2022 December 19 Archive - People's Balita

December 23, 2024
Search in People's Balita
Ang Diyaryong Pinagkakatiwalaan

Archive for December 19th, 2022

Diesel, posibleng tumaas ng higit P1 sa susunod na linggo

Posted on: December 19th, 2022 by @peoplesbalita No Comments

NAGTAPOS ang apat na linggong sunud-sunod na rollback sa presyo ng mga produktong petrolyo dahil sa asahan naman ang oil price hike sa susunod na linggo, ayon sa Department of Energy.

Ayon kay DOE-Oil Industry Management Bureau Director Rino Abad, mayroon silang nakikitang bahagyang pagtaas sa presyo ng mga produktong petrolyo.

Sa pagtaya, posible umanong magkaroon ng P1.40 hanggang P1.60 na dagdag-presyo sa bawat litro ng diesel.

Mas maliit naman sa gasolina na maaari umanong umabot lang sa P0.10 hanggang P0.30 kada litro ang maging pagtaas sa presyo.

Maaari rin umanong umabot sa P1 kada litro ang madadagdag sa presyo ng kerosene.

Ang pagbubukas ng ekonomiya ng China at pagtaas ng demand sa langis ang isa sa mga nakikitang dahilan sa pagtaas ng presyo ng produktong petrolyo sa susunod na linggo.

Nitong nakaraang Martes, umabot sa P3.40/L ang natapyas sa presyo ng diesel, P1.70/L sa gasolina, at P4.40/L sa kerosene. (Ara Romero)

First time na mag-e-endorse ng underwear brand: JOSEPH, diet muna ngayong Pasko at Bagong Taon para sa sexy photo shot

Posted on: December 19th, 2022 by @peoplesbalita No Comments

FIRST time na mag-e-endorse ang Kapamilya hunk actor na si Joseph Marco ng kilala at sikat na underwear brand na Hanford na itinatag pa noong 1954 na matagal nang pinagkakatiwalaan ng mga Pinoy sa mga nakaraang henerasyon.

Aminado si Joseph na matagal na niyang dream na magkaroon ng underwear endorsement at makita ang sarili sa naglalakihang billboards.

“It’s not like I’m waiting for an underwear endorsement. It’s like, uh, if you are a health buff, you wanna show the things na pinaghirapan mo and you want to inspire people.

“So, now that I have a platform to do it, I will gonna give my best to inspire everybody especially all the Filipinos out there to have a healthy lifestyle and to train and to have a good life,” pahayag ni Joseph sa ginanap na contract signing as the new Hanford endorser.

Super excited na siya sa kauna-unahang billboard underwear, kaya pinaghahandaan niya ang sexy photo shoot sa January, 2023.

Kaya natatawa niyang kuwento, “Feeling ko, may galit sa akin kung sinuman ‘yung gumawa ng sched. Kasi ‘di ako pakakainin ngayong Pasko at New Year. But I don’t mind that. I’m always looking for challenges and you know, I’m game.”

Sa edad 34, pinayagan na nga si Joseph ng kanyang parents na tumangaap ng underwear endorsement, “I’m so excited kasi I feel like this is the perfect time to do an underwear endorsement.”

Dahil nga sa pagtanggap niya sa Hanford, aasahan din na mas magiging daring pa ang mga roles na kanyang gagawin.
“Now, I’m not fearless now. Bring it on,” sagot pa ni Joseph.

Ipo-promote ni Joseph Marco ang koleksyon ng Hanford Premium gamit ang modernong teknolohiya at ang pinakamahusay na mga materyales para sa lubos na kaginhawahan, kalidad at tibay. Kasama sa koleksyon ang mga briefs, boxer brief, boxer shorts, kamiseta at sando.

***

ILANG araw na lang at magsisimula na ang pinakahihintay na taunang Metro Manila Film Festival (MMFF).
Ang ‘Parade of Stars’ ngayong taon, na hudyat ng opisyal na pagsisimula ng pagdiriwang, ay pangungunahan ng lokal na pamahalaan ng Quezon City.

Magsisimula ang parada, na tampok ang mga float na sakay ang mga naglalakihang bituin na bida ng walong entries ng film festival, mula sa Welcome Rotonda-Quezon Avenue hanggang Quezon Memorial Circle sa alas-2 ng hapon sa Disyembre 21.

Ang parada ay tatakbo ng pitong kilometro, na may tinatayang tagal ng paglalakbay na dalawang oras at 30 minuto.
Ang staging area para sa mga float ng walong opisyal na entries at Metropolitan Manila Development Authority (MMDA) ay nasa kahabaan ng E. Rodriguez hanggang D. Tuazon.

Ang mga traffic enforcer ng ahensya ay tutulong sa gilid ng ruta ng parada para sa crowd control.

Sa tema ngayong taon, “Balik Saya ang MMFF 2022,” ang ika-48 na edisyon ng pagdiriwang ng pelikula ay nagdadala ng mga bagong kasosyo upang gawing mas kapana-panabik ang kaganapan para sa mga gumagawa ng pelikula at manonood ng pelikula.

Inanunsyo ng Film Development Council of the Philippines (FDCP) na magbibigay ito ng pondong nagkakahalaga ng P500,000 para makatulong sa marketing ng mga pelikula sa pamamagitan ng CreatePHFilms, para sa bawat film producer na nakapasok sa MMFF 2022.

Ang CreatePHFilms Funding Program ng FDCP ay idinisenyo upang magbigay ng suporta sa mga filmmaker, producer, at distributor sa lahat ng yugto ng paggawa ng pelikula upang umakma sa kanilang mga pagsisikap na makagawa ng mga de-kalidad na pelikulang Pilipino.

Lumagda rin ang MMFF ng Memorandum of Agreement sa BingoPlus, isang online bingo game platform, para maging film festival presenter.

Ang opisyal na walong entries sa MMFF 2022 ay ang “Deleter” ng Viva Communications, Inc., “Family Matters” ng Cineko Productions Inc., “Mamasapano: Now It Can Be Told” ng Borracho Film Production, “My Father, Myself” ng 3:16 Media Network at Mentorque Productions, “Nanahimik ang Gabi” ng Rein Entertainment Productions, “Partners in Crime” ng ABS-CBN Film Productions, “Labyu with an Accent” ng ABS-CBN Film Productions at “My Teacher” ng TEN17P .

Ang 48th MMFF ay mapapanood sa mga sinehan sa buong bansa mula Disyembre 25 hanggang Enero 7, 2023 habang ang Gabi ng Parangal (Gabi ng Parangal) ay nakatakda sa Disyembre 27 sa New Frontier Theater sa Cubao, Quezon City.

(ROHN ROMULO)

Light Rail Transit Line 1, magkaroon ng special train schedule sa Christmas at New Year’s Eve

Posted on: December 19th, 2022 by @peoplesbalita No Comments

INANUNSIYO ng Light Rail Manila Corp. (LRMC), ang private operator ng Light Rail Transit Line 1 (LRT1) ang implementasyon ng special operating hours sa Christmas Eve at New Year’s Eve bilang paggunita sa nalalapit na holidays.

Sa advisory, inihayag ng LRT-1 operator na sa Disyembre 24, Christmas Eve ang huling train service sa Baclaran station ay alas-8 ng gabi.

Habang ang huling tren mula sa kamakailang muling binuksang Roosevelt Station ay aalis ng 8:15 p.m.

Samantala, noong Disyembre 31, 2022, sinabi ng Light Rail Manila Corp. (LRMC) na ang huling serbisyo ng tren mula Baclaran Station ay alas-7 ng gabi at mula sa Roosevelt Station, 7:15 p.m.

Ang unang biyahe sa nasabing mga petsa ay aalis pa rin sa magkabilang dulo ng linya ng tren sa ganap na 4:30 a.m.

Sinabi ng operator ng Light Rail Transit Line 1 na magpapatuloy ito sa pagsisilbi sa mga pasahero sa Araw ng Pasko, Disyembre 25, 2022; Araw ni Rizal, Disyembre 30, 2022; at Araw ng Bagong Taon, Enero 1, 2023.

Kai Sotto makes first start as hot-shooting Adelaide halts three-game skid

Posted on: December 19th, 2022 by @peoplesbalita No Comments

Sinulit ni KAI Sotto ang kanyang unang pagsisimula at itinakda ang tono para sa 108-77 blowout ng Adelaide 36ers sa Brisbane Bullets noong Sabado sa 2022-23 NBL season sa Adelaide Entertainment Center.

Nagtala ang Filipino center ng 13 puntos, kabilang ang isang three-pointer, kasama ang walong rebounds, isang assist, at isang block.

Ang presensya ni Sotto sa simula ng laro ay nagbigay-daan sa home team na tumalon sa maagang 28-11 lead at kumapit sa madaling tagumpay.

Pinangunahan ni Robert Franks ang anim na 36ers na umiskor ng double figures sa kanyang 25 puntos, anim na tabla, tatlong dime, at tatlong steals.

Nagdagdag si Antonius Cleveland ng 20 puntos, siyam na rebound, tatlong assist, at tatlong steals, si Anthony Drmic ay nagtala ng 16 puntos sa 3-of-6 clip mula sa kabila ng arko, at si Sunday Dech ay nakakuha ng 10 puntos, apat na board, at apat na assist.

Umiskor din si Nick Marshall ng 10, kabilang ang layup sa huling 1:09 na nagtulak sa Adelaide lead hanggang 33 puntos, 108-75.

Ito ay isang kumpletong pagkatalo sa bahagi ng 36ers na bumaril ng 53-porsiyento mula sa field at gumawa ng 12 tres mula sa kanilang 27 pagtatangka para sa isang mainit na 44-porsiyento na clip mula sa rainbow country.

Higit sa lahat, naputol ng Adelaide ang three-game skid para tumaas sa 7-8 win-loss record.

Ipagpapatuloy ng 36ers ang four-game homestand na ito sa Lunes laban sa Tasmania JackJumpers.

Nanguna si Jason Cadee sa Brisbane na may 18 puntos sa talo. (CARD)

PBBM, ipinag-utos ang pagbibigay ng insentibo, rice allowance sa mga empleyado ng gobyerno

Posted on: December 19th, 2022 by @peoplesbalita No Comments

IPINAG-UTOS ni Pangulong Ferdinand R. Marcos Jr. sa mga awtoridad ang pagbibigay ng one-time service recognition incentive na may uniform rate na hindi lalagpas sa P20,000 para sa executive department personnel.

Nagpalabas ang Pangulo ng administrative orders na naglalayong magbigay ng service recognition incentive (SRI) para sa mga empleyado sa executive department at maging one-time rice allowance sa lahat ng government employees para ngayong taon.

Ang mga ‘entitled’ na makatatanggap ng nasabing insentibo ay ang civilian personnel sa national government agencies (NGAs), mga nasa state universities and colleges (SUCs), government-owned or controlled corporations (GOCCs), regular, contractual o casual employees, mga miyembro ng military at kapulisan at maging ang fire at jail personnel sa ilalim ng Department of the Interior and Local Government (DILG).

Ang mga tauhan naman mula sa Bureau of Corrections (BuCor), Philippine Coast Guard (PCG), at National Mapping and Resource Information Authority (NAMRIA) ay entitled din na makakuha ng service recognition incentive.

Base sa kautusan ng Pangulo, ang mga empleyado ng dalawang Kapulungan ng Kongreso, Hudikatura, Office of the Ombudsman at Constitutional offices ay mabibigyan din ng one-time SRI ng kani-kanilang ‘heads of offices’ na may uniform rate na hindi lalagpas ng P20,000.

Ang mga empleyado sa local government units (LGUs), kabilang na ang mga nasa barangay, ay maaaring makatanggap ng insentibo depende sa financial capability ng LGU, “subject to limitation” sa LGU budget sa ilalim ng Local Government Code of 1991.

Ang insentibo naman para sa NGAs, SUCs, at military at uniformed personnel ay popondohan ng available na ipinalabas na Personnel Services (PS) allotment sa ilalim nh Republic Act No. 11639 o 2022 national budget.

Samantala, nagpalabas din si Pangulong Marcos ng kautusan na nagbibigay kapangyarihan na magbigay ng one-time rice assistance sa mga government personnel.

“Those who are entitled to receive the rice subsidy include civilian personnel in NGAs, including those in SUCs, GOCCs, government financial institutions (GFIs), government instrumentalities with corporate powers, and government corporate entities occupying regular, contractual or casual positions,” ayon sa kautusan.

“Military, police, fire and jail personnel are also entitled to receive the rice assistance,’ ayon sa ulat.

Makatatanggap din ng suporta ang mga empleyado ng Bucor, PCG, at NAMRIA.

“The order also authorizes the release of the assistance to individuals and groups of people whose services are engaged through job orders (JO), contracts of service (COS) or other similarly situated working arrangement defined under a Commission on Audit’s circular order,” ayon sa ulat.

Ang rice assistance para sa NGAs, military at uniformed personnel ay popondohan ng Contingent Fund sa ilalim ng R.A. No. 11639.

Para sa GOCCs, ang pondo ay huhugutin mula sa kani-kanilang inaprubahang operating budgets para sa fiscal year 2022. (Daris Jose)

Kristian Yugo Cabana nilangoy unang ginto sa Batang Pinoy

Posted on: December 19th, 2022 by @peoplesbalita No Comments

VIGAN CITY – Nilangoy agad ni Kristian Yugo Cabana ng Lucena City ang unang gintong medalya sa PSC-Batang Pinoy National Championships – Boys Under 12 swimming na ginanap sa Quirino Stadium, Sabado.

Nagtala si 12-year-old Cabana ng 2:29.50 minuto sa 200 LC Meter IM sapat upang ikuwintas ang gintong medalya sa event na inorganisa ng Philippine Sports Commission (PSC) sa pamumuno ni chairman Jose Emmanuel “Noli” M. Eala.

“Very proud po ako at nagulat ako sa time ko,” saad ni Cabana na pangarap maging Olympian pagdating ng araw.

Ang nasabing edition ng batang Pinoy ay suportado ng Philippine Amusement and Gaming Corporation (Pagcor), Department of Interior and Local Government (DILG) at Department of Education (DepED) kasama ang Milo Philippines, Pocari Sweat, Otsuka Solar Philippines, Universal Robina Corporation, Coca-Cola Beverages Philippines, Globe Telecom at Beautéderm.

Nakopo ni Kevin Bryle Chan ng Valenzuela City ang silver sa nirehistrong 2:33.40 minuto, habang bronze si Daniel Jonas Ocampo ng Angeles City matapos ipasa ang oras na 2:35.30 minuto.

Naikuwintas naman ni Kyla Louise Bulaga ang gold medal sa Girls 12 & Under ng La Union Province (2:44.45), habang silver at bronze sina Makayla Bettina Fetalvero ng Ilocos Sur (2:51.80) at Eunice De Guzman ng Bulacan (2:52.59).

Ikakasa ngayong araw ang cycling, chess, athletics, archery at weightlifting, simula na rin ang virtual sports na wushu at muay. (CARD)

Lionel Messi, Argentina gigil na sa World Cup finals kontra France

Posted on: December 19th, 2022 by @peoplesbalita No Comments

HANDA na si football superstar Lionel Messi na sumipa sa World Cup finals pagharap kontra France ngayong alas-11 ng umaga sa Doha Qatar.

Pangalawang World Cup finals appearance ito ng 35-year-old na si Messi, kung saan ay nasa kukote ng Argentian star ang maghigant matapos ang 1-0 pagkabigo sa Germany noong 2014 finals sa Brazil.

Ang panalo ng grupo ni Messi ang mag-uukit ng kanyang pangalan at mahahanay sa mga legend tulad nina Pele, Diego Maradona, Alfredo Di Stefano at Johan Cruyff.

“I don’t have any doubt saying that: he is the best in history,” patungkol ni Argentina coach Lionel Scaloni kay Messi. (CARD)

Commuters group, dismayado sa nabiting tugon ng Land Transportation Franchising and Regulatory Board

Posted on: December 19th, 2022 by @peoplesbalita No Comments

DISMAYADO ang grupong lawyers for commuters safety and protection sa pagkaka reset ng pagdinig ng Land Transportation Franchising and Regulatory

Board (LTFRB) sa petisyong kumu-kwestyon sa usapin ng fare surcharge sa Transport Network Vehicle Services (TNVS).

Sinabi ni Atty. Ariel Inton, presidente ng Lawyers for Commuters Safety and Protection, na hiniling na nila sa board na ilatag ang parameters para sa pagpapataw ng surcharge ng TNVS o ng grab.

Ayon kay Inton, gusto nilang malaman kung anong oras ba dapat magpataw ng surcharge.

Sa ngayon kasi aniya ay hindi malinaw kung anong mga oras tumataas ang singil ng TNVS.

Sa tingin kasi aniya nila ay bukas sa pang abuso ang sistemang ito kaya sumulat na sila sa LTFRB para hingan ito ng tugon.

Gayunpaman, hindi aniya natuloy ang pagdinig dahil sa umano’y pagkakalantad ng mga taga grab sa isang nagpositibo sa COVID-19 kaya naurong ito sa Enero na ng susunod na taon.

Ayon kay Inton, ngayon sana dapat matugunan ang isyung ito dahil sa ganitong panahon ng Kapaskuhan higit na nararamdaman ang fare surge. (Daris Jose)