HUMANDA sa pagdagundong nang dalawa sa pinaka-feistiest women ng Philippine show business na sina Ms. Alma Moreno at Ms. Dina Bonnevie, sa kakaiba nilang kakulitan na abot sa bardagulan level sa bagong comedy series na Kalye Kweens.

Magpe-premiere na ito sa Oktubre 1 at ipapalabas tuwing Sabado ng 8:30 pm sa TV5 at tuwing Linggo ng 8:00 pm sa Sari Sari Channel.

Pinangungunahan nga ito ng mga beteranong aktres ang Kalye Kweens na nagha-highlight ng mga relatable at makatotohanang eksena na kinasasangkutan ng nakakatawang tunggalian sa pagitan ng dalawang babae, dalawang pamilya, at dalawang komunidad.

Ang palabas ay nagbibigay din ng nostalgic vibes sa parehong maalamat na aktres na nagbabalik sa TV sa pamamagitan ng isang sitcom na pinagsasama-sama ang ilang pamilyar at bagong mukha, kabilang sina Marissa Delgado, Jeric Raval, Jojo Abellana, Giselle Sanchez, Marissa Sanchez, Jairus Aquino, Vitto Marquez, Aubrey Caraan, at Lyca Gairanod.

Sa direksyon ni Temi Cruz Abad, ang Kalye Kweens ay umiikot sa kwento ng mga dating matalik na kaibigan na sina Mandy (Alma Moreno), Altaville’s Homeowners Association President, at Telly (Dina Bonnevie), Kapitana ng Kapit-bisig.

Ang dalawang babae ay dating pinakamalapit na magkaibigan noong bata pa sila, ngunit naging maasim ang kanilang pagkakaibigan nang manalo ang ama ni Mandy sa lottery jackpot at lumipat ang kanilang pamilya sa middle-class subdivision na Altaville. Higit pa sa pagkakaiba ng klase na dulot ng kanilang paghihiwalay, nag-alab ang kanilang tunggalian nang pakasalan ni Telly ang ex-boyfriend ni Mandy na si Roy (Jeric Raval).

Tumindi ang sigalot sa pagitan ng mga kalapit na komunidad ng Altaville at Kapit-bisig nang italaga ng LGU ng San Diego ang mga nagsasalubong na kalye ng Calachuchi (sa Kapit-bisig) at Lavender (sa Altaville) bilang mga pampublikong daanan patungo sa iba’t ibang bahagi ng bayan.

Dahil sa kanilang mga tungkulin bilang kani-kanilang mga pinuno ng kanilang mga komunidad, gagawin nina Mandy at Telly ang lahat sa ilalim ng kanilang kapangyarihan upang ipaglaban ang kanilang mga teritoryo.

First time pa lang magsasama nina Alma at Dina sa isang TV show, at
pag-amin naman ng ina nina Danica at Oyo, “dahil sa comedy series na ito, parang feeling ko kay Ness, parang matagal na kong siyang friend.

“Dahil sa rami ng napagkuwentuhan, parang I found a new friend.

“Na-discover ko na sobrang hands-on mom siya, very loving mother. Marami ring kaming similarities, parehong naging asawa ng komedyante, na hindi naman nagpapatawa sa bahay.”

Pero mukhang nagka-senior moments pareho sina Alma at Dina, dahil hindi na nila maalala na nagkasama sila sa Regal Films na ‘Throw Away Child’ kasama sina Alfie Anido at Orestes Ojeda na kanilang leading man, at ang anak na kanilang pinag-aagawan ay si Janet ‘Elisa’ Giron at mula sa direksyon ni Arsenio ‘Boots’ Bautista.

Dapat siguradong balikan ng dalawang aktres at panoorin ang kanilang 1982 movie, na 40 years na nga naman ang lumipas, at sa rami ng pelikula nilang ginawa, malamang nakalimutan na talaga nila. At may isang eksena pa doon na ginawa nila, na for sure, ‘pag napanood nila baka masabi ni Dina na, “Ness, ginawa pala natin ‘yun?”

Anyway, saksihan ang laban ng dekada simula ngayong Oktubre 1 habang ginagawa ng Kalye Kweens ang ating weekend. Tutukan tuwing Sabado ng 8:30 pm sa TV5, pagkatapos ng Oh My Korona, at tuwing Linggo ng 8:00 pm sa Sari Sari Channel (available sa Cignal Channel 3, SatLite Channel 30 at Cignal Play).

Para sa karagdagang impormasyon, bisitahin ang opisyal na social media pages ng TV5 at Sari Sari Channel.

(ROHN ROMULO)

MAY bago nang tawag ngayon kay Asia’s Multimedia Star Alden Richards, simula nang mag-taping na siya ng bago nilang serye sa GMA Network, ang Pilipino adaptation ng Korean drama series na “Start-Up.”  

Noong 2012 na ginawa ni Alden ang “One True Love,” una siyang tinawag na ‘Tisoy’ at kahit hanggang ngayon, ganoon pa rin ang tawag sa kanya, until sinimulan niyang gawin ang adaptation ng K-drama na katambal niya si bagong Kapuso actress, si Bea Alonzo.  

Ngayon, ang tawag na sa kanya ay ‘Good Boy,’ na sabi nga ng mga fans ay bagay naman sa kanya dahil Good Boy naman siya talaga sa tunay na buhay.

Ayon nga kay Alden sa interview sa kanya, “ginawa naming Pinoy si Tristan, ang role na ginagampanan ko, dahil simula sa pagkabata niya, ipinakita natin ang hardships na pinagdaanan niya, dahil isa nga lamang siyang ulila, pero sa kabila ng nangyayari sa kanya, hindi siya tumigil na mangarap, at ganoon din ang nangyari sa buhay ko.

“Thankful lamang ako na I’m blessed na makatagpo ako ng mga taong nagbigay sa akin ng mga opportunities para patunayan ko na kaya kong gawin ang mga ginawa ni Tristan sa aming serye.”

Pero inamin din ni Alden na hindi naman siya perfect, nagkakamali rin siya, pero dapat hindi raw hayaang ang pagkakamaling nagawa natin ay makaapekto sa atin.

Nagpasalamat din si Alden sa lahat ng sumubaybay ng world premiere ng serye, at nagpa-trending nito sa Twitter.   And don’t miss “Start-Up PH” gabi-gabi, 8:50PM after “Lolong.”

***

BASE sa rami ng mga fans na nanood ng “Together Again US Concert” ng GMA Pinoy TV na nag-celebrate ng kanilang 17^th anniversary, damang-dama ng mga Kapuso stars ang pananabik ng mga Kapuso natin abroad, dahil sold-out ang two-night concert nitong weekend sa US, September 24 & 25.

Kitang-kita ito sa social media posts, na napakainit ng pagtanggap nila sa unang concert ni Bea Alonzo bilang Kapuso na pasabog din ang performances nito pati outfits na isinuot niya sa show.

Napuno rin ng tawanan ang Pechanga Theater dahil kay Comedy Concert Queen Ai Ai delas Alas na nagpakita ng mga baon niyang kakaibang costumes!  At hindi mawawala ang all-out biritan niya with Asia’s Nightingale Lani Misalucha, na nagpasalamat na nakapag-perform siya nang maayos sa kabila na kagagaling lamang niya sa sakit.

Siyempre pa, kinilig ang mga fans kina Asia’s Limitless Star Julie Anne San Jose at Kapuso Total Heartthrob Rayver Cruz.  At nakumpleto ang gabi ng mga fans nang haranahin sila ni Kapuso Primetime King Dingdong Dantes.  Ang swerte naman ng naka-duet niyang isang maswerteng manonood.

Napakaraming magagandang comments ang mga Instagram users sa nasaksihan nila sa dalawang gabing concert sa Pechanga.

***

NAG-VOLUNTEER ang ilang artistsa ng GMA Network, kasama ang “Unang Hirit” at GMA Kapuso Foundation para makapaghatid ng Serbisyong Totoo sa mga Pilipinong naapektuhan ng Bagyong Karding.

Nagsagawa ng special coverage ang Unang Hirit noong September 26 ng umaga, at nakasama ng Unang Hirit barkada ang ilan sa cast ng “Nakarehas Na Puso” na sina Jean Garcia, Leandro Baldemor, Michelle Aldana, at EA Guzman.

Sila ang nagbantay ng social media accounts at live stream para sa mga panawagan ng mga kababayang nangangailangan ng tulong dahil sa hagupit ng bagyo.

Sinundan naman sila nina Sparkle stars Elijah Alejo, Lexi Gonzales, Matt Lozano, Brent Valdez at Aldan Veneracion para magbantay sa help desk.  Tumulong naman sa warehouse ng Kapuso Foundation sina Martin del Rosario, Kaloy Tingcungco, Anthony Rosaldo, Kim de Leon at Jeff Moses para ihanda ang relief goods na ihahatid papuntang Aurora.

Namahagi naman ng relief goods at masustansiyang lugaw na may kalabasa at malunggay ang Unang Hirit kasama sina Susan Enriquez at Chef JR Royol sa Bagong Silangan Elementary School.

(NORA V. CALDERON)

DAHIL sa nalalapit na reunion ng Eraserheads, napag-usapan ulit ang ginawang pananakit ng isang miyembro ng E-Heads na si Marcus Adoro sa kanyang asawa’t anak.

Noong 2019, inakusahan si Adoro ng kanyang ex-partner na si Barbara Ruaro at ng anak na si Syd Hartha ng domestic abuse.

Sa pamamagitan ng kanyang Instagram account, sinubukan ni Marcus na mag-reach out sa kanyang anak, pero wala siyang nakuhang sagot mula rito.

“I’ve lost contact with my daughter for years now. Recently, I’ve tried to reach out to her through her manager, but I’m not sure if my messages are getting through. So, I’m making this post,

“Syd, san ka man, I hope you’re doing well. As you already know, I’m far from perfect kaya normal if you want nothing to do with me. Sana lang magkaroon ng second chance for redemption. I’m sorry for the ruckus that I may have caused my family, the public the sponsors, and my bandmates. Pasensya na.

“I also want to thank the people who are supporting E-Heads’ art. Please continue to support the E-Heads reunion. Alay po sa ating lahat ito,” post ni Adoro.

Ayon manager at co-producer ng ‘Huling El Bimbo’ concert na si Diane Ventura, isa raw sa kondisyon ni Ely Buendia ay ayusin muna ni Adoro ang mga issues nito or else hindi raw ito makikipagtrabaho sa kanya. Tinatawag kasi ng netizens na “enabler” si Buendia dahil sa pag-tolerate nitong makatrabaho si Adoro.

“This was promised by Marcus’ management which was why we even reconsidered. To call Ely an enabler is categorically false and absurd. We do not condone abuse that is absolute. We acknowledge the pain and suffering of the parties involved and we seek accountability.

“However, we will do what we can to encourage peace, and resolution and will never get in the way of possible reconciliation or second chances between families, We are hoping for good to come out of this,” sey ni Ventura.

Taong 2016 noong huling mag-perform na magkasama ang Eraserheads. Nabuo ang E-Heads noong 1989 pero sumikat sila noong 1993 dahil sa alternative rock album nila na Ultraelectromagneticpop! kunsaan naging hits ang singles nila na “Pare Ko”, “Toyang”, at “Ligaya”.

Nasundan ito ng second hit album nila na Circus in 1994 at naging hits ang singles na “Alapaap”, “With A Smile” at “Magasin”.

Ang third album nila na Cutterpillow noong 1995 ang naging third biggest-selling album in OPM history. Naging hits dito ang mga singles na “Huwag Mo Nang Itanong”, “Overdrive” at “Huling El Bimbo”.

***

NAIS palang mag-collaborate ng showbiz couple na sina Miles Ocampo at Elijah Canlas sa pagsulat ng show scripts in the future.

Paraan daw nila ito na mas makilala nila ang isa’t isa at makapag-share sila ng kanilang mga creative ideas.

“Gusto namin magsulat together. Dream namin magka-work ulit together na kung walang magbibigay sa amin, kami na lang gagawa for us,” sey ni Miles.

Sey naman ni Elijah: “We have dreams of becoming filmmakers as well outside the acting. Off cam naman. Kahit anong genre. Whatever we feel like writing.”

Para kay Miles, na isa na sa mga dabarkads ng Eat Bulaga, si Elijah na raw ang lalake na para sa kanya dahil sa pagiging supportive na tao nito.

“If you know na you’re with the right person, susunod naman lahat eh. Ang sarap lang sa feeling na merong taong sinusuportahan ka sa lahat ng gagawin mo and tanggap ka kahit anong mangyari. Idol ko ‘to. Kaya nung naging kami lalo akong na-pressure galingan sa mga gagawin ko kasi siyempre parang manunuod siya so dapat galingan ko,” pahayag ni Miles.

Ang sagot naman ni Elijah: “She’s everything. Totoo ‘yun. Everything. I guess I don’t know. I guess just being honest and transparent and overall just appreciating everything that she has and who she is.”

***

BALIK sa single’s market ang Marvel Asian star na si Simu Liu dahil balitang naghiwalay na sila ng dine-date niyang si Jade Bender.

Nag-open up ang bida ng Shang-Chi and the Legend of the Ten Rings tungkol sa kanyang mental health sa nakaraang Dreamforce tech conference in San Francisco. May kinalaman daw ang breakup niya sa kanyang pinagdaraanan ngayon.

“I’m okay, I’m okay. I’m learning to prioritize myself. I’m becoming more and more comfortable with the idea of therapy and support systems. It really just hit me recently just how burnt out I was. I experienced moments where I’m living my dream and it didn’t quite feel like I was where I needed to be with myself. I’m also going through a breakup. That’s probably also contributing to it. But that’s okay, I’ll be okay,” sey pa ng aktor na mapapanood sa live-action film na Barbie in 2023.

Huling nakita in public si Liu at Bender sa Los Angeles premiere ng pelikulang Bullet Train at sa black carpet ng Entertainment Weekly’s Annual Comic-Con Bash in San Diego.

Nali-link naman ngayon sa aktor ang actress and real estate agent na si Chrishell Stause. Napapanood si Stause sa reality show ng Netflix na Selling Sunset.

Itinanggi naman ito ni Stause sa talk show na Watch What Happens Live With Andy Cohen at sinabing friends lang sila ni Liu: “I get this question a lot. I have to say, Simu is just a friend of mine. No one ever believes me, but no.”

(RUEL J. MENDOZA)