2022 November 05 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for November 5th, 2022

Star-Studded New York City Red Carpet Screening of Marvel Studios’ “Black Panther: Wakanda Forever”

Posted on: November 5th, 2022 by @peoplesbalita No Comments

DIRECTOR Ryan Coogler and stars Letitia Wright, Lupita Nyong’o, Danai Gurira, Winston Duke and Tenoch Huerta Mejía attended a star-studded red-carpet event at AMC in New York City.

Images from the event are now available.

In Marvel Studios’ “Black Panther: Wakanda Forever,” Queen Ramonda (Angela Bassett), Shuri (Letitia Wright), M’Baku (Winston Duke), Okoye (Danai Gurira) and the Dora Milaje (including Florence Kasumba) fight to protect their nation from intervening world powers in the wake of King T’Challa’s death.

As the Wakandans strive to embrace their next chapter, the heroes must band together with the help of War Dog Nakia (Lupita Nyong’o) and Everett Ross (Martin Freeman) and forge a new path for the kingdom of Wakanda.Introducing Tenoch Huerta Mejía as Namor, ruler of a hidden undersea nation, the film also stars Dominique Thorne, Michaela Coel, Mabel Cadena and Alex Livinalli.

“Black Panther: Wakanda Forever,” directed by Ryan Coogler and produced by Kevin Feige and Nate Moore, opens in Philippine theaters on November 9, 2022.

Book your tickets now!

(ROHN ROMULO)

Kasong murder, inihahanda na!

Posted on: November 5th, 2022 by @peoplesbalita No Comments

TUKOY na ng mga awtoridad ang ‘utak’ sa naganap na pagpaslang sa brodkaster na si Percy Lapid.

Kasabay naman nito, inihahanda na rin ng pamilya Mabasa sa paghahain ng kasong murder sa ‘utak’ at iba pang dawit sa pagpaslang kay Lapid. Posibleng itong maisampa bukas, araw ng Biyernes o sa Lunes.

Kinumpirma ni Roy Mabasa, kapatid ng pinaslang na radio broadcaster, na may magandang development sa takbo ng imbestigasyon ng Department of Justice at National Bureau of Investigation (NBI) sa kaso ng pagpatay sa kanyang kuya.

Gayunman, tumanggi itong magbigay ng pangalan ng mga posibleng masampahan ng kaso.

“Sa palagay ko nalalapit na tayo roon sapagkat sa aming pag-uusap kanina, meron nang tinutumbok subalit I’m not at liberty to say to you kung ano ang mga pangalan at pagkakakilanlan. Hahayaan po natin ang DOJ na tapusin ang kanilang trabaho, kasama ang NBI at PNP at magkakaroon yata ng announcement in the next 1, 2, 3 days,” ayon pa kay Roy.

Malaking tulong aniya sa development ng kaso ang autopsy findings sa ginawang re-autopsy ni pathologist Dr. Raquel Fortun sa labi ng namatay na sinasabing middleman na si Jun Villamor.

Sa nasabing findings kasi lumalabas na pinatay si Villamor at hindi natural causes taliwas sa naunang report ng mga awtoridad na sakit sa puso ang posibleng dahilan ng kanyang kamatayan.

Nilinaw din ni Mabasa na patuloy na nakakatanggap ng death threat ang isa sa mga anak na lalaki ni Lapid.

Kahapon nagtungo sa DOJ si Mabasa para sa case conference kina Justice Secretary Crispin Remulla at NBI Director Medardo de Lemos. (Daris Jose)

Hindi lang sa fashion events rumarampa: HEART, mapapanood naman sa ‘The Wedding Hustler’ after ng cameo sa ‘Bling Empire’

Posted on: November 5th, 2022 by @peoplesbalita No Comments

HINDI lang pala sa mga fashion events sa Europe rumarampa si Heart Evangelista kundi pati na rin sa Hollywood.

Pagkatapos ng kanyang cameo appearance sa 3rd season ng Netflix series na ‘Bling Empire’, mapapanood naman next si Heart bilang guest sa pelikulang ‘The Wedding Hustler’.

Sa trailer ng naturang pelikula na tungkol sa isang engaged Asian-American couple na gagawin ang lahat para lang matuloy ang kanilang wedding sa gitna ng COVID-19 pandemic, lumabas si Heart sa isang video call sa kanya ni Kane Lim (of Bling Empire) na gumaganap bilang wedding hustler.

May dialogue pa si Heart sa trailer na: “Well, you know what, love is love. Now, if they really love each other, they’re going to work it out.”

Nag-shoot pala si Heart para sa naturang movie noong lumipad ito for Los Angeles noong 2021.

Ang iba pang bumubuo ng cast ng ‘The Wedding Hustler’ ay sina Christine Chang, Chris Soriano and Hillary Soriano.

Ipapalabas sa streaming platform na Amazon Prime Video ang ‘The Wedding Hustler’ bago matapos ang taon.

***

MUKHANG wala na talagang pakialam si Max Collins sa sasabihin ng ibang tao dahil muli niyang pinakita ang kanyang alindog sa bagong photoshoot niya para sa ini-endorse na fashion undergarment.

Pinainit nga ni Max ang paligid dahil sa topless shoot niya at may pasilip na side boob. Panty nga lang ang suot ni Max at tinakpan niya ng kanyang kamay at braso ang mga malulusog niyang dibdib.

Gusto lang yatang patunayan ni Max na kahit may anak na siya, isa pa rin siyang hot mama!

Caption pa niya sa pinost na sexy photo sa Instagram: “Damned if I do and damned if I don’t, so might as well hang loose.”

May isa ring kuha si Max na ang suot niya ay plaid long sleeve polo shirt at underwear lamang, pero angat pa rin ang mala-diyosa niyang ganda.

Kahit na patuloy ang pagpapasabog ng alindog ni Max, hindi niya nakakalimutan na maging hands-on mom sa kanyang two-year old son na si Skye Anakin.

Inamin ng aktres na mahirao na pagsabayin ang pagiging ina at pagiging career woman. Pero nandoon daw ang fulfillment niya bilang isang babae.

Ano kaya ang reaction ni Pacho Magno sa latest photoshoot ni Max? Nag-init din kaya siya?

Marami pa rin ang naghihintay kung ano nga ba ang estado ng pagsasama ng dalawa? Kung sila pa rin ba o hiwalay na talaga?

Obserbasyon ng netizens, sa kinikilos ni Max ngayon, mukhang wala na ngang sey si Pancho sa mga ginagawa nito.

***

LSS na ba ang lahat? “Love is Us this Christmas” na nga ang pinakabagong anthem ng mga Pilipino ngayong Kapaskuhan!

After i-release ang lyric video noong October 23, kaliwa’t kanan na ang papuri ng netizens para sa GMA Christmas Station ID (CSID) ngayong taon. May magandang mensahe ito tungkol sa real definition of love gaya ng pagpapasaya ng ibang tao this holiday season.

“Ganda ng meaning ng song! Galing talaga ng GMA! Lakas maka-worship song neto. Lyrics pa lang ‘yan pero ang ganda nang pakinggan. Lalo na kapag mas maraming artists na ang mapapanood namin,” say ng ilang netizens sa GMA Network Facebook page.

At syempre, dahil November na at natapos na rin ang Halloween, feel na feel na talaga natin ang Christmas spirit everywhere kaya naman malapit na rin nating ma-witness ang full-length 2022 GMA Christmas Station ID!

Sinu-sino kaya ang mga Kapuso celebrity na tampok sa CSID for this year? Sabay-sabay nating abangan ang official video ngayong Linggo, November 6, sa ‘All-Out Sundays’.

(RUEL J. MENDOZA)

60% ng mga Pilipino, pabor sa Sim card registration – Social Weather Stations

Posted on: November 5th, 2022 by @peoplesbalita No Comments

LUMALABAS sa survey mula sa Social Weather Stations (SWS) na majority o 60% ng mga Pilipino ang pabor sa SIM Card Registration law.

Mula sa survey ng SWS nasa 17% ng respondents naman ang tutol habang nasa 23% ang undecided.

Sa 60%, 32% dito ang strongly approve habang nasa 29% naman ang bahagyang aprubado ang naturang batas.

Isinagawa ang naturang survey sa pamamagitan ng face to face interview sa 1,500 adults sa buong bansa sa pagitan ng Setyembre 29 hanggang Oktubre 2 o isang linggo bago lagdaan ng Pangulo ang naturang batas noong Oktubre 10.

Nauna ng tiniyak din ng Pangulo na ang lahat ng impormasyon sa Sim registration ay mananatiling confidential maliban na lamang kung ang pag-access sa naturang mga impormasyon ay pinahintulutan sa pamamagitan ng written consent ng subscriber. (Daris Jose)