FEELING very blessed si Global Endorser Gabbi Garcia dahil after niyang gawin ang mystical primetime mega-serye na “Mga Lihim ni Urduja,” may kasunod agad siyang bagong project.  

Makakasama ni Gabbi ang mga kapwa Encantadia stars niya na sina Kylie Padilla at Sanya Lopez, kasama rin nila sa cast sina Jeric Gonzlaes, Kristoffer Martin, Vin Abrenica, at ang nagbabalik-GMA Network, si Sunshine Dizon.

Ang kanilang serye ang sinasabing siyang papalit sa malapit na ring magtapos na historical fantasy portal series na “Maria Clara at Ibarra” nina Barbie Forteza, Julie Anne San Jose, David Licauco at Dennis Trillo.

At kasunod nga agad ay naka-schedule nang magsimulang mag-taping si Gabbi ng new project niya, ang collaboration ng GMA Network at ABS-CBN series, ang “Unbreak My Heart,” na makakasama niya si Kapuso actor Richard Yap, at mga Kapamilya actors na sina Jodie Sta. Maria at Joshua Garcia, with director-actress Laurice Guillen, Eula Valdes, Nikki Valdez, Maey Bautista, Will Ashley, and Bianca de Vera.

Collab din ng GMA at ABS-CBN ang Viu Philippines, kaya ang serye ay ipalalabas in 15 countries outside the Philippines.

Nagkaroon muna ng get together and bonding ang buong cast, staff, crew at mga bosses ng GMA, ABS-CBN at Viu Philippines.

Magsisimula na silang mag-taping any day now dito sa atin, bago sila pumunta ng Italy at Switzerland, para sa ibang eksenang kukunan doon.  This year, mapapanood na ang “Unbreak My Heart.”

***

AFTER ten years bilang host ng GMA Network’s morning talk show na “Mars,” balik-acting muli ang dramatic actress na si Camille Prats.  Parating na nga ang bagong seryeng tiyak na magpapaiyak sa mga Kapuso viewers sa GMA Afternoon Prime, ang “AraBella.”

Makakasama ni Camille ang mga young stars na sina Shayne Sava at Althea Ablan.  Muling susubukan ang husay sa drama nina Shayne, na unang napanood sa “Raising Mamay” with Ai Ai delas Alas, at Althea, sa “Prima Donnas.”

Iikot ang kuwento sa paghahanap ni Roselle (Camille) sa kanyang nawawalang anak.  Matapos ang ilang taon, makikilala niya si Ara (Shayne) at magiging malapit ang loob nila sa isa’t isa.  Pero hindi pala si Ara ang nawawala niyang anak.

Magiging complicated lalo ang kanilang sitwasyon dahil sa pagbabalik ng tunay niyang anak, si Bella (Althea).

Sino ang mas deserving sa pagmamahal ni Roselle, ang anak na salbahe o ang ampon na mabait?  Abangan ang world premiere ng “Arabella” sa February 27, 3:25pm sa GMA-7.

***

NALALAPIT na ang pagtatapos ng top-rating historical fantasy portal series na “Maria Clara at Ibarra” ng GMA Network, pero patuloy pa rin ang pagtanggap ng serye ng parangal sa iba’t ibang award-giving bodies.  Last Monday, January 30, tinanggap naman nila ang Special Citation from the Knights of Rizal,  Ginanap ang awarding during the organization’s 23^rd International Assembly at the Manila Hotel.

Ayon sa organization, the series “is playing a huge role in ‘rekindling (this generation), the ideals of freedom and nationalism.’  Seeing that copies of the novels are being bought again, the organization also praised the hit show for helping schools educate learners on Rizal.  The citation was signed by the Supreme Commander and Angono Vice Mayor Sir Gerardo V. Calderon.    The show  creator Suzette Doctolero and two of the “Maria Clara at Ibarra” writers, J-mee Katanyag and Brylle Tabora graced the occasion to receive the award.

(NORA V. CALDERON)

HIWALAY na ang former Viva Hot Babe na si Maui Taylor sa kanyang longtime partner kung kanino meron siyang dalawang anak na lalake.

Paliwanag ni Maui na co-parenting sila sa mga bata: “We’re co-parenting. We’re in one house pero I sleep in a different room. Matagal na siyang ganung setup. Walang pakialamanan.”

Pareho naman daw nag-agree sina Maui at ang ex-partner niya sa arrangement nila. Sinubukan naman daw nilang maayos ang relasyon nila, pero para kay Maui, hanggang doon na lang daw talaga,

“Alam namin sa sarili namin na hanggang doon na lang. Hanggang seven years na good run din, tapos yung last three years wala na. Siguro kapag nagiging stagnant ang isang relationship, walang growth. Trinay naman namin na maayos, pero siguro masyado nang malalim yung cause ng problem kaya hindi na magawang ihakbang pa.”

Wala raw balak si Maui na pasukin ang bagong relasyon sa ngayon. Work daw muna ang haharapin niya.

“Kahit naman in a relationship ka, generally speaking, kapag gusto ka ng isang tao, may mag-e-express. Nasa iyo na lang yun kung ano ang gagawin mo about it. I mean, hindi naman ako pangit. Pleasant naman ako na tao, so meron at meron times [na nagpaparamdam, it’s just that dedma ka lang. Gusto kong ma-enjoy ang magin single ulit.”

Mapapanood soon si Maui sa GMA teleserye na ‘The Write One’ na pagbibidahan nina Ruru Madrid at Bianca Umali.

***

USAP-USAPAN at umani ng papuri mula sa netizens ang unang pasilip sa mythical mega serye ng GMA Network, ang ‘Mga Lihim ni Urduja.’

Inilabas kahapon (January 31) ang teaser sa social media accounts ng GMA Drama. Kitang-kita ang ganda ng visuals, kakaibang kwento, at star-studded cast na pinangungunahan ng Encantadia Sang’gres na sina Kylie Padilla, Gabbi Garcia, at Sanya Lopez.

Iikot ang istorya nito sa paghahanap nina Crystal (Gabbi) at Gem (Kylie) sa mga nawawalang hiyas na pinaniniwalaang pag-aari ni Hara Urduja (Sanya Lopez).

May libu-libong views na ang nasabing teaser in less than 24 hours! Marami rin ang nagsabi na mala-foreign series ang quality nito. Say ng ilang netizens, “Lakas maka-Alice in Borderland! Gandaaa astig talaga ng GMA! Naglevel-up na talaga ang GMA! Iba talaga sobrang napakalayo na ng mga nagagawa nila.”

Bukod sa reunion nina Kylie, Gabbi, at Sanya, dapat ding tutukan sa serye ang pagsasama-sama nina Arra San Agustin, Michelle Dee, Kristoffer Martin, Vin Abrenica, Pancho Magno, Jeric Gonzales, Rochelle Pangilinan, at Zoren Legaspi.

***

NAGING family affair ng Jonas Brothers ang paggawad sa kanila ng star on the Hollywood Walk of Fame noong nakaraang January 30.

Present sa unveiling ng star ng Jonas Brothers ay ang misis ni Kevin Jonas na si Danielle Jonas at ang dalawa nilang girls na sina Valentina at Alena. Present din ang misis ni Joe Jonas na si Sophie Turner, pero hindi dinala ang dalawang girls nila. And for the first time ay pinakita na in public ang baby girl nila Nick at Priyanke Chopra na si Malti.

Sa podium, binigyan ni Nick ng shout-out ang kanyang mag-ina: “To my beautiful wife, you are the calm in the crazy, the rock in the storm and I love being married to you. It is the greatest gift. And I love being a parent with you, so Malti Marie, hi babe. I can’t wait to come back here with you in 15 years and embarrass you in front of your friends.”

In-announce din ng JoBros ang release ng sixth studio album nila on May 5 titled The Album. May patikim na sila sa unang ilalabas nilang single title Wings na mala-’70s style disco groove. Naka-schedule din silang mag-tour sa taong ito.

(RUEL J. MENDOZA)