MAPAPAKINGGAN na ang totoong tunog ng serbisyo publiko mula sa bagong Radyo5.

Ginanap sa Quezon Memorial Circle noong Marso 11 ang isang buong araw na grand launch para sa bagong look at identity ng Radyo5 bilang 92.3 Radyo5 TRUE FM, na ngayon ay pina-level-up ang larangan ng pamamahayag sa radyo sa pamamagitan ng kanilang mga news, information, at entertainment programs.

May bagong logo na, may bagong tagline pa na “Dito tayo sa totoo!,” talagang handa nang maghatid ang 92.3 Radyo5 TRUE FM ng fresh at dynamic na pakikinig para sa lahat ng kanilang listeners. Nakalagay sa kanilang logo ang salitang TRUE, kung saan ang bawat letra nito ay sumisimbolo sa kanilang mga prinsipyo sa pagbabalita at paglilingkod sa publiko.

Ang T ay para sa Truth in journalism na hatid ng kanilang radio programs na “Bangon Bayan with Mon” ni Mon Gualvez, “Ted Failon & DJ Chacha,” “Frontline Pilipinas,” at ang flagship news program para sa local at provincial news na “Radyo5: Balita Pilipinas.” Ibinabahagi ng mga programang ito ang mga latest news at information upang masiguro na ang mga tagapakinig ay palaging updated sa mga mahahalagang isyu ngayon.

Ang R naman ay sumisimbolo sa “Real people” at “Real stories” na mapapakinggan sa mga programang tulad ng “Sana Lourd” ni Lourd De Veyra, “Power and Play” ni Noli Eala, “Pinoy Konek” ni Danton Remoto, at “Dr. Love” ni Bro. Jun Banaag. Ibinabahagi ng mga programang ito ang mga kwento ng tunay na buhay na may kaugnayan sa mga tagapakinig at nakakatulong upang maging aware sila sa mga isyu na mahalaga sa kanila.

Ang U ay sumisimbolo sa “Unwavering commitment” sa serbisyong publiko, na hatid ng mga programang tulad ng “Wanted sa Radyo” ni Sen. Raffy Tulfo, “Sagot Kita” ni Cheryl Cosim, at “Healing Galing” ni Dr. Edinell Calvario. Ang mga programang ito ay nagbibigay ng pagkakataon sa mga tagapakinig na maipahayag ang kanilang mga katanungan at hinaing upang matugunan ng mga program host at ng mga eksperto.

At ang huli, ang E ay sumisimbolo sa kanilang nakaka-Entertain na programa tulad ng “Cristy Ferminute” ni Cristy Fermin at “Good Vibes” nina Stanley Chi at Laila Chikadora. Ang mga programang ito ay nagbibigay ng pagkakataon na makapag-relax ang mga tagapakinig at makapag-unwind.

Ngayon na may bago itong identity, ipinapangako ng 92.3 Radyo5 True FM na maghahatid ng dekalidad na mga programa na nakaka-engage, nagbibigay impormasyon, at nagpapaligaya sa mga tagapakinig.

“We are excited to launch 92.3 Radyo5 TRUE FM and introduce our listeners to our diverse programming lineup,” pahayag ni Raul M. Dela Cruz, General Manager ng National Broadcasting Corporation (NBC). “We believe that radio remains a powerful medium that can inform, inspire, and entertain. With our new identity, we are committed to providing our audiences with a listening experience that is relevant, engaging, and entertaining.”

Samantala, sinagot ni Ted Failon ang bali-balitang may balak siyang maging politiko, bukod sa pagiging broadcaster.

Say niya, “Radyo ang aking first love. Mula noon at hanggang ngayon dito na ako hanggang sa lagutan ako ng hininga, sa radyo lang ako.”

Paniwala rin si Manong Ted na hindi mawawala ang radyo kahit may online media na dahil mahalaga ito sa ano mang panahon at pagkakataon.

“Radio is the most affordable medium, especially in a third world countries like ours. Babagsak ang lahat, mawawala ang lahat, radio will be there. Sa panahong ng emergency at kalamidad, nandyan palagi ang radyo.

“‘Yun ang aming pananampalataya. Naniniwala ako na ang lahat ng ito ay mag-i-evolve pero ang radyo ay nandyan pa rin, dahil palaging masasandalan ng tao sa impormasyon.

“Lalo na 92.3 TRUE FM, dito na tayo sa totoo,” say pa niya.

Patuloy din ang pagti-training ng citizen’s journalist at mobile journalists para sa radio station na kinabibilangan.

Ayon naman kay Sen. Tulfo, tuloy-tuloy lang ang kanyang iconic radio program na “Wanted sa Radyo” sa kabila ng kanyang hectic na political commitments.

Sa naging pahayag niya via phone call, “Kung gusto maraming paraan, kung ayaw maraming dahilan… I’m very happy and the only thing I need to do is manage my time.”

“Kailangan ko ‘yung program kasi kung ‘di dahil doon, walang Raffy Tulfo ngayon sa senado, and the reason I’m doing what I’m doing is because of my style and I wouldn’t change that.”

Ang 92.3 Radyo5 TRUE FM ay mapapakinggan na on-air at live nationwide. Tumutok araw-araw upang marinig ang totoong tunog ng serbisyo-publiko at maging parte ng bagong yugto ng radyo sa Pilipinas.

(ROHN ROMULO)

NANGUNA sa Philippine Trends ang #ALDENBackOnEB ang pagbabalik ni Asia’s MultiMedia Star Alden Richards sa number one at longest-running noontime show na “Eat Bulaga.”  

Inamin ni Alden na medyo naging teary-eyed siya nang yakapin niya isa-isa ang mga co-hosts, nang pumasok siya sa dressing room ng APT Studio.

“Medyo matagal akong hindi nakabalik at na-miss ko silang lahat.  Naramdaman ko iyong tagal din ng panahon na hindi ko sila nakasama dahil nagkasunud-sunod ang mga commitments ko here and abroad. Now, I’m back Dabarkads.”

Isa nga raw sa gustong balikan ni Alden ay ang pagpunta nila noon sa barangay, kaya isinama siya nina Jose Manalo at Wally Bayola sa malapit lamang sa APT Studio na ikinagulat ng mga nilapitan nilang binigyan ng ayuda, isa na rito ang gulat na gulat na yaya na in-interbyu ni Alden, na bibili daw lamang siya ng pagkain, pero nakatanggap na siya ng biyaya.

Biro tuloy ni Jose, lapitin daw talaga ng Yaya si Alden! Gets?

***

NAGSIMULA nang mapanoodang “Hearts On Ice” na first team-up nina Ashley Ortega at Xian Lim.

Hindi pa nag-appear si Ashley as the figure skater na si Ponggay, pero marami nang humahanga sa husay niya sa ice skating sa trailer na kitang-kitang isa siya talagang figure skater in real life.

Naibahagi nga ni Ashley na hindi siya gumagamit ng double sa mga eksena.

“Medyo po mahirap sa simula, dahil may kapansanan ang left leg ni Ponggay sa story, kaya normal lang na makita akong sumemplang sa eksena at makita ng audience ang struggles ng isang athlete na may kapansanan.

“So, kapag sumemplang, pag-aaralan din namin how we get up and do it again,” paliwanag ni Ashley.  “Kaya kahit ilang beses madapa, babangon pa rin hanggang makamit niya ang pangarap niya.”

Meanwhile, labis ang pasasalamat ni Ashley na pumayag mag-guest sa serye si Michael Christian Martinez, ang Asian Figure Skating champion at two-time Olympic figure skater,

“Natuwa po ako nang malaman kong pumayag si Michael mag-guest,  Sabay po kasi kami noong nagti-training kapag may competition kaming sinasalihan.  Salamat din kay Skye Chua, a professional figure skater and member of the Philippine national figure skating team.

“Isa na rin siyang Sparkle GMA Artist ngayon at isa siya sa bumu-bully sa akin sa story kapag nadadapa ako.”

***

PAGSASABAYIN na yata ni Kapuso actress Glaiza de Castro ang showbiz at pagma-manage nila ng husband niyang si David Rainey ng kanilang Casa Galura sa Baler, Quezon.

Very soon ay mapapanood na muli si Glaiza sA “Seed of Love.”  Pero ngayon ay binuksan nga muna nila ni David ang Casa Galura, na ang intensiyon nila ay magkaroon ng chance ang mga pamilya, magkakaibigan, magkakatrabaho, na gumawa ng masasayang alaala na babalik-balikan nila.  Pagbibigay-pugay din daw nila iyon sa kanilang lolo at lola na napangakuan nila noon na bibigyan nila ng bahay na may swimming pool.

IG caption ni Glaiza: “Lolo at lola, sorry na na-delay yung promise namin sa inyo na bahay na may swimming pool.  Pero eto na siya, malamang nakikita na rin ninyo.  Para sa inyo po ito.”

Bukod sa Casa Galura, binuksan na rin nila ang Brewbox Baler, para sa mga gustong bumisita lamang sa lugar at magkape.  Madali raw lamang silang ma-contact for booking sa pamamagitan ng waze at google maps.

(NORA V. CALDERON)

READY na raw ni Juancho Trivino ang pagdating ng second baby nila ng misis na si Joyce Pring.

Malapit-lapit na raw ang due date ni Joyce, kaya all hands on deck sila para maayos ang lahat sa pagdating ng second angel nila.

“Lahat ng makakaya naming gawin as of now pa lang, ginagawa na namin like ‘yung hospital bag niya, saka siyempre all the leaves at saka ‘yung mga advanced na materials that we need to shoot para tuloy tuloy pa rin yung social media namin kahit nagpapahinga siya,” sey ni Juancho.

Inamin ng Sparkle actor na may kaba siya dahil father of two na siya.

“Trying to gather myself pa lang. Sinabi sa’kin ng mentor ko na kapag isa pa lang ‘yung anak n’yo, two on one kayo. Pero ‘pag dalawa na, man to man na ‘yan,” tawa pa niya.

Pahinga raw muna sa paggawa ng teleserye si Juancho after ng ‘Maria Clara At Ibarra’ kunsaan hinangaan ng marami ang pagganap niya bilang si Padre Salvi. Focus daw muna siya sa malapit na panganganak ng kanyang misis.

***

AYAW paapekto si Vin Abrenica sa mga negative comments ng netizens tungkol sa kuya niyang si Aljur Abrenica.

Kahit hiwalay na raw sina Aljur at Kylie Padilla, nanatili pa rin siyang close sa sister-in-law niya at kinatutuwa niya ang pagiging magkaibigan ng dalawa.

Mas naging close nga raw sila ni Kylie dahil magkasama sila sa GMA mega serye na ‘Mga Lihim Ni Urduja’.

Sey ni Vin: “Ishi-share ko lang, para you get a glimpse of how me and Kylie, our relationship is. We bring our children sa mall to play as a date. We go out like that. And also si Kylie, noong nakatira ako kay kuya and Kylie was always on my brother’s place, naging close na kami. Tumira rin kami together ni Kylie in one house.”

Noong magkaroon daw ng marital problems sina Aljur at Kylie, hindi naman daw nabago ang pakikitungo ni Kylie sa kanya.

“Kung ano man ang nangyayari sa kanila I got so hurt with that. I got so affected. But kung ano man ang nangyayari sa kanila, wala kaming ilangan ni Kylie. We’re close. Masaya. I mean it’s a good way din to, ‘di ba? Get all the things behind us. I mean, hindi naman ‘yun makakaapekto sa trabaho.”

Dasal parati ni Vin na hindi mangyari sa kanila ng misis niyang si Sophie Albert ang nangyari kina Kylie at Aljur. Ten years na raw silang magkasama at wala raw sanang magbago sa samahan nila.

“Sophie is the best woman I could think of. She’s so smart, so polite, she makes me feel like I’m so secure. Kaya I’m doing my best talaga to be someone na deserve niya. There’s a reason for everything that I do now.

“Meron nang dahilan, may dahilan ako kung bakit ako gumigising, may dahilan ako kung bakit ako nagbubuhat, may dahilan kung bakit ako nagtatrabaho. Lahat ng ginagawa ko ngayon may dahilan at siya ‘yon. Napakasarap. It’s so rewarding.”

(RUEL J. MENDOZA)