NI-REVEAL ni Heart Evangelista na nag-aaral siyang magsalita ng French.

Sa kanyang Tiktok video, pinost niya: “Today is my first day of school. School school-an, I am learning how to speak French.”

In the video, Heart was seen with her husband Senator Chiz Escudero driving to a bookstore. Heart disclosed they are on their way to get a notebook for her French lessons.

“Since gulo gulo ‘yung bahay ko, kailangan ko ng bagong notebook. Kasi ‘yung notebook ko nawawala, kailangan malaking book. I always need to write down and then after I write down, I am able to review it by transferring it to a smaller notebook na maganda,” sey ni Heart.

***

PUMANAW sa edad na 54 ang Hollywood actor na si Matthew Perry, na kilala sa kanyang role as Chandler Bing sa ’90s hit sitcom na “Friends.”

Ayon sa report ng TMZ, natagpuan ang aktor na “nalunod” sa jacuzzi ng kanyang bahay sa Los Angeles, California nitong Sabado.

“Our sources say first responders rushed over on a call for cardiac arrest,” ulat ng TMZ.

Inihayag din ng sources ng TMZ na walang nakitang “drugs” sa pinangyarihan ng insidente.

Nag-post naman ng pagdadalamhati sa official social media account ng TV show Friends sa pagpanaw ni Matthew.

“We are devastated to learn of Matthew Perry’s passing,” saad nito. “He was a true gift to us all. Our heart goes out to his family, loved ones, and all of his fans.”

Kabilang si Matthew sa cast ng “Friends” na ipinalabas noong 1994 na tumakbo ng 10 seasons na tuloy-tuloy. Taong 2004 nang ipalabas ang finale nito na pinanood ng nasa 52 million televiewers.

Kasama rin sa sitcom sina Matt LeBlanc, David Schwimmer, Courtney Cox, Lisa Kudrow, at Jennifer Aniston, na nagdadalamhati rin sa pagkawala ng kanilang kaibigan.

“What a loss. The world will miss you, Mathew Perry. The joy you brought to so many in your too-short lifetime will live on. I feel so very blessed by every creative moment we shared,” post sa Instagram ni Maggie Wheeler, na gumanap na on-and-off girlfriend niyang si Janice sa Friends.

(RUEL J. MENDOZA)

NGAYONG  Nobyembre 6, abangan ang pagbabalik ng Primetime Action Hero na si Ruru Madrid sa action-packed Filipino drama series ng GMA Network na “Black Rider.”

Mula sa award-winning group na GMA Public Affairs, tampok sa full-action series na ito ang kabayanihan, paghihiganti, hustisya, at kuwentong pampamilya.

Makakasama ni Ruru sa inaabangang primetime series na ito sina Matteo Guidicelli, Yassi Pressman, at Katrina Halili. Abangan din si Kylie Padilla sa isang natatanging pagganap.

Si Ruru ay si Elias Guerrero, isang motorcycle driver ng delivery app na Biyahero. Hindi magtatagal ay magkakaroon siya ng isa pang pagkatao – si “Black Rider,” isang vigilante na lalaban sa kilalang sindikato na Golden Scorpion.

Kilala sa kanyang hilig na gumawa ng sarili niyang mga stunt, masinsinang nagsanay ang homegrown Kapuso actor sa hand combat, motocross, at martial arts para sa fight scenes ng Black Rider. Itinuturing ni Ruru ang “Black Rider” bilang isang dream come true project.

“Excited na po ako na ibahagi sa inyo ang Black Rider – ang latest primetime offering ng GMA Public Affairs kung saan pinagsama-sama ang mga artista mula sa iba’t ibang henerasyon. Isang karangalan na makasama ko ang mga tinitingala kong artista sa napakalaking proyektong ito.

“Maraming salamat, GMA Network, GMA Public Affairs, at Sparkle GMA Artist Center sa pagtupad sa aking pangarap na makagawa ng isang full-action series. Ipinapangako ko sa inyo na ibubuhos ko ang lahat para sa programa na ito,” paglalahad ni Ruru.

Samantala, ang ‘Black Rider’ ang nagsisilbing pinakamalaking proyekto ni Matteo pagkatapos niyang bumalik sa Kapuso Network.

“It’s a very nice feeling to get back, working on the craft again,” sabi ni Matteo, na gumaganap bilang Paeng Policarpio, isang matapang na pulis na may malalim na kaugnayan kay Elias.

Nagbabalik din sa paggawa ng teleserye sa GMA si Yassi, na mapapanood bilang si Vanessa “Bane” Bartolome. Si Bane ay isang small time na magnanakaw. Magku-krus ang kanilang landas ni Elias. Mayroon din siyang madilim na nakaraan na kinasasangkutan ng Golden Scorpion.

Nagpapasalamat si Yassi sa mainit na pagtanggap ng mga tao sa kanyang pagbabalik sa GMA. “It’s nice that everybody is kind, everybody is still warm. Pagdating din sa set namin, ang warm din ng mga tao,” say ni Yassi na excited na raw ipakita ang “badass” side ng kanyang karakter.

Ang homegrown GMA actress naman na si Katrina ang gaganap bilang si Rona Marie Ana ‘Romana’ Tolentino, isang vigilante na makakasangga ni Elias sa paglabas sa Golden Scorpion.

“I am happy and excited to return to primetime and this time, for a full-action drama series alongside great actors,” pagbabahagi ni Katrina na tiyak na magpapamalas ng kanyang fierce action skills sa serye. “Nag-train po kami para sa aming mga karakter sa seryeng ito kaya naman sana po ay suportahan ninyo ang Black Rider.”

Tampok sa “Black Rider” ang pinagsamang grupo ng mga young at veteran actors kabilang ang mga iconic action stars na sina Zoren Legaspi, Raymart Santiago, Gary Estrada, Raymond Bagatsing, Isko Moreno, Monsour del Rosario, at Roi Vinzon; gayundin ang mga batikang aktor na sina Rio Locsin, Gladys Reyes, Maureen Larrazabal, at Almira Muhlach.

Gagampanan naman ni Jon Lucas si Calvin Magallanes. Kahit pareho silang mahusay sa motorsiklo ni Elias, mas pinaiiral ni Calvin ang ambisyon at uhaw sa kapangyarihan sa loob ng Golden Scorpion.

Nakatakdang gawing miserable ang buhay ni Elias ng mga Golden Scorpion Boys na sina Joem Bascon, Dustin Yu, Joaquin Manansala, Kim Perez, Vance Larena, at Saviour Ramos.

Makakasama naman ni Elias bilang Biyaheros sina Empoy Marquez, Janus del Prado, at Rainier Castillo.

Magdadagdag kulay sa serye ang mga sikat na komedyante na sina Empoy at Jayson Gainza; gayundin ang paboritong rapper ng Gen Z na si Shanti Dope, social media stars na sina Pipay at si Ashley Rivera, drag queen Turing, Sparkle artists Prince Clemente and Mariel Pamintuan at young love team nina Ashley Sarmiento at Marco Masa.

Ang “Black Rider” ay produced ng grupong pinangungunahan nina Senior Program Manager John Mychal Feraren; Program Manager Gemma Gonzaga; at Executive Producers Lea Reyes, Jojo Aleta, at Tanna delos Santos.

Ang creative team nito ay binubuo nina Erwin Caezar Verdillo Bravo, ang creator at head writer ng highest GTV series ng 2021 na “The Lost Recipe”; John Bedia, isa sa mga manunulat ng “Descendants of the Sun Philippines”; Aeious Asin, isa sa mga manunulat ng “Lolong”; at Dickson Comia, manunulat ng ilan sa mga long-running anthologies sa Philippine TV.

Ang “Black Rider” ay sa direksyon nina action director Erwin Tagle, and master directors Rommel Penesa (“Lolong”) at Richard Arellano.

Abangan ang world premiere ng “Black Rider” ngayong Nobyembre 6, 8 PM sa GMA Telebabad, at may simulcast sa Pinoy Hits at livestreamed sa Kapuso Stream. Mapapanood din ito sa GTV, 9:40 PM. Para sa Global Pinoys, mapapanood ito sa GMA Pinoy TV.

(ROHN ROMULO)

MARAMI nga sana ang nag-aabang na mga big stars talaga bida sa mga pelikulang magiging official entey para sa MMFF.

Pero hindi nakapasok ang mga pelikula nina Maricel Soriano at Nora Aunor.
Naitanong nga ang tungkol dito kay Vilma Santos na pasok ang ‘When I Met You in Tokyo.’

“Hindi na kasi namin hawak ‘yon,” sey ni Ate Vi.

“It’s not even sa box-office, e, it’s more of magkikita na naman kami ulit. Magkakasama sa isang film festival. It’s just unfortunate na si Marya at si Kumareng Guy ay hindi nakapasok.

“Hindi namin alam, hindi namin hawak ‘yon,” saad niya.

Sabi niya rin, “Pero, kung sama-sama kami, mas masaya. Uulitin ko lang, hindi pang-award, kung hindi para sa mga tao. I’m sure maliligayahan at mabubuhay sana ang dugo ng mga tao.

“But you know, meron naman kaming ‘When I Met You in Tokyo,’ nandiyan si Shawie (Sharon Cuneta), at marami naman magagandang pelikula na kaya nilang pagpilian para maging successful din ang Metro Manila Film Festival.
“Marami, sampung pelikula ‘yan with good actors also and good movies.”

Diretsuhan din tinanong si Ate Vi kung sa siyam na pelikulang opisyal na kalahok din sa 2023 MMFF, sino raw kaya sa tingin niya ang magiging mahigpit na makakalaban niya for box-office?

Si Arnel Ignacio kasi ng OWWA ay nagpahayag na sigurado na raw na may nakalatag na silang 20 block screening para sa ‘When I Met You in Tokyo’ dahil tila may eksena rito na makakasuporta rin sa OWWA.

“Alam mo, ayokong magpa-pressure, dyusko, ayoko ng ma-tension,” natawang sabi niya.

“Hindi na worth it para sa health ko. ‘Wag na. Alam mo, ulitin ko man ‘yong 35 and gorgeous, aalagaan mo na ang sarili mo. You know, soon, basta kami—kaming pamilya sa ‘When I Met You in Tokyo’, of course, with Lotlot (de Leon), Gina Alajar, Lyn Cruz, Jacky Woo, Ms. Redgie (Magno), The producer, Ms. Weng (Rowena Jamaji). The directors, Yetbo, lahat—basta kaming pamilya, sama-sama naming pino-promote itong When I Met You in Tokyo.”

***

SIMULA sa Lunes, November 6, magkakatapat na ang mga teleserye nina Coco Martin na ‘Batang Quiapo’ at ang bagong action primetime series ni Ruru Madrid na ‘Black Rider.’

Pero bago ito, nagkita raw sila ni Coco.

“Nang magkita po kami ni Sir Coco sa isang event, ‘yung kay Senator Robin (Padilla), nagpatawag po siya ng mga artista, pag-uusapan ‘yung mga problems.

“Sakto, nando’n si Sir Coco. Nilapitan ko po siya, sabi ko, ‘Sir Coco, magandang gabi po.’ Tapos, bigla siyang tumingin sa akin. Tumayo at niyakap niya ko ng mahigpit.

“Mahigpit as in, mahigpit na mahigpit. Sabi ko, ‘Sir Coco, malaking karangalan na makilala kita. Sabi niya, ‘hindi, ako ang dapat magsabi no’n. Palagi kitang pinapanood, ang galing-galing mo.

“Napanood ko ‘yung ‘Lolong’ sobrang husay mo. Pagbutihin mo lang ‘yan. Tapos, niyakap niya ulit ako at sabi niya, nakikita niya ang pagiging makatao ko. Ipagpatuloy mo lang. Sobrang na-appreciate ko.”

Siguro raw, alam din ni Coco na magkakatapat ang primetime series nila. Pero sabi rin ni Ruru, sobrang bata pa lang daw siya, sila ng Nanay niya, pinapanood na nila ang mga teleserye ni Coco.

“Sobrang iniidolo ko siya kasi nga, nakikita ko ang pagmamahal niya sa trabaho at hindi po biro ang ginagawa niya.”
Obviously, isa si Ruru sa talagang bongga ang career ngayon as Kapuso.

(ROSE GARCIA)