2022 November Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for November, 2022

10 pang local government units, lumagda para sa flagship housing program ni PBBM

Posted on: November 29th, 2022 by @peoplesbalita No Comments

NADAGDAGAN pa ng 10 local government units (LGUs) ang lumagda para maging partner ng Department of Human Settlements and Urban Development (DHSUD) sa kanilang misyon na makapagpatayo ng isang milyong bahay kada taon sa susunod na anim na taon.

Ang naturang proyekto ay nasa ilalim ng flagship Pambansang Pabahay para sa Pilipino Program ni Pangulong Ferdinand R. Marcos Jr.

Layon nitong matugunan ang housing gap na 6.5 million units sa bansa.

Ang katatapos lamang na paglagda ay kasama na sa 28 na kabuuang bilang ng mga LGUs na pumirma sa memorandums of understanding (MOUs) sa DHSUD.

Ito ay para pormal nang maipursige ang housing projects sa kanilang mga area.

Sa 28 LGUs, nasa 11 ay nasimulan na ang ground breaking kasama na ang Quezon at Marikina sa National Capital Region (NCR).

Kabilang naman sa mga pinakaghuling LGU-enrollees ay ang Bohol province, ang lungsod ng Mandaue at Tagbilaran; Panglao, Bohol at anim na munisipalidad mula sa mga probinsiya ng Oriental at Occidental Mindoro.

Sinabi ni DHSUD Secretary Jose Rizalino Acuzar na dahil sa nag-uumapaw na suporta ng mga LGUs ay nasa right track daw ang housing program ng pamahalaan. (Daris Jose)

Nalungkot lang na ‘di nakarating para tanggapin ang award: LOTLOT, nakasungkit uli ng Best Supporting Actress trophy sa ‘The 5th EDDYS’

Posted on: November 29th, 2022 by @peoplesbalita No Comments

SA ikalawang pagkakataon sa loob lamang ng isang buwan ay nanalong Best Supporting Actress si Lotlot de Leon para sa pelikulang ‘On The Job 2: The Missing 8’.

Una ay pinarangalan si Lotlot sa Gawad Urian noong November 17, at nito namang Linggo ng gabi, November 27, ay muling nasungkit ni Lotlot ang Best Supporting Actress trophy sa The 5th EDDYS ng SPEEd o Society of Philippine Entertainment Editors.

Ikinalungkot lamang ni Lotlot na hindi siya nakarating sa mismong awards night para personal na tangggapin ang kanyang award; may naka-schedule kasi siyang swab test the following morning, Monday, kaya kinailangan siyang mag-quarantine buong araw ng Sunday. Ang swab test ni Lotlot ay para sa taping ng isang TV show the following day, Tuesday.

Kaya naman sa pamamagitan ng kanyang social media account ay nagpahatid si Lotlot ng pasasalamat sa buong grupo ng SPEEd; ito ang mensaheng nakalagay sa verified Facebook account ng aktres…

“Your love endures forever father in heaven!

“Sa lahat ng bumubuo ng EDDYS AWARDS mula sa aking puso Maraming Maraming Salamat! This means so much to me po!

“To my OTJ family, Direk Erik, Sir Don, Ms. Mich to everyone from @realitymmstudios thank you!

“Maraming Salamat sa tiwala!

“Para din po ito sa lahat ng mga journalist, writers, reporters, news anchors na patuloy na pinaglalaban makarating sa ating lahat ang katotohanan!

“Mabuhay kayo!

“To God be the greatest glory!!! ”

#OnTheJobTheMissing8

***

BATA pa lamang sila ay magkaibigan na sina Hajji Alejandro at Danny Javier.

“And then lalo ko siyang nakilala, nag-concert tour kami lahat ng artists ng Jem Records, kasama si Ryan Cayabyab, sila Celeste Legaspi, Florante, Susan Fuentes, iyon sabay-sabay kaming kumakain.

“For several months nag-tour kami nationwide promoting Christmas albums as well as our individual na kanya-kanyang album.

“Dun ko nakilala talaga na totoong tao talaga si Danny Javier and napakalaking kawalan niya sa ating industriya.”

“Iba siya, iba siya so mami-miss taga ng industriya si Danny Javier,” ang sinabi pa ni Hajji tungkol sa yumaong member ng APO Hiking Society.

Samantala, ang ‘Mana-Mana Lang’ na concert ni Hajji at Rachel Alejandro ay gaganapin sa December 9 sa ballroom ng Winford Manila Resort & Casino sa Tayuman sa Maynila sa likod ng SM San Lazaro.

Guest sa concert si Rox Puno na anak naman ng isa pang music icon na si Rico J. Puno.

Ang musical director ng concert ay ang anak rin ni Hajji na si Ali Alejandro ng grupong Mojofly na guest rin sa concert.

Sa direksyon ni Vergel Sto. Domingo, si Tony Boy Faraon ng Rotary Club of Manila ang producer ng naturang concert.

(ROMMEL L. GONZALES)

Ads November 29, 2022

Posted on: November 29th, 2022 by @peoplesbalita No Comments

Mary Francine Padios, pencak silat puntiryang mas makilala

Posted on: November 29th, 2022 by @peoplesbalita No Comments

Kung martial arts ang pag-uusapan, isa ang pencak silat sa mga nakakakuha ng medalya para sa ‘Pinas dahil sa galing ng mga atleta.

Nito lang Mayo sa Southeast Asian Games sa Hanoi, Vietnam nakakopo ang mga atleta ng medalya kasunod pa sa Asian Pencak Silat Championships sa India.

Isang linggo pang lang ang nakakalipas, humakot din ang mga manlalaro ng Philsilat Sports Association, Inc. ng apat na medalya sa 8th PSC Women’s Martial Arts Festival sa Rizal Memorial Sports Complex sa Malate, Maynila.

Isa sa naka-SEA Games gold si Mary Francine Padios.

“Sa kalaban ko at ako, pare-pareho lang galaw namin. ‘Yung kaibahan lang is the way namin gawin yung art. Kung saan puwede maging matigas, puwedeng malambot. Depende sa amin ‘yun na artist. At the same time, nagkakaiba kami ng way to deliver strikes,” pahayag ni Padios nitong Sabado.

Umaasa siya na mas makikilala pa ang sport at darami ang atetang sumunod sa yapak niya. (CARD)

Angelo Nicolas Almendras, NU Bulldogs lumapit sa walis-titulo

Posted on: November 29th, 2022 by @peoplesbalita No Comments

UMANGAS si Angelo Nicolas ‘Nico’ Almendras upang akbayan ang National University sa 25-19, 25-21, 25-19 panalo kontra University of Santo Tomas sa Game 1 best-of-three finals ng 14th V-League 2022 Men’s Collegiate Challenge Linggo ng hapon sa Paco Arena sa Maynila.

Tumikada si Almendras ng 13 points kasama ang 14 excellent receptions para isampa ang Bulldogs sa 1-0 lead ng torneo na pinatatakbo ng Sports Vision at mga suportado ng Asics, Beyond Active Wear at Mikasa.

Nag-ambag pa sina Michaelo Buddin at Kennry Malinis ng tig-11 puntos para sa Bustillos-based squad na lumapit sa pagwali sa kampeonato.

“Maganda ang pinakita ng mga bata namin. Kita naman sa endgame, nakuha namin ang mga gusto naming mangyari like yung blocking, opensa namin, lahat nagtutuloy-tuloy,” suma ni Bulldogs coach Dante Alinsunurin.

Kumana sina Jay Rack Dela Noche at Ybañez ng tig 10 pts. para sa Tiger Spikers pero nakapagpakawala ng 27 errors ang kampo.

Kumana naman ng walong puntos si Gboy De Vega para sa balibolista ng España na kailangan manalo sa Game 2 para makahirit ng winer-take-all.

“Importante agresibo kami. Pagtatrabahuhan pa rin namin sa practice at tuloy tuloy pa rin ang ginagawa namin,” sey pa ni Alinsurin.

Sa Miyerkoles ng alas-2:00 ng hapon ang Game 2. (CARD)

‘Logan’ Star Shares Key Advice Hugh Jackman Gave Her

Posted on: November 29th, 2022 by @peoplesbalita No Comments

LOGAN star Dafne Keen shares the advice Hugh Jackman gave her on set of the X-Men film.

Jackman made his debut as Wolverine in the 2000 film X-Men and went on to reprise the role nine times over nearly two decades, effectively ending his character’s run with 2017’s Logan (though he will be returning and making his Marvel Cinematic Universe debut in Deadpool 3).

Logan served as a departure for Jackman’s Wolverine franchise, with a quieter and darker story centered on Logan’s mission to protect the young mutant X-23, also known as Laura (Keen) and get her to safety. The movie was Keen’s debut as Logan’s clone/biological daughter and set up a larger future for her character as Logan’s successor after the titular character’s death.

Having made her feature debut on Logan, Keen has gone on to star as Lyra in HBO Max’s critically acclaimed fantasy series His Dark Materials and will be featured in upcoming Star Wars series The Acolyte.

During a conversation with Marie Claire, Keen spoke about the plethora of advice she received while filming Logan, from both Jackman and director James Mangold. The young actor stated that Mangold’s advice was more craft-focused, telling her to “always go full out” in her performances, which has become “a top tip of [hers].” One of Jackman’s key tips for Keen was to treat the crew “equally” while on set.

See Keen’s account below: “Hugh Jackman was so great as the number one on set at teaching me how to treat crew. He was the most brilliant person with the crew, he taught me how the distance between cast and crew is wrong and that everyone is to be treated equally. He was close with everyone from the crew, he knew everyone’s names and would get people lottery tickets each week. I learnt the ropes from him and feel very lucky to have been taught that by him.”

Given the natural on-screen chemistry and strong off-screen bond between Keen and Jackman, viewers have been vocal about wanting to see more of their relationship. However, since Logan ended with Wolverine’s death, the possibility of Laura and Logan reuniting has always seemed unlikely. The news about Jackman returning as Wolverine for Deadpool 3 reignited the potential for Laura and Logan to meet again, this time officially within the MCU’s timeline.

While many Wolverine and X-Men fans have expressed enthusiasm over Jackman finally interacting on-screen with Reynolds’ Deadpool, some have worried that Jackman’s return as the hero cheapens the moving farewell to the character executed by Logan, which is widely considered one of the best comic book adaptations and earned an Academy Award nomination for Best Adapted Screenplay.

Of course, given Logan’s futuristic setting, Deadpool 3 does not have to undo Logan’s death in the 2017 film and can merely take place before those events. If that winds up being the case, it’s unlikely that Laura will be featured in the movie since she was born in 2018 and didn’t meet Wolverine until the events of Logan.

If Deadpool 3 features a variant of Logan’s Wolverine from a different universe, it’s possible that a Laura variant could appear and be introduced to him once again. Alternately, Laura could appear in a post-credits scene or as a cameo within the movie. However, it’s more likely that she will be left out of Deadpool 3 and instead hopefully return in a future MCU project once more mutants start making their way into the franchise and the X-Men setup begins.
In terms of the actor’s interest, Keen has expressed her willingness to reprise her X-23 role and join the MCU, which makes sense given the enriching experience she describes while working on Logan. (source: screenrant.com)

(ROHN ROMULO)

Libreng pera padala para sa OFWs, inilunsad

Posted on: November 29th, 2022 by @peoplesbalita No Comments

INILUNSAD nitong Linggo ang pagsasanib ng Sendwave at GCash na bagong “fee-free money transfer apps” o “libreng pera padala” na layong matulungan ang mga overseas Filipino workers at ang kanilang mga mahal sa buhay na pakinabangang mabuti ang ipinadadalang mga remittance.

Ayon kay Dan Santos, Sendwave Growth Manager sa Pilipinas, nakipagtambalan na sila sa mga tradisyunal na paraan ng ‘money transfer’ gaya ng bank transfers o cash collection at maging sa mga digital wallets tulad ng GCash.

Aniya, Setyembre 2021 nang ilunsad nila ang Sendwave sa Pilipinas bilang pagtugon sa pandemyang dulot ng Covid-19 kung saan tinatayang makakatipid ang mga OFW ng $1 bilyong kada taon sa paggamit ng kanilang fee-free up.

Sinabi naman ni Julie Abalos, International Remittance Head ng GCash, na 83 percent ng adult population ng bansa ay gumagamit na nito.

Ang Sendwave ay unang inilunsad noong 2014 at napalawig sa parte ng mga bansang Africa, Asia at Latin America at ngayon ay halos isang milyong katao na ang gumagamit nito, na nakapagpadala na ng mahigit $10 bilyon sa kanilang mga pamilya at mga kaibigan.

Bilang endorser, sinabi naman ni King of Talk Show host na si Boy Abunda, agad siyang napapayag dahil nakita niya ang kahalagahan ng ‘Sendwave app’ sa mga Filipino sa iba’t ibang bansa. Aniya, malaking tulong sa OFWs ang kanilang natitipid sa bayarin sa pagpapadala ng remmittance.

Maaaring mag-download ng Sendwave app sa App Store o Google Play sino man nasa America, Canada at parte ng Europe upang madaling matanggap ng kanilang pamilya sa Pilipinas ang remittances. (Daris Jose)

Philippine economy, mananatiling malakas sa susunod na taon kahit nakikitaan ng pagbagal

Posted on: November 29th, 2022 by @peoplesbalita No Comments

TIWALA si Socioeconomic Planning Secretary Arsenio Balisacan na mananatiling matatag ang ekonomiya ng bansa sa taong 2023.

Sa kabila naman nang inaasahang pagbagal ng ekonomiya sa naturang period dahil sa natitirang headwinds, sinabi ni Balisacan na “comparatively strong” pa rin ang ekonomiya ng bansa sa susunod na taon.

Magiging factor din umano sa pagbagal ng GDP growth ang external internal challenges.

Kung maalala, naitala ng bansa ang Gross Domestic Product (GDP) growth na 7.1 percent sa ikatlong quarter ng taon.

Malaking bagay naman sa pagkamit ng GDP growth na 7.1 percent ang wholesale at retail trade, financial at insurance activities at construction.

Ito ang nagdalaw sa year-to-date average na 7.7 percent.

Kasunod na rin ito ng upwardly adjusted 7.5 percent noong second quarter at downward revised na 8.2 percent sa unang tatlong buwan ng kasalukuyang taon.

Inaasahan naman ng inter-agency Development Budget Coordination Committee (DBCC) ang full-year economic growth na nasa pagitan ng 6.5 percent hanggang sa 7.5 percent para ngayong taon. (BISHOP JESUS “JEMBA” M. BASCO)

Philippine Sports Commission at National Collegiate Athletic Association , nakipagpulong sa opisyales ng Samahang Basketbol ng Pilipinas tungkol sa isyu ni John Amores

Posted on: November 29th, 2022 by @peoplesbalita No Comments

Nakipagpulong ang Philippine Sports Commission (PSC) sa mga kinatawan ng National Collegiate Athletic Association (NCAA), Samahang Basketbol ng Pilipinas (SBP), para talakayin ang mga isyung bumabalot sa Jose Rizal University player na si John Amores.

Sa isang pahayag, inilarawan ito ng Phil. Sports Commission bilang isang “coordination meeting” habang patuloy na tinitingnan ng fact-finding committee na binuo ng ahensya ang pinag-uusapang pagbagsak ni Amores sa laro ng basketball.

Ayon sa organisasyon, ang pagpupulong ay naglalayon upang malaman kung ano ang nangyari, kung ano ang nagawa, at kung anong mga hakbang ang maaaring irekomenda upang ang ecosystem ng lahat ng amateur na sports ay muli umanong mapalakas.

Dagdag pa nila, marami itong nakuhang impormasyon mula sa mga opisyal na naroroon na maaaring makatulong sa kanilang mabilis na pagdedesisyon kung paano matutugunan ang sitwasyon ng basketball player na si Amores.

Dahil ang coordination meeting ay ginanap sa likod ng mga saradong pinto, walang gaanong impormasyon ang ibinunyag kung paano at ano ang napag-usapan ngunit kinumpirma ng Philippine Sports Commission ang kanilang pagpayag na magbigay ng pagpapayo kay Amores.

Anila, nag-offer ang organisasyon kay Amores ng free counseling sa pamamagitan ng Philippine Sports Commission Pyschology Team.

Una rito, ang naturang orgnanisayson ay maglalabas ng rekomendasyon pagkatapos ng pagtatasa at pagtalakay ng komite sa paghahanap ng katotohanan ukol sa nasabing issue kay John Amores. (CARD)

60 bangkay ng PDLs inilibing sa NBP cemetery

Posted on: November 29th, 2022 by @peoplesbalita No Comments

ANIMNAPUNG bangkay ng Persons Deprived of Liberty (PDLs) na matagal nang nakalagak sa isang punerarya ang pinalibing na ng Bureau of Corrections (BuCor), sa New Bilibid Prison (NBP) cemetery sa Muntinlupa City kahapon ng umaga.

Ang mga inilibing ay kabilang sa 176 na bangkay na matagal nang nakalagak sa Eastern Funeral Homes at nadiskubre lamang nang magsagawa ng imbestigasyon sa pagkamatay ng isang Cristito Villamor Palaña, isa sa sinasabing middlemen sa pamamaslang sa beteranong broadcaster na si Percy Lapid Mabasa.

Nagdaos muna ng misa bago tuluyang inilibing ang mga bangkay na inilagay sa kahoy na ataul at ipinasok sa mga nitso.

Una nang ipinalibing ang 10 bangkay nitong buwang ito.

Nabatid na ang mga nailibing ay nasa advance state of decomposition na kabilang ang mga nasawi ng Enero hanggang Oktubre ngayong taon.

Ayon kay BuCor officer-in-charge Gregorio Catapang, 60 pang mga bangkay ng PDLs ang nakatakdang ipalibing sa Disyembre 2.

Sinabi naman ni BuCor Senior Supt. Ma. Cecilia Villanueva ng Directorate for Health and Welfare Services na ang 40 pang bangkay ay maiiwan sa Eastern Funeral Homes.

“May I make mention po na kaya po merong unclaimed may mga dumadating pong relatives, hindi na po talaga kine-claim yung body, kinukuha na lang po yung death certificate,” ani Villanueva.

Sa kabila ng may 90 araw na palugit para sa pag-claim ng bangkay, wala pa rin aniyang pumupuntang kamag-anak ang mga nasasawing PDLs.