2022 November 15 Archive - People's Balita

December 13, 2024
Search in People's Balita
Ang Diyaryong Pinagkakatiwalaan

Archive for November 15th, 2022

Napikon dahil nahulog pa sa sofa: CARMINA, ‘di makalimutan ang masakit na sampal ng kaeksenang aktres

Posted on: November 15th, 2022 by @peoplesbalita No Comments

HINDI raw makalilimutan ni Carmina Villarroel ang masakit na sampal na natanggap niya mula sa isang aktres.

Sa podcast na Wala Pa Kaming Title, kinuwento ng ‘Abot Kamay Na Pangarap’ star ang naging experience niya sa eksenang iyon.

“May buwelo, ‘yung talagang galing dito sa baba paganoon sa akin. Nawala ako sa frame at nahulog ako sa sofa. Buti na lang may sofa kasi kung walang sofa nahulog ako sa floor!” natatawang kuwento ni Mina.

Hindi na lang pinangalanan ni Mina kung sino ang aktres na iyon. Pero hindi raw mawala sa alaala ni Mina yung sakit ng sampal na iyon.

Nagpapasalamat si Mina sa kanyang presence of mind dahil nakatayo siya agad para hindi na raw mag-take two.

“Napikon ako, kasi ang sakit, ang sakit. Imagine-in mo may buwelo. Nahulog ako sa silya. Buti may presence of mind ako na tumayo ako kasi baka ma-take two e ayoko kasi ang sakit,” tawa pa ulit ni Mina.

***

NAGTAYO ng sarili niyang foundation ang kauna-unahang winner ng Drag Race Philippines na si Precious Paula Nicole para masuportahan nito ang Golden Gays.

Ang Precious Foundation ay isang non-governmental organization na ang layunin ay ang tulungan ang mga gay senior citizens.

“‘Yung pagkapanalo ko sa Drag Race, hindi lang ‘yun basta korona. Kayo ang korona kong lahat. Hindi po nawala sa isip ko na tulungan kayo kapag meron na akong sapat na kakayanan. Kayo ang aking korana.”” sey ni Precious sa kanyang pa-thanksgiving party.

Bago pa man sumali ng Drag Race PH si Precious, matagal na siyang supporter ng Golden Gays.

“When I was starting drag, sumasama lang ako sa mga friends ko na drag queens para bigyan ng tulong ‘yung mga golden lolas natin na nawalan na po ng tahanan ngayon. Dahil may mga taong nagmamahal sa ’kin at nagmamahal sa inyo, hindi po tayo titigil sa ganitong okasyon na lang. Ang ‘Precious Thanksgiveyn’ po ay magiging ‘Precious Foundation’ na,” diin pa niya.

Sinisimulan na raw gawin ang mga bahay para sa mga Golden Gays. Nakumpleto raw ang mga ito sa 2023.

Kasama pa ni Precious para aliwin ang mga golden lolas ay ang mga Drag Race PH contestants na sina Brigiding at Vinas DeLuxe. Dumating don ang Drag Race PH Untucked director na si ice Seguerra at inawit ang hit song niyang ‘Pagdating Ng Panahon’.

***

IBA rin kung magpaandar sa promo ng kanyang bagong TV series sa Apple TV+ na Chief of War si Jason Momoa.

Sa pag-guest ng ‘Aquaman’ star sa talk show na Jimmy Kimmel Live, walang takot na pinakita nito ang mga pisngi ng kanyang malaman at mabilog na puwet habang suot niya ang costume mula kanyang pinagbibidahan na TV series.

Paliwanag ni Momoa na ang suot niya ay hindi loincloth kundi traditional malo na sinusuot ng mga Hawaiians na tulad niya.

“I’m doing a show. I’m a creator, writer, director, producer, and actor on this Apple series, That’s what I wear every day. I was just getting ready for the role ’cause I like to get into character, and so I was tanning my white ass. I actually don’t even like wearing clothes anymore. I’m in it every day. I wear it all the time.”

Noong i-dare ni Kimmel si Momoa na ipakita nito na suot niya ang malo, hindi nagdalawang-isip ang aktor na hubarin niya ang suot niyang silk shirt and pants at coat. Napa-wow na lang si Kimmel nang makita nito ang puwet ni Momoa.

Bukod sa Chief of War series, mapapanood din si Momoa sa fantasy film na ‘Slumberland.’

(RUEL J. MENDOZA)

PBBM hiling mas pinalakas na pagtutulungan ng ASEAN-US

Posted on: November 15th, 2022 by @peoplesbalita No Comments

UMAPELA si Pangulong Bongbong Marcos na mas paigtingin pa ang pagtutulungan sa pagitan ng ASEAN at United States (US) para maharap pa ang mga isyung may kinalaman sa maritime security at transnational crime.

Sa pagsasalita ng Pangulo sa 10th ASEAN-US Summit sa Phnom Penh, Cambodia, iginiit ni Marcos ang patuloy na pagtutulungan ng mga bansang miyembro ng ASEAN para malabanan ang illegal na pangingisda.

Gayundin ang pagbabantay sa pagtatapon ng mga basura sa karagatan para hindi na lumala pa ang polusyon sa dagat.

Kasabay nito pinuri naman ni Marcos ang adbokasiya at mga proyekto ng Estados Unidos na labanan ang transnational crime, terrorism at human trafficking.

Hiniling din niya ang pagpapatuloy ng capacity-building programs para sa mga alagad ng batas sa pamamagitan ng International Law enforcement Academy gayundin ang Senior Officials’ Meeting on Transnational Crime.

Si Marcos ay dumadalo sa 40th at 41st ASEAN Summit and related summits sa Cambodia. (Daris Jose)

PBBM, imbitado sa WEF sa Switzerland sa Enero 2023

Posted on: November 15th, 2022 by @peoplesbalita No Comments

INIMBITAHAN si Pangulong Ferdinand R. Marcos Jr. sa World Economic Forum (WEF) sa Switzerland sa Enero 2023.

Ang imbitasyon ay ipinarating kay Pangulong Marcos ni WEF founder at executive chairperson Klaus Schwab sa isinagawang breakfast meeting sa Phom Penh, Cambodia, araw ng Sabado, ayon kay Undersecretary Cheloy Garafil, Officer-in-Charge of the Office of the Press Secretary (OPS).

“World Economic Forum founder and executive chairman Klaus Schwab today invited President Ferdinand R. Marcos Jr. to the WEF in Davos, Switzerland on Jan. 16 to 20, 2023. Schwab made the invitation in a breakfast meeting with President Marcos,” ayon kay Garafil sa isang kalatas.

Pinuri ni Schwab si Pangulong Marcos para sa tila malakas na Philippine economy sa kabila ng nananaig na coronavirus disease 2019 (Covid-19) pandemic at global challenges.

Sinabihan nito si Pangulong Marcos na dumalo sa WEF at hinikayat ang mas maraming business leaders na mamuhunan sa bansa.

“Schwab told Marcos his attendance to the WEF serves as a good opportunity to let the global business community know about the dynamism and positive developments happening in the Philippines in a bid to attract more investors,” ang wika ni Garafil. (Daris Jose)

OPS, tiniyak ang patuloy na serbisyo gamit ang aprubadong 2023 budget

Posted on: November 15th, 2022 by @peoplesbalita No Comments

NAGPAHAYAG nang pasasalamat ang Office of the Press Secretary (OPS) sa Senado sa pag-apruba sa panukalang P1.04 billion budget para sa taong 2023.

Sa Facebook post, pinasalamatan ng OPS ang Kongreso para sa pagsisikap nito na tiyakin ang maayos at mabilis na pagkakapasa ng panukalang 2023 national budget upang makayanan ng administrasyong Marcos na makapagbigay ng “better services” sa mga Filipino.

“Nagpapasalamat ang buong OPS sa House of Representatives at Senate of the Philippines para sa tuloy-tuloy na serbisyo para sa sambayanang Pilipino,” ayon sa FB post ng OPS.

Buwan ng Setyembre nang aprubahan ng Mababang Kapulungan ng Kongreso ang budget ng OPS habang ibinigay naman ng Senado ang matamis nitong “Oo”, araw ng Huwebes.

Sina OPS Undersecretaries Maria Pedroche, Eugene Henry Rodriguez, Edwin Cordevilla, Rowena Reformina, at Marlon Purificacion ang mga dumalo sa deliberasyon ng panukalang budget.

“Dumalo sa naturang hearing ang mga opisyal ng OPS at personal na nagpasalamat sa mga senador kabilang ang pangunahing sponsor ng proposed budget ng OPS na si Senador JV Ejercito,” ayon sa OPS.

Sa ilalim ng 2023 spending plan, ang OPS ay makakakuha ng kabuuang appropriation na P623.196 bilyong piso, o mahigit sa kalahati ng nasabing panukala.

Ang P623.196 bilyong piso ay ibibigay sa attached agencies and corporations ng OPS, kabilang na rito ang APO Production Unit, Bureau of Broadcast Services, Intercontinental Broadcasting Corporation (IBC), National Printing Office, News and Information Bureau, at People’s Television Network.

Sa kabilang dako, sinabi ng OPS na tuwang-tuwa ito nang aprubahan ng Senado ang panukalang P619.53 milyong budget para sa IBC.

“The lingering problem, which has been swept under the rug through the years, the unpaid retirement benefits of retirees from 2009 up to 2023 which amounted to P490 million,” ayon kay Ejercito sa pagdepensa sa nasabing budget. (Daris Jose)