2023 November 17 Archive - People's Balita

June 30, 2024
Search in People's Balita
Ang Diyaryong Pinagkakatiwalaan

Archive for November 17th, 2023

PISTON maglulunsad ng 3-day “tigil pasada”

Posted on: November 17th, 2023 by @peoplesbalita No Comments

NAG-ANUNSYO ang transport group na Pagkakaisa ng mga Samahan ng Tsuper at Opereytor Nationwide (PISTON) na maglulunsad sila ng 3-day “tigil pasada” upang tutulan ang pagpapatupad ng PUV consolidation na may deadline sa Dec. 31.

Itinakda ng PISTON ang darating na strike simula sa November 20 kung saan nila pinahayag sa isang press conference na ginawa noong nakaraang Miyerkules sa opisina ng Commission on Human Rights (CHR) sa lungsod ng Quezon.

“The December 31, 2023 deadline will automatically take away the livelihood of drivers and operators,” wika ni PISTON president Mody Floranda.

Sinabi ni Floranda na nakalagay sa provisions ng PUV consolidation na maaari pa rin silang mag-consolidate sa loob ng anim (6), 12, o 27 na buwan. Dagdag ni Floranda na ang ultimate na layunin ng pamahalaan ay magkaroon ng total phaseout ng mga traditional jeepneys.

Ang mga drivers at operators ng traditional jeepneys at UV Express unit ay kailangan mag consolidate bilang isang kooperatiba o korporasyon bago matapos ang deadline sa Dec. 31. Ang mga mabibigong mag consolidate ay kailangan huminto ng kanilang operasyon na siyang nakalagay sa provisions ng programa sa PUV modernization ng pamahalaan.

Ayon kay Floranda ay ito ang sagot ng pamahalaan sa darating na phaseout ng traditional jeepneys na sangayon sa initiative ng pamahalaan upang magkaroon ng pagbabago sa pampublikong transportasyon kung saan ang mga traditional jeepneys ay papalitan ng modern minibuses na “environmentally friendly.”

Ayon naman sa PISTON, ang modern jeepneys ay masyadong mahal na siyang magiging sanhi upang mahirapan ang operator kung siya ay uutang sapagkat ang isang unit ay nagkakahalaga ng P2.8 milyon.

May hinaing ang PISTON kung saan nila sinabi na ang programa ay para lamang mailipat ang pampublikong transportasyon sa mga kamay ng mga malalaking negosyante at korporasyon kung saan nila kukunin ang mga ruta at ang kabuyahan ng mga maliliit na operators.

Naglatag ang PISTON ng kanilang mga demands sa pamahalaan maliban sa pag-aalis ng PUV modernization program.

Ito ang mga sumusunod:

Alisin ang franchise consolidation requirement at payagan ang may dating operators na nag-comply na mag-withdraw ng kanilang individual franchise.
Ibalik ang five-year franchises ng PUVs at lahat ng modified PUV routes.
Magbigay ng madaling cash aid at reasonable financial support sa lahat na affected na PUV drivers at small operators.
Payagan na magkaroon ng kalayaan na magbuo ng grupo at irespeto ang karapatan na mag welga.
Magpatupad ng “pro-people” na public transport modernization program na gagamit ng local at national industrialization at hindi aasa sa mga imported na sasakyan.

Magkakaroon ng pagpupulong ang Land Transportation Franchising and Regulation Board (LTFRB) upang pag-usapan ang napipintuhong gagawing welga ng PISTON.

“The LTFRB leadership vows to coordinate with other government agencies and the local government units on ways to provide free rides to the public should the strike pushes through,” wika ni LTFRB spokesperson Celine Pialago.

Dagdag naman ng PISTON na hindi tutol sa PUV modernization subalit kanilang sinusulong ang pagbabago na makatao at patas.

Pinangako naman ni President Ferdinand Marcos na kanyang rerepasuhin ang kontrobersial na modernization program ng mga public utility vehicles. LASACMAR

De Lima, posibleng mapawalang-sala – Remulla

Posted on: November 17th, 2023 by @peoplesbalita No Comments

NANINIWALA si Justice Secretary Jesus Crispin Remulla na mapapawalang-sala na si dating senador Leila de Lima sa nalalabi niyang kaso ukol sa iligal na droga.

Ito ay makaraang makalaya na si De Lima nang payagan ng Muntinlupa Regional Trial Court Branch 206 na makapaghain ng piyansa.

Ayon kay Remulla, napakatibay na pahayag ito at lalo na ang pagpayag sa piyansa sa kaso ni De Lima na isang “non-bailable case”. Hindi umano ito basta pinagbibigyan ng korte kung hindi kumbinsido ang huwes.

Ngunit nilinaw ni Remulla na hindi siya kailanman nakialam kung paano hahawakan ng prosekusyon ang kaso laban kay De Lima. Ito ay dahil sa naumpisahan na ito ng mga prosecutor bago pa man siya maitalaga sa puwesto bilang kalihim ng DOJ.

Isa na lamang sa tatlong kaso sa iligal na droga laban kay De Lima ang kasalukuyang nililitis makaraang maabswelto na siya sa naunang dalawa. (Daris Jose)

Pagku-quit sa showbiz, itsa-pwera na: BEAUTY, ipinagmamalaki ang mga tattoo maliban sa ‘butterfly’

Posted on: November 17th, 2023 by @peoplesbalita No Comments

KINUNAN namin ng pahayag si Beauty Gonzalez tungkol sa isyu ng kanyang mga alahas na isinuot sa GMA Ball noong July 22, 2023 kung saan isang cultural critic at independent curator, si Marian Pastor Roces. Sinita ang aktres dahil sa paggamit ng mga alahas na galing sa patay o “death mask” na ginagamit na pangtakip sa mata at bibig ng yumao bago ilibing noong mga unang panahon.

“I know,” umpisang sinabi ni Beauty tungkol sa isyu, “well it’s better that I didn’t talk ‘coz it’s a very unending conversation.

“I respect on what she believes, I respect also on what I believe and I only wish world peace,” ang simple at maiksing pagtutuldok ni Beauty sa usapin.

Sinundot pa namin ng tanong ang aktres kung isusuot pa ba niya muli ang mga nasabing alahas.

“Yes, definitely,” ang mabilis na sagot ni Beauty, “and you should watch for more!”

Natanong rin si Beauty tungkol sa sinabi niya sa isang panayam tungkol sa naiisip niyang paghinto na sa pag-aartista.

Lahad ni Beauty, “Yeah na-erase na. There are times na pagod ka as an artist, ‘Ay laos na ako! Pagod na ako. Wala na akong maibibigay.’

“And then suddenly nung na-realize ko na, ‘What else am I gonna do?’

“This really makes me happy, I feel so blessed that everybody loves me also here and I’m blessed na my husband really made me realize na, ‘Tange! This is where you belong, you should continue doing this.’

“And I’m blessed na, ‘Tama ka naman.’

“And ngayon balik na ako sa normal,” ang nakangiting sabi pa ni Beauty.

Sa mediacon ay isang revealing black outfit ang suot ni Beauty kung saan kita ang mga tattoo niya na ayon sa aktres ay sinimulan niyang ipalagay noong siya ay disi-sais anyos pa lamang.

Kaya tinanong namin ang aktres kung ilan lahat ang kanyang tattoo sa katawan.

“Five, six?”

Lahat raw ng tattoo niya ay paborito niya.

“Wala naman akong hindi ko gusto,” wika pa ni Beauty.

May isa lang raw na pinagsisihan niya.

“Yung sixteen years old ako, yung butterfly kasi lahat may butterfly,” at tumawa si Beauty.

Tumanggi naman ang aktres na ipakita ang naturang butterfly tattoo.

“Makikita na yung panty ko!”

Bukod sa kanyang butterfly tattoo ay pina-enumerate namin sa kanya ang iba pa.

“The name of my mom, it’s Carina Brenda Luche, Cabrel; my Bambi.”

Si Bambi ang sikat na Disney cartoon character na isang deer at kuwento ni Beauty, Bambi ang second name ng mister niya.

“It’s Norman Bambi Crisologo. I know it’s funny, right? Sabi ko, ‘Ano kayang nakain ng parents mo bakit naging Bambi ka’, at muling tumawa si Beauty.

“My fourth is this one, it’s nothing, it’s just something I thought of,” sinabi ni Beauty habang ipinapakita ang tattoo niya sa kanang bahagi ng likod niya na malapit sa kanyang dibdib ng isang batang babae walang ulo na may hawak na tila lobo nguni’t sa halip na lobo ay ulo nito ang nakakabit sa tali.

Ang panlima niyang tattoo ay disenyo ng kambal na nilalang.

“Coz I’m a Gemini.”

Samantala, isang mabilis na “Hindi” ang bulalas na isinagot ni Beauty sa tanong namin kung naniniwala ba siya sa astral projection.

Tungkol kasi sa astral projection ang ‘Stolen Life’ kung saan magkakapalit ng kaluluwa sina Farrah (papel ni Beauty sa serye) at Lucy, na gagampanan naman ni Carla Abellana.

Hindi siya nagtanong sa writers ng programa nila?

“Well, I asked them but you know as an actor and as a storyteller you just believe in what you wanna portray and you don’t wanna inhibit yung gusto nilang iparating sa mga tao, so…”

Kapag may mga maselan o mapangahas na eksena si Beauty sa isang proyekto ay pinapanood ito ng mister niyang si Norman, tulad ng mga intimate scenes nina Beauty at Gabby Concepcion (bilang Darius) sa Stolen Life.

“Oh, he watches everything,” pagbabahagi ni Beauty. “Actually even the scripts that I’ve done, all the movies, binabasa ng asawa ko and I’m very open to him.

“I’m very blessed that he’s not seloso, he’s a very supportive husband, maybe it comes with age, in what he does in life, he’s an art curator so he knows that I’m just doing my job and he knows that

I’m enjoying,” ang tumatawang sinabi pa ni Beauty.

Napapanood ang ‘Stolen Life’ Lunes hanggang Biyernes, 3:20 pm sa GMA Afternoon Prime.

(ROMMEL L. GONZALES)

Naalala ang daddy nang makita ang gazebo: IZA, naging emosyonal nang nakabalik sa GMA after 12 years

Posted on: November 17th, 2023 by @peoplesbalita No Comments

ANG ganda-ganda ni Iza Calzado nang mag-guest siya sa “Fast Talk with Boy Abunda” last Tuesday, November 14.

Pagpasok pa lamang ng studio, hindi na napigilan ni iza ang maiyak na after 12 years ay nakabalik siya sa Kapuso Network, lalo pa at naalaala niya ang yumao niyang ama, ang actor-director na si Lito Calzado, na nagtrabaho roon.

“Hello mga Kapuso! It’s nice to be back. Hindi ko sukat akalain na mangyayari ito,” pagbati ni iza.

“Can I just say, I’m like kinikilabutan at the moment. Lalo nang makita ko ang gazebo, sa may canteen, dahil doon madalas si Daddy, naninigarilyo.

“Actually, Tito Boy, akala ko I would be sentimental, of course sa pagbabalik ko. Pero ang unang-unang naisip ko noon, kasi nagpa-picture ako roon sa may statue. Tumingin ako sa gazebo, na-miss ko yung tatay ko.

“Kaya kung nakatrabaho ninyo siya, doon siya nakatambay, kaya I visualized him greeting me with the warmest smile,” na maluha-luha sa naalaala.

“Kaya nanatili akong nagmamahal at nagpapasalamat sa mga taong nakatrabaho niya, hindi ko sila nakakalimutan.”

Anyway, kasamang nag-guest ni Iza si Angel Guardian na siyang gaganap na Deia, ang tagapangalaga ng Brilyante ng Hangin na siya ring ginampanan ni Iza noon sa “Encantadia.”

As Amihan, ipinagkatiwala raw niya kay Angel ang pangalan ng kanyang anak dahil naniniwala siyang kayang-kaya nitong gampanan ang role.

Nakita na raw niyang magtrabaho si Angel sa “Shake, Rattle & Roll Extremes” ng Regal Films na magkasama sila sa mga eksena.

Ayon naman kay Angel, pinag-pray niyang makasama siya sa “Encantadia Chronicles: Sang’gre” pero hindi raw niya hiningi.

But now, na siya ang gaganap sa role, nag-promise siya kay Iza na hindi niya sasayangin ang tiwalang ibinigay a kanya nang pumayag itong gampanan niya ang role na gamit ang pangalan ng anak nitong si Deia Amihan.

Tanong pa rin kung magkakasama ba sina Iza at Angel sa “Encantadia Chronicles: Sang’gre,” iyon daw ang aabangan.

***

SINOLO ni Jeric Gonzales ang girlfriend na si Rabiya Mateo sa Hong Kong kung saan sila nag-celebrate ng 27^th birthday ng actress.

Ipinasilip ng Kapuso actor ang celebration nila sa Hong Kong sa mga lovely photos nila kung saan sila nag-enjoy na kumakain ng masasarap na Hong Kong food.

Birthday greetings ni Jeric: “HBD! @rabiyamateo enjoy 27 and stay beautiful ILYSM!”

Hindi naman kaila sa showbiz ang kuwento ng pagmamahalan nina Jeric at Rabiya, na nagkahiwalay pero nagkabalikan.

Kaya ngayon ay matatag na ang kanilang relasyon lalo pa at may tiwala na sila sa isa’t isa.

UMABOT na pala sa PHP72 Million ang box-office gross ng “Five Breakups and A Romance” nina Alden Richards at Julia Montes.

Kaya post ng GMA Pictures, “Maraming salamat sa walang katapusang suporta! At hindi pa dito nagtatapos! Nasa 5^th week na tayo sa mga sinehan sa Pilipinas at magkakaroon din tayo ng international screenings!

“Abangan ang susunod na mga announcements.”

At nag-announce na nga ang Myriad Corporation ni Alden Richards ng: “It’s your time, Melbourne! (Australia): Catch “Five Breakups and a Romance” on November 25 and November 26 (both at 4PM) at Palace Dendy Brighton Cinema 4.

“For inquiries, you may contact PinkFish Productions. Kaabang-abang ang pagdalo nina Alden at Julia ng two-day block-screenings nila.

(NORA V. CALDERON)

PBBM, may 80 infra projects maaaring pondohan sa pamamagitan ng Maharlika Investment Fund

Posted on: November 17th, 2023 by @peoplesbalita No Comments

TINATAYANG 80 infrastructure projects, ang maaaring pondohan sa pamamagitan ng Maharlika Investment Fund (MIF).

Ipinahayag ito ng Pangulo sa isinagawang Philippine Economic Briefing sa Ritz-Carlton Hotel.

“In addition, we look forward to the operationalization of the Maharlika Investment Fund, the country’s first ever sovereign investment fund. It will serve as an additional source and mode of financing for priority projects of the government, including the infrastructure flagship. These projects offer high returns and significant social economic impact,” ayon sa Pangulo.

“Currently, we have identified about 80 potential infrastructure projects that are financeable through that fund, the Maharlika Investment Fund,” dagdag na wika nito.

Tinuran pa ng Pangulo na ang MIF ay magsisilbi bilang karagdagang “mode of financing” para sa mga proyekto ng gobyerno. (Daris Jose)

APEC, mahalaga para makaiwas sa labanan, i-promote ang kapayapaan sa rehiyon-PBBM

Posted on: November 17th, 2023 by @peoplesbalita No Comments

BINIGYANG-DIIN ni Pangulong Ferdinand Marcos Jr. ang kahalagahan ng Asia Pacific Economic Cooperation (APEC) para makaiwas sa labanan at i-promote ang kapayapaan sa rehiyon.

“I wish to emphasize once more that global and regional economic governance platforms such as APEC are geared towards averting conflict because sustained prosperity and progress are only possible in a world that is at peace, which in turn must be a peace that is built on a solid economic foundation,” ayon kay Pangulong Marcos sa kanyang naging talumpati sa APEC CEO Summit.

Aniya, dapat din na kumilos o umaksyon ang mga APEC member economies sa core value propositions ng bloc bilang “premier regional forum sa Asia-Pacific, incubator ng innovative ideas, pathfinder para sa collaborative solutions para sa umuusbong na usapin sa mga kalakal at magsilbing platform para sa forward-looking at responsive economic at trade policies.”

Sinabi pa ng Pangulo na dapat ding ipagpatuloy ng member economies na bumuo ng APEC’s partnership sa private sector at mas makasabay sa APEC Business Advisory Council (ABAC) at iba pang stakeholders.

“We must act regionally; we must also shrink our intentions globally by finding coherence in our workstreams with those of other economies of the world and other regional and international organizations,” ayon sa Pangulo.

Samantala, sinalubong at sinabayan naman ng mga kilos -protesta ang 2023 APEC Summit mula sa iba’t ibang grupo sa San Francisco.

Karamihan sa mga raliyista ay nagprotesta sa labas ng The Pickwick Hotel kung saan tumutuloy ang Philippine media delegation. (Daris Jose)

Ads November 17, 2023

Posted on: November 17th, 2023 by @peoplesbalita No Comments

Pinas, handa na para sa AI – PBBM

Posted on: November 17th, 2023 by @peoplesbalita No Comments

HANDA na ang Pilipinas para sa Artificial Intelligence (AI) kasabay nang pag-imbita sa technology companies at venture capitalists na maging kasosyo ng navigation ng bansa tungo sa bagong technological revolution.

“The Philippines is ready to become your partner in navigating the AI future. As we look to the horizon, let’s ‘Make It Happen in the Philippines,’ where, the promise of a future defined by technological inclusivity and shared growth is not just envisioned but actively realized,” ayon kay Pangulong Marcos sa isang pagpupulong kasama ang mga technology investors sa sidelines ng kanyang pagdalo sa 30th Asia-Pacific Economic Cooperation (APEC) Economic Leaders’ Meeting and related activities sa San Francisco, California.

Sa isang roundtable meeting kasama ang mga pribadong kompanya, investors, at venture capitalists sa sektor ng teknolohiya, sinabi ng Pangulo na ang Pilipinas ay nakasuporta sa AI revolution para dagdagan ang umiiral na kasanayan ng mga Filipino, itaas ang “productivity of enterprises” at paigtingin ang ‘competitiveness’ ng ekonomiya.

“Currently, the Philippines is embracing this future of AI with the crafting of the National AI Strategy that seeks to augment the existing skillset of Filipino talents with AI. This strategy also aims to position the Philippines as a Center of Excellence in Artificial Intelligence,” ayon kay Pangulong Marcos.

“We believe AI can uplift the lives of Filipinos, increase the productivity of our enterprises, and enhances the competitiveness of our economy. And I’m certain our discussions here today will help the Philippines steer our roadmaps in a direction that maximizes the skills of Filipinos and helps them achieve their aspirations,”dagdag na wika nito.

Ang roundtable meeting ay co-organized nina NightDragon Chief Executive Officer (CEO) David Dewalt, Bain at Company CEO Emmanuel Maceda at Department of Trade and Industry (DTI).

Kapwa naman dumalo sa meeting sina Dewalt at Maceda kasama sina Crescent Point Group Vice Chairman Thomas Pompidou, Microsoft Managing Director Michelle Gonzalez, Mandiant (A Google Company) CEO Kevin Mandia at Group of the Government of Singapore Investment Corporation (GIC) Head Chris Emanuel.

Present din sa roundtable meeting sina Plug and Play Ventures CEO Saeed Amidi, Altimeter CEO Brad Gerstner, HP (formerly Hewlett-Packard) CEO Enrique Lores, Visa CEO Ryan McInerney, Mastercard Co-President Ling Hai, at Anthropic CEO Dario Amodei.

Sinabi ng Pangulo na “gathering with the businessmen is a momentous occasion as the Philippine economy celebrates a milestone, marking its highest growth rate since 1976 with a 7.6 percent increase in the country’s gross domestic product in 2022.”

Idinagdag pa ng Punong Ehekutibo na ang katayuan ng ekonomiya ng Pilipinas, samahan pa ng US$9.2 billion na Foreign Direct Investments noong nakaraang taon ay “narrates a story of economic resilience and dynamism.”

“This remarkable growth, it mirrors the persistent dedication of this Administration, harmonized with our private sector partners and with their initiatives, to cultivate a business ecosystem that is not only conducive but also competitive and innovative,” ayon sa Pangulo.

Binigyang diin din ng Pangulo na ginawa na itong madali ng gobyerno ng Pilipinas para sa mga foreign investors sa pamamagitan ng pagbibigay ng fiscal incentives at i-promote na madaling magtayo ng negosyo sa bansa.

Binigyang-diin ang “brand of quality service” ng mga Filipino at masiglang ekonomiya ng bansa.

“To our current and future partners, I hope that this meeting will serve as an opportunity to create a shared vision for a future where the Philippine workforce is empowered, skilled, and ready to shape the digital age,” ani Pangulong Marcos.

“We stand on the cusp of the Artificial Intelligence revolution and that promises untold advancements but it also presents some rather unexpected challenges. It hinges on a workforce equipped with the necessary skills and an ecosystem that embraces technological inclusivity,” aniya pa rin.

Samantala, sa nasabi pa ring pagpupulong, binigyang-diin ni Pangulong Marcos ang kahalagahan ng “upskilling at training” para ma-meet ang kasalukuyan at ang hinaharap na talento na kailangan at hinahanap sa bawat industriya sa Pilipinas, sabay sabing “task of cultivating a future-ready workforce” ay ibinahaging responsibilidad. (Daris Jose)

PBBM, sinaksihan ang paglagda sa Cooperation Agreement para makapagtayo ng “first cancer hospital” sa Pinas

Posted on: November 17th, 2023 by @peoplesbalita No Comments

SINIMULAN na ng AC Health and Varian Medical Systems ang groundbreaking partnership na naglalayong i-improve o ayusin ang access sa de-kalidad na cancer care sa Pilipinas.

Ang pagpirma sa cooperation agreement ay sinaksihan ni Pangulong Marcos Jr. sa Ritz-Carlton Hotel sa sidelines ng kanyang naging partisipasyon sa 2023 Asia Pacific Economic Cooperation Summit sa San Francisco, California.

“The initiative is a vital stride in the fight against cancer, and it reflects the Philippines’ growing potential as a leading healthcare destination in Asia,” ang pahayag ng Pangulo sa isinagawang paglagda sa kasunduan.

Dahil dito, ibabahagi ng mga partido ang kanilang “expertise” sa pagtatatag at pagpapatakbo ng “first dedicated specialty oncology hospital” ng Pilipinas para matiyak ang tamang paraan ng paghahatid ng serbisyo sa mga pasyente at gawin ang cancer care na mas accessible sa mga Filipino.

Sa pamamagitan ng partnership, itatatag ng AC Health ang Healthway Cancer Care Hospital sa Pilipinas, magsisilbing network ng oncology clinics sa buong Kalakhang Maynila, naglalayong bigyan ang cancer patients ng access sa komprehensibong cancer care na gumagamit ng state-of-the-art at multi-modalitycancer care technologies ng Varian.

Kabilang sa mga signatories ay sina Jaime Augusto Zobel de Ayala of the Ayala Corp., AC Health CEO at President Paolo Borromeo, Varian Philippines President and Managing Director Heinz-Michael Horst Schmermer, at Varian’s Advanced Oncology Solutions Vice President Chuck Lindley.

Ngayong 2023, ang cancer ay “third leading cause of death” sa Pilipinas, na may 141,021 bagong cancer cases at 86,337 cancer deaths kada taon.

Upang mapalakas ang cancer control efforts at bawasan ang paghihirap dahil sa sakit, “the Philippines enacted Republic Act No. 11215, o National Integrated Cancer Control Act in February 2019.”

“As of November 2023”, nakatakdang magtayo ang Department of Health (DOH) ng 16 Cancer Care Specialty Centers sa buong bansa. (Daris Jose)

Pagbabalik ng NCAP, inihihirit ng MMDA

Posted on: November 17th, 2023 by @peoplesbalita No Comments

NANANAWAGAN ang Metropolitan Manila Development Authority (MMDA) na muling ipatupad ang ‘No Contact Apprehension Policy’ (NCAP).

Ayon kay MMDA acting chairman Don Artes, lumala ang maraming mga paglabag partikular ang ilegal na paggamit ng mga motorista sa EDSA bus lane simula nang masuspinde ang NCAP.

Umaasa rin si Artes na kaagad na maaaksiyunan ang kanilang kahilingan at binigyang-diin na malaking tulong ang teknolohiya upang higit nilang mabantayan ang mga lansangan sa Kamaynilaan.

Aniya pa, hindi nila kakayaning 24/7 na bantayan ng manu-mano ang mga lansangan sa kanilang nasasakupan.

“Sana maaksyunan na po dahil kailangan talaga namin ‘yung tulong ng technology para mabantayan ang lansangan ng Metro Manila. Hindi namin po kayang bantayan ng 24/7 na manu-mano ang lahat ng kalsada sa aming jurisdiction,” panawagan pa ni Artes, sa isang media interview.