. Super challenging ang role ko and I want to thank GMA for giving me their trust and this kind of opportunity. Sa taping, I always ask them kung tama ba ang ginagawa ko. I’m so happy to work with the people around me na sobrang supportive.”

Ngayong Lunes na, after ng ‘Eat Bulaga’ ang pilot episode ng ‘Abot Kamay Na Pangarap’. Kasama rin dito ni Jillian sina Carmina Villarroel, Richard Yap at ang bagong Sparkle artist na si Jeff Moses bilang bagong leading man ni Jillian.

***

MAY dahilan para maging masaya talaga ang Kapuso actor na si Ruru Madrid.

Aba, parehong ang lovelife niya with Bianca Umali at ang kanyang GMA Telebabad serye mula sa GMA News and Current Affairs na “Lolong” ay consistent top-rater ng network.

Kahit na may katapat itong masasabing subok na sa paglipad sa rating sa mga nakaraang adaptation nito, ang “Darna,” tila pataaas pa rin ng pataas sa rating ang pinagbibidahang fantaserye ni Ruru.

Nitong Huwebes (August 25), naitala ng ‘Lolong’ ang highest rating nito sa ngayon na combined people rating na 18.7 percent. Habang kalahati lang sa percentage ang nakuha ng katapat niyang programa.

Obviously, marami talagang viewers ang hooked sa kuwento ni Lolong. Pati nga mga bata ay bukambibig na si Lolong at ang BFF nitong si Dakila. At kahit ang cast, aminadong tinatawag na sila ng tao sa kanilang karakter sa serye, proof na pinapanood at sinusubaybayan nga sila.

(ROSE GARCIA)

Bukod sa launching ng kanyang ‘Love Local’ series… Sen. IMEE, aalamin ang mga sikreto ni BORGY sa exclusive and must-watch vlog

Posted on: September 2nd, 2022 by @peoplesbalita No Comments

ISA na namang kapana-panabik na bonding session kasama si Senator Imee Marcos dahil sasalubungin niya ang buwan ng Setyembre sa pamamagitan ng dalawang bagong vlog entries na mapapanood sa kanyang opisyal na YouTube channel.

Sa araw na ito, Setyembre 2, opisyal na ilulunsad ni Sen. Imee ang pilot episode ng kanyang ‘Love Local’ series, habang ipinapakita ang pinaka-bonggang natuklasan mula sa kanyang probinsya na Ilocos Norte.

Una niyang pinuntahan ang Paoay Church na kung saan tinikman niya ang mga masasarap na pagkain na mabibili sa paligid nito tulad ng sikat na sikat na Ilocos empanada, fruit ice creams, halo-halo, at ang one-of-a-kind longganisa pizza.

Pumunta rin ang walang kapaguran na Senadora sa La Preciosa kung saan ipinakita niya ang mga paboritong pasalubong mula sa Ilocos gaya ng banana chips, mushroom bagnet, at iba’t-ibang klase ng longganisa. Tinikman din niya ang masasarap at sikat na mga lutuin ng Ilocos.

Bilang isang taga-suporta ng local fashion at homegrown artists, ipinagmalaki rin ni Sen. Imee ang mga export quality na Inabel at Binakol fabrics ng lalawigan.

At ngayong Sabado, Setyembre 3 naman, umupo si Imee kasama ang kanyang anak na si Borgy Manotoc para sa isang exclusive and must-watch vlog. Na kung saan tinanong niya si Borgy ng mga nakaloloka at kuwelang mga tanong sa isang nakatutuwa at heartwarming na episode na tiyak na pag-uusapan ng mga netizens.

Alamin ang mga best picks ni Sen. Imee mula sa Ilocos at tunghayan kung malalaman niya ang mga personal na sikreto ng anak na si Borgy. Mag-subscribe lang sa https://www.youtube.com/c/ImeeMarcosOfficial/featured para mapanood ang kanyang latest and previous vlogs.

(ROHN ROMULO)

Fernando, tiniyak na kontrolado ang ASF sa Bulacan

Posted on: September 2nd, 2022 by @peoplesbalita No Comments

LUNGSOD NG MALOLOS – Matapos ipahayag ng Pamahalaang Panlalawigan ng Aurora ang pagpapatupad ng pork ban mula sa Bulacan, Pampanga at Tarlac, tiniyak ni Gob. Daniel R. Fernando sa mga Bulakenyo lalo na ang mga nag-aalaga ng baboy na kontrolado na ang kaso ng African Swine Flu (ASF) sa lalawigan.

Naglabas ang Pamahalaang Panlalawigan ng Aurora ng Executive Order No. 35 na nagpapatupad ng pansamantalang pagbabawal ng pagpasok ng mga buhay na baboy at produktong baboy sa Lalawigan ng Aurora mula sa mga lalawigan na may kaso ng ASF kabilang ang Bulacan, Pampanga at Tarlac mula Agosto 30, 2022 hanggang Setyembre 30, 2022.

Sa isang panayam, sinabi ni Panlalawigang Beterinaryo Dr. Voltaire G. Basinang na may naitalang kaso ng ASF sa bayan ng Santa Maria na naging dahilan upang magpatupad ang Aurora ng pork ban.

Samantala, binigyang diin niya na hindi makaaapekto ang pork ban sa mga Bulakenyong hog raiser.

“Ang naturang ban ng Aurora sa baboy ng Bulacan ay nag ugat sa muling pagkakaroon ng kaso ng ASF sa isang babuyan sa Santa Maria. Bagama’t ang nasabing kaso ng ASF ay nakontrol na at hindi na kumalat, minabuti pa rin ng Aurora na maglatag ng pansamantalang ban sa ating mga baboy. Hindi naman ito makaka abala sa ating mga magbababoy dahil ang ating mga baboy ay sa Bulacan at Metro Manila lamang dinadala. Napakaliit na porsyento ng ating baboy ang napupunta sa Aurora kung mayroon man,” paliwanag ni Basinang.

Kaugnay nito, agad ipinag-utos ni Fernando ang mahigpit na pagbabantay sa mga babuyan at siniguro na gagawin ng Pamahalaang Panlalawigan ang mga kinakailangang aksyon upang suportahan ang mga hog raiser sa lalawigan at tiniyak sa publiko na ligtas kainin ang mga produktong karne na nagmula sa Bulacan.

“Bilang punong lalawigan, nauunawaan ko ang desisyong inilabas ng Pamahalaang Lalawigan ng Aurora. Naiiintindihan ko ang responsibilidad na protektahan ang kanilang nasasakupan at marahil ganoon din ang ating gagawin sa lalawigan. Bagaman wala pang tiyak na bakuna laban dito, walang dapat ipag-alala ang ating mga Bulakenyo hog raiser dahil sinisiguro ko na ang ating Pamahalaang Panlalawigan ay nangunguna sa pagsasagawa ng cleaning at disinfection sa bawat lungsod at munisipalidad upang mahigpit na mabantayan ang pagkalat pa nito,” anang gobernador.

Sa ngayon, wala pang ibang kaso ng ASF ang naitatala sa Bulacan at ilang babuyan na rin ang muling nagbukas ayon sa Provincial Veterinary Office. (BISHOP JESUS “JEMBA” M. BASCO)

Naitatalang bagong COVID-19 cases sa Metro Manila, patuloy na bumababa – DOH

Posted on: September 2nd, 2022 by @peoplesbalita No Comments

PATULOY na bumababa ang naitatalang bagong kaso ng Covid-19 sa Metro Manila ayon sa Department of Health (DOH).

Ayon kay DOH Officer-in-Charge Maria Rosario Vergeire, nananatili sa ilalim ng moderate risk case classification ang rehiyon.

Naobserbahan din na ang bilang ng bagong covid-19 cases sa buong bansa ay nasa downward trend, Nakatulong aniya dito ang disiplina ng mga tao sa pagsunod ng minimum public health standards at pagpapabakuna kontra sa virus.

Subalit nakikita naman na makakapagtala ng 6,000 hnaggang 9,000 covid-19 cases kada araw sa susunod na buwan kung hindi maipagpapatuloy ang pagsunod sa health protocols at ang antas ng pagbabakuna.

Subalit umaasa naman si Vergeire na ito ay hindi na umabot pa sa naturang bilang at magpatuloy na bumaba na ang mga dinadapuan ng sakit.

PANALANGIN NG SANTO PAPA KONTRA DEATH PENALTY, IKINAGAGALAK NG CBCP-ECPPC

Posted on: September 2nd, 2022 by @peoplesbalita No Comments

IKINAGALAK ng CBCP-Episcopal Commission on Prison Pastoral Care ang paglalaan ng Kanyang Kabanalan Francisco ng panalangin sa buwan ng Setyembre para sa pagbuwag ng parusang kamatayan sa buong daigdig.

Ayon kay Baguio Bishop Victor Bendico, vice chairman ng komisyon na dahil sa mensahe at panalangin ng Santo Papa ay lalong tumatag ang kanilang paninindigan laban sa pagbabalik ng parusang kamatayan sa bansa.

“It strengthens our faith on the value of life and also our faith that we really have to preserve itong binigay sa atin na gift ng Panginoon,” pahayag ni Bishop Bendico sa panayam sa Radio Veritas.

Tiniyak ni Bishop Bendico na maninindigan ang CBCP-Episcopal Commission on Prison Pastoral Care laban sa planong pagbabalik ng parusang kamatayan sa bansa.

Iginiit ng Obispo na kaisa ng Santo Papa Francisco ang prison ministry ng Simbahang Katolika sa Pilipinas laban sa death penalty na nag-aalis ng pagkakataon sa mga nagkasala na makapagsisi, makapagbalik-loob at makapagbagong buhay.

“Yung CBCP – Episcopal Commission on Prison Pastoral Care reiterate its strong opposition in the move to revive the death penalty in the Philippines at yung isang reason dito ay yung death penalty violates the inherent dignity of a person, which is not lost despite the commission of a crime. Yung stand ng CBCP yung strong opposition ng CBCP sa death penalty in line also with the mind of course of our present Pope,”dagdag pa ni Bishop Bendico. Bahagi ng panalangin ng Santo Papa Francisco ngayong buwan ng Setyembre ang pagbuwag ng bawat bansa sa parusang kamatayan na direktang umaatake sa dignidad at buhay ng isang nilalang.

Ayon kay Pope Francis, hindi kailanman magiging katanggap-tanggap ang pagkitil ng buhay ng sinuman. Sa Pilipinas taong 2006 nang tuluyang pinawalang bisa ni dating Pangulong Gloria Arroyo ang death penalty sa bansa.

Batay sa tala ng Amnesty International, nasa 140 mga bansa na ang nag-abolish o tuluyang nagbuwag sa kanilang parusang kamatayan dahil sa kabiguan nito na tuluyang mapababa ang kriminalidad sa lipunan. (Gene Adsuara)