2023 September 06 Archive - People's Balita

November 15, 2024
Search in People's Balita
Ang Diyaryong Pinagkakatiwalaan

Archive for September 6th, 2023

PBBM, nasa Indonesia para dumalo sa 43rd ASEAN SUMMIT and RELATED SUMMITS

Posted on: September 6th, 2023 by @peoplesbalita No Comments

LUMIPAD si Pangulong Ferdinand R. Marcos Jr. patungong Indonesia, araw ng Lunes, para dumalo sa 43rd Association of Southeast Asian Nations Summit and Related Summits.

Nangako itong isusulong ang interest ng bansa kasama ang kanyang constructive engagements sa ASEAN at Dialogue Partners nito.

Ang partisipasyon ng Pangulo sa summit ay dahil na rin sa imbitasyon ni ASEAN Summit Chair Indonesian President Joko Widodo.

“Once again, I will use this opportunity to advance Philippine priorities in ASEAN and work with our other ASEAN Member States not only in addressing the complex challenges facing the region, but also in pursuing opportunities for ASEAN as an ‘epicentrum of growth,’” ayon kay Pangulong Marcos sa kanyang departure statement sa Villamor Airbase.

“My participation will highlight our advocacies in promoting a rules-based international order, including in the South China Sea, strengthening food security, calling for climate justice, tapping the potential of the digital and creative economies, protecting migrant workers in crisis situations, as well as combating Trafficking-in-Persons.” ayon pa rin sa Pangulo.

Sa kabilang dako, sa pangalawang ASEAN Summit ngayong taon, makapagbibigay ito ng strategic opportunity para sa regional bloc para mas palalimin ang matatag na partnerships sa Australia, Canada, India, China, Japan, Korea, the United States, at Estados Unidos, United Nations, sinabi ni Pangulong Marcos na pagyayamanin nito ang pagtutulungan sa ibang bansa pagdating sa kalakalan at pamumuhunan, climate action, food security, clean energy, at maritime cooperation.

Winika pa ng Pangulo na magpapartisipa siya sa ASEAN Plus Three and East Asia Summits para talakayin ang mga kaganapan sa South China Sea, ang situwasyon sa Myanmar, at ang hidwaan sa Ukraine; at maging sa mga pangunahing “power rivalries.”

“I will also take the opportunity to meet with bilateral partners at the sidelines of the ASEAN Summit to advance cooperation that will benefit our national priorities. As a founding member, ASEAN has always been closely intertwined with Philippine foreign policy,” ayon sa Punong Ehekutibo.

“My administration will continue to ensure that our constructive engagements with ASEAN, our Dialogue Partners, and stakeholders serve our national interest and the well-being of the Filipino people,” aniya pa rin.

Inaasahan naman na dadalo ang Pangulo sa 13 leader’s level engagements, 12 mula sa bilang na ito ay summit sessions kasama ang ibang lider, ayon sa Foreign Affairs Department.

Ang 43rd Summit and Related Summits ay may temang “ASEAN Matters: Epicentrum of Growth.” Magtatapos ito sa Setyembre 7, mayroong handover ceremony ng ASEAN Chairmanship mula Indonesia tungo sa Lao People’s Democratic Republic.

Itinatag noong Agosto 8, 1967, sa Bangkok, Thailand, ang ASEAN ay isang political at economic union ng 10 member states sa Southeast Asia. Binubuo ito ng Indonesia, Malaysia, Pilipinas, Singapore, Thailand, Brunei Darussalam, Viet Nam, Lao PDR, Myanmar, at Cambodia. (Daris Jose)

Ads September 6, 2023

Posted on: September 6th, 2023 by @peoplesbalita No Comments

Gobyernong PBBM, may plano sa mga retailers na apektado ng rice price ceiling

Posted on: September 6th, 2023 by @peoplesbalita No Comments

MAY plano ang gobyerno sa mga rice retailers na labis na maaapektuhan ng price ceiling sa nasabing paninda.

Bago lumipad patungong Jakarta, Indonesia para magpartisipa sa 43rd ASEAN Summit, pinangunahan muna ni Pangulong Marcos ang isang pagpupulong kasama ang ilang ahensiya ng pamahalaan sa State Dining Room sa Palasyo ng Malakanyang.

Sa kanyang departure speech, binigyang diin ng Punong Ehekutibo na naiintindihan ng gobyerno ang mga alalahanin ng mga rice retailers. Nangako ang Pangulo na magiging available ang tulong para sa mga ito upang hindi sila mawalan ng kita.

“Naunawaan namin kaagad, mula sa simula ng usapan tungkol sa price control sa bigas, naunawaan na namin at nakita na kaagad na mayroong mga retailer na maiipit dahil sila ay bumili ng mahal ng bigas,” ayon kay Pangulong Marcos.

“Ngayon ay mapipilitan sila maipagbili ‘yung mahal na bigas sa murang halaga, kaya’t alam namin ‘yun. Kaya gumawa kami, meron kaming plano,” dagdag na wika nito.

Sa kabilang dako, sa nasabing pagpupulong, tinalakay ni Department of Trade and Industry (DTI) Assistant Secretary Dominic Tolentino Jr. ang iba’t ibang alalahanin na isinatinig ng mga “retailers, traders at farmers cooperatives” at maging ang tulong na kanilang hangad mula sa pamahalaan.

Kabilang sa mga panukalang hakbang para pagaanin ang epekto sa mga retailers ay financial assistance sa wet markets at tinatawag na “neighborhood sundry stores” , “to cover the difference between the cost of the current inventory of rice and the price ceiling; some loan programs; and logistics support like providing government transportation for transferring sacks of rice from traders to retailers or wholesalers,” ayon sa DTI.

Pinag-usapan din ng mga ito ang “market linkages at support” gaya ng maugnay sa local rice farmers na may supermarket chains at iba pang retailers, maghanap ng alternatibong pamilihan at Kadiwa-Diskwento Caravan.

Sinabi nama ng Presidential Communications Office (PCO) na inatasan ni Pangulong Marcos ang DTI na madaliin ang pamamahagi ng tulong.

Kaugnay nito, ipinag-utos naman ni DTI Secretary Alfredo Pascual ang paglikha ng Special Task Force na magsisiguro ng epektibong implementasyon ng EO.

“Sa mga kasamahan ko sa DTI na naka-assign sa rice task force, sama-sama nating gampanan ang ating tungkulin nang maayos at mahusay,” ayon kay Pascual.

Samantala, sumang-ayon naman ang mga miyembro ng Special Task Force na simulan ang “profiling at validation” in sa pakikipagtulungan sa DA, local government units, at Local Price Coordinating Councils (LPCCs).

Gayundin, gagamitin naman ng DTI ang mga asosasyon para mangalap ng listahan ng retailers at maayos na i- identify ang potential beneficiary.

Sa kanyang naging talumpati, binanggit ni Pangulong Marcos na kapuwa naghahanda na ang Department of Agriculture at DA ng listahan ng rice retailers na mabibigyan ng tulong.

Ipinresenta naman ni Department of Social Welfare and Development (DSWD) Secretary Rex Gatchalian ang panukalang livelihood assistance o Sustainable Livelihood Program (SLP) para sa mga small-scale rice retailers, at ang panukalang social safety net para sa apektadong rice retailers.

Aniya, inatasan sila ni Pangulong Marcos na gamitin ang kanilang “sustainable livelihood program” para tulungan ang mga rice traders at retailers sa ilalim ng “capital build-up” mandato ng programa.

“Napag-usapan namin ng Pangulo kaninang umaga na gagamitin ulit ‘yung sustainable livelihood program ng DSWD para naman magtulungan ‘yung ating mga maliliit na mga retailers na naapektuhan nitong pansamantala na Executive Order o ‘yung price cap sa bigas,” ayon sa Kalihim.

Winika pa nito na tanging ang mga small rice traders at retailers, o vulnerable groups lamang ang makatatanggap ng tulong mula sa pamahalaan. (Daris Jose)

OES, idinepensa ang hakbang ng OP

Posted on: September 6th, 2023 by @peoplesbalita No Comments

IDINEPENSA ng Office of the Executive Secretary (OES) ang naging hakbang ng Office of President (OP) na payagan ang paglilipat ng pondo sa Office of the Vice President (OVP) noong 2022.

Sa isang kalatas, sinabi ng OES na inaprubahan ng tanggapan ni Pangulong Ferdinand Marcos Jr. ang pagpapalabas ng P221.424 million sa OVP, sa naging kahilingan na rin ng huli.

Ayon sa OES, inaprubahan ng Pangulo ang pagpapalabas alinsunod sa Special Provision No. 1 sa ilalim ng Fiscal Year 2022 Contingent Fund.

“The President is authorized to approve releases to cover funding requirements of new or urgent activities of NGAs, among others, that need to be implemented during the year,” ayon sa OES.

“VP Sara, who was newly elected then, needed funds for her new programs for the remaining period of 2022. The President supported this initiative and released the funds, with the favorable recommendation of DBM,” dagdag na pahayag ng OES.

Ayon sa OES, ang nasabing halaga ay para sa “Maintenance and Other Operating Expenses: a) Financial Assistance/Subsidy – P96.424 million, and b) Confidential Funds (for newly created satellite offices) – P125.0 million, chargeable against the FY 2022 Contingent Fund.”

Nauna rito, kinumpirma ni Sara Duterte na humiling ng P125 million confidential funds para sa Office of the Vice President noong nakalipas na taon.

Ito ang naging tugon ng ikalawang pangulo sa katanungan ni Senate Minority Aquilino “Koko” Pimentel sa isinagawang pagdinig sa Senate committee on finance kaugnay sa panukalang pondo ng OVP para sa susunod na taon na P2.3 billion kabilang dito ang malaking halaga ng confidential at intelligence funds na nagkakahalaga ng P500 million.

Parte umano ang P125M confidential fund noong 2022 ng P221.4M pondo na inilipat ng Department of Budget and Management sa Office of the President noong Disyembre 2022.

Nag-request aniya ang OVP noong Agosto 2022 sa OP at naibigay ang confidential fund noon lamang Disyembre 2022.

Subalit kinuwestyon ni Senator Pimentel ang confidential fund ng OVP dahil hindi ito nagi-exist sa 2022 budget ng OVP.

Itinuro naman ni VP Sara ang DBM na makapagbibigay aniya ng tamang kasagutan sa katanungan ng mambabatas dahil ang DBM ang naglipat ng pondo mula sa kanilang source papunta sa OVP. (Daris Jose)

ASEAN leaders, opisyal na sinimulan ang 43rd summit sa Indonesia

Posted on: September 6th, 2023 by @peoplesbalita No Comments

OPISYAL na sinimulan ng mga top leaders ng ASEAN member-states, araw ng Martes ang 43rd ASEAN Summit sa Jakarta Convention Center sa Indonesia.

Dumalo si Pangulong Ferdinand Marcos Jr. sa opening ceremony kasama sina ASEAN Summit Chair at Indonesian President Joko Widodo, Brunei’s Sultan Hassanal Bolkiah, Cambodia Prime Minister Hun Manet, Lao PDR Prime Minister Sonexay Siphandone, Malaysia Prime Minister Anwar Ibrahim, Singapore Prime Minister Lee Hsien Loong, Vietnam Prime Minister Pham Minh Chinh, Mark Brown, Prime Minister of Cook Islands, Bangladesh President Mohammed Shahabuddin at Timor-Leste Prime Minister Xanana Gusmaño.

Tumayo namang kinatawan ng Thailand ang permanent Secretary for Foreign Affairs na si Sarun Charoensuwan.

Kasama ni Pangulong Marcos ang kanyang asawang si Unang Ginang Liza Araneta-Marcos.

Ginawa naman ng mga lider ng ASEAN member-states ang traditional handshake sa nasabing seremonya.

Si Pangulong Marcos ay mananatili sa Indonesia hanggang Huwebes, Setyembre 7 para dumalo sa ASEAN main events at maging sa iba pang summits.

Dumating ang Pangulo sa Jakarta, Lunes ng gabi.

Magtatapos ang 43rd ASEAN Summit sa Setyembre 7 na may handover ceremony ng ASEAN chairmanship mula Indonesia tungo sa Laos.

Nauna rito, sinabi ng Malakanyang na may 13 leader-level engagements ang dadaluhan ni Pangulong Ferdinand Marcos Jr., sa 43rd Association of Southeast Asian Nation (ASEAN) Summit sa Jakarta Indonesia.

Kabilang sa mga dadaluhan ng pangulo ang ASEAN Summit Plenary Session, opening ceremony ng ASEAN Indo-Pacific Forum, at 43rd ASEAN Summit Retreat Session.

Dadalo rin ang pangulo sa 26th ASEAN-China Summit, 24th ASEAN-Republic of Korea Summit, 26th ASEAN-Japan Summit, 26th ASEAN Plus Three Summit, ASEAN-US Summit, at ASEAN-Canada Summit.

Dadalo rin si Pangulong Marcos sa 20th ASEAN-India Summit, 18th East Asia Summit, 3rd ASEAN-Australia Summit, at 30th ASEAN-UN Summit.

Una rito, sinabi ni Pangulong Marcos na tatalakayin niya sa ASEAN ang usapin sa West Philippine Sea.

May bilateral meetings din si Pangulong Marcos sa ilang kapwa ASEAN leaders. (Daris Jose)

NPC graduates tumanggap ng tig-P1,500 cash incentives

Posted on: September 6th, 2023 by @peoplesbalita No Comments

NAKATANGGAP ng cash incentives mula sa Pamahalaang Lungsod ng Navotas ang aabot sa 911 na mga nagtapos sa Navotas Polytechnic College (NPC) para sa academic year 2022-2023.

Mismong si Mayor John Rey Tiangco ang nanguna sa pamamahagi ng P1,500 cash incentive sa mga benepisyaryo na NPC graduates, kabilang si Nanay Adelaida Alfabete, 75-anyos.

Sa ginanap na graduation, dumalo sina Mayor Tiangco, Cong. Toby Tiangco at Vice President at DepEd Sercretry Inday Sara Duterte kung saan personal na binati ng mga ito ang NPC graduates.

“Napagtagumpayan ninyo ang lahat ng mga pagsubok sa loob ng ilang taon ninyo sa kolehiyo. Marami mang pagbabago ang inyong pinagdaanan at pagdadaanan pa, kakayanin n’yo ito sa inyong pagsisikap at sa tulong ng inyong mga mahal sa buhay at ng ating pamahalaan”, ani Tiangco brothers.

Nagpasalamat din ang magkapatid na Tiangco kay VP Sara Duterte sa kanyang pagdalo sa graduation ng NPC at pagbibigay ng inspirasyon sa mga nagtapos.

Noong nakaraang buwan, namahagi din ang Navotas ng cash incentives, na nagkakahalaga ng P500 at P1,000, sa mga public elementary at senior high school graduates. (Richard Mesa)

DENZEL WASHINGTON AND DIRECTOR ANTOINE FUQUA TEAM UP AGAIN IN “THE EQUALIZER 3”

Posted on: September 6th, 2023 by @peoplesbalita No Comments

DENZEL Washington and director Antoine Fuqua team up for the fifth time in “The Equalizer 3,” which ties Fuqua with the late Tony Scott as Washington’s most frequent director collaborator.

Washington says there are many reasons why he looks forward to reteaming with Fuqua: “His spiritual maturity, his collaboration, his humility, his eye,” says the actor.

“There was never a question about his talent, his experience. We’re brothers – I trust him completely, he trusts me, and I’m excited about our future together. The deeper he goes, the higher he’ll go, and I’m not talking about movies.”

Fuqua returns the compliment: “Denzel constantly surprises me because the environment changes. He’s like an athlete,” says Fuqua of Washington.

“If Michael Jordan is playing against the Celtics, it’s one game. If he’s playing against the Lakers, it’s another game. Each situation Denzel is in, he’s so much in the moment of the character, that there’s times I’m discovering constantly, ‘What’s he going to do?’”

Watching Washington be “in the moment” of his character, in Fuqua’s words, is a unique experience. “I’ll go to Denzel to give him a note about something he did, and he’ll literally ask, ‘What did I do? What did I say?’ He’s so in the moment,” shares Fuqua.

“So I tell other actors that they have to be in the moment with Denzel. Your instinct has to be heightened and you have to really listen. You can’t come in with preconceived ideas, because that won’t work. It’s just like a dance – Denzel will stick to the intention of the scene, but you must move with him.”

Watch the trailer: https://youtu.be/inN061MtPOg

While waiting for “The Equalizer 3” to open in cinemas on September 13, let’s take a look back at the previous films that the critics-favorite duo have worked on together:

TRAINING DAY (2001)

Also stars: Ethan Hawke, Eva Mendes

Fun fact: Washington’s portrayal of Alonzo earned him a Best Actor Oscar.

THE EQUALIZER (2014)

Also stars: Chloë Grace Moretz, David Harbour, Melissa Leo, Bill Pullman

THE MAGNIFICENT SEVEN (2016)

Also stars: Chris Pratt, Ethan Hawke

THE EQUALIZER 2 (2018)

Also stars: Pedro Pascal, Melissa Leo, Bill Pullman

And don’t forget:

THE EQUALIZER 3 (September 13, 2023)

Also stars: Dakota Fanning

Synopsis: Since giving up his life as a government assassin, Robert McCall (Denzel Washington) has struggled to reconcile the horrific things he’s done in the past and finds a strange solace in serving justice on behalf of the oppressed. Finding himself surprisingly at home in Southern Italy, he discovers his new friends are under the control of local crime bosses. As events turn deadly, McCall knows what he has to do: become his friends’ protector by taking on the mafia.

The Equalizer 3 opens in Philippine cinemas September 13.

**The interviews for this article were done before the SAG-AFTRA strike.**

Connect with the hashtag #TheEqualizer3

(ROHN ROMULO)

Dahil sa 12 days suspension ng ‘It’s Showtime’: Chair LALA, natulog at nagising sa mga mura at sumpa ng netizens

Posted on: September 6th, 2023 by @peoplesbalita No Comments

NAKU, ‘under fire’ ang MTRCB ngayon dahil sa ipinatang nilang 12 airing days suspension sa ‘It’s Showtime.’

Hindi ito pumabor sa netizens, lalo na siyempre sa mga madlang people. Mas marami ang naniniwala na hindi raw makatarungan ang ginawang suspension sa ‘It’s Showtime’, kahit pa isinama na rin ang diumano’y iba pang offense o reklamo sa show sa mga nagdaang episodes.

Ang nakikita namin dito, ang pinupuntirya talaga ng mga tao ay si Chairwoman Lala Sotto. Ang pagiging anak niya si former Senator Tito Sotto at pamangkin ni Vic Sotto kaya diuamano’y pasa-todo lang dito kapag ang ‘E.A.T.’ ang may offense gaya raw ng pagsasabi ng bad words, bakit hindi ito nasu-suspend?

Grabe, mukhang natulog at nagising ang kapatid ni Ciara Sotto ng mga mura at sumpa mula sa mga netizens noong Lunes ng gabi, huh!

Sa isang banda, live pa rin ang ‘It’s Showtime’ noong Martes at maaaring sa mga susunod pang araw. Binasa ni Jhong Hilario ang official statement ng ABS-CBN tungkol sa suspension at nagpahayag sila na aapela sila at naniniwala silang wala silang nilabag na ano man.

Si Vice Ganda naman, mula sa kanyang tweet pagkatapos na lumabas ang suspension sa ‘It’s Showtime’, nag-post ito na, “In the middle of every difficulty lies opportunity.”

At sa live ng noontime show, naka-all pink outfit si Vice at may hirit na, “Ganyan talaga kapag marami kang blessing. Para kang namumukadkad na isang rosas.”

May mga hirit naman sa audience at mga sumisigaw na, ‘wala akong pake.’ Natatawang sabi ni Vice sa mga ito, “Hindi po ‘yon ang opinyon ko. Wala akong pake! Ay, ang ganda ng song na ‘yon. Very timely.”

***

EVER since, si Andrei Yllana ang vocal sa pagsasabi na botong-boto siya sa kanyang Tita Abby Viduya para sa ama na si Jomari Yllana.

Kaya naman masaya raw siya na ikakasal na ang dalawa sa November ng taong ito.

At bago raw mag-propose ang ama, nagkausap muna raw sila at sabi niya raw dito, “Ako po, simple lang po talaga ang sabi ko kay Daddy. Sabi ko, ‘Dad, kung saan ka sasaya, do’n ako, suporta ako.’ Eh, ‘yun ang magpapasaya sa kanya kaya full support ako.”

At humingi pa raw ng tips sa kanya si Jomari kung paano ang dapat na pagpo-propose.

“Tinanong niya ko, sabi niya, paano ba dapat, ganito, ganyan? Tapos sabi niya, okay lang ba sa ‘yo, Andrei? Tanggap mo ba? Sabi ko, ‘oo naman Dad, kung saan ka masaya.”

Isa raw sa dahilan kung bakit gustong/gusto niya si Abby para sa ama, dahil daw ibang-iba ito sa lahat ng mga naging girlfriend ni Jomari.

Malaking bagay rin daw na artista rin ito at nakakapag-usap sila. Sey pa niya, “Very ano siya, e, I would say a mom in her and a friend in her.”

Sinigurado rin ni Andrei na present siya sa Las Vegas wedding ng Daddy niya at ni Abby. Lagot daw sa kanya ang mga ito kung sakali at wala siya.

Kung ang mommy naman niya na si Aiko Melendez ang magpapakasal sa longtime boyfriend nito na si Vice Governor Jay Khonghun ang magsasabi sa kanya, papayag din kaya siya?

Mabilis na “oo naman” ang sagot niya at saka sinabi pa na, “Tito Jay, baka naman?”

In fairness kay Andrei na anak, huh!

Sa ngayon, magsisimula na muli si Andrei ng taping para sa bagong series na ‘Safe Skies, Archer.’ Bahagi pa rin ito ng hit Wattpad University series na sinimulan nga ng ‘The Rain in España’ at napapanood sa VIVA One.

(ROSE GARCIA)

No. 5 most wanted person ng Valenzuela, nalambat sa Laguna

Posted on: September 6th, 2023 by @peoplesbalita No Comments

HINDI na nagtagal sa pagtatago ang isang binata na nakatala bilang No. 5 most wanted sa Valenzuela City matapos matimbog ng pulisya sa isinagawang manhunt operation sa Cabuyao, Laguna, kamakalawa ng hapon.

Kinilala ni Valenzuela police chief P/Col. Salvador Destura Jr, ang naarestong akusado bilang si Chirre Gard David alyas Jay R Roxas David, 20 ng No. 18 216 Phase 7 NHV, Barangay Tigbe, Norzagaray, Bulacan.

Sa kanyang report kay Northern Police District (NPD) P/BGen. Rizalito Gapas, sinabi ni Col. Destura na nakatanggap ng impormasyon ang mga operatiba ng Warrant and Subpoena Section (WSS) ng Valenzuela police na naispatan ang presensiya ng akusado sa Cabuyao, Laguna.

Kaagad bumuo ng team ang WSS sa pangunguna ni P/Lt Ronald Sanchez saka nagsagawa ng manhunt operation na nagresulta sa pagkakadakip sa akusado dakong ala-1:20 ng hapon sa kahabaan ng Pulo Diezmo Road, Cabuyao, Laguna.

Ani Lt. Bautista, ang akusado na nakatala naman bilang No. 10 MWP ng NPD ay pinosasan nila sa bisa ng warrant of arrest na inisyu ni Presiding Judge Mateo B. Altarejos ng Family Court, Branch 16, Valenzuela City noong August 17, 2023, para sa kasong Statutory Rape.

Ang akusado ay pansamantalang nakapiit sa Costudial Facility Unit ng Valenzuela police habang hinihintay ang pagpapalabas ng commitment order ng korte.

Pinuri naman ni BGen. Gapas ang Valenzuela police sa kanilang pagsisikap para tugisin ang mga taong wanted na pinaghahanap ng batas na nagresulta sa pagkakadakip sa akusado. (Richard Mesa)

SIKLISTANG TINUTUKAN NG BARIL, HINIKAYAT NI BELMONTE NA LUMUTANG AT MAGSAMPA NG KASO

Posted on: September 6th, 2023 by @peoplesbalita No Comments

NANANAWAGAN si Quezon City Mayor Joy Belmonte sa siklista na lumutang at magsampa ng kaso sa ginawang pagkasa at panunutok ng baril ng isang retiradong pulis na si Wilfredo Gonzales sa area ng Welcome Rotonda, Quezon City.

Kaugnay nito ay inatasan ni Belmonte ang People’s Law Enforcement Board o QC-PLEB na imbestigahan kung papaano hinandle ng QUEZON CITY POLICE DEPARTMENT o QCPD dahil na rin sa pagkakadismaya ni Belmonte sa Galas Police Station o Station 11 kung saan ay agad na humantong sa amicable settlement ang dalawang partido at pinagbayad pa ang siklista para sa gasgas sa kotse ni Gonzales.

Dagdag pa ng alkalde, titiyakin ng lokal na pamahalaan ang seguridad ng biktima maging ng kanyang pamilya. Maaaring natatakot ang biktima na humarap dahil ang nakatapat niya ay retiradong pulis. Nais nating bigyang-diin na walang puwang ang karahasan sa lungsod ng Quezon.

Sakaling magdesisyon ang biktima na lumapit sa QC LGU, maaring masampahan si Gonzales ng mga sumusumod na kaso Grave Threat, Slander by Deed, Reckless Imprudence, Physical Injuries, Violations of RA 10591 or absence of a License to Own and Possess a Firearm, absence of Permit to Carry.

Binigyang-diin ng city government na sa ilalim ng City Ordinance SP-2988 S-2020 o Ordinance promoting Safe Cycling and Active Transport ay maaring maparusahan ang mga motoristang haharang sa cycling lanes o walking paths.

Dagdag pa rito ang Section 8.2.2 of City Ordinance SP-2636 S-2017 or QC Road Safety Code na nagsasaad na hindi dapat iharang ang anumang sasakyan sa bike lane.

“This culture of impunity is not acceptable in QC and I have a duty and responsibility to maintain peace and order in our city and to send a strong message that acts such as those committed shall not be tolerated and that he must be held accountable,” Belmonte added.

Paliwanag pa ni Belmonte, tinitiyak nya sa cycling community at sa mga mamamayan na nakahanda ang QC LGU na itaguyod at protektahan ang mga ligtas na bike lane. (PAUL JOHN REYES)