• December 19, 2024
  • Search in People's Balita

  • Ang Diyaryong Pinagkakatiwalaan

 

Archive for October 26th, 2022

Habang naghihintay ang milyong Pinoy para sa kanilang Nat’l IDs, may ilan ang nakakuha ng 2 o higit pa

Posted on: October 26th, 2022 by @peoplesbalita No Comments

HABANG naghihintay ang milyong Filipino para sa kanilang PhilID, o National ID cards  na mai-deliver sa kanilang bahay, may ilan naman ang  nagrereklamo sa  printout ng  ePhilIDs, habang ang ilan naman ang nakatanggap ng dalawa o higit pang cards.

 

 

Sinabi ng Philippine Statistics Authority (PSA) na “as of last week”,  74.2 milyong Filipino ang nagpa-rehistro para sa Philippine Identification System (PhilSys), na may 22.5 milyong cards  naman ang naipadala na.

 

 

Sinasabing 22.5 milyong PhilID cards ang naipadala na sa  Philippine Postal Corporation (PhilPost), 17.6 milyon o 78.2% ang nai-deliver sa mga registrants sa buong Pilipinas” as of Oct. 14.”

 

 

Ang PhilID, pangunahing sangkap ng PhilSys, ay nagpahayag na sa loob ng anim na buwan ay maide-deliver nito ang nasabing cards subalit sa kasalukuyan, dahil sa hirap na mag- produce ng PVC cards,  nagdesisyon ang PSA  na magpalabas ng printable version.

 

 

Kaugnay nito, sinabi naman ni national statistician at civil registrar general Dennis Mapa na ang printed ePhilIDs ay ipalalabas sa  PhilSys registration centers, subalit binigyang-diin na ang mga Filipino na nagparehistro ay makatatanggap ng kanilang  PVC cards kahit pa nakatanggap na ang mga ito ng kanilang  printout ePhilIDs.

 

 

Paliwanag pa ni Mapa, mayroon aniyang delay sa printing ng  PVC PhilID cards dahil hindi inaasahan ng PSA  ang mataas na  volume of registrants.

 

 

Mayroong 74.2 milyon ang kumatawan sa 98.7%  ng mga Filipino na ang edad ay may 15 taong gulang pataas.

 

 

Ani Mapa, “only about 51.2 million identities had been through backend verification, while only 45 million “unique” 12-digit PhilSys numbers have been created because of this, “we have a backlog of about 29 million.”

 

 

“The exceptional pace of meeting the registration target created a substantial gap among the accomplishment rates of the registration which is moving very fast, the backend identity verification, and subsequently the delivery of the PhilIDs,” ang wika ni Mapa.

Maraming natuwa sa post ni Camille: HEART, balik-Pinas na at hinihintay kung magkikita sila ni Sen. CHIZ

Posted on: October 26th, 2022 by @peoplesbalita No Comments

MARAMING nagulat nang mag-post si Kapuso actress Camille Prats ng photo nila ni Kapuso actress at fashionista na si Heart Evangelita.  

 

 

Natuwa ang mga fans ni Heart at umani ng maraming likes, sa post ni Camille na magkasama sila sa loob ng dressing room ng GMA Network, with a caption “nice bumping into you @iamhearte always looking so lovely my Missy!” na sinagot ni Heart ng “Love you cammmiiillleee!” with a heart emoji.

 

 

Matatandaang nagkasama sina Heart at Camille sa show nila noon na “G-MIK.”  At parang hindi raw sila tumatanda.

 

 

Pero ang tanong pa rin ng mga netizens, bumalik na ba sa bansa si Heart, sa kabila ng balitang bumili na siya ng apartment sa Paris dahil gusto na niyang mag-stay doon, since naroon ang kanyang work.

 

 

But ang pinakahihintay ng mga fans, kung na-miss na raw ni Heart si Senator Chiz Escudero kaya bigla siyang bumalik ng bansa?

 

 

Wala namang post si Heart sa kanyang social media accounts na pahiwatig man lang kung bakit bumalik siya ng Pilipinas.

 

 

                                                            ***

 

 

MISS na miss na ng kanyang mga fans si Kapuso Primetime Queen Marian Rivera at nagtatanong sila kung kailan daw kaya siya gagawa ng isang teleserye.

 

 

Kaya nagpapasalamat sila na tuluy-tuloy pa rin ang mga endorsements nito, kaya halos everyday, may nila-like sila sa mga posts nito sa kanyang social media accounts, lalo na at napakasipag naman nitong mag-post ng mga ginagawa niya at ganoon din ng asawang si Dingdong Dantes at mga anak na sina Zia at Sixto.

 

 

Katatapos nga lamang mag-celebrate si Marian at ang kanyang OFW documentaries na “Tadhana,” ng kanilang fifth anniversary last Saturday, sa GMA-7 at patuloy pa rin silang gumagawa ng mas magagandang episodes sa mga susunod na Sabado, at 3:20 PM.

 

 

At latest nga ni Marian, ay ang pagri-renew niya for the third year, ng mga products ng Tough Mama held at Hyatt Hotel sa BGC, with the executives of Triple A, sina Direk Mike Tuviera at Jacqui Cara.

 

 

Congratulations!

 

 

                                                            ***

 

 

KUNG nami-miss na ng mga fans niya si Marian Rivera na gumawa ng sariling show, happy naman ang mga fans ni Kapuso Primetime King Dingdong Dantes, dahil tuluy-tuloy ang successful niyang game show, ang “Family Feud.”

 

 

In fact, may magandang balita si Dingdong which he posted in his Instagram:  “Sharing good vibes lang dahil extended hanggang next year ang @familyfeudph.”  Yes, hanggang sa 2023 pa raw mapapanood ang game show, kaya tinawag na si Dingdong na ‘Game Master’

 

 

May comment ang netizens: “Congrats to the Family Feud PH Team, more shows, more jackets!”  Saan daw kaya dinadala ni Dingdong ang mga jackets niyang isinusuot sa show, na napansin nilang hindi siya nag-uulit ng pagsusuot ng jacket Mondays to Fridays.since nagsimula siyang mag-host ng show.  Isa pang comment: “Congrats @dongdantes at sa FF-team.  Tuloy ang happiness namin.  We so love your show kasi nakakahasa ng brain cells namin in answering the survey questions, nakakaalis ng stress!”

 

 

Ang “Family Feud” ay napapanood Mondays to Fridays, 5:40PM sa GMA-7.

 

 

                                                         ***

 

 

NASA second lock-in taping na pala ang upcoming GMA Afternoon Prime series na “Underage” na ginagampanan ng mga Sparkle teen actress Elijah Alejo, Hailey Mendez at Lexi Gonzales, as the Serrano sisters na sina Celine, Chynna, at Carrie.

 

 

Makakasama nila ang mga heartthrobs na sina Gil Cuerva at Vince Crisostomo at bubuo rin sa cast sina Sunshine Cruz, Snooky Serna, Jean Saburit, Yayo Aguila, Christian Vasquez at Jome Silayan.  May special participation naman sina Smokey Manaloto at Nikki Co.

 

 

Matatandaan na ang unang “Underage” ng Regal Films ay ginawa noong 1980, starring Dina Bonnevie, Maricel Soriano at Snooky Serna, with Gabby Concepcion, at dinirek ni Joey Gosiengfiao.

(NORA V. CALDERON)

Eala pasok na sa main draws ng W80 Poltiers tournament sa France

Posted on: October 26th, 2022 by @peoplesbalita No Comments

NAKAPASOK  sa main draw ng W80 Poltiers tournament sa France si Pinay tennis player Alex Eala.

 

 

Ito ay matapos talunin niya ang dalawang French players sa magkasunod na sets sa qualifiers.

 

 

Tinalo nito sina Diana Martynov at Astrid Cirotte sa score na 6-1, 6-2.

 

 

Sa qualifying second round ay nakuha ng 17-anyos na si Eala ang 5-0 na kalamangan laban sa 21-anyos WTA World No. 870 na si Martynov sa indoor hard court.

 

 

Ang nasabing torneo ay siyang pangalawang torneo na sinalihan ni Eala mula ng W80 Rancho Santa Fe sa California.

OPS, nagpasalamat sa serbisyo ng mga Filipino nurses sa gitna ng pandemya

Posted on: October 26th, 2022 by @peoplesbalita No Comments

PINASALAMATAN ng  Office of the Press Secretary (OPS)  ang mga Filipino nurses sa Pilipinas at sa ibang bansa para sa naging serbisyo  nito lalo na noong kasagsagan ng Covid-19 pandemic.

 

 

Ang pahayag na ito ng OPS  na naka-post sa kanilang official Facebook page ay bahagi ng pagbati sa ginagawang pag-obserba ng bansa sa Nurses’ Week ngayong buwan ng Oktubre.

 

 

“Taos-pusong nagpapasalamat ang Office of the Press Secretary sa ating mga nars sa bansa at sa iba’t ibang bahagi ng mundo,” ayon sa  OPS.

 

 

“‘Di mapapantayan ang husay at malasakit na kanilang ipinamalas lalo na nang dumating ang Covid-19 pandemic,” dagdag na wika nito.

 

 

Nanawagan naman ang OPS sa publiko na magpakita ng  appreciation o pagpapahalaga sa mga  Filipino nurses  para sa naging sakripisyo ng mga ito.

 

 

Ang Nurses’ Week ay inoobserba tuwing huling linggo ng Oktubre sa bisa ng Proclamation No. 539  na nilagdaan ni dating Pangulong Carlos Garcia noong Oktubre 17, 1958.

 

 

Nangako si Pangulong Ferdinand “Bongbong” Marcos Jr. na magkakaroon ng pantay na sahod ang mga nurse sa pampubliko at pribadong ospital.

 

 

“As part of our goal to raise the profile and improve the working condition of nurses, we seek to address the disparity in salaries between nurses in government hospitals with those in the private sector,” pahayag ng Pangulo sa 65th Nurses Week at 100th anniversary celebration ng Philippine Nurses Association (PNA) na ginanap sa Manila Hotel sa Maynila.

 

 

Nabatid na ang mga nurse sa gobyerno ay kumikita ng P30,000 hanggang P40,000 kada buwan habang P8,000 hanggang P20,000 lang umano ang sahod ng mga nurse sa private.

 

 

Kinilala rin ng Pangulo ang naging ambag ng mga Pinoy nurse na pinaganda ang pangalan ng Pilipinas sa buong mundo dahil sa kanilang serbisyo at pag-asikaso sa mga pasyenteng tinamaan ng COVID noong panahon ng pandemya.

 

 

Samantala, nangako naman ang Pangulo na magbubukas ng mas maraming slots  para sa  deployment  ng mga nurses sa ibang bansa habang pinaghuhusay ang  domestic opportunities.

 

 

Suportado rin nito ang pagpapasa ng House Bill 9389 o New Philippine Nursing Practice Act  na may mandato na bigyan ng karagdagang proteksyon at isulong ang  development ng nursing profession sa bansa.

 

 

Muling binanggit ni Pangulong Marcos na noong tinamaan siya ng COVID-19 noong 2020 ay gumaling siya at iba pang pasyente na dinapuan din ng virus dahil sa mahusay na pangangalaga ng mga nurse. (Daris Jose)

PBBM, nagpaabot nang pagbati sa PSG ukol sa pagtatapos sa isinagawang VIP Protection Course

Posted on: October 26th, 2022 by @peoplesbalita No Comments

NAGPAABOT nang pagbati kasabay ng pagpuri si  Pangulong Ferdinand R Marcos Jr. sa  Presidential Security Group (PSG) hinggil sa ibinigay nitong serbisyo at ipinakitang dedikasyon  sa ngayon at sa nakalipas na taon.

 

 

Sa naging mensahe ni Pangulong Marcos ukol sa pagtatapos sa isinagawang  VIP Protection Course ng PSG,  tinuran nito na hindi lamang  kapuri- puri ang debosyon ng PSG na mapangalagaan siya at ang First family kundi pati na ng iba pang VIPs.

 

 

Nakiisa naman sa nasabing okasyon si Presidential son Ilocos Norte Congressman Sandro Marcos na tumayong kinatawan ng kanyang ama at nagpaabot din ng kanyang mensahe.

 

 

Sa kabilang dako, kasama naman sa mga nagsipagtapos sa  VIP Protection Course at bahagi ng Classes 129-2022 and 130-2022 ay ang aktor na si Mateo Guidicelli.

 

 

Winika ni  2nd Lt. Guidicelli, isang malaking karangalan na siya’y bahagi na ng Presidential Security Group matapos na mapiling sumailalim sa naturang pagsasanay at maging parte na ng elite force na magngangalaga sa Presidente at sa  First family.

 

 

Si Guidicelli na isang reservist Ng Philippine Army ay Ang kauna-unahang celebrity  reservist na magiging miyembro ng Presidential Security Group.

 

 

Samantala, sinaksihan naman ni Philippine Popstar Royalty Ms. Sarah Geronimo-Guidicelli, asawa ni Guidicelli ang  pagtatapos ng huli sa kanyang VIP Protection Course. (Daris Jose)

May pakiusap na tigilan na ang pagko-comment sa dalawang luxury brands: SHARON, pinuri ng mga netizens sa simpleng cellphone na regalo kay MIGUEL

Posted on: October 26th, 2022 by @peoplesbalita No Comments

PINUPURI ng mga netizens at followers si Megastar Sharon Cuneta sa Instagram niya post tungkol sa kanyang son na si Miguel na turning 13 na pala this week.

 

 

Makikita nga ang larawan ni Miguel, na ang ganda ng ngiti habang hawak-hawak ang bagong cellphone niya.

 

 

Caption ni Sharon, “Someone is turning 13 on Oct.29 (and 27.😂 He likes “having two birthdays!”) and got a new, simple phone! All my kids started with simple cellphones!

 

 

“Look how happy he was to finally get one!❤️❤️❤️”

 

 

Kaya say ng mga netizens, “ang old school nga nitong phone n ito mega! 😂😂😂”

 

 

“Gugie’s simplicity is extreme even though we all know that he comes from a well-known and elegant family, especially his mom The Megastar Sharon Cuneta herself who is known by many and one of the most respected actress in our country. 🙌❤️ *hands down*”

 

 

“I really love the way you & Sen. Kiko raised your children ♥️”

 

 

“How time flies! Binata na si Miguel 😊”

 

 

Marami rin ang naka-relate dahil pareho raw ang cellphone ng kanilang anak o kaya’y ganun ka-simple ang kanilang first cp

 

 

“wahahahahhaa pareho kami!!! inaanak ko nga sya 2 birthdays!!!”

 

 

“same with my son. he is 14 and has the same phone!”

 

 

“Miguel palaro naman ng snake. Hahaha!”

 

 

To think, na kayang-kaya naman nilang bigyan ng high-end cellphone si Miguel, pero hindi talaga nila ginawa, kaya tunay ngang kahanga-hanga.

 

 

Next naman na pinost ni Mega ang pagdating ng kanyang pamilya na sina Sen. Kiko Pangilinan, Frankie, Miel at Miguel sa Sydney, Australia, na kung saan meron din siyang concert.

 

 

Sabi niya, “Upon their arrival in Sydney while i was still in Perth! It’s my babies’ first time here and they are loving it so much! I brought KC here when she was about 6 years old. Missing big Ate! ❤️❤️❤️@kristinaconcepcion.”

 

 

Dagdag post pa ni Sharon at muling tinag si KC na talagang nami-miss niya na sana’y kasama rin nila ngayon sa Australia, “I wasn’t in Sydney yet when they arrived and managed to see some koala bears, kangaroos, wombats, and quokkas at the zoo!❤️ @kristinaconcepcion Remembering Tina when she was small and saw them for the first time here too!”

 

 

Sa latest post naman ni Mega, hindi rin kinalimutang i-promote ang new episode ng kanyang vlog na ‘The Sharon Cuneta Network’ sa YouTube, na may titulong ‘Mega Unboxing Seoul Haul, na kung saan ipakikita niya ang mga nabili lalo na sa Prada at Louis Vuitton and promise, last shopping na raw niya ito.

 

 

May pakiusap din si Mega na, “tigilan na natin ang pagko-comment sa Hermes at Vuitton, nananahimik ang mga tindahan, ginugulo natin, nakakahiya naman.”

 

 

Abangan na lang natin ang kabuuan ng vlog na ito ni Mega na for sure, pag-uusapan na naman.

 

(ROHN ROMULO)

Ant-Man Must Face Kang the Conqueror in the Quantum Realm

Posted on: October 26th, 2022 by @peoplesbalita No Comments

THE first trailer for the upcoming Marvel Studios film, Ant-Man and The Wasp: Quantumania, is finally here!

 

 

Aside from the introduction of Cassie Lang into the Ant-Family, the trailer also reveals the next big villain in the Marvel Cinematic Universe as a whole: Kang The Conqueror.

 

 

In the trailer (https://www.youtube.com/watch?v=ZlNFpri-Y40), Cassie’s attempt to contact the Quantum Realm goes south, and the group including her father Scott, Hope, Hank, and Janet were sucked into the machine and they find themselves lost in the Quantum Realm.

 

 

As they find their way out of this perilous place, they are met by Kang, who offers them a way out– a deal that comes with a price.

 

 

Jonathan Majors first appeared as Kang in the Marvel series Loki, where he noted that there are variants of him in the multiverse that are more unforgiving, and it seems that Ant-Man is meeting one of them.

 

 

In July, Marvel Studios President Kevin Feige also announced one of the next two Avengers films to be Avengers: The Kang Dynasty, teasing Kang’s bigger role in the MCU.

 

 

Peyton Reed returns to direct the third installment of the Ant-Man films. Paul Rudd, Evangeline Lilly, Michael Douglas, and Michelle Pfeiffer are reprising their roles in the film, while Kathryn Newton and Bill Murray are also joining the cast alongside Jonathan Majors.

 

 

Ant-Man and The Wasp: Quantumania is set for release in US theaters on February 17, 2023.

 

 

***

 

 

DENZEL Washington and Director Antoine Fuqua are back for “The Equalizer 3,” joined by Dakota Fanning and Gaia Scodellaro.

 

 

Now in production on the Amalfi Coast, Italy.

 

 

Columbia Pictures and Escape Artists has commenced filming on The Equalizer 3 – the third Robert McCall action thriller film, written by Richard Wenk, based on the television series created by Michael Sloan and Richard Lindheim.

 

 

The Equalizer 3 is distributed by Columbia Pictures, local office of Sony Pictures Releasing International.

 

 

Connect with the hashtag #TheEqualizer3

 

(ROHN ROMULO)

Ika-27 ASEAN Labor Minister’s Meeting, gaganapin sa bansa

Posted on: October 26th, 2022 by @peoplesbalita No Comments

MAGIGING  punong-abala ang Pilipinas sa gaganaping ika-27 ASEAN Labor Ministers’ Meeting (ALMM) at iba pang pagpupulong na may kinalaman dito, sa Maynila ngayong linggo, pahayag ni Labor Secretary Bienvenido E. Laguesma nitong Linggo.

 

 

Inaasahang dadalo sa mga pagpupulong mula Oktubre 25 hanggang 29 ang mga labor minister at mga senior labor official mula sa 10-member states ng ASEAN: Brunei Darussalam, Cambodia, Indonesia, Laos, Malaysia, Myanmar, Singapore, Thailand, Vietnam, at Pilipinas.

 

 

Magkakaroon din ng pagpupulong ang mga labor official kasama ang ASEAN Plus Three dialogue partners na China, Japan at South Korea.

 

 

Ayon sa Kalihim ng DOLE, na siyang mamumuno sa ALMM, ang biennial meeting ay magsisilbing pangunahing lugar upang tukuyin at isulong ang kooperasyon ng rehiyon sa mga bagay na nakaaapekto sa paggawa at empleo.

 

 

Itinatakda ng pagpupulong ngayong taon ang pagbabalik sa face-to-face format, at  tutuon sa tema ng pagsulong laban sa pandemya, gayun din ang  higit na pagtataguyod sa digitalized, sama-sama at tuloy-tuloy  na  pag-unlad ng  mga manggagawa.

 

 

Kasama sa agenda ng mga pagpupulong ang pagrepaso sa iba’t ibang programang rehiyonal ukol sa sa pagpapaunlad ng mga kasanayan, digitalization, pagbabago ng klima at green jobs, relasyong industriyal at pagbabago sa mundo ng paggawa, migrasyon at proteksyong panlipunan.

 

 

Sinabi ni Laguesma na itatampok din sa mga pagpupulong ang mga pangangailangan para maging mas epektibo ang pagtugon ng rehiyon sa kawalan ng trabaho lalo na sa mga kanayunan, pagtaas ng presyo ng bilihin, at inflation, na kabilang na ngayon sa pinakamalaking banta sa kapakanan ng mga manggagawa sa rehiyon.

 

 

Inaasahang makabubuo ang mga labor minister ng mga prayoridad para sa regional action sa pagpapabuti ng mga kasanayan pang-empleo, pagtataas ng kakayahan at propesyonal na kwalipikasyon gayundin ang paghahatid ng technical and vocational education and training(TVET); pagkakaroon ng access ng lahat sa ICT at digitalization, modernisasyon ng agrikultura para sa pagtataas ng produksiyon, seguridad sa pagkain at paglikha ng mga bagong trabaho.

 

 

Sinabi ni Laguesma na ito ang unang pagkakataon na ang modernisasyon ng agrikultura at seguridad sa pagkain ang isa sa mga pangunahing prayoridad sa agenda ng ALMM.

 

 

Dagdag ni Laguesma na ito ay isang magandang pagbabago para sa Pilipinas dahil ito ay ganap na naaayon sa mga estratehikong prayoridad sa socio-economic agenda ni Pangulong Ferdinand R. Marcos, Jr.

Ads October 26, 2022

Posted on: October 26th, 2022 by @peoplesbalita No Comments

Balik-eskwela’t sports ng MILO Philippines

Posted on: October 26th, 2022 by @peoplesbalita No Comments

PANDEMYA ang sanhi sa naantalang pisikal na mga klase at kanselasyon ng mga aktibidad sa sports sa bansa.

 

 

Kaya lahat ng mga estudyante nananatili na lang sa kanilang mga tahanan at gumugol nang mahabang oras sa mga laptop at mobile phone.

 

 

Nagbalik na ang milyong mga mag-aaral sa mga klaseng magkakaharap, tinularan ng MILO® Philippines ang ibang stakeholders upang maingat ang kaalamang pisikal ng mga kabataan sa pagpapabatid sa kanila nang kabutihan ng sports.

 

 

Hinihimok silang mas maging aktibo kaya binuo ang programang Back to School, Back to Sports ng MILO® Philippines sa mga pakikipagtulungan ng local government offices, Department of Education (DepEd), civil society organizations at sports teams.

 

 

Pasasayahin at siglahin ang mga bata sa bawat barangay para masangkot sa basketball, football, karate at running na pangungunahan ng  MILO® Champions at local athletes sa bawat rehiyon.

 

 

Sa bawat linggong pag-iikot, daan-daang mga tsiking ang tinuturuan ng tamang drill, galaw at porma para maranasan ang gara ng sports.

 

 

“We are a nation of Champions, and through these development programs, we hope to get more kids into sports by making them experience fun being into sports with their peers.  It starts here, and hopefully we can discover, hone and support our next generation Champions from these barangays,” lahad nitong isang araw ni MILO Sports head Carlo Sampan.

 

 

“It is an honor to partner with MILO® Philippines in introducing sports to kids during this back to school season, because we believe that these initiatives also teach them values such as respect, discipline and teamwork,” fugtong naman ni Philippine Taekwondo Association secretary general Rocky Samson.

 

 

Sumama sa sports demonstrations ang MILO Champions sa onsite at virtual at buong tapang ibinahagi ang kanilang mga istorya ng pagtitiyaga upang maging mga matagumpay sa kanilang buhay.

 

 

Sila ay sina karate champion at star scholar Jamie Christine Lim at award-winning taekwondo jin John Paul Lizardo, na ang mga kuwento’y nagpainspirasyon sa mga ina at kabataan. Andun din si running coach Rio Dela Cruz.

 

 

“Masaya ako at nakasama kami sa Back To School, Back To Sports Program ng MILO, kasi nag-enjoy ang anak ko sa sports, lalo na sa taekwondo at soccer, gusto na nga raw niya laging maglaro kasama mga classmate niya,” lahad ni Ressian Del Mundo ng Batangas, ina ng siyam na taong si Cris James.

 

 

Kasama rin sa proyekto ang libreng nutrition training sa mga nanay sa pagtuturo sa kanila sa pagbabasa ng label sa bawat isang produkto, kailangang nutrisyong maibigay nila sa bawat bata kada araw depende sa edad at arawang ginagawa, at paghahanda sa nutrisyong almusal na kailangan ng mga bata sa buong araw.

 

 

Samahan ang libo-libong mga nanay sa kampeon ng buhay. Makibahagi sa MILO Champions’ Club sa pagbisita lang sa website o mga social media page ng MILO® Philippines. (REC)

People's Balita.
All rights reserved. © Copyright 2024.