MULING nag-post sa kanyang Instagram si Megastar Sharon Cuneta tungkol sa gagawin nilang movie ni Asia’s Multimedia Star na si Alden Richards: “Surprise! With our other co-stars Miles Ocampo and Tonton Gutierrez!!!”

Kaya ang dami lalong na-excite sa post na ito ni Sharon na mga fans at nagsabing si Tonton daw ang pinagselosan noon ni Gabby Concepcion.

Sunud-sunod kasi ang paggawa ng movie noon nina Sharon at Tonton, like “Nakagapos ng Puso,” “Kung Aagawin Mo Ang Lahat Sa Akin,” at “Pasan Ko Ang Daigdig.”

Natuwa rin si Sharon na muli niyang makakasama si Miles na parang anak daw niya noong ginawa nila ni Ai Ai delas Alas ang “BFF: Best Friends Forever” noon.

Ayon pa kay Sharon, tinanggap daw niya ang offer na movie ng CineKo Productions, dahil sa mga co-stars niya at nagustuhan din niya ang script ni Mel del Rosario at si Nuel Naval pa ang director.

Nakailang acting workshop na sila, nag-looktest na rin, at kahapon, June 15 sila nag-story conference. Sa Tuesday, June 20 na sila mag-start ng shooting.

                                                            ***

HINDI pa rin natatapos ang mga pagtatanong kay Alden Richards kung hindi ba siya magho-host ng “Eat Bulaga” ng TAPE, Inc.

Nilinaw na ni Alden na pwede naman siyang mag-appear sa noontime show, iyon ay kung mayroon siyang ipu-promote na show, pero hindi siya papayag na maging regular host nito.

Nilinaw din ni Alden na hindi naman siya pwedeng mag-appear sa show ng TVJ sa TV5, dahil contract artist siya ng GMA Network.

Magiging busy na rin kasi si Alden sa taping ng talent show na siya ang host, ang “Battle of the Judges,” at sa pagsu-shooting ng movie nga nila ni Sharon Cuneta.

                                                            ***

NAGING open naman si Sparkle artist Kyline Alcantara tungkol sa real status ng relasyon nila ni Sparkle artist din na si Mavy Legaspi, nang ma-interview siya ni Boy Abund as “Fast Talk with Boy Abunda.”

Inamin niyang nililigawan siya ngayon ni Mavy at pareho naman silang hindi nagmamadali.

“Naroon pa lang po kami sa courting stage and it might be cliché but we are really taking things slow.”

Tinanong siya ni Boy kung gaano na niya kamahal si Mavy sa score na one to 10, sagot ni Kyline, 7.5, at si Mavy rin ang lamang ng kanyang puso kung bubuksan ito ngayon.

Next question ni Boy kay Kyline, ano ang magagawa sa kanya ni Mavy na hindi niya kayang patawarin, iyon daw ay ang cheating, pero naniniwala naman siya na hindi iyon gagawin sa kanya ni Mavy.

“Hindi mo ba siya mabibigyan ng second chance?” tanong pa ni Boy.

“Sa mga napagdaanan ko po, if I give him a second chance, if mag-cheat man siya, and I know na hindi naman niya gagawin; ibig sabihin po noon, hindi ako natuto sa mga pinagdaanan ko noon?”

Nang si Mavy naman ang na-interview ni Boy Abunda, sinabi naman nitong “si Kyline Alcantara raw ang kahulugan sa kanya ng pag-ibig.”

Kasalukuyan silang napapanood ngayon sa romantic series na “Luv Is: Love at First Read,” after “24 Oras.”

(NORA V. CALDERON)

SA 101 episode ng Fast Talk with Boy Abunda noong June 14, sumalang sa isang usapang lalaki si Councilor Alfred Vargas kasama ang kaniyang co-actor sa AraBella na si Luis Hontiveros.

Ibinahagi  nga ng mahusay na aktor na hindi siya natatakot na umiyak sa harap ng mga tao lalo na sa mga malalapit sa kaniya.

Pahayag ni Alfred, “I cry in front of people that I am really close to kasi if I feel secure with your company, puwede kong ibigay talaga ‘yung sarili ko sa’yo.”

Dagdag pa ng aktor, “I also cry in movies, I cry in front of my children also pero madalas akong umiyak kapag kasama ko ‘yung misis ko kapag may frustration, kapag malungkot. I’m not afraid to cry in front of others.”

Agree naman si Luis sa tinuran ni Alfred at sinabing, “For me, it’s not about being weak. I think vulnerability makes me an even stronger human being.”

Natanong din si Kon. Alfred ang pelikulang prinoduce niya, ang ‘Pieta’ na pinagbibidahan ni Superstar Nora Aunor.

Pagbabahagi ng aktor kay Kuya Boy, “alam mo I was a Noranian eversince. After my ‘Pieta’ experience with the one and only Superstar, mas trumiple ang pagiging Noranian ko.

“The movie is the story about mother and son.  Pagbalik niya (mula sa prison) he was looking for his mom, may alzheimer’s na yung mom niya.

“So, it’s that journey.  It is a beautiful movie fitting for the Superstar’s comeback directed by Adolf Alix, Jr.”

Nakatakda itong ipalabas this year at pinag-iisipan nina kung isasali nila ito sa taunang Metro Manila Film Festival.

Samantala, mapapanood naman sina Alfred at Luis sa huling dalawang linggo ng AraBella sa GMA Afternoon Prime.

Para sa kabuuan ng episode, panoorin sa YouTube channel ng GMA Network at patuloy na tutukan ang Fast Talk with Boy Abunda pagkatapos ng The Seed of Love sa GMA Afternoon Prime via television broadcast sa GMA at sa iba pang digital platforms.

(ROHN ROMULO)

NATUWA ang award-winning veteran actor na si Tirso Cruz III na muli silang nagkatrabaho ni Dingdong Dantes pagkaraan ng isang dekada.

Kuwento ni Kuya Pip na tuwing nagkikita sila ni Dong, ang tawag niya rito parati ay Carlos Miguel. Yun kasi ang pangalan ni Dong sa unang teleserye na pinagsamahan nila na ‘Sana Ay Ikaw Na Nga’ in 2002.

“For a long long time, for so many many years, ang tawag ko sa kanya tuwing magkikita kami is Carlos Miguel. And ngayon mapapalitan na ‘yan, iba na ‘yung pangalan niya ngayon.

“But it was always been a very nice experience for me everytime I work with Dingdong. He’s a very kindhearted man, he’s very professional, and I can see he really loves his job.

“He’s not here just for the glory, for the fame, no. He has his heart into the art itself, the craft of acting. Nandito siya for as long as he can deliver and give beautiful stories and characters to our viewers, he will try to give his 100 percent best.”

Sa ‘Royal Blood’, gaganap si Tirso bilang Gustavo Royales, isang business tycoon at ama ni Napoy, na gagampanan naman ni Dingdong. Gaganap pang tatlong anak ni Gustavo sina Mikael Daez, Rhian Ramos at Lianne Valentin.

***

DAHIL Pride Month, malayang-malaya si Klea Pineda na makasama ang kanyang girlfriend na si Katrice Kierulf kahit saan nila gustong pumunta.

Simula noong mag-out si Klea, mas naging masaya ito dahil wala na siyang dapat na itago, lalo na ang pagmamahal niya sa kanyang partner na si Katrice.

Kelan lang ay sabay ang dalawa na namasyal sa La Union. Dahil parehong mahilig sa big bikes sina Klea at Katrice, ito ang ginamit nilang transportation sa pagpuna sa La Union.

“Walang sawang ride w/ you @kleapineda,” post ni Katrice sa kanyang Instagram stories.

Kasama rin ang buong pamilya ni Klea na nagbakasyon din sa La Union. Matagal nang tanggap ng pamilya ni Klea na siya ay miyembro ng LGBTQIA+ community. At tanggap din nila si Katrice bilang partner ni Klea.

Sa isang pinost na photo ni Katrice na photo nila ni Klea sa IG, nilagay niya ang caption na “Together we’re unstoppable.”

Marami man ang mabilis na tinanggap ang relasyon nila, hindi pa rin daw mawawala hanggang ngayon ang mga naghuhusga sa kanilang relasyon.

Heto ang naging sagot ni Katrice sa mga hindi makaintindi sa relasyon nila ni Klea: “Not everyone will understand our love story. But we won’t let it shatter our goals, dreams & the future we want to build together. #LoveAlwaysWins @kleapineda”

***

PROUD ang bisexual Filipino actor na si Alex Diaz na nakarating siya sa screening ng kanyang first international film titled ‘Glitter & Doom’ noong nakaraang June 8 sa Toronto, Canada.

Naging parte ng 2023 Inside Out LGBT Festival ang pelikula ni Alex kunsaan co-stars niya ang British actor na si Alan Cammish at ang ‘Orange is the New Black’ star na si Lea DeLaria. Kasama rin sina Missi Pyle, Tig Notaro at ang Indigo Girls na sina Amy Ray at Emily Saliers. Ang gumanap naman na mother ni Alex sa movie ay si Ming-Na Wen.

Ang kuwento ng ‘Glitter & Doom’ ay tungkol sa isang musician at isang carefree kid na sumama sa isang traveling circus kunsaan na-develop ang feelings nila para sa isa’t isa. Featured sa LGBTQIA+ musical na ito ay ang songs ng award-winning duo na Indigo Girls.

Ipapalabas din ang ‘Glitter & Doom’ sa Fairy Tales Queer Film Festival, Queer North Film Festival, and Frameline Film Festival in San Francisco.

(RUEL J. MENDOZA)