MAY handog na “12 Gifts of TRUE Christmas” ang newly-awarded Best Radio Station ng bansa, ang Radyo5 TRUE FM, bilang maagang pamasko para sa mga listeners.

Sisimulan ito sa launch ng mga bagong programang layunin ang maging safe space ng mga listeners para sa mga heartfelt conversations at mga payo mula sa mga pinagkakatiwalaang radio hosts.

Sa mga humaharap sa relationship challenges o naghahanap ng open discussions, ipinagmamalaki ng Radyo5 TRUE FM ang Heart-2-Heart, isang bagong radio program kung saan maaaring i-share ng mga listeners ang kanilang deepest thoughts at emotions sa host na si Arnold Rei Dela Cruz, na kilala sa kanyang malasakit at compassionate na pagharap sa iba’t ibang isyu.

Higit pa sa ordinaryong radio program ang Heart-2-Heart dahil sinasaklaw nito ang lahat ng aspeto ng relasyon, mga trending topics, pop culture at mga kasalukuyang isyu na nakaka-apekto sa buhay ng mga tao.

Bukod sa Heart-2-Heart, mae-enjoy din ng TRUE FM listeners ang isang all-new evening hangout kasama si DJ Laila Chikadora sa SHOUTOUT, na maghahatid ng heartwarming stories, beautiful music, at touching connections.

Tampok sa SHOUTOUT ang mga engaging segments tulad ng ‘Love Note Hour,’ ‘Love Stories,’ at ‘Dedication Corner,’ kung saan pwedeng naman magbahagi ng heartfelt messages ang mga listeners.

Inaanyayahan ang lahat na mag tune in sa 92.3 Radyo5 TRUE FM para magbahagi ng kanilang daytime thoughts at makisali sa makabuluhang usapan araw-araw, mula 12NN hanggang 1:00PM, kasama si Arnold Rei Dela Cruz sa Heart-2-Heart.

Para sa mga gusto namang mag-chill sa gabi, si DJ Laila naman ang perfect companion for sharing love notes sa SHOUTOUT, araw-araw mula 8:00PM hanggang 9:30PM.

Samantala, binalikan ni DJ Laila Chikadora ang di malilimutang sigalot sa kanila ng Jonas Gaffud, ang presidente ng Mercator Model Management, Inc., noong 2017.

Na kung saan kabilang sa contract artists nila ay si Miss Universe 2015 Pia Wurtzbach.

Natanong kasi ni DJ Laila kung alam ng beauty queen na may anak na pagkabinata si Marlon Stockinger, na ikinagulat ni Pia.

Dahil doon ay, “nagalit ang manager, inaway ako. Pinatigil na niya ang interview, bakit ko raw tinatanong ‘yun, tinalakan talaga niya ako.

“Tapos akala ko, tapos na, sabi ko, ‘pinapatanong lang ng office, which is true, kasi istorya yun at hot issue silang dalawa.

“Tapos after two weeks yata, nagkita na naman kami sa isang event. Hinihintay naman ang lola mo (Pia) for interview.

“Nu’ng nakita niya ako ng manager, sinugod ako, parang, ‘ikaw na naman’, nagtatalak na naman siya, kinurot pa nga niya ako.

“Pero sabi ko, ‘sorry po, kailangan ko lang tanungin, clarification nga po.'”

Pinapalayas nga siya sa sobrang galit, dahil kung hindi, ay sila ang aalis. Pero sabi naman ng PR, dahil ininvite sila, hindi sila paalisin, na ikinatuwa naman ‘yun ni DJ Laila. Kaya nakakuha pa rin sila ng interview.

Pagkaraan ng ilang taon, muling nag-krus ang landas nila ni Pia sa isang event at i-interview-hin na naman niya.

Kaya ang ginawa niya, bago mag-interview, hinila niya si Pia sa isang tabi, para ipaalala ang nangyari, at nag-apologize siya.

“Sabi ko kay Pia, kung nabigla ka sa question ko, I’m sorry, kaya lang, pinapatanong talaga ng opisina and it’s a story. And I hope you understand where I’m coming from.”

“Tapos niya, hinawakan pa niya ang kamay ko, ‘ano ka ba? Okay lang ‘yun. Don’t worry’.

“Atleast kahit hindi kami naging okey ni manager, sa sarili ko, alam ko na okey kami ni Pia. After nun, tapos na, wala ng isyu. Pero si manager, hanggang ngayon hindi pa kami nag-uusap.”

Kaya ang special ‘shoutout’ niya ay sana magkaayos na sila ni Jonas Gaffud.

Anyway, abangan kung ano pa ang mga Pamaskong handog ng Radyo5 TRUE FM mula sa kanilang “12 Gifts of TRUE Christmas.” Tumutok lamang sa 92.3 Radyo5 TRUE FM at manatiling updated sa mga latest na impormasyon ng Best Radio Station ng bansa.

I-follow ng kanilang social media pages sa Facebook, X app, at TikTok.

(ROHN ROMULO)

HINDI sinasadyang nabulabog ni Allen Dizon ang sementeryo nitong November 1.

Pumunta kasi siya sa sementeryo sa kanila sa Pampanga nitong Araw ng Mga Patay para magsindi ng kandila at ilawan ang puntod ng yumao niyang ama.

Pero nagulat siya dahil maraming tao ang lumapit sa kanya para magpapiktyur.

“Siguro halos lahat ng tao sa sementeryo pumunta dun so dalawang oras ako dun, tatlong oras, lahat nagpapapiktyur,” bulalas ni Allen.

“Wala akong choice, di ba? Kasi sa Pampanga mga kababayan mo sila, kilala mo halos lahat so hindi puwedeng, ‘Pahinga muna.’

“Hindi e, kailangan sa lahat ng nagpapapiktyur, papiktyur ka.

“So after three hours, sa puntod ng lola ko naman, ganun din, mas marami pa.

“Ako naman natutuwa ako in a way, pero nakakapagod din. Pero hindi puwedeng maging suplado ka, di ba?

“Nagulat ako, hindi alam ng mga tao na Kapampangan ako, akala nila taga-Manila ako!  Akala nila Tagalog ako, nagulat sila kinakausap ko sila Kapampangan,” kuwento pa ni Allen.

Bunga ito ng popularidad ng ‘Abot Kamay Na Pangarap’ kung saan patuloy na lumalaki ang fan base ni Allen bilang si Dr. Carlos Benitez.

“Kahit saan ako pumunta ang tawag sa akin Doc Carlos.”

Si Allen ang bagong brand ambassador ng SMART Access Philippines na isang international consultancy na ahensiya na tumutulong sa mga nais mag-migrate at mag-aral sa Australia.

Simula pa 2014 ay tumutulong na ang SMART Access Philippines sa pag-aayos ng lahat ng kakailanganin, maging ang visa, ng mga nagnanais magkaroon o ipagpatuloy ang edukasyon sa Australia.

May apat na branches ito worldwide— sa Australia, Nepal, Pakistan at dito sa Pilipinas.

Present sa contract signing bukod kina Allen at manager niyang si Dennis Evangelista, ang SMART Access owner/founder/director na sina Bibhusan Joshi, at ng country manager na si Stephanie Lasig.

Bukod sa Abot Kamay Na Pangarap ay may mga bagong pelikula si Allen tulad ng Ligalig with National artist Nora Aunor (sa direksyon ni Topel Lee); ang Abenida (sa direksyon ni Louie Ignacio) kung saan nanalo siyang Best Actor sa International Imago Film Festival di Civitella del Tronto sa Italy; Pamilya Sa Dilim kasama sina Laurice Guillen, Sunshine Cruz at Teri Malvar (sa direksyon ni Jay Altarejos) at ang action film na Off-Load (sa direksyon ni Rommel Ricafort).

Tinatapos na rin ni Allen ang horror family drama na Poon kasama sina Janice de Belen, Ronaldo Valdez, Gina Pareno at Lotlot de Leon, at ang Acetylene Love with Cannes Best Actress Jaclyn Jose.

Magsasama rin sa isang mainstream na pelikula sina Allen at Carmina Villarroel (na co-star niya sa Abot Kamay Na Pangarap) na kukunan sa Australia early next year!

***

WALA raw lovelife si Claudine Barretto ngayon, ayon sa best friend ng aktres na si Janelle Jamer na nakatsikahan namin kamakailan.

“Wala,” umpisang sinabi sa amin ni Janelle.

“Waley talaga ang lola mo. Sabi ko nga sa kanya, ‘Alam mo hindi naman minamadali iyan. Ang importante ikaw may mga anak ka na, di ba? Tapos pag bumalik ka sa career mo ang bilis-bilis lang, kasi Claudine ka na!’

“Tapos sabi ko sa kanya, yung lovelife or any kind naman ng love di ba, ma-attract mo, you attract what you are, you have to love yourself first before you attract love.’

“So iyon yung itinuturo ko, sabi ko, ‘Mahalin mo muna yung sarili mo para mas maka-attract ka ng love sa buhay mo.’

Lahad pa ni Janelle, “Kasi that’s the law of attraction talaga, you attract what you are. So if ayaw mo yung nasa paligid mo you also have the power to eliminate them.

“Kung feeling mo yung relationship or tao or kaibigan na feeling mo hindi ka naggu-grow at puro negativity, you can eliminate them.

“You don’t need them. Kung gusto mo ng bagong energy o mga bagong taong ma-attract sa buhay mo you have to start from within. Di ba?

“Sa sarili mo muna.”

(ROMMEL L. GONZALES)

ITO ang pinatunayan ng netizens, partikular na ang mga tumututok sa seryeng “Linlang” na pinagbibidahan nina Kim Chiu, Paulo Avelino, JM de Guzman at Maricel Soriano.

Sa Twitter, kalat ang mga komento ng gigil at inis kay Juliana, ang karakter na ginagamapan ni Kim na tila ‘di nahihiya sa panloloko niya sa kanyang mister na si Victor (Paulo).

Dagdag pa sa inis ng mga manonood ay ang mismong kapatid ni Victor na si Alexander (JM) ang karelasyon ni Juliana.

Sa Twitter, hindi rin napigil ni Kim ang magbigay reaksiyon sa nakatutuwang post ni Darla Sauler, na nais makita si Juliana sa preso.

Patuloy naman ang pasasalamat ng aktres sa lahat ng mga sumusporta at patuloy na tumututok sa “Linlang.”

“Maraming salamat everyone!!! Tuloy lang ang pagnood ng #LinlangOnPrime new episodes every Thursdays. Thank you all for sending your questions! Salamat po!” say ni Kim.

Pag-amin pa niya, hindi rin niya inakala na magagampanan ang isang karakter na tulad ni Juliana.

“Nagulat din ako sa totoo lang. Laking pasasalamat ko sa @DreamscapePH sa mga writers, creatives editors, directors @FMReyes @jojosaguin and sa mga co actors ko,” sabi pa ni Kim.

Mapapanood ang “Linlang” eksklusibo sa Prime Video na may mga bagong episodes na inilalabas tuwing Huwebes.

***

KINUWENTO ni Shaira Diaz na bata pa lang siya ay madalas na raw siyang dalawin ng mga kakaibang nilalang sa kaniyang panaginip.

Hanggang sa kanyang paglaki, dala-dala niya ito pero tila mas tumindi gaya nang nangyari noon sa taping ng “Lolong.”

“Noong bata talaga ako, weird pero laging about sa mga demonyo, mga witch ‘yung mga panaginip ko, mga patayan. Hindi ko alam kung bakit lagi akong nag-i-sleep paralysis,” kuwento ng Sparkle star sa nakaraang episode ng “AHA!”

Hanggang sa nadala na ni Shaira ang mga paranormal na karanasan maging sa kanyang pagtanda.

Isang beses noong nasa gubat ang lokasyon ng lock-in taping nila para sa “Lolong,” nakaranas din ng kababalaghan si Shaira.

Sa kinukunan nilang eksena sa isang liblib na lugar, kailangang sumigaw ni Shaira na parang galit. Dahil dito, tila sumagot sa kanyang panaginip ang isang elemento.

“Kinagabihan na ‘yun, binangungot ako, may sumisigaw din sa akin parang entity siya na black na mabuhok. Sumisigaw siya, ‘yung sigaw niya ‘Aaahh!’ as in galit talaga. Tapos sinasakal ako. First time kong makita na may entity” ani Shaira.

Magmula nito, lagi nang nagpapvaramdam ang elemento umano kay Shaira sa set ng “Lolong.”

Dahil dito, naglakas-loob si Shaira na kausapin ang kanyang “secret stalker,” at sinabi ritong maniniwala siya kung mababasa rin pati ang kanyang kumot at unan.

Hanggang sa may maramdaman siyang malamig at may tumutulo sa kanyang braso.

“‘Huh paano nangyari ‘yun? Tsinek ko ‘yung ilalim, walang kahit na anong basa, tubig doon. Hindi siya tulo sa itaas. Sabi ko ‘Oh my gosh positive nga.’ Doon ako na-convince na meron nga!” sabi ni Shaira.

Dahil dito, iniulat na ni Shaira sa production ang tungkol sa kaniyang nararamdaman, at tiyempo namang albularyo ang tiyuhin ni Rochelle Pangilinan.

“May nakita nga siya, sabi niya water element, isang entity na black na maliit na mabuhok,” kuwento niya.

Paliwanag ng anthropologist na si Nestor Castro, ang ‘Undin’ ay isang maliit na mukhang tao, at basa-basa.

“Mga water nymphs na matatagpuan sa mga lawa. Sila ay maliliit na mga nilalang na tagapagbantay sa ating mga lawa at nangingitlog sila roon. Kapag nasira mo ang kanilang tahanan o kaya nabasag mo ang kanilang mga itlog, sila’y naghihiganti,” sabi ni Castro.

“Feeling ko sumunod siya sa kuwarto ko,” sabi naman ni Shaira.

Alamin ang paliwanag ng isang faith healer kung bakit lapitin si Shaira ng mga elemento umano, at ang isinagawa niyang rituwal para lubayan na ang aktres

***

KINASAL na ang Fil-American TV and film comedian na si Nico Santos sa kanyang fiance na Survivor contestant at transman na si Zeke Smith.

Naganap ang kanilang wedding sa Parker Hotel in Palm Springs, California. Na-engaged sila noong 2022 sa GLAAD Media Awards at the Beverly Hills Hotel.

Ilan sa mga dumalo sa wedding ay ang mga co-stars ni Nico sa hit comedy series na Superstore na sina Ben Feldman, Colton Dunn, Nichole Sakura, Jon Barinholtz, Kaliko Kauahi, Irene White, Lauren Ash, at ang show creator na si Justin Spitzer.

Mga nakasabay na contestants ni Zeke sa reality competition show na Survivor na sina Hannah Shapiro and Bret LaBelle ang nakarating.

Ang theme ng wedding ay “Cheeky Tiki Kiki Party” at para sa kanilang “minimoon”, pupunta sila sa Joshua Tree Nation Park. Ang legit honeymoon nila ay next year na sa Italy.

(RUEL J. MENDOZA)