• December 24, 2024
  • Search in People's Balita

  • Ang Diyaryong Pinagkakatiwalaan

 

Archive for August 15th, 2023

PBBM, suportado ang ‘Matatag Curriculum’ ng DepEd

Posted on: August 15th, 2023 by @peoplesbalita No Comments

NAGPAHAYAG ng suporta si Pangulong Ferdinand R. Marcos Jr.  para sa “MATATAG Curriculum” ng Department of Education (DepEd).

 

 

Sinabi nito na ito’y  mahalagang programa na akma sa mga mag-aaral na Filipino.

 

 

“This is very significant because…sinusubukan nating gawin at ayusin ang curriculum para mas bagay sa pangangailangan ng mga batang Pilipino,” ayon kay Pangulong Marcos sa sidelines ng Brigada Eskwela activities  na isinagawa sa Victorino Mapa High School.

 

 

Binigyang diin ni Pangulong Marcos na layon din ng MATATAG Curriculum na palakasin ang “international score” ng bansa lalo na sa larangan ng ‘Science, Technology, Engineering, and Mathematics (STEM)’ subjects.

 

 

Sinabi pa nito na sa pamamagitan ng MATATAG Curriculum mabibigyan nito ang mga estudyante ng opsyon na ituloy ang  vocational o technical training makaraang matapos ang  10th grade ng kasalukuyang academic year.

 

 

“So that’s more or less the big system changes that we are doing,” ayon sa Pangulo.

 

 

Nauna rito, inilunsad ng DepEd ang adjusted K to 10 curriculum, at tinawag na ‘Matatag Curriculum’ matapos ang dalawang taong pagsusuri.

 

 

Ayon kay Vice President at DepEd Secretary  Sara Duterte, nag-umpisang siyasatin ng ahensya ang kurikulum dahil nakakaalarma ang mababang antas na nakuha ng mga Pilipinong estudyante sa national at international na pagsusulit

 

 

Dagdag pa ni Duterte, ang adjusted curriculum ay lilinang sa non-violent actions at conflict resolutions ng mga mag-aaral.

 

 

Mababatid na pito ang learning areas sa kasalukuyang sistema, habang sa adjusted curriculum lima na lamang  partikular na rito ang Language, Reading and Literacy, Mathematics, Makabansa, at Good Manners and Right Conduct (GMRC). (Daris Jose)

Ads August 15, 2023

Posted on: August 15th, 2023 by @peoplesbalita No Comments

OVP, tutulong sa DepEd sa paghahanda para sa pasukan

Posted on: August 15th, 2023 by @peoplesbalita No Comments

NAKIPAGTULUNGAN ang Office of the Vice President (OVP) sa Department of Education para sa isang linggong nationwide school maintenance program para paghandaan ang opisyal na pagsisimula ng klase sa August 29 ng kasalukuyang taon.

 

 

Ang mga naturang ahensya na parehong pinamumunuan ni Vice President Sara Duterte, ay nagtulungan para sa Brigada Eskwela 2023, na isasagawa mula Agosto 14 hanggang 19.

 

 

Ayon sa office of the Vice President, lalahok sa aktibidad ang sampung satellite offices nito sa Dagupan, Isabela, Region 5, Cebu, Bacolod, Tacloban, Davao, Surigao, Zamboanga, at Bangsamoro Autonomous Region in Muslim Mindanao (BARMM).

 

 

Lunes, Agosto 14, nakatakdang tumulong ang Office of the Vice President sa pagpapanatili ng East Central Integrated School sa Dagupan; Cauayan South Central School sa Isabela; Gogon Central Elementary School sa Legazpi; Labagon Elementary School sa Cebu; St. Francis Elementary School sa Tacloban; Victoria Elementary School sa Surigao; at Salum Elementary School sa Zamboanga.

P5 MILYON IPINAGKALOOB NG LUNGSOD QUEZON SA ‘StartUp’ FINALISTS

Posted on: August 15th, 2023 by @peoplesbalita No Comments

LUNGSOD QUEZON – Ginawaran ng Lungsod Quezon ng P1 milyon kada isa ang limang finalists sa ilalim ng StartUp QC nitong Biyernes, Agosto 11.

 

 

Ang inisyatibo ng Lungsod Quezon ay inilunsad noong Oktubre 2022 para suportahan ang mga umiiral na early-stage startups sa pamamagitan ng ibat-ibang training at mentoring sessions, industry exposure at networking events.

 

 

Sa kanyang talumpati, sinabi ni Mayor Joy Belmonte na ang mga pamahalaang lokal ay dapat lumikha ng inclusive environment na nagtataguyod ng paglago at pag-unlad ng lahat ng uri ng negosyo. “Nasa interes ng lahat ng sektor na magkaroon ng lungsod na kung saan ang bawat isa ay may kumpyansa na magtayo ng kanilang negosyo anuman ang kanilang ideya na makakalikha ng trabaho, magtutulak sa ekonomiya sa kanyang pinakatodong potensyal at tulong sa bawat mamamayan na mamuhay na kanilang pinapangarap,” wika ni Mayor Belmonte.

 

 

Ang Lungsod, kasama ng kanyang partners, ay handang maki-collaborate sa mga startups at ipakilala ang kanilang ideya sa merkado. Ang kanilang tagumpay ay babalik sa paglago ng komunidad at lungsod,” dagdag nya.

 

 

Ang mga napagkalooban ng P1 milyon ay ang Bamboo Impact Lab, Eduk Sine Production Corporation, Indigo Artificial Intelligence Research Inc., Itooh Homestyle at Wika.

 

 

Ang mga kumpanyang ito ay tumanggap din ng iba’t ibang business at technical trainings sa pakikipagtulungan ng Department of Information and Communications Technology, Department of Trade and Industry, Quezon City University, Ateneo de Manila University, Miriam College, Thames International, Technological Institute of the Philippines at University of the Philippines, at Launchgarage. (PAUL JOHN REYES)

FROM KARATE CHAMPION TO SUPER HERO: “COBRA KAI” STANDOUT XOLO MARIDUEÑA PLAYS HIS DREAM ROLE IN “BLUE BEETLE”

Posted on: August 15th, 2023 by @peoplesbalita No Comments

“IT’S a dream, surreal is really the only word I can use for it,” says Xolo Maridueña, who plays Jaime Reyes / Blue Beetle in the all-new Super Hero movie from Warner Bros. Pictures, “Blue Beetle.”  

 

 

 

“For as long as I can remember, Jaime Reyes is the biggest Latin Super Hero in the DC Universe,” says the actor. “Growing up, my mom was a huge fan of comics and I think she passed down that liking to me, and it was always a dream to play this role and to get into this character.”

 

 

 

Watch the trailer: https://youtu.be/j6hxeDmcaME

 

 

 

For Maridueña, family is what sets “Blue Beetle” apart from other Super Hero movies. “The family aspect is one that this movie really hits right on the head,” he shares. “Getting to work alongside phenomenal actors that are playing my family – Elpidia (Carillo, plays Jaime’s mother), Damían (Alcázar, father), Adriana (Barraza, grandmother), Belissa (Escobedo, sister) – the whole core family, I look at them and I speak with them and I’m like, ‘whoa,’ from the get-go we were bonded for life, and we are now. I haven’t seen that in a Super Hero movie before, so I think the audience is really gonna relate to that.”

 

 

 

Unlike in most Super Hero movies where the protagonist hides their identity from family to keep them safe, in “Blue Beetle,” Jaime discovers his superpowers right in front of his family, making them all privy to his secret. “This family, really, for better or for worse, is the driving force of everything that Jaime does,” says Maridueña. “You see that, and it’s really just due in part to how much he cares about them, and that is an experience that I relate to and that I can connect with so easily.

 

 

 

“My family is also so integral in everything that I do, and sometimes it feels like we’re on top of each other all the time, but those are the best types of relationships. I think they really provided a support system for Jaime to excel in everything that he wanted to do, and maybe now that he has the Scarab the plans are a little bit different, but they’re ride-or-dies, they see him for who is he and they’re gonna support him, and that really is such an important part of the story.”

 

 

 

In “Blue Beetle,” recent college grad Jaime Reyes (Maridueña) returns home full of aspirations for his future, only to find that home is not quite as he left it. As he searches to find his purpose in the world, fate intervenes when Jaime unexpectedly finds himself in possession of an ancient relic of alien biotechnology: the Scarab. When the Scarab suddenly chooses Jaime to be its symbiotic host, he is bestowed with an incredible suit of armor capable of extraordinary and unpredictable powers, forever changing his destiny as he becomes the Super Hero Blue Beetle.

 

 

 

“Blue Beetle” opens exclusively in cinemas August 16.

 

 

 

**The interview with Xolo Maridueña was done before the strike.**

 

 

 

About “Blue Beetle”

 

 

 

From Warner Bros. Pictures comes the feature film “Blue Beetle,” marking the DC Super Hero’s first time on the big screen. The film, directed by Angel Manuel Soto, stars Xolo Maridueña in the title role as well as his alter ego, Jaime Reyes.

 

 

 

Starring alongside Maridueña (“Cobra Kai”) are Adriana Barraza (“Rambo: Last Blood,” “Thor”), Damían Alcázar (“Narcos,” “Narcos: Mexico”), Elpidia Carrillo (“Mayans M.C.,” the “Predator” films), Bruna Marquezine (“Maldivas,” “God Save the King”), Raoul Max Trujillo (the “Sicario” films, “Mayans M.C.”), with Oscar winner Susan Sarandon (“Monarch,” “Dead Man Walking”), and George Lopez (the “Rio and “Smurf” franchises). The film also stars Belissa Escobedo (“American Horror Stories,” “Hocus Pocus 2”) and Harvey Guillén (“What We Do in the Shadows”). Soto (“Charm City Kings,” “The Farm”) directs from a screenplay by Gareth Dunnet-Alcocer (“Miss Bala”), based on characters from DC. John Rickard and Zev Foreman are producing, with Walter Hamada, Galen Vaisman and Garrett Grant serving as executive producers.

 

 

 

A Warner Bros. Pictures Presentation, A Safran Company Production, “Blue Beetle,” in cinemas starting August 16, is distributed by Warner Bros. Pictures.

 

 

 

Join the conversation online and use the hashtag #BlueBeetle

 

(ROHN ROMULO)

Construction worker na top 3 most wanted ng Malabon, nasilo

Posted on: August 15th, 2023 by @peoplesbalita No Comments

NAGWAKAS na ang pagtatago ng isang construction worker na nakatala bilang top 3 most wanted sa kasong robbery with homicide matapos masakote sa ikinasang manhunt operation sa Malabon City, kamakalawa ng gabi.

 

 

Kinilala ni Malabon police chief P/Col. Jonathan Tangonan ang naarestong akusado na kinilala bilang si Redentor Rodaste, 27 ng Sitio Gulayan, Barangay Catmon, Malabon City.

 

 

Sa kanyang ulat kay Northern Police District (NPD) Director P/BGen Rizalito Gapas, sinabi ni Col. Tangonan na nakatanggap ng impormasyon ang mga operatiba ng Warrant and Subpoena Section (WSS) ng Malabon police na naispatan ang presensya ng akusado sa Brgy. Hulong Duhat.

 

 

Kaagad nagsagawa ang mga operatiba ng WSS sa pangunguna ni PEMS Marlon Garcia, PNCOIC, WSS kasama ang 4th MFC RMFB-NCRPO ng joint manhunt opertion na nagresulta sa pagkakaaresto sa akusado dakong alas-6:20 ng gabi sa Gervacio Street, Barangay Hulong Duhat, Malabon City.

 

 

Ani Col. Tangonan, ang akusado na nakatala din bilang top 8 most wanted ng NPD ay dinakip ng kanyang mga tauhan sa bisa ng warrant of arrest na inisyu ni Hon. Misael Madelo Lagada noong July 5, 2022 para sa kasong Robbery with Homicide.

 

 

Pansamantalang nakapiit ang akusado sa custodial facility unit ng Malabon police habang hinihintay ang pagpapalabas ng commitment order ng korte.

 

 

Pinapurihan naman ni BGen Gapas ang Malabon police sa kanilang pagsisikap para tugisin ang mga taong pinaghahanap ng batas. (Richard Mesa)

Mangingisda, isasabak sa West Philippines Sea

Posted on: August 15th, 2023 by @peoplesbalita No Comments

PLANONG gawing reservist ng Armed Forces of the Philippines (AFP) ang mga mangingisda sa Kalayaan Island para magbantay sa West ­Philippine Sea.

 

 

Ayon kay AFP Chief of Staff Lt Gen. Romeo Brawner, Jr. tuturuan ang mga mangingisda kung paano makakatulong sa pagdepensa ng bansa.

 

 

Sinabi ni Brawner na ikinokonsidera nila ang pagbuo ng maritime militia sa may WPS para palakasin ang presensiya ng militar sa lugar.

 

 

Ang pahayag ni Brawner ay kasunod na rin ng water cannon incident sa may outpost ng Pilipinas na BRP Sierra Madre na nasa Ayungin shoal noong Agosto 5.

 

 

Subalit tutol dito ang Pag-asa Island Fisherfolk Association of Kalayaan na pinangungunahan ni Larry Hugo sa pagsasabing magiging mahirap ito para sa kanila sa pangamba na sila naman ang pagbalingan ng Chinese Coast Guard.

 

 

Nais lamang nilang makapangisda para sa kanilang araw-araw na pamumuhay.

 

 

Ani Hugo, ayaw nilang umabot na sila ay banggain o i-water cannon ng mga Chinese tulad ng ginawa sa resupply ship ng AFP sa Ayungin Shoal.

 

 

Gayunman, kung magbibigay lamang ng mga impormasyon or situational report maaari itong gawin ng kanilang grupo subalit hindi ang pagdadala ng mga armas.

 

 

Iginiit din nito na hindi sila hahawak ng armas.

 

 

Ang nasabing grupo kasi ay nag-o-operate ng 36 fishing boats sa may Pag-asa island. (Daris Jose)

Gobyerno, hindi gumastos ng public funds sa fashion show sa Malakanyang

Posted on: August 15th, 2023 by @peoplesbalita No Comments

WALANG ‘public funds’ na ginamit sa fashion show sa Malakanyang.

 

 

Umani kasi ng kaliwa’t kanang pambabatikos mula sa netizens ang fashion show ng designer na si Michael Leyva na ginanap sa Goldenberg Mansion sa Malacañang complex, dahil sa sinasabing tila  pinag-aksayahan ng pera ang nasabing fashion show.

 

 

“The  government does not spend anything on the event because it is paid for by the designers and private institutions they partner with,” ayon kay Deputy Social Secretary Dina Arroyo Tantoco.

 

 

Ani Tantoco, ang serye ay  naglalayong lumikha ng plataporma para sa mga malikhaing filipino.

 

 

‘The output is a collaboration between various creatives in the industry and creates awareness (thereby generating demand) for local fabrics and designs which have always been instrumental in our cultural identity,” ang wika ni Tantoco.

 

 

Samantala, kasama sa kilalang panauhin na dumalo sa fashion show ay si Unang GInang Liza Araneta-Marcos. Ang iba pang bisita ay kinabibilangan nina senador Nancy Binay, Robin Padilla, Sherwin Gatchalian, Francis Escudero at Joel Villanueva.

 

 

Itinalaga naman ng Palasyo ng Malakanyang ang Goldenberg Mansion bilang events venue noong Mayo, kung saan ang iba pang mansiyon sa Malakanyang ay ginawa namang museums. (Daris Jose)

Wish niya sa anak na maging tradisyon na ito: SMOKEY, ginawang makabuluhan ang first birthday ni KIKO

Posted on: August 15th, 2023 by @peoplesbalita No Comments

GINAWANG mas makabuluhan ni Smokey Manaloto ang 1st birthday ng kanyang anak na si Kiko sa pagpapasaya ng mga bata sa isang bahay-ampunan sa Rizal.

 

 

 

Sa Instagram, ibinahagi ng aktor ang mga larawan sa birthday celebration ni Kiko na ginawa sa New Faith Family Children’s Home sa Cainta, Rizal.

 

 

 

Ayon kay Smokey, nagpasya sila ng kanyang partner na gawin ang kaarawan ng kanilang anak sa bahay-ampunan para ibahagi ang kanilang biyaya sa pagdating ng kanilang anak sa kanilang buhay.

 

 

 

“It was an afternoon filled with laughter, games, toys and great food. Sa sandaling oras na nakapag-share kami ng mga regalo sa kanila ay ang bilis ding napalapit ang loob namin sa mga bata doon. Lahat sila magagalang… lahat sila palatawa… lahat sila mabait… at higit sa lahat… lahat sila ay may magandang relasyon sa ating Panginoon,” ayon sa 52-year old comedian.

 

 

 

Heto naman ang mensahe ni Smokey sa kanyang anak: “Anak… gawin nating tradisyon ito ha? Sana magkaroon ka ng malaking puso para lagi kang magshe-share ng love sa lahat ng mga nangangailangan. Mahal na mahal ka namin Kiko.”

 

 

 

***

 

 

 

PUMANAW sa edad na 85 and veteran and award-winning actor na si Robert Arevalo noong nakaraang August 10.

 

 

 

Ang anak ng aktor na si Anna Ylagan ang nag-announce sa Facebook.

 

 

 

“Today is the day that the Lord has chosen to take our dearest Papa home. Robert Francisco Ylagan, a.k.a. Robert Arevalo, peacefully passed away at 10:17 a.m. this morning, Aug. 10, 2023. Praise God for His mercy and grace.”

 

 

 

Sa Arlington Chapels in Quezon City binurol ang aktor noong nakaraang Saturday and Sunday.

 

 

 

Roberto Ylagan ang tunay na pangalan ng aktor at galing siya sa showbiz family na De Leon at Ylagan. Ama niya ang aktor na si Tito Arevalo at pinsan niya ang aktor na si Jay Ilagan. Uncle naman niya ang National Artist na si Gerardo de Leon.

 

 

 

Born in Dumaguete on May 6, 1938, Arevalo graduated in San Beda College and completed his college education at the Ateneo de Manila University, where he took up Business Administration.

 

 

 

Nagsimula siya bilang drama actor under Premiere Productions. Ang kanyang asawa ay ang premyadong aktres na si Barbara Perez na contract star ng Sampaguita Pictures. Nakilala siya si Perez bilang “Audrey Hepburn of the Philippines”.

 

 

 

Tinalikuran ni Perez ang isang promising Hollywood career nang mag-propose ng marriage si Arevalo pag-uwi niya ng Pilipinas pagkagaling sa World’s Fair in New York.

 

 

 

Kinasal sila noong August 11, 1962 at the St. Joseph Church the Worker Parish Church in Pacdal Circle in Baguio City.

 

 

 

Ilan sa mga pelikulang nagawa ni Arevalo ay Huwag Mo Akong Limutin (1960), Noli Me Tangere (1961) and El Filibusterismo (1962).

 

 

 

Sabay na nanalong ng FAMAS best actor and best actress sina Robert at Barbara para sa pelikulang Ang Daigdig Ng Mga Api (1965).

 

 

 

Nanalo rin si Arevalo ng best supporting actor in the Metro Manila Film Festival (MMFF) for Ama, Bakit Mo Ako Pinabayaan? (1990), Film Academy of the Philippines’ (FAP) best supporting actor trophy for Pangako Ng Kahapon (1994) and the Urian trophy for best screenplay for Hubad Na Bayani (1977) na dinirek at pinagbidahan niya.

 

 

 

Huling pelikulang lumabas si Arevalo ay sa Ang Larawan in 2017. Huling teleserye na ginawa niya ang FPJ’s Ang Probinsyano.

 

 

 

***

 

 

HINDI na lang sa telebisyon mapapanood ang mga vocal diva ng All-Out Sundays (AOS) na sina Asia’s Limitless Star Julie Anne San Jose, Jessica Villarubin, Thea Astley, Mariane Osabel, Hannah Prescillas, at Rita Daniela dahil magkakaroon na sila ng sarili nilang live concert – ang “Queendom: Live.”

 

 

 

Gaganapin ito sa December 2 sa Newport Performing Arts Theater, Newport World Resorts, Pasay City.

 

 

 

Last Sunday nga sa AOS ni-reveal ang good news na ito at simula kahapon, August 14 pwede na bumili ng ticket exclusively sa www.gmanetwork.com/synergy at ticketworld.com.ph.

 

 

 

For sure, patok ito sa fans at concert enthusiasts dahil ito ang first-ever live concert ng mga hinahangaang AOS divas. Matagal na itong hinihintay ng fans nina Julie, Jessica, Thea, Mariane, Hannah, at Rita na laging inaabangan ang performances nila sa Queendom segment sa AOS.

 

 

 

Maraming pasabog at exciting surprises ang ihinahanda nila para rito. Gaya ng award-winning “Limitless: A Musical Trilogy” ni Julie, siguradong engrande at world class ang production nito dahil ito rin ay mula sa GMA Synergy at GMA Entertainment Group.

 

 

 

Kaya naman huwag nang magdalawang-isip pa — save the date, at bumili na ng ticket bago pa magkaubusuan.

 

(RUEL J. MENDOZA)

‘Family Matters’, big winner at waging Best Picture: NADINE, muling nakasungkit ng ‘Best Actress’ award sa FAMAS

Posted on: August 15th, 2023 by @peoplesbalita No Comments

SA ikalawang pagkakataon, muling nasungkit ni Nadine Lustre ang Best Actress trophy sa 71st Filipino Academy of Movie Arts and Sciences (FAMAS), para sa pelikulang “Greed” na tungkol sa isang mag-asawa na nanalo ng pinakamalaking jackpot sa lotto.

 

 

Una siyang nagwagi ng major award sa nasabing award-giving body, nang gampanan niya ang role ni Joanne sa 2018 film na “Never Not Love You”.

 

 

Ang 2022 dramedy film na “Family Matters” naman ang itinanghal na big winner sa naganap ang awards night noong August 13 sa Fiesta Pavilion ng Manila Hotel.

 

 

 

Nakuha ng CineKo Productions ang Best Picture, Best Editing, kasama ang Best Actor para kay Noel Trinidad, at Best Supporting Actress para kay Nikki Valdez.

 

 

 

Ang story ng pelikula ay umiikot sa isang pamilya na nagtatalo kung sino ang mag-aalaga sa kanilang ama na na-stroke, kasama ang kanilang ina.

 

 

 

Narito ang kumpletong listahan ng mga nagsipagwagi sa 71st FAMAS Awards:

Best Actress: Nadine Lustre – “Greed”
Best Actor: Noel Trinidad – “Family Matters”
Best Picture: “Family Matters”
Best Director: Ma-an Asuncion-Dagñalan – “Blue Room”
Best Supporting Actress: Nikki Valdez – “Family Matters”
Best Supporting Actor: Sid Lucero – “Reroute”
Best Screenplay: Abet Raz and Alejandro Ramos – “La Traidora”
Best Cinematography: Neil Daza – “Blue Room”
Best Production Design: Eero Yves Francisco – “Leonor Will Never Die”
Best Editing: Beng Bandong – “Family Matters”
Best Musical Score: Jazz Nicolas and Mikey Amistoso – “Blue Room”
Best Sound: Alizen Andrade and Immanuel Verona – “Reroute”
Best Short Film: “Golden Bells” by Kurt Soberano
Special Award:
Fernando Poe Jr. Memorial Award – Sen. Lito Lapid
Susan Roces Celebrity Award – Liza Lorena
Dr. Jose R. Perez Memorial Award – Jun Urbano
German Moreno Youth Achievement Award – Jillian Ward
FAMAS Lifetime Achievement Award – Marita Zobel
FAMAS Exemplary Award in Public Service – House Speaker Ferdinand Martin Romualdez
Face of the Night (Male) – Mon Confiado
Face of the Night (Female) – Nadine Lustre
Male Star of the Night – Sid Lucero
Female Star of the Night – Jillian Ward

 

 

***

 

HINDI pa rin makapaniwala si Nikki Valdez na FAMAS awardee na siya dahil sa pelikulang “Family Matters”.

 

Sa kanyang FB post, “As I type this, I am trying to put myself together because I am still grieving the loss of my boy Travis but have something to be truly grateful for at the same time.

 

“This picture was taken right as I got off the stage after my acceptance speech and yes, I was ugly crying, shaking and very much overwhelmed with what was going on.

 

“Hanggang ngayon, hindi pa rin ako makapaniwala na nanalo ako sa FAMAS!!! 😭😭😭Pinapanood ko lang ito nung bata ako and masayang masaya ako para sa mga nananalo. Ramdam kong umaapaw ang saya sa puso nila. Kagabi sabi ko sa sarili ko, “ito pala yung feeling na yun.”

 

Dagdag pa niya, “My COMPLETE acceptance speech which was taken by MJ Felipe @mjfelipe (salamat MJ for capturing this moment) as my husband was busy escorting me and trying to calm me down will be on a separate post.
“This award will only make me continue to give my very best in what I do and the people I work with. Pagbubutihin ko pa po lalo para mas maraming macontribute sa industriyang araw araw kong pipiliin.

 

“Maraming maraming salamat po sa inyong lahat!”

 

Congrats Nikki dahil sobrang deserved mo ang award na ito at ganun sa bumubuo ng ‘Family Matters’.

(ROHN ROMULO)

People's Balita.
All rights reserved. © Copyright 2024.