INIYAKAN ni Kapuso actor Paolo Contis ang interview sa kanya sa “Fast Talk with Boy Abunda,” nang tanungin siya ni Boy Abunda tungkol sa mga anak niya sa previous marriage niya, kay Lian Paz, na may dalawa silang anak, sina Xonia, 12 at Xylene, 11.  

Inamin ni Paolo na matagal na siyang walang communications sa mga anak, for almost sevcn years na.  Ganoon din sa anak nila ni LJ Reyes, na hindi na niya nakita nang umalis sila patungong New York, almost two years ago.

Inamin din ni Paolo na hindi siya nagbibigay ng sustento sa mga anak niya, may reasons daw siya why, pero may savings siya sa bawat isa sa kanila, at gusto niyang ibigay iyon nang personal sa mga anak.

Takot siyang mawala ang mga anak sa kanya, especially sina Xonia at Xylene, dahil hindi lumaki ang mga ito sa piling niya, kaya labis ang pasasalamat ni Paolo sa stepfather nila, si John, mabait daw ito.  Gusto niyang kung magkakausap sila, kahit maging like friends lamang sila.

Lalong napaiyak si Paolo nang banggitin si Summer, dahil ang character daw ng anak ay parang tulad niya, maloko raw si Summer at lagi niyang kasama noon sa shooting o taping niya, kaya masakit sa kanya nang umalis sila nang pabalik pa lamang siya from Sorsogon, after niyang mag-taping ng “I Left My Heart in Sorsogon,” kaya hindi na niya nakita ang anak.

Magkakaroon ng continuation ang interview ni Boy kay Paolo ngayong hapon, 4:05 pm, sa GMA-7.

                                                    ***

MAINITBang pagtanggap ng mga tao kina Barbie Forteza at David Licauco, ng new FiLay loveteam ng historical fantasy portal series ng GMA Network na “Maria Clara at Ibarra.” Unexpected kasi ang pagtanggap sa kanila ng mga netizens sa mga roles nilang ginampanan na nagti-trending gabi-gabi ang mga pakilig na away-bati nilang dalawa bilang Klay at Fidel.

At dahil sa mainit na pagtanggap sa kanila, sina Barbie at David ang kinuhang official celebrity endorser ng bestselling whitening products ngayon sa market, ang Ishin, na pag-aari ng young power couple na sina Mario Miguel at Shirleen Bautista.  Inamin ng CEO na si  Shirleen sa launch ang contract signing ng product,  na bukod sa pagtanggap ng mga tao sa kanila, nagustuhan niya ang angelic face ni Barbie at ang Korean look naman ni David.

Kaya sa success ng loveteam, hindi maiwasang mag-request ang fans na sana raw ay maging real love team din sila, pero hindi naman pwede dahil alam na ng lahat na may boyfriend na si Barbie, si Kapuso actor Jak Roberto.

Kaya si Barbie naman ay agad nagsabing ayaw niyang bigyan ng false hope ang mga fans, dahil sa kabila ng lahat, for the past five years ay kasama na niya si Jak, nasasabihan ng mga personal struggles niya and one whom she has share her victories.

Ayon naman kay David, napakalaki ng respeto and he admires Jak, at kahit daw kay Barbie nasasabi niyang napakabait na tao ni Jak, dahil nakasama na niya ito nang gawin niya ang “Heartful Café” na kasama rin nila si Julie Anne San Jose at nag-guest din doon si Barbie.  Alam daw niya ang boundaries niya as a person.

Thankful naman sina Barbie at David sa pagkuha sa kanila as Ishin celebrity endorsers dahil talaga raw malaking tulong sa kanila ang ini-endorse nilang product.

Nalalapit na nga ang pagtatapos ng “Maria Clara at Ibarra” at papasok na ang serye sa ikalawang aklat na sinulat ni Dr. Jose Rizal, ang “El Filibusterismo,” kaya magkakaroon na ng changes sa mga characters ng cast at may mga bagong madadagdag na characters.

(NORA V. CALDERON)

KINORONAHAN na ang first ever Pinoy Drag Supreme ng ‘Drag Den Philippines’ at ito ay si Brian Black a.k.a. NAIA.

Magkasabay ang coronation episode ng Drag Den PH sa Amazon Prime Video at sa live coronation na ginanap sa Taguig City with the show’s host Manila Luzon.

Kinabog ni NAIA na taga-Las Piñas City ang mga nakasabay niya sa show na sina Aries Night, O-A, Barbie-Q, Lady Gagita, Pura Luka Vega, Maria Cristina at Shewarma.

Dumaan sila sa anim na rounds of challenges at runway presentations. Kahit na hindi siya nakakuha ng first place sa anumang challenge ranking, naging consistent naman siya sa performance niya kaya siya nakapasok sa Final 3 kasama sina Maria Cristina (2nd runner-up) at Shewarma (1st runner-up).

Sa ika-8th episode, rumampa ang tatlo suot ang kanilang national costume, swimsuit at evening gown. At sa huling pagkakataon ay sabay-sabay sila nag-lipsync sa awiting “Kilometro” ni Sarah Geronimo.

Sa Q&A round, tinanong ang tatlo ng: “What is the one and only one quality that makes you the true drag supreme?”

Ang naging winning answer ni NAIA ay: “I’ve stumbled and I’ve gone through so much hardship, especially in this competition, and Manila you’ve opened my eyes to what drag can truly be. It is free of expression and I can’t be more happy to be here.

“I hope that my story inspires young queer artists who are afraid of putting themselves out there because I was afraid. But thank you, Manila, for giving this platform because I was able to prove that growth is what you need to become the next drag supreme.”

Bukod sa korona, napanalunan ni NAIA ang P1 million worth of prizes.

***

NANGGULAT sa social media si Paris Hilton dahil sa pag-announce nito na meron na silang anak ng husband niyang si Carter Reum.

Isang baby boy ang sinilang ng surrogate nila Paris at Carter noong nakaraang January 23.

Sa official statement ng Paris with PEOPLE, sinabi nito: “It’s always been my dream to be a mother and I’m so happy that Carter and I found each other. We are so excited to start our family together and our hearts are exploding with love for our baby boy.”

Sa Instagram ay pinost ni Paris ang close-up photo ng baby hawak ang kanyang thumb: “You are already loved beyond words.”

Noong nakaraang December nang ihayag ni Paris ang plano nila ni Carter na magkaroon ng baby after nilang magpakasal. Nagsimula na raw sa in-vitro fertilization (IVF) process si Paris during the height of the COVID-19 pandemic.

“We started going and doing it like a few months in because the world was shut down. We knew we wanted to start a family, and I was like, ‘This is perfect timing. Usually, I’m on a plane 250 days out of the year, and let’s just get all of the eggs stocked and ready,’ and we have tons of them just waiting,” sey ni Paris.

Na-engaged sina Paris and Carter noong February 2021 at kinasal sila noong November 2022.

(RUEL J. MENDOZA)

EARLY Valentine’s Day treat para sa KathNiel fans ang pagpapakilala ng value mobile brand TNT kay Daniel ‘DJ’ Padilla bilang bagong endorser nito, kasama ang ‘real and reel life’ partner na si Kathryn Bernardo.

Binansagang ‘Supreme Idol’ ng kanyang henerasyon dahil sa karisma niya at talento, si DJ ay kasama ni Kathryn sa TVC campaign Doble GIGA+50, ang TNT promo na may mas malaking  8 GB data plus Unli Texts to All Networks, valid for three days, sa halagang P50.

“I’m happy and grateful to join TNT kasama si Kath. Together, we’re excited to keep the saya and kilig going for our fans and for the millions of TNT subscribers nationwide,” pahayag ni DJ.

“We’re very excited to have Daniel at finally makumpleto ang KathNiel sa patuloy na lumalaking Tropang TNT. We look forward to collaborating with them to give more saya to Filipinos through our value-packed offers, powered by our stron­gest and widest network, ” sabi naman ni Francis E. Flores, SVP and Head of Consumer Wireless Business-Individual at Smart.

Ito ang latest project ng Kath­Niel matapos ang hit TV series nilang ‘2 Good 2 Be True’, na kinagiliwan ng maraming fans at naging trending topic sa social media mula Mayo hanggang Nobyembre 2022.

Ang ‘2 Good 2 Be True’ ay available ngayon sa Netflix, at isa sa mga most-viewed series ng nasabing platform sa Pilipinas na ngayon nga ay mas madali nang mapanood ng fans ang hit series gamit ang Doble GIGA VIdeo+ 50 promo.

Nang tanungin kung paano nila napapanatili ang saya sa kabila ng sunud-sunod na projects, ‘quality time’ kasama ang mga kaibigan at loved ones ang kanilang parehong tugon.

“‘Pag free days, I spend time with Kath or eat together with my family and katropa. I also play basketball and golf,” pagbabahagi ni Daniel.

“I like to treat myself to some “me time” once in a while. Gusto ko sa free days ko pina-pamper ko ‘yung sarili ko, which for me means spending time with my friends and family, and also surrounding myself with people around me who give me happiness. I like to appreciate the people around me and find happiness through them,” say naman ni Kathryn.

Tungkol naman sa plano nila ngayong 2023…

Tugon ni DJ, “I hope to explore new projects and roles na ‘di ko pa nagagawa. I also hope to be able to perform my music again to a live audience, at sana maging active na ang ‘Johnny Moonlight’ production outfit ko.”

“For 2023, I just want to continue learning new things. I just finished ‘2 Good 2 Be True’ but I feel like there’s still a lot to be explored for me to improve my craft in acting, and I’m looking forward to trying new things that will challenge me.

“Second is to protect my peace. As much as possible, I choose my battles and find a way to protect that inner peace,” sagot naman ni Kathryn.

Ang mga TNT subscriber ay pwedeng mag-stream ng mga kanilang paboritong video content gamit ang Doble GIGA Video+ 50, na may 2 GB open access para sa lahat ng sites and apps, at 2 GB per day para sa mga video apps tulad ng YouTube, iWanTV, Smart LiveStream, at Netflix plus Unli Texts to All Networks, all for 3 days.

Para naman maging updated sa lahat ng ganap ng social media, pwedeng mag-register sa Doble GIGA Stories+50, na may 2 GB open access para sa lahat ng sites and apps at 2 GB per day sa Facebook, Instagram, TikTok, Twitter at Kumu plus Unli Texts to All Networks, all for 3 days.

Para mag-register sa Doble GIGA+ promos, maglog-in lang sa GigaLife App o mobile wallets, i-dial ang *123#, o pumunta sa mga suking sari-sari store.

(ROHN ROMULO)