TULOY na ang game at variety show ni Lucky Manzano na “It’s Your Lucky Day” ang papalit sa “It’s Showtime” habang ang popular noontime show ay nasa 12-day suspension na magsisimula na ngayong Sabado, October 14.

Sa statement na inilabas ng ABS-CBN, sinabing si Luis ay sasamahan nina Robi Domingo, Jennica Garcia at Melai Cantiveros sa show: “Mula sa bumubuo ng “It’s Showtime” at “It’s Your Lucky Day,” ay magtatampok ng bagong game at variety segments at ipalalabas tuwing tanghali mula Oktubre 14 hanggang Oktubre 27, Lunes hanggang Sabado, sa Kapamilya Channel, A2Z, at GTV.  “Mapapanood din ito sa Kapamilya Online live, iWantTFC, at TFC.

Inaanyayahan namin ang mga manonood na patuluyin ang swerte sa kanilang mga tahanan at makisaya kasama ang buong pamilya sa “It’s Your Lucky Day,”

Ayon sa reports, ang show ay sasamahan din ng mga Kapamilya stars na sina Andrea Brillantes, Francine Diaz, Kyle Echarri at Seth Fedelin.  Kasama rin ang mga comedians na sina Negi, Long Mejia, Petite at Divine Tetay.

Bago  ang announcement na ito ng ABS-CBN, sinabi rin nila na hindi na sila nag-appeal sa Movie and Television Review and Classification Board (MTRCB) sa suspension ng “It’s Showtime.”

Nagpasalamat din ang ABS-CBN sa kanilang mga viewers sa suporta nila sa “It’s Showtime” na nakatakdang bumalik sa October 28, stronger and better than ever.

***

TULOY ang ‘Gabay Guro Grand Gathering 2023’ sa October 14, pero hindi sure nina Gabby Concepcion at Albert Martinez, dalawa sa invited guests ni Guidance Teacher Chairperson Ms. Chaye Cabal-Revilla kung makakadalo sila sa event dahil pareho silang may previous commitments na.

Dumalo sila sa announcement ng culmination ng event sa taong ito, na “Pagpupugay at Pasasalamat kay Ma’am at Sir,” bilang suporta na ginagawa nila taun-taon.

Sa naturang mediacon naungkat pala ang naging relasyon ni Albert kay Sharon Cuneta na kapwa ‘80’s heartthrob niya at ex-husband naman na si Gabby.

Kung si Albert daw ang first boyfriend ni Sharon noon.  Nagbiro nga si Albert na parang mali ang napuntahan niyang event.  Ayon naman kay Gabby, hindi raw sina Albert at Sharon, si Snooky raw ang girlfriend noon ni Albert.

Pero noon pa raw ay inamin ni Albert na siya nga ang unang boyfriend ni Sharon sa showbiz.  Na-meet daw niya si Sharon sa GMA Supershow.

May offer din daw siya noon sa first movie nina Sharon at Gabby na “Dear Heart” kaya lang, hindi raw siya pinayagan ni Mother Lily dahil ginawa naman nila ni Snooky ang “Bata Pa si Sabel” sa Regal Films.

Naging girlfriend na ni Gabby si Sharon at naging girlfriend naman ni Albert si Snooky noon.

***

NAIINTRIGA na raw ngayon ang mga behind-the-scenes video ng BarDa nina Barbie Forteza at David Licauco, sa kanilang top-rating GMA Primetime series na “Maging Sino Ka Man.”

Lagi raw kasing nakikitang magka-holding hands ang dalawang bida, kahit hindi pa magti-take.  Kahit ang paghawak-hawak sa balikat ni Barbie kay David ay pinapansin ganoong hindi pa raw naman magro-roll ang kamera.

Sa sobrang sweet daw ng dalawa sa isa’t isa, hindi pa rin daw kaya nagseselos si Jak Roberto, ang boyfriend ni Barbie.

Kaya pa rin daw ba ito ni Jak at ng kanyang “anti-silos power?”

(NORA V. CALDERON)

ITO palang si Jennylyn Mercado ay tagahanga ng SB19, partikular ni Stell!

At dahil nga matindi ang kasikatan ni Coach Stell at ng Kapuso show na ‘The Voice Generations’, may nauuso ngayon na The Voice Generations Tiktok filter kung saan may randomizer at tila isa ka ring contestant sa TVG.

App ito na may pagkakataon ka na isa sa apat na mga hurado ang pumili sa iyo bilang contestant sa kanyang team; sina Billy Crawford, Julie Anne San Jose, Chito Miranda at Stell.

“Magaling po ako, piliin niyo po ako Coach Stell,” ang hirit ni Jennylyn na sumubok sa naturang app.

At tila kinilig ang aktres nang ang lumabas na coach na pumili sa kanya ay walang iba kundi si Stell.

“Naku, fan na fan po ako, Coach Stell. Ay!

“Thank you, thank you. Kailan po mag-start,” ang pumapalakpak pang reaksyon ng aktres.

Napapanood ang ‘The Voice Generations’, hosted by Dingdong Dantes, sa bago nitong oras, 7:35 pm tuwing Linggo.

Si Jennylyn ay malapit na ring mapanood sa ‘Love, Die, Repeat’ with Xian Lim.

***

RELATE na relate pala talaga si Kazel Kinouchi as Zoey sa role niya sa ‘Abot Kamay Na Pangarap’.

Sa AKNP kasi, ang kinikilala niyang ama ay si Dr. RJ Tanyag played by Richard Yap.

Pero ang tunay pala niyang ama ay si Dr. Carlos Benitez played by Allen Dizon, dahil nagka-affair dito ang ina ni Zoey na si Moira Tanyag played by Pinky Amador.

At sa tunay na buhay ay hindi pa nakita ni Kazel ang kanyang ama!

Ibinulgar ito ni Kazel sa recent guesting niya sa “Fast Talk with Boy Abunda”.

“We haven’t met. I don’t have any idea how he looks like hanggang ngayon.”

Ayon pa kay Kazel, nag-effort siya na hanapin ang kanyang tunay na ama.

“I tried to look for him pero noong early 20s. By the time that I tried to look for him, he passed away na pala.”

Isang kamag-anak niya ang nagsabi sa kanya na pumanaw na pala ang kanyang ama.

Noong mga panahon na hinahanap ni Kazel ang tatay niya ay hindi pa boom ang social media kaya nahirapan siyang tuntunin ang kinaroroonan nito.

“I don’t know if it’s just me pero alam mo yun Tito Boy, pagkalabas mo pa lang, kakapanganak mo pa lang, growing up without a father, hindi ko na natanong.

“Tsaka, I was full of love naman, e. I was a lola’s girl. I was raised by my lola tapos yung tita ko,” kuwento pa ng dalaga.

Hindi na rin naman raw nila pinag-usapan ito ng kanyang ina at ayaw na rin naman niyang mailang o maging awkward pa ang ina niya kung inungkat niyo dito ang tungkol sa kanyang ama.

At normal para sa isang anak na hindi nakilala ang kanyang biological father ang ikalungkot ang ganitong sitwasyon.

Kaya naman swak na swak kay Kazel ang role niya bilang si Zoey sa “Abot-Kamay na Pangarap”

“Si Zoey kasi, yung character niya, she longs for a dad. Meron siyang dad, pero wala siyang time.

Napapanood sa GMA Afternoon Prime, patuloy na naghahari sa ratings game ang AKNP sa telebisyon.

***

KAABANG-ABANG kung magpapakita ng hubad na katawan si Ken Chan sa bagong episode ng ‘Magpakailaman’ o #MPK.

Siya kasi ang gaganap sa life story ng ‘The Clash’ season 1 grand finalist at Kapuso singer na si Anthony Rosaldo.

At aware naman tayo na bilang isang hunky Sparkle male star ay walang pakundangan si Anthony na mag-post ng mga shirtless photos niya sa kanyang Instagram account.

May “K” o karapatan naman si Anthony dahil alaga sa gym ang katawan ng binata kaya naman napaka-macho nito.

Kaya bilang si Anthony, marami kayang hubad na eksena si Ken sa #MPK na pinamagatang ‘Song For Daddy: The Anthony Rosaldo Story.’

Bakit ganito nag pamagat? Bahagi kasi ng buhay ni Anthony ang pagkakaroon ng cancer ng kanyang ama.

Ipapakita rin sa episode ang pagluwas niya mula Samar sa pagbabakasali ni Anthony na makatagpo ng magandang kapalaran sa Maynila bilang isang singer kung saan nag-audition siya kung saan-saan nguni’t hindi agad pinalad.

Abangan ang brand new episode ng #MPK sa October 14, 8:00 p.m. sa GMA.
Naka-livestream din nang sabay ang episode sa GMANetwork.com, sa YouTube account ng GMA Network at sa Facebook at TikTok accounts ng #MPK.
(ROMMEL L. GONZALES)

AMINADO si Megastar Sharon Cuneta na hindi pa rin siya maka-move on sa mga magagandang sinabi ni Ms. Jessica Soho.

Sa IG post ni Sharon, sinabi nito na, “Hanggang ngayon, di parin ako makaget-over sa mga sinabi ni Ms. Jessica Soho sa akin sa youtube channel ko.

“Iba kung ang isa sa pinakatitingala at nirerespeto mo ang nagsalita tungkol sa pagkakakilala niya sa yo thru the years. Thank you so much again, dearest Ms. Jessica!

“Much love to you and God bless you always. Your fan forever, Sharon. (three red hearts) #kmjs @km_jessica_soho
After nga ng sabay nilang guesting ni Gabby Concepcion sa ‘Kapuso Mo, Jessica Soho’ na pinalabas last Sunday, mapapanood naman sa YT channel ni Mega ang maikling interview nila kay Jessica, na kung saan nagbahagi ang multi-awarded journalist ng ‘di niya malilimutan tungkol sa encounter niya kay Sharon.

Caption niya sa YT post na may title na ‘I-KMJS mo yan, MEGA!’

“I was interviewed recently by someone I truly look up to…the one-and-only Ms. Jessica Soho and her team for “Kapuso Mo, Jessica Soho” on GMA. It’s been over 2 decades since I sat down with her but as soon as we started talking, it just felt like catching up with an old friend. “Thank you so much, KMJS and thank YOU, Jessica! I truly admire and respect you so much. You are one of my biggest idols in this industry. Thank you for your true friendship throughout all these years.”

Tuwang-tuwa nga si Jessica kay Sharon dahil hindi raw ito nagbago.

Say niya, “Sharon, we patterned our lives after you. Ikaw ang template namin.

“Tandang-tanda ko pa ‘yun first time na makita ko si Sharon na upclose. Naglalakad siya sa hallway ng GMA, paalis na siya. Tapos binati ko siya, ‘Hi Sharon!”

Tapos sabi raw ni Sharon, kung pwede itong maki-cr at pinapasok naman niya at ipinagmalaking malinis ang cr niya sa news department.

Kuwento pa ni Jessica, “si Sharon, napapanood ko sa TV. Sabi ko ang ganda naman niya, kumakanta ng ‘Mr. DJ’.
“Naalala ko one time, sabi niya, ‘Hi Dad, thank you for having the pool cleaned.’ Sabi ko, ‘wow, may swimming pool sila.’

“So, parang unthinkable sa amin na si Sharon Cuneta may swimming pool. Isa yun sa pinag-uusapan namin sa school at ng mga kaibigan ko.

“So, that was how I admired Sharon from afar. Halos magka-edad kami, mas bata lang si Sharon.”

May time na-bash si Sharon at nag-text daw si Jessica, dahil alam niya ang experience na yun. Kaya pinalalakas niya ang loob ng singer-actress.

Dagdag pa ni Ms. Jessica, “hindi siya nagbago. Yung core niya, ‘yun pa rin at napakabait. Napaka-pure ng puso, ‘yun parang sa bata.

“I suspect na may maliit na bata, who lives inside of Sharon Cuneta. She has remained child like all these years.

“So, tama ang inyong idolo because I sincerely and honestly believe she is a good person.

“Hindi siya nagbago, despite her fame, despite who she is. Despite kung nasaan siya ngayon.

“Siya pa rin yun Sharon Cuneta na nakilala natin publicly and even I think privately, ganun siya talaga.”

Samantala, sinisiguro ni KC Concepcion na hindi siya mawawala sa upcoming ‘Dear Heart: The Concert’ ng kanyang Mama Sharon at Papa Gabby.

Sa IG post niya, “I wouldn’t miss this for the world 💐 See you there.”

Magaganap ito October 27, 2023 sa SM MOA ARENA at 7pm.

At kaabang-abang nga ang magiging participation ni KC sa most anticipated grand reunion nina Sharon at Gabby.

I-announce pa kung sinu-sino ang special guests na tiyak na magdadagdag sa inaasahang star-studded event.

Bukod sa MOA Arena, magkakaroon naman ng Dear Heart VIP Night sa October 30 sa Okada Manila.

Ang three-part celebration ng legendary pair ay magtatapos sa November 17 para sa ‘InLife’s Dear Heart in Cebu’ na gaganapin naman sa NuStar Convention Center.

At base sa nababasa namin sa comment, may mga requests na sana raw ay makarating sa America, Canada at iba pang bansa ang ‘Dear Heart: The Concert’, para personal din nilang mapanood ang natupad na ring pangarap pagsasama nina Sharon at Gabby.

(ROHN ROMULO)