TUWANG-TUWA si Vina Morales dahil sa bonggang-bongga siyang rumampa sa runway ng New York Fashion Week para sa Musa.

Pinag-usapan nga ang 46-year old na singer/actress na naging bahagi ng catwalk para sa isang layunin na malapit sa kanyang puso.

Caption niya sa IG post, “Such an honor to do the grand finale walk at the New York Fashion Week of Musa event for a good cause.”

Nag-express si Vina ng kanyang pagsuporta sa adbokasiya ng Musa, na ang layunin ay tulungan ang mga bilanggo at katutubong tribo sa Davao del Norte para sa ikabubuti ng kanilang buhay.

Dagdag pa ni Vina, “A little trivia is that my great great grandmother who married an American soldier during the war is from a Tagakaulo tribe which originates from Davao del Sur.

“I congratulate my co-Bisaya/friend/designer @musafabric_by_joysoo for the success and for this advocacy , i will continue to support in any way i can.”

***

MULING humarap sa entertainment media ang Batch 1 ng SocMed House: Bahay ni Direk Miah, matapos nilang mag-exit last September 11, na kung saan nagpamalas nga ang nine housemates ng kanilang acting skills.

Na ngayon ay balik na uli sila sa kani-kanilang buhay, tulad sa kani-kanilang trabaho at pagbabalik-eskuwelahan.
Sa Miyerkoles, September 21, papasok na ang Batch 2 na may ten housemates, a hopefully walang malaglag dahil hindi nakapasa sa antigen test. Napapanood ito sa kanilang Facebook page at KRTV YouTube channel.

Samantala, sinisimulan na ngang planuhin ng KSMBPI (Kapisanan ng mga Social Media Broadcasters sa Pilipinas) ang movie na nakatakdang gawin ng mga housemates, after na makapasok na ang lahat sa apat na linggo, kaya waiting pa sila sa Batch 3 and 4.

Ang movie ay ididirek pa rin ni Jeremiah Palma, na nagdirek ng short film na ‘Umbra’, na pinagkalooban ng dalawang international awards.

May tentative title na ‘Ang mga Seksing Multo sa SocMed House’, na kung saan pasok lahat ng housemates at balitang may makakasama rin silang mga sikat na aktor at aktres.

Pagbibiro pa ng founding chairman ng KSMBPI na si Doc. Michael Aragon kung bakit horror ang tema ng first movie nila, “meron kasing nagmumulto sa socmed house, and we will know sa pagpasok ng Batch 2, kung magpaparamdam uli ang multo. Pero ayaw naming sabihin dahil baka matakot ang mga new housemates, dahil wala pa naman tayong confirmation, kasi based pa lang ‘yun sa testimony ng isang housemate na nakaramdam, baka open yun third eye niya.

“Gusto ko nga matulog doon, para ako na mismo maka-experience. Para pag nagparamdam sila sa akin, may papel at ballpen na akong hawak, para ipa-sign up ko na sila.”

Pangako pa ni Dr. Michael na magiging maganda ang movie na gagawin nila na papasa na panlasa ng mga Pinoy, pati na sa international filmfest, na balak ng simulan sa October.

“Together with a very good storyline, we would to apply a ‘new’ technology, na hindi ginagamit sa pelikula ang gagamitin namin. So that our movie, pag prinesent sa international platforms, iba siya and to show na ang mga Filipinos are talented.”

Mala-‘Blairwitch Project’ daw ang gusto nilang i-peg sa horror movie kaya gagamitan nila ito ng bagong technology sa paggawa ng pelikula.

(ROHN ROMULO)

CONFIDENT si Alden Richards na na-meet ang expectations nila sa kinalabasan ng Philippine version ng Start-Up.

Kahit daw hindi naman siya nakakapanood ng playback during the taping pero based sa trailer ng Start-Up ay they have a good show.

“We have something that we are very proud of. Hindi naman natin masisisi ‘yung mga fans na nag-e-expect sa show namin kasi sobrang minahal nila ang Korean version ng Start-Up. Siyempre para sa kanila, they want to protect their love for the show.

“Siyempre gusto rin nilang makita na ang Pinoy version ng Start-Up is worth their while,” wika pa ni Alden.

Sa tingin din ni Alden, napapanahon na para magkaroon din ng sariling version ng Sandbox sa Pilipinas.

“Sandbox is a tool for people who have dreams, para magkaroon sila ng backbone. Madaling mangarap pero kailangan din natin ng mga taong tutulong sa atin, to guide our path, so we can put into action ang mga dreams natin.

“Magandang tool ang Sandbox para sa mga Filipinos who aspire to be somebody, para matulungan sila at mabigyan ng guidance para matupad ang mga pangarap nila.”

Unang nakatrabaho ni Alden si Bea Alonzo sa isang endorsement shoot sa Bangkok. Very vocal si Alden na fan siya ng tandem nina Bea at John Lloyd Cruz. Ang dream nga ni Alden ay magkasama sila ni Bea sa isang project together.

“Just like Start-Up, natutupad ang mga pangarap. You get what you wish for. Yung mga nakita ko kay Bea dito sa Start-Up, she puts good pressure on me. Kasi never ako nagkaroon ng eksena kay Bea na hindi niya memorized ang linya.

“With the way she handles her scenes, sabi ko hindi ako pwedeng petiks. Hindi ako pwedeng chill-chill lang. Ito’ng taong ito ay pinapakitaan ka ng effort at ibinibigay 100 percent every taping day kaya dapat ibigay ko rin ang best ko,” paliwanag ni Alden.

Sinabi rin ni Alden na sobrang magaling makisama ni Bea. Just like noong una silang nagkasama sa trabaho sa Bangkok, four hours silang nag-usap para hindi sila naubusan ng topic.

Very happy daw siya at ang buong cast sa pagkakataon na makatrabaho si Bea.

Sa September 26, Monday, ang pilot airing ng Start-Up sa GMA Telebabad after Lolong.

***

MASAYANG-MASAYA naman si Bea Alonzo sa mga magagandang salitang winika ni Alden Richards para sa kanya.

Very thankful and flattered si Bea sa mga papuri ni Alden sa kanya. Si Alden ang parang welcoming committee sa kanya sa GMA.

Say pa ni Bea, si Alden daw is the one who sets the happy mood on the set, unlike her na sobrang seryoso kung minsan.

“Natutuhan ko kay Alden na hindi ko naman kailangan na maging masyadong seryoso on the set. Pwede rin naman akong mag-enjoy even if I am working,” pahayag ni Bea.

Now that she’s doing Start-Up, dama ni Bea ang challenge. Hindi naman daw siya fearful. Ang kaibahan daw this time compared when she was starting her career, noon ay marami siyang gustong patunayan.

She was in her teenage years kaya para mas nakaka-pressure sa kanya that time dahil sa pressure mula sa mga tao.

Now that na she’s in her 30s, nagkaroon din siya ng adjustment dahil she is working with a new set of people. She has to be on her toes.

“Siyempre I want to make them feel na okay ako katrabaho. I want to be the best version of myself at maayos ang trabaho ko. Ngayon that I am starting again, mas ini-enjoy ko ang every moment.

“Unlike dati na may shadow of fear and pressure, ngayon mas ini-enjoy ko ang work.

“Now I have a second chance to start up again, now I know how to enjoy myself while working.”

Start-Up is directed by Jerry Lopez Sineneng and Dominic Zapata.

(RICKY CALDERON)