NAGBIGAY ng patikim ang limang actors ng stage play na “DickTalk” nang mag-perform ito sa Dengcar Theater ng Mowelfund with some media and show buyers, pero opening pa lang, pasabog na agad ang lima.

Although, dahil sobrang lapit ng stage sa audience, si Gold Aceron pa lang ang totoong nagpatikim ng pasabog.

Aba, naghubad itong talaga habang nagma-masturbate. Inaming plaster lang daw talaga ang ipinangtakip sa kanyang dick. 

So far, 10 days ang siguradong run nito sa RCBC Theater simula April 15 hanggang April 23 kaya ngayon pa lang, bumili na ng ticket para hindi ma-miss ang matapang na play na ito na ang pag-uusapan ay ang isang taboo sa karamihan na banggitin man lang na parte ng katawan ng lalaki.

Pero ang pasabog, mukhang hindi lang si Gold ang gagawa nito sa mismong play. Mukhang lahat naman sila ay game! 

Sabi nga ni Jake Cuenca na alam naman ng lahat na game at all-out din basta tawag ng “arts,” kung magpu-full monty rin ba, “I have the freedom to do it if I want to, so tingnan natin. Tingnan natin kung ano ang maramdaman natin on that day.”

Sabi rin niya, “Siyempre, for me lang, the main reason that I went back to theater is for the acting. I want to showcase na iba ko sa teatro, iba ko sa pelikula at iba ko sa TV. That’s my main purpose for being here.”

Bukod kina Jake at Gold, pasabog din si Mikoy Morales na marami ang nagkagusto sa performance nito. Gayundin ang transman na si Nil Nodalo at ang veteran character actor na si Archie Adamos.

Ang ‘DickTalk’ ay produced ng V-Roll Media Ventures ni Direk Eboy Vinarao at sa direksiyon ni Phil Noble.

***

ANO nga ba nangyari sa Instagram account ni Liza Soberano? Na-hack nga ba?

Hanggang ngayon kasi, dedma o tahimik pa rin ito at hindi nagbibigay ng kahit anong statement.

Isang malaking palaisipan ngayon, lalo na sa 17.6 million followers ni Liza Soberano kung ano ang nangyari sa kanyang Instagram account.

Na-hack ba ito o sadyang dinilete niya lahat ng mga Instagram post niya, ini-unfollow lahat ng following niya at pati profile photo niya ay wala na rin.  Ang bukod tanging makikita sa kanyang IG na @lizasoberano ay ang 17.6 million followers niya.

Siyempre, worried, lalo na ang mga fan ni Liza. Kasalukuyang nasa U.S. si Liza at as of this writing, wala pa itong any statement sa kung ano talaga ang nangyari sa kanyang IG na hindi biro ang dami ng following. 

May mabilis agad ang kaisipan na iniisip kung may pinagdadaanan daw kaya ang actress?

Sa Twitter, marami ang nagtatanong kung ano nga ang nangyari. Pero may isa kaming nabasang tweet na Twitter account ng isang fan niya at sinasabi na na-hack nga raw.

Tweet nito, “apparently, miss Liza Soberano’s Instagram account was hacked. i hope the team is working and they can recover it : (( whoever did this, you deserve to rot miserably. and i meant no jail, but hell.”

***

BINA-BASH ng husto si JK Labajo dahil sa pagiging honest niya nang tanungin siya kung papaya siyang mai-direk ni Darryl Yap. Kung ang social media ay actual, as in, nakuyog na ang bida ng pelikulang “Ako Si Ninoy.”

Although, sa interview pa lang, may ideya na kaming mababash ito dahil sa naging sagot niya na, “Definitely, I don’t want to be directed by Darryl Yap.”

Kung ano-ano na ang binato sa kanya. Nandiyang sino raw siya? Kilala ba siya? Flop, mayabang at marami pang-iba.

Given na ngayon sa Pilipinas, kahit tapos na ang election, nahahati pa rin sa dalawang grupo ang mga Pinoy.  At basta hindi pabor sa director, ekis o attack na talaga ang mangyayari.

Hindi ba pwedeng nagpapaka-totoo lang si JK? Gano’n naman, may choice ang director na mamili ng artista niya. May choice rin naman ang artista kung gusto o ayaw niya ang director.

Sa isang banda, showing na ngayon ang “Ako Si Ninoy’ na sinulat at dinirek ni Vince Tañada na sana nga, suportahan ng karamihan dahil kung may maganda man sa musical movie na ito, wala itong sinisiraan, wala itong inaaway at sa tingin namin, walang disinformation.

(ROSE GARCIA)

NAGSIMULA sa bulung-bulungan at haka-haka, kaya minabuti naming tanungin nang diresto si Andrea Brillantes kung totoo ba na siya ang gaganap sa remake ng ‘Dyesebel’, ang classic na obra maestra ni Mars Ravelo tungkol sa isang magandang sirena.

“Actually, nagulat lang din po ako, nakita ko lang po siya sa media, pero thankful po ako sa response na nakuha ko from the citizens, yung mga casual viewers, na madami namang positive na mga sinasabing bagay ako, meron namang mga hindi, pero ‘yun nga, thankful po ako sa mga positive reviews na nakuha ko, thank you po, dahil dream role ko din po yun ever since.

“Isa yun sa mga rason kung bakit ko ginustong maging artista, isa din yun sa mga first audition ko yata, I think iyon yung second na naging audition ko,” pahayag ni Andrea na nakausap naming sa Franchise Ball ng Tapawarma kung saan si Andrea at vlogger Jay Emil Lasian o mas kilalang Team Katagumpay sa mga celebrity endorsers.

Ang “Dyesebel’ ang naging audition piece niya noong nagsisimula pa lamang siyang mag-artista.

“Yes, iyon yung second ever ko yata, if not the first, second audition ko po.”

Pero wala pa raw pormal na pag-uusap sa pagitan ng kampo ni Andrea at ng ABS-CBN management tungkol sa pagbibida niya sa bagong Dyesebel project.

“Wala pa po.”

***

DAHIL usung-uso, tinanong namin si Allen Dizon kung sa palagay niya ay okay lamang na naghahalo o nagtatagpo ang mundo ng showbiz at pulitika?

Lalo pa sa panahon ngayon na may mga pelikulang politikal at tumatalakay sa kasaysayan ang ipinalalabas, tulad ng pelikula kung saan kasama si Allen, ang ‘Oras De Peligro’, at normal na kaganapan na, na ang isang artista ay pumupuwesto bilang public servant.

“Siguro part, part siguro ng showbiz na iyan kasi public figure ka and public property yung showbiz so siguro part din pero hindi kasi ako pampulitika e,  kumbaga dun lang ako sa too, dun lang ako sa totoo lagi.

“Karamihan naman sa showbiz ang fallback nila, sa pulitika, siguro part talaga, part talaga ng showbiz and politics.”

Pabor rin si Allen na naisasalin sa pelikula, tulad nga ng ‘Oras De Peligro’, ang mga tunay na nagyari sa ating kasaysayan.

“Oo para sa akin, para maging aware lahat ng mga Pilipino, yung mga hindi nakaranas ng dekada 70, about Martial Law, about People Power, di ba? Wala sila dun e, kaya talagang kailangang isapelikula para maraming makaalam, para yung mga kabataan maging aware sila sa mga nangyayari.”

Mapapanood si Allen sa pelikulang ‘Oras De Peligro’ kung saan gumaganap siya dito bilang si Dario na asawa ni Cherry Pie Picache bilang si Beatrice at anak nila si Sparkle male star na si Dave Bornea bilang si Jimmy.

Bukod kina Dave, Allen at Cherry Pie ay nasa cast rin ng Oras De Peligro sina Therese Malvar, Allan Paule, Mae Paner, Timothy Castillo, Alvi Siongco, Jim Pebanco, Nanding Josef, Apollo Abraham, Marcus Madrigal, Rico Barrera, Elora Espano at Gerald Santos.

Sa direksyon ni Joel Lamangan at mula sa Bagong Siklab Productions ni Atty. Howard Calleja at sa panulat nina Bonifacio Ilagan at Eric Ramos, ipapalabas ang pelikula sa mga sinehan sa March 1.

Nasa pelikula rin ang anak na dalaga ni Allen na si Crysten Dizon at pangalawang taon na nilang magkasama sa isang proyekto.

(ROMMEL L. GONZALES)