NGAYONG ika-26 ng Agosto 2023, pagkalipas ng walong taon ay nagbabalik na ang bagong bihis na “Wow Mali: Doble Tama” dahil ipinasa na ito Joey de Leon kina Jose Manalo at Wally Bayola.

Pandemic palang ay tinanong na ng APT Entertainment ang comic duo at um-oo naman sila sa offer.

“Kaya lang sabi namin, ‘alam ba ni Tito Joey ito?’ ‘Yun agad ang tanong namin na bago namin tanggapin ito, ‘Wow Mali’ ito, 20 years,” pahayag ni Jose.

“Sabi namin na magpapasintabi kami at umokey naman si Boss Joey at sabi niya, ‘kung kayong dalawa ang gagawa, okay.’ Kaya salamat boss Joey.”

Sabi naman ni Wally, “kung baga kami na ang nag-aantay tulad nga ng sinabi ni Jose pandemic time pa sinabihan kami na magkakaroon kami ng show tapos naghihintay kami (matagal) akala ko na hindi na tuloy kasi nga lockdown, lockdown then heto na, pasalamat kami kay boss Joey. Salamat po at kami ang naatasan.”

Malaki talaga ang tiwala sa kanila ni Henyo Master Joey kaya siguro pumayag siyang sina Jose at Wally ang papalit na hosts ng programang ‘Wow Mali’ na nagtapos noong 2015.

Samantala, almost twenty years na pala ang tambalan JoWa. Para na raw silang mag-asawa at kilalang-kilala na nila ang isa’t-isa, pero hindi sila nagkakasawaan.

“Hindi naman kami nagkakasawaan, alam ko na nga pabango nito, actually kapag nilagyan mo ng “a” yung sawa, parang mag-asawa na yan, at magkaibigan ganun na yung meron kami,” tugon ni Jose.

Na-try na rin nilang mag-solo, pero ‘di naman sila tatanggi sa project tulad ng “Wow Mali: Doble Tama.”

“Nagso-solo naman si Jose, may show siya before and ako rin naman nagkaroon ng gameshow kasama si Paolo (Ballesteros), so okay lang naman. Hindi naman namin pinag-uusapan na naka-package kami, pero as long as kailangan na magkasama kami mas okay,” panana naman ni Wally.

Samantala, wala pang nailalabas na desisyon ang MTRCB sa “E.A.T.” tungkol sa segment na kung saan aksidenteng napamura si Wally.

“May pag-uusap po sa MTRCB at sa production,” sagot ng komedyante.

“Siyempre, hindi po ako puwedeng magbigay ng salaysay at I want to keep it privately kasi nga, ongoing pa ‘yung pag-uusap,” dagdag pa ni Wally.

“Kung ano pa po yung further na pwedeng gawin pa, willing naman po ako para dun,”

Pananaw naman ni Jose sa isyung kinasangkutan ng kaibigan, “‘Wag nang patagalin. Kung kasalanan mo, mag-sorry ka. Wala namang masama. ‘Di nakakabawas ng pagkatao ang pagso-sorry. The more na nagpapakumbaba ka, the more na mas maganda ang ginagawa mo.”

Anyway, asahan na doble ang katatawanan, doble ang kalokohan, at doble ang kasiyahang hatid sa grand comeback ng longest-running at multi-awarded prank show ng bansa sa mas pinalakas na “Wow Mali: Doble Tama.”

Nakilala ang ‘Wow Mali’ bilang kauna-unahang prank show ng Pilipinas na kinagiliwan ng mga Pilipino simula nang umere ito noong 1996. Naging instant hit ang mga kuwelang “candid camera” pranks ng programa, dagdag pa ang witty hosting ng original prank master na si JDL, kaya naman naging household term na ang “Wow Mali” sa mga Pinoy.

Magbabalik ang legacy show na ito ng TV5 para muling maghatid ng kakulitan, kalokohan at katuwaan sa “Wow Mali: Doble Tama,” sa pangununa ng kilalang comic duo bilang mga bagong prankmasters ng programa.

Co-produced ng APT Entertainment at Cignal TV para sa TV5, ang “Wow Mali: Doble Tama” ay magbibigay ng times two na kasiyahan at sorpresa sa hatid nitong new-generation humor, nakakatawang segments, at kaabang-abang na parodies!

Huwag palampasin at “maki-CSL (Can’t Stop Laughing)” sa premiere ng “Wow Mali: Doble Tama,” ngayong Agosto 26, 6:15 PM sa TV5 at 7:00 PM naman sa BuKo Channel

Para sa mga behind-the-scenes, sneak peeks o nakakatawang clips at interactive content ng “Wow Mali: Doble Tama,” i-follow lamang ang social media pages ng TV5.

(ROHN ROMULO)

SABI namin kay Yasmien Kurdi, siguradong pakikinggan ng Diyos ang dasal niya at ibi-bless siya dahil mabuti siyang anak, asawa at magulang.  

Sa ngayon kasi, naghihintay raw sila para sa magiging donor ng kidney ng kanyang ina at para makapag-undergo ito ng transplant.

Kuwento rin ni Yasmien, matagal na raw niyang niyayaya ang Mama niya na sa bahay na nila tumira. Nasa South si Yasmien habang ang Mama naman niya ay sa Quezon City, pero, ayaw raw talaga nitong pumayag. Mas gusto na nasa sariling bahay.

“Ang mommy ko naman, niyayaya kong tumira sa house ko noon pa. Pero parang mas gusto niya ng privacy.  Ayaw niyang sumama. Sabi ko, ‘Mama paano ‘yan, ‘pag may emergency ka, paano kita dadalhin sa ospital’?

“Kaya biglaan, nabilhan ko siya ng bahay na katabi lang ng bahay ko. Surprise ko ‘yan sa kanya. Titira rin doon ang lola ko na 80 years old, at cousin ko na nasa amin na since 2 years old. I’m really happy kasi, malapit na sila sa akin.  Palagi ko silang paglulutuan.”

Sa ngayon daw, nagti-treatment ang mama niya at umaasa nga ito na sana raw ay makahanap sila para sa transplant. Pero hindi nakalimutang pasalamatan ni Yasmien ang kanyang network, ang GMA-7.

Aniya, “It’s a big struggle. Sacrifice siya. At na-appreciate ko ang GMA, kasi hindi nila ako binigyan ng schedule kaya ko naalagaan ang mom ko sa hospital. 

“Gusto ko rin magpasalamat kay Miss Betchay Vidanes, gusto raw tumulong ni Senator Robin Padilla sa mga bill sa hospital.  Pero sayang, kasi nabayaran na namin, nakalabas na siya.

“Pero, I really appreciate the love, the concern.  And thankful ako sa mga ginagawa nila sa amin.”

Sa isang banda, si Yasmien ang bidang babae sa bagong GMA Afternoon Prime na magsisimula sa Lunes, August 28, ang ‘The Missing Husband’ kunsaan, katambal niya si Rocco Nacino.  

May mga eksena rito na talagang kinuhanan nila sa Dubai at ang tema rin ay talagang napapanahon.

Kasama rin nila rito sina Nadine Samonte, Joross Gamboa at Jak Roberto.

***

NAGBABALIK sa telebisyon ang hindi pa man uso sa mga content ng mga influencers at vlogger ngayon, ay namamayagpag na sa pagpapa-prank, ang “Wow Mali: Doble Tama.”

Doble ang katatawanan, doble ang kalokohan, at doble ang kasiyahang hatid sa grand comeback ng longest-running at multi-awarded prank show ng bansa sa mas pinalakas na “Wow Mali: Doble Tama,” simula ngayong August 26 at tuwing Sabado, 6:15 PM sa TV5 at 7:00 PM sa BuKo Channel.

Taong 1996 pa nang una itong makilala with Joey de Leon as host. Naging instant hit ang mga kuwelang “candid camera” pranks ng programa at naging naging household term na ang “Wow Mali” sa mga Pinoy.

Ngayong Agosto, magbabalik ang legacy show na ito ng TV5 para muling maghatid ng kakulitan, kalokohan at katuwaan sa “Wow Mali: Doble Tama,” sa pangununa ng kilalang comic duo na sina Jose Manalo at Wally Bayola bilang mga bagong prankmasters ng programa.

Co-produced ng APT Entertainment at Cignal TV para sa TV5, ang “Wow Mali: Doble Tama” ay magbibigay ng times two na kasiyahan at sorpresa sa hatid nitong new-generation humor, nakakatawang segments, at kaabang-abang na parodies! Huwag palampasin at “maki-CSL (Can’t Stop Laughing)” 

Para sa mga behind-the-scenes, sneak peeks o nakakatawang clips at interactive content ng “Wow Mali: Doble Tama,” i-follow lamang ang social media pages ng TV5.

(ROSE GARCIA)

PARA kay Alden Richards, ang acting o pag-arte sa harap ng kamera “is an escape” mula sa mga stress ng buhay.

Ano ba ang mga stress ni Alden sa kanyang buhay?

“Minsan kasi, of course tayo tao lang, dun nga po pumapasok yung, ‘Tao lang tayo,’ kahit gaano mo katagal i-shield yung sarili mo dito sa mga bagay na ‘to na present sa paligid, especially may it be you know, mga tao sa paligid mo na hindi ka gusto who creates false news about you.

“Na ayaw mong mag-react kasi… I never really react to these people because I know myself, I know the truth and I don’t really have to explain myself every now and then pag nagkakaroon po ng issues.

“Of course may family problems as well, andiyan din po yan and then yung different kinds of pressure.
“So dumarating po talaga sa point na nahahabol niya po ako nang sabay-sabay.

“And with acting kahit papaano every now and then, acting and gaming, natatakasan ko po sila.

“And then after a while, kasi minsan kapag nalulunod tayo sa problema hindi natin naiisip yung solusyon dun dahil masyadong malaki yung problema para makapag-isip tayo ng tama.

“So with the things that I love to do which is acting and gaming, at least nagkakaroon ako ng time off, nae-eject ko yung sarili ko dun then nakakapag-isip ako ng mga solusyon.

“Kasi of course andiyan ang prayers para tulungan tayo pero minsan po kasi may mga problema na hindi kayang ma-solve ng kahit sino sa paligid mo other than yourself.

“Ikaw ang tutulong, ikaw ang magso-solve.

“So iyon po yung mga life lessons ko po na natutunan dito sa industriya at sa pagtatrabaho ko po sa showbiz.”

Sa Sabado ay mapapanood ang pangatlo sa apat na MPK episodes ni Alden at ito ay ang “The Lost Boy” (sa direksyon ni Irene Villamor) kung saan gaganap si Alden bilang si Allan, isang lalaking napilitang sumapi sa isang grupo ng mga kriminal para mailigtas ang buhay ng kanyang magulang.

At ang pang-apat naman na ipapalabas sa August 26 ay may pamagat na “Sa Puso’t Isipan: The Andrew Cantillana Story” sa direksyon naman ni Gina Alajar.

Ang month-long special ng Magpakailanman ay napapanoood tuwing Sabado, 8:15 ng gabi sa GMA.

Naka-livestream din ito nang sabay sa official YouTube channel at website ng GMA Network.

***

MAY patutunguhang makabuluhang layunin ang kikitain sa pagre-revive ni Ronnie Liang ng kantang “Ngayon At Kailanman.”

“The proceeds of all my produced music, royalties & sales on all digital platforms worldwide will be donated to Ronnie Liang Project Ngiti Foundation.

“Ito ay para sa mga batang may lip & cleft palate, for them to have free surgery and operation,” pahayag ni Ronnie.

Ni-revive ni Ronnie ang classic song ni Basil Valdez na “Ngayon At Kailanman” dahil masugid siyang tagahanga ni Mr. Valdez na siyang orihinal na umawit ng naturang kanta.

“I am a fan of the original singer of the song, siyempre si Sir Basil Valdez and I usually sing this song at my shows and concerts.

“Matagal ko ng pangarap mai-record and magkaroon ng version of this classic OPM song.”

Kaya naman labis ang pasasalamat ni Ronnie nang mabigyan siya ng lisensiya at permiso na i-record at i-release ang naturang kanta.

“And I would like to thank the publishing company for the honor & privilege to be given the license and permit to record and release this song in all online music stores worldwide.”

Samantala, magkakaroon ng concert si Ronnie sa November 10 sa Grand Hyatt Manila sa Bonifacio Global City.

Isa itong concert for a cause for the benefit of Ronnie Liang Project Ngiti Foundation.

Ito ay handog ng Viva Live in partnership with The Rotary Club of Pasig Premier.

(ROMMEL L. GONZALES)