KILIG na kilig si Councilor Aiko Melendez sa pagdating sa party niya ng Bise-Presidente ng Pilipinas na si Sara Duterte.

Nag-fangirling si Aiko dahil idolo niya si Inday Sara na nagpaunlak na dumalo sa Super Sam sa imbitasyon mismo ni Aiko.

Nag-speech si Inday Sara para kay Aiko ng pagpapasalamat sa pag-iimbita sa kanya at pagsuporta ng aktres at boyfriend na si Zambales 1st District Congressman Jay Khonghun sa kanyang kandidatura nitong nakaraang May 2022 elections.

Hindi lamang si Aiko kundi maging ang mga bisita niya that night ay aligaga sa pagpapakuha ng litrato kay VP Sara.

Since close sila, posible kayang mag-ninang si VP Sara sa kasal, kapag nag-propose na si Cong. Jay kay Coun. Aiko?

***

SINCE magtatapos na sa December 23 ang Start Up-PH, tinanong namin si Jeric Gonzales kung ano ang nararamdaman niya?

“Masayang-masaya siyempre, kasi grabe yung mga nakasama ko dito, si Alden, si Bea, si Yasmien, to be a part of this show, parang sobra-sobrang blessing yung dumating sa akin this year, kasi it’s global hit…this franchise na kinuha ng GMA, a Korean adaptation na ginawang Philippine adaptation, masuwerteng-masuwerte ako na mapasama dito.”
Silang apat ang bida sa Start-Up PH; si Jeric bilang Davidson Navarro, si Alden Richards bilang si Tristan Hernandez, si Yasmien Kurdi bilang si Ina Diaz at si Bea Alonzo bilang si Dani Sison.

Ano ang pinaka hindi niya makakalimutang eksena?

“Hindi ko makakalimutang eksena… siguro mayroong kanya-kanya eh, kasi bawat aktor meron akong mga significant na scenes eh, siguro ano na lang… pinaka hindi ko makakalimutan sa family ko… sa parents ko, kay Kuya Onin tsaka kay Ms. Lovely.”

Gumanap na mga magulang niya sa serye sina Niño Muhlach at Lovely Rivero.

“Kasi ang ganda nung eksena na umamin na siya na hindi talaga siya magaling, parang ganun, yung pagka-impostor syndrome niya inamin na niya sa magulang niya.

“All the while akala ng magulang niya CEO siya, parang siya yung CEO ng kumpanya niya, so yun, memorable yun.”
Ano ang natutunan ni Jeric na mga lessons sa Start-Up PH?

“Lessons… siguro magpakatotoo ka dun sa nararamdaman mo, yung si Davidson, tinuturuan siya ng magulang niya para… well yung gawin kung ano yung gusto ng mga magulang niya, na siguro dapat sundin kung ano yung nasa puso niya, sundin niya yung mga pangarap niya.”

(ROMMEL L. GONZALES)

SOBRANG nakaka-proud si Congressman Arjo Atayde dahil pasok ang baguhang actor-politician sa Top 10 District Representatives sa National Capital Region.

Base ito sa isinagawang survey (Nobyembre 27 hanggang Disyembre 2, 2022) ng RP-Mission and Development Foundation Inc. (RPMD) para sa Job Performance Rating ng District Representatives.

Nasa pang-sampung puwesto si Arjo bilang District 1 Representative ng Quezon City na nakakuha ng pasadong 80% job performance rating.

Kaya naman sa Instagram post ng inang aktres na si Sylvia Sanchez, “Kaka proud!!!
Congratulations
Cong nak @arjoatayde 🙏💪🎉
Giving back the Glory to you LORD 🙏🙏🙏
Thank YOU Po😘❤️
@congressmanarjoatayde
#quezoncity
#distritouno
Happy morning 😘😘😘”

Sagot naman ni Arjo, “Thank you ma ❤️.”

Pumasok nga ni Cong. Arjo sa Top 10 para District Representatives sa NCR at kasama niya sina Cong. Toby Tiangco of Navotas City (Lone District) Top 1 – 93%; Cong. Oca Malapitan of Caloocan City (District 1) Top 2 – 91%; Cong. Marvin Rillo of Quezon City (District 4) Top 3 – 88%; Cong. Dean Asistio of Caloocan City (District 3) Top 4 – 86%; Cong. Camille Villar of Las Piñas (Lone District) Top 5 – 85%; Cong. Marivic Co-Pilar of Quezon City (District 6) Top 6 – 84%; Cong. Rex Gatchalian of Valenzuela City (District 1) Top 7 – 83%; Cong. PM Vargas of Quezon City (District 5) Top 8 – 82%; at Cong. Benny Abante of Manila (District 6) Top 9 – 81%.

Samantala, sa December 20, may feeding program si Cong. Arjo para sa District 1 na magsisimula ng ika-9 ng umaga.
Actually, parte ito ng ‘Kusina on Wheels’ na ginagawa every last Friday of the month ay nagpapakain sila sa Distrito Uno, mula nang maupo ang aktor noong Hunyo. Pagbabahagi rin ito ng blessings ng pamilya ni Atayde, na nagmumula sa kanilang sariling bulsa.

Mapapaaga lang this month dahil sa Christmas season, at magtulong-tulong at mga kaibigan ng pamilya para sa feeding program. Hiniling kasi nila na imbes na regaluhan namin sila, ay mag-donate para mas marami ang mapakaing pamilya.

At December 22 at 3 p.m. magkakaroon ng FB Live ni Cong. Arjo na kung saan ang manonood na mula sa kanyang distritong nasasakupan at maaaring manalo ng dalawang pangkabuhayan showcases, at mabibigay din ng noche buena package na maswerteng viewers, kaya tutukan lang ang FB Live.

Tiyak na magiging merry ang Christmas ng mga taga-District 1 sa tulong ni Cong. Arjo.

***

WINI-WELCOME ng Globe ang Kumu, ang pinakamalaking Pinoy social entertainment app, bilang bagong partner nito sa pagsali sa Hapag Movement.

Ang alyansa ay minarkahan ang unang opisyal na digital platform collaboration ng ‘Hapag Movement’, na nagbibigay ng karagdagang channel para sa kampanya nitong #UniteVsHunger upang itaas ang kamalayan tungkol sa kawalan ng pagkain, at gawing mas madali para sa mga tao na magpadala ng suporta sa mga nangangailangan.

“Our vision behind the Hapag Movement is to bring nation-builders together to achieve sustainable and inclusive development, leveraging technology to democratize their ability to help.

“With Kumu signing up as our first-ever digital and social platform partner, we can scale the reach of the campaign, uniting more Filipinos across the world to stand behind this worthy cause,” sabi ni Ms. Yoly Crisanto, Globe Group Chief Sustainability and Corporate Communications Officer.

Proudly Filipino-made, ang Kumu ay naging pinakamalaking Pinoy social entertainment app simula nang ilunsad ito noong 2018. Kinakatawan nito ang init at mapagmahal na diwa ng mga Pilipino, na pinalalakas ng mga natatanging inobasyon nito sa livestreaming at social media.

Ang kasalukuyang pag-i-estimate para sa Kumu, may higit sa 15 milyong pag-download ng app sa buong mundo at humigit-kumulang 60 milyong livestream na pinapanood bawat buwan.

“From Day 1, Kumu’s mission has always been to champion Filipino voices from across the world. We are honored to mobilize our platform in support of the Hapag Movement and share its vision of uplifting Filipino lives through supplemental feeding and livelihood.

“With our large overseas Filipino user base, we know the Filipino diaspora will be moved to lend a hand to kababayans in need,” tugon naman ni Diana Dayao, Kumu’s Head of Corporate Social Responsibility.

Na-formalize ang partnership ng Globe at Kumu matapos ang matagumpay na pagtakbo ng GMusicFest sa Kumu noong Setyembre ngayong taon bilang bahagi ng pagdiriwang ng GDay ng Globe. Pinakilos nito ang mga gumagamit ng Kumu na mag-donate ng mga Kumu diamonds sa panahon ng stream ng GMusicFest upang suportahan ang layunin ng ‘Hapag Movement’.

Bilang nangungunang purveyor ng mga digital services, ginagamit ng Globe ang impluwensya at kapangyarihan ng teknolohiya upang himukin ang kabutihang panlipunan. Kinikilala nito na ang paglaban sa kagutuman ay isang mabigat na gawain na nangangailangan ng pagtutulungan sa iba’t ibang sektor.

Tumutulong ang ‘Hapag Movement’ na tugunan ang problema ng hindi sinasadyang gutom at kawalan ng trabaho na nakakaapekto sa milyun-milyong Pilipinong mababa ang kita sa pamamagitan ng pagkonekta sa mga multi-sectoral partner at pagpapakilos ng mga lokal at internasyonal na donasyon mula sa maraming pinagkukunan.

“The Hapag Movement is lifting barriers for people who want to help our beneficiary communities in need. In the same way, we are lifting the barriers for families experiencing hunger to make a viable living through the livelihood training we provide,” pahayag pa ni Crisanto.

Kasama sa suporta ng komunidad ng adbokasiya ang mga programa sa pamamahagi ng pagkain sa mga pinakamahihirap na komunidad, mga session sa pagpapalaki ng kapasidad para sa upskilling and micro-entrepreneurship, pagbibigay ng seed capital sa pamamagitan ng microlending upang simulan ang mga aktibidad sa kabuhayan, at pag-access sa mga oportunidad sa trabaho sa pamamagitan ng mga kasosyong kumpanya.

Bukod sa Kumu, ang mga customer at partner ng Globe ay maaaring magpadala ng kanilang mga donasyon sa ‘Hapag Movement’ gamit ang GCash, Globe Rewards sa pamamagitan ng GlobeOne app, at mga credit card sa pamamagitan ng Globe of Good website.

Upang malaman pa ang iba’t-ibang bagay tungkol sa Globe, bisitahin ang www.globe.com.ph.

(ROHN ROMULO)