2023 January 11 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for January 11th, 2023

Philippines-China agreement, makatutulong na buhayin muli ang local steel industry — envoy

Posted on: January 11th, 2023 by @peoplesbalita No Comments

MAKATUTULONG na muling buhayin ang steel industry ng bansa ang nilagdaang kasunduan sa pagitan ng Pilipinas at China.

“Kung titingnan po natin iyong 14 agreements, nakikita po naman natin na mukhang solid naman ang mga proyekto na nasa table ngayon. Halimbawa po, iyong agreement ng Baowu Steel at SteelAsia,” ayon kay Philippine Ambassador to Beijing Jaime FlorCruz sa isang media forum sa Quezon City.

“Ang ini-expect po natin ay magpapasok ng 1.5 to 2 billion dollar investment para magtayo ng unang-unang liquid steel plant,” dagdag na pahayag nito.

“So ang plano pong ito ay mag-uumpisa iyong ating steel industry. Kasi kung wala tayong steel industry na sarili, iyong manufacturing natin, lalo lagi tayong reliant on imports,” ang wika ni FlorCruz.

Sa ulat, tinatayang may 14 na bilateral deals ang nilagdaan ni Pangulong Ferdinand Marcos Jr. sa state visit nito sa China mula Enero 3 hanggang 5, kabilang na ang investment pledges na nagkakahalaga ng $22 billion.

Ang kasunduan na ito ay nasa sektor ng agrikultura, imprastraktura, development cooperation, maritime security, at turismo.

Sinabi ni FlorCruz na ang bilateral deals ay umaayon sa layunin at pangangailangan ng pamahalaan.

“Makikita po aligned ito sa ating pangangailangan dito. Hindi lang po ito dahil gustong magbenta ang China kung hindi dahil po kailangan natin at magbe-benefit tayo sa mga ganitong agreement,” ayon sa ambassador.

Aniya, ang kasunduan na nahamig ng Pangulo ay makapagde- deliver ng ” tangible benefits at concrete projects.”

“Paano po natin ma-assure na mangyayari ‘yung pinapangako? Hindi po madali. Kasi kailangan ng follow through at ‘yun ang importante. ‘Yung mga pledges po, una, ay ang tingin ko nanggagaling sa taas. Hindi lamang ng mga kumpanya, mga Chinese companies na nag-sign,” ani FlorCruz. (BISHOP JESUS “JEMBA” M. BASCO)

Ka-date sa birthday celebration nina Mavy at Cassy: CARMINA at ZOREN, tanggap na tanggap na sina KYLINE at DARREN

Posted on: January 11th, 2023 by @peoplesbalita No Comments

CONGRATULATIONS to “Maria Clara at Ibarra!

Yes, isa na namang award ang tatanggapin ng top-rating historical fantasy portal series nina Barbie Forteza, Julie Anne San Jose at Dennis Trillo.

After nga nitong tanggapin ang Best Supporting Actor award ni Juancho Trivino, sumunod namang tumanggap ng Best Director award si Diredk Zig Dulay, ngayon naman ay tatanggapin ng serye ang “Most Outstanding Teleserye” mula sa 5^th Gawad LaSallianeta Awards.

Sila ang nanalo among the nominees in the category, tulad ng “2 Good 2 Be True,” Mars Ravelo’s “Darna” and the “Broken Marriage Vow” of the Kapamilya Channel.

Magaganap ang awarding ceremony sa January 30, 2023.

Ang “Maria Clara at Ibarra” ay napapanood gabi-gabi, 8PM, after “24 Oras” sa GMA-7.

***

KASALUKUYAN nang inihahanda ng GMA Public Affairs ang part 2 ng action-drama seires na “Lolong” na nagtatampok kay Action-Drama Prince Ruru Madrid.

Pero may magandang balita na ang 2022 most watched TV show in the Philippines, is set to make history again as it airs in Indonesia this January.

Nangyari ito through the Kapuso Network’s content distribution arm GMA Worldwide, the hit series will be seen on Indonesia’s free-to-air TV network ANTV as “Dakkila.”

Meanwhile, tinatapos ngayon ni Ruru ang first ever project nilang magkasama ng girlfriend na si Bianca Umali, na “The Write One.”

***

UNDERSTANDING parents ang mag-asawang Carmina Villarroel at Zoren Legaspi.

Nang makita ng mga netizens ang Instagram post ni Carmina, during the triple date nila ni Zoren, kasama sina Mavy with girlfriend Kyline Alcantara and Cassy with Darren Espanto, nang mag-celebrate sila ng birthday ng kambal.

Hindi na nga lihim ang relasyon nina Mavy at Kyline, at kahit hindi pa umaamin sina Cassy at Darren, sabi nga, their actions speak louder that words.

Post ni Carmina, “Happy Birthday again @mavylegaspi @cassy, enjoy the rest of the evening. We love you guys!”

Tumanggap din ng birthday greetings ang kambal mula sa kanilang mga fans.

Happy and thankful naman ang kambal na first time nilang nakasama ngayon ang kanilang Nanay Carmina sa top-rating GMA Afternoon Prime series na “Abot-Kamay na Pangarap.”

May special participation ang twins na sa story ay kambal din sila at si Cassy ay kailangang magkaroon ng kidney transplant, pero dahil wala raw silang perang pambayad sa ospital at wala rin siyang kidney donor, mas gusto niyang lumabas na lamang ng hospital.

Pero hindi pumayag si Mavy at siya raw ang magdu-donate ng kidney niya para mailigtas ang kapatid.

Mapapayag din ba si Cassy sa kidney transplant at magtagumpay kaya si Dr. Analyn Santos (Jillian Ward) sa pag-opera sa kanya?

Napapanood ang #AKNP Mondays to Saturdays, 2:30PM sa GMA-7.

(NORA V. CALDERON)

DND Chief Faustino, nagbitiw sa puwesto; Galvez humalili

Posted on: January 11th, 2023 by @peoplesbalita No Comments

TINANGGAP na ni Pangulong Ferdinand Marcos Jr. ang pagbibitiw sa puwesto ni Department of National Defense (DND) officer-in-charge Senior Usec. Jose Faustino Jr.

Ito ang inihayag ni Press Secretary OIC Cheloy Garafil. Walang ibinigay na dahilan si Garafil sa pagbibitiw ni Faustino.

Inalok naman kay Presidential Adviser on Peace, Reconciliation, and Unity Sec. Carlito Galvez Jr. ang nasabing posisyon bilang hepe ng DND.

Tinanggap naman daw ito ni Secretary Galvez.

“It is with deep regret that the President has accepted the resignation of DND OIC Sr. Usec. Jose Faustino Jr. The President has offered the position of DND Secretary to Presidential Adviser on Peace, Reconciliation, and Unity Sec. Carlito Galvez Jr. and he has accepted,” ayon kay Garafil.

Dati nang nagsilbi si Galvez bilang Chief of Staff ng Armed Forces of the Philippines at Chief Implementer ng National Task Force laban sa Covid-19.

Wala pang kumpirmasyon sa Malacañang tungkol sa ulat na may iba pang opisyal ng DND ang nagbitiw sa puwesto.

Si Galvez ay nagsilbi sa ilalim ng Duterte Administration bilang Vaccine Czar noong kasagsagan ng COVID-19 pandemic sa bansa. (Daris Jose)

PBBM, itinalaga si Cheloy Garafil bilang PCO secretary

Posted on: January 11th, 2023 by @peoplesbalita No Comments

OPISYAL nang itinalaga ni Pangulong Ferdinand Marcos Jr. si Atty. Cheloy Garafil bilang Kalihim ng Presidential Communications Office (PCO).

Ayon sa PCO, araw ng Martes, mismong sa harap ng Pangulong Marcos nanumpa si Garafil para sa kanyang opisyal na posisyon.

Bago pa pinangalanan bilang Kalihim ng PCO, nagsilbi munang officer-in-charge si Garafil sa Office of the Press Secretary (OPS).

Pinas, aangkat ng 21,060MT yellow, red onions para pigilan ang mataas na presyo

Posted on: January 11th, 2023 by @peoplesbalita No Comments

MAY GO SIGNAL na ang Department of Agriculture (DA) para sa importasyon o pag-angkat ng 21,060 metriko tonelada ng sibuyas para punan ang supply gap at pigilan ang patuloy na pagtaas ng presyo ng kalakal sa pamilihan.

Sa isang liham sa Bureau of Plant Industry (BPI)-licensed onion importers na may petsang Enero 6, sinabi ng DA na magpapalabas ito ng sanitary at phytosanitary import clearance (SPSIC) para sa pag-angkat ng “fresh yellow at fresh red onion” mula Enero from 9 hanggang Enero 13, 2023.

Binigyan naman ang mga licensed importers ng hanggang Enero 27, 2023 para sa kanilang shipments na darating sa bansa.

Ang volume na pinapayagan para sa importasyon ay “Fresh yellow onion – 3,960 metric tons at Fresh red onion – 17,100 metric tons.”

” One SPSIC of 25 metric tons for yellow onions and two SPSIC for 50 metric tons for red onions will be issued equally to all licensed importers during the issuance period.

Importers who failed to utilize the issued SPSIC will not be eligible to apply for the succeeding issuances of SPSIC for fresh onion,” ayon sa ulat.

Ang importasyon ay naglalayong “to address the supply gap prior to peak harvest in 2023 and to stabilize the continuous increase in price of fresh onions in the market.”

Sa kabilang dako, sinabi ni DA deputy spokesperson Rex Estoperez na tinitingnan ng departamento ang price manipulation bilang isa sa mga dahilan ng mataas na presyo ng sibuyas sa public markets.

Nakatanggap din aniya siya ng report na may ilang “negotiations” ang nangyari sa Moncada, Tarlac at Bongabon, Nueva Ecija kung saan ang mga ahente ay nagbebenta ng “standing crops of onions” sa mataas na halaga.

“At P350… i-times two mo ‘yan, patungan ng traders hanggang sa retailers, P700 pa rin. Kung mababa ang presyo sa ating mga farm gates, sana masawata natin itong pagtaas presyo doon sa ating mga traders,” ayon kay Estoperez.

“Pero ‘yung manipulation, pumapasok ho do’n sa ano eh… Ito ang pagkukulang ng Department of Agriculture, ‘yung sa supply chain. ‘Yung may ahente na, may traders pa. Ang sasabihin nila na kulang ang gastos nila sa pag-transport ng sibuyas from the production area to the market. Mukhang ‘yun ang malaki po,” dagdag na pahayag nito. (Daris Jose)

Nicholas Hoult Tries to Get Rid of Over-Dependent and Narcissistic Boss in ‘Renfield’

Posted on: January 11th, 2023 by @peoplesbalita No Comments

Horror-comedy “Renfield” spurts non-stop action and thrills in its latest trailer reveal featuring Nicholas Hoult taking on the titular role as Dracula’s loyal and highly-stressed servant.

“Renfield” is a modern monster tale of Dracula’s loyal servant, Nicholas Hoult (Mad Max: Fury Road, X-Men franchise) stars as Renfield, the tortured aide to history’s most narcissistic boss, Dracula (Oscar® winner Nicolas Cage).

Renfield is forced to procure his master’s prey and do his every bidding, no matter how debased. But now, after centuries of servitude, Renfield is ready to see if there’s a life outside the shadow of The Prince of Darkness. If only he can figure out how to end his codependency.

“Renfield” is directed by Chris McKay (The Tomorrow War, The LEGO Batman Movie) from a screenplay by Ryan Ridley (Ghosted series, Rick & Morty series), based on an original idea by The Walking Dead and Invincible creator Robert Kirkman.

The film co-stars Awkwafina (The Farewell, Marvel’s Shang-Chi and the Legend of Ten Rings), Ben Schwartz (Sonic, The Afterparty) and Adrian Martinez (The Secret Life of Walter Mitty, Focus).

“Renfield” is a Universal Pictures International release that will open in Philippine cinemas in April.

(ROHN ROMULO)

Sa mahusay na pagganap sa ‘Triangle of Sadness’: DOLLY, patuloy ang pamamayagpag dahil sa sunud-sunod na nomination

Posted on: January 11th, 2023 by @peoplesbalita No Comments

MARAMI ang natuwa sa cute na baby girl nila Dennis Trillo at Jennylyn Mercado na si Dylan Jayde na unang lumabas ang photo noong November 2022.

Naulit ito noong Christmas at sa beach getaway nila noong Bagong Taon.

Nagkaroon tuloy ng debate sa social media kung sino nga ba kina Dennis at Jennylyn ang mas kamukha ni Baby Dylan?

Ayon sa ‘Maria Clara At Ibarra’ star, hati raw ng features nila ang nakuha ni Dylan. Pero gusto nila na makuha rin ni Dylan ang personalities nilang mag-asawa lalo na yung pagiging masipag, mapagmahal at kayang gawin ang kahit na ano.

Parehong hands-on nga raw sa pag-alaga kay Dylan sina Dennis at Jen kaya alam nilang lalaki itong independent pero malambing sa kanilang dalawa.

Anyway, magbabalik na rin sa paggawa ng teleserye si Jen sa taong ito kaya naghahanda na ito physically and emotionally dahil may mga pagkakataon na iiwan muna niya sa bahay si Dylan para magtrabaho.

Si Dennis naman ay kahit busy sa ‘Maria Clara at Ibarra’, nababalanse niya ang pagiging ama sa anak nila ni Jen. Mapapanood din pala si Dennis bilang si Dr. Ned Armstrong sa live-action adaptation series na ‘Voltes V: Legacy.’

***

PATULOY ang pamamayagpag ni Dolly de Leon dahil sa sunud-sunod niyang natatanggap na nomination para sa performance niya sa pelikulang ‘Triangle of Sadness’.

Kelan lang ay naging runner-up winner siya as best supporting actress sa 57th National Society of Film Critics sa Amerika. Nakasama niya bilang runner-up ay si Nina Hoss for Tár. Ang nanalo naman ay si Kerry Condon for The Banshees of Inisherin.

Ngayon ay nakasama si Dolly sa longlist for Best Supporting Actress sa 2023 British Academy Film Awards (BAFTA). Kasama rin sa longlist ay sina Angela Bassett (Black Panther: Wakanda Forever), Hong Chau (The Whale), Kerry Condon (The Banshees of Inisherin), Jamie Lee Curtis (Everything Everywhere All At Once), Lashana Lynch (The Woman King), Janelle Monáe (Glass Onion: A Knives Out Mystery), Carey Mulligan (She Said), Emma Thompson (Roald Dahl’s Matilda The Musical) and Aimee Lou Wood (Living).

According to the website of BAFTA: “Members of the Acting Chapter vote to determine the longlist (of which the top three are nominated). A longlisting jury selects a further three performances to create a longlist of 10. A nominating jury then selects three performances from the longlist to make-up a nominee list of six performances. In the final round, all film voting members vote to determine the winning performance. Up to 260 performances were submitted for consideration.”

The official list of nominations will be announced on January 19 and the ceremony will take place on February 19.

In the running naman si Dolly for best supporting actress para sa 43rd annual London Critics’ Circle Film Awards at Golden Globe Awards.

(RUEL J. MENDOZA)

Mataas na employment rate, patunay ng economic momentum

Posted on: January 11th, 2023 by @peoplesbalita No Comments

NANINIWALA ang isang kongresista na isang patunay ng economic momentum o pagsipa muli ng ekonomiya ang naitalang pagtaas sa employment rate ng bansa noong buwan ng Nobyembre noong nakaraang taon.

Sinabi ni Ways and Means Committee Chair Joey Salceda, malaking tulong dito ang pagbabalik ng face-to-face activities at consumer spending.

Pinaka-positibo si Salceda sa naitalang year on year increase na 980,000 jobs sa manufacturing sectors.

Isa kasi ito sa senyales na talagang lumalago at sumigla na muli ang ekonomiya ng bansa.

Pinatututukan naman ng ekonomistang mambabatas ang sektor ng construction at fisheries na nagkaroon ng pagbaba.

Batay sa report, nagkaroon ng 530,000 year on year job loss sa pangingisda habang 392,000 na trabaho ang nawala sa construction.

Naabot ang target na P500-M ng MMFF 2022: ‘Deleter’ ni NADINE, top-grosser at patuloy pang umaarangkada

Posted on: January 11th, 2023 by @peoplesbalita No Comments

UMABOT sa P500 milyon ang kabuuang ticket sales ng Metro Manila Film Festival 2022, ayon kay Metropolitan Manila Development Authority (MMDA) chairman Atty. Romando Artes noong Lunes.

“We are delighted to announce that we were able to reach our target gross sales amounting to P500 million considering that we are still recovering from the impacts of the COVID-19 pandemic. Indeed, the 2022 MMFF is a certified box-office hit,” pahayag ni Artes.

“Ikinagagalak naming ipahayag na naabot namin ang aming target na gross sales na nagkakahalaga ng P500 milyon kung isasaalang-alang namin na bumabawi pa kami mula sa mga epekto ng pandemya ng COVID-19. Sa katunayan, ang 2022 MMFF ay isang sertipikadong box-office hit,” dagdag pa niya.

Sinabi ni Artes na ang Top 4 na pelikula sa walang partikular na pagkakasunod-sunod ay: “Deleter,” “Family Matters,” “Labyu with an Accent,” at “Partners in Crime.”

“Rest assured that the MMFF will exert all efforts by encouraging our stakeholders, especially the local entertainment industry, to create quality films. I urge each and every one of you to patronize Filipino films,” sabi pa ni Artes.

Lahat ng 8 pelikulang ipinalabas sa mga sinehan sa buong bansa ay mapapanood pa hanggang Enero 13.

Noong Disyembre 27, 2022, na ginanap sa New Frontier Theater sa Quezon City, ang 48th Metro Manila Film Festival (MMFF) ay namigay ng mga parangal sa mga bituin at talento na kasali sa walong filmfest entry ngayong taon, kung saan ang psychological horror na “Deleter” ng Viva Films ang nag-uwi ng pinakamaraming tropeo, kabilang ang Best Picture.

Kabilang sa 7 tropeo na naiuwi ng “Deleter” ay ang Best Director para kay Mikhail Red, Best Actress para kay Nadine Lustre, pati na rin ang Best Cinematography para kay Ian Guevarra. At walang duda ito pa rin ang top-grosser ng 2022 MMFF bagamat di pa nilalabas kung ilang milyon na at siguradong madadagdagan pa.

Kaya naman bilang selebrasyon, ngayong gabi ay may thanksgiving party ang Viva Films sa Rockwell, Makati.

Ang romance thriller na “Nanahimik Ang Gabi,” ay umani ng limang parangal sa kabuuan, kabilang ang 3rd Best Picture, Best Actor para kay Ian Veneracion, at Best Supporting Actor para kay Mon Confiado.

Nanalong 2nd Best Picture ang “Mamasapano: Now It Can Be Told,” na tumanggap ng tatlo pang parangal, kabilang ang Best Screenplay para kay Eric Ramos

Samantala, sinabi ni Artes na ilulunsad ng MMDA ang Metro Manila Summer Film Festival sa Abril, katuwang ang Cinema Exhibitors Association of the Philippines (CEAP).

Maglalabas sila deadline ng pagsusumite ng mga entri sa lalong madaling panahon upang magabayan ang mga interesadong producer at filmmaker ayon kay Artes.

Ang Parade of Stars para sa MMFF Summer Edition ay gaganapin sa Abril 1, habang ang Gabi ng Parangal ay magaganap sa Abril 11.

Tatakbo ang Metro Manila Summer Film Festival sa loob ng 11 araw, mula Abril 8 (Black Saturday) hanggang Abril 18, sa mga sinehan sa buong bansa.

(ROHN ROMULO)

Ads January 11, 2023

Posted on: January 11th, 2023 by @peoplesbalita No Comments