NAGPAPASALAMAT nang labis-labis si Queen of All Media Kris Aquino sa naging sa effort ni Angeline Quinto na dumalaw sa kanyang bahay sa Amerika, katulad ng ginawa kamakailan ng anak-anak na si Kim Chiu.

Sa Instagram post ni Kris, kasama ang video na mapapanood si Angeline na kinantang muli ang theme song ng morning talk show na “Kris TV.”

Panimulang caption ni Kris, “Thank you for visiting me @loveangelinequinto… It’s a great feeling to reminisce.

“That’s the good thing about the past, you get to choose which memories to bring with you…”

Kasunod nito ay nais niyang linawin, “May I clarify something I saw from the @inquirerdotnet feed? It was dated November 9, unfortunately by the time that post came out it was no longer true.

“A long distance relationship is difficult when undergoing very physically demanding treatments like my methotrexate and my Dupixent.

“But I got my latest blood panel, apart from my very low hemoglobin, all my autoimmune markers are slowly improving.

“The truth is that I chose to lessen the stressors in my life and put my well being first… on November 3, 2023, I initiated our breakup.”

Ang tinutukoy dito ni Kris ay si Vice Mark Leviste.

“It was a well thought out decision based on choosing to do what’s best for me now. I’m dealing with so much and my love life isn’t a priority,” pagpapatuloy niya.

“To protect my family’s privacy, please allow me to not give details about something that’s weighing heavily in our hearts (if you can pray for my sisters too, in the way you’re praying for me, sobra sobra ang pasasalamat ko).

“Maraming salamat po, against all odds I am slowly getting better and by God’s grace my autoimmune thyroiditis has gone into remission.

“And also because my doctors caught it early enough, my 5th autoimmune, the mixed connective tissue disease which was strongly pointing towards RA (rheumatoid arthritis) or SLE (lupus) in my latest panel, seems to not be a present threat.

“From 5, i’m now just battling 3, BUT 1 of them is the main contrabida because it’s life threatening. THANK YOU for your prayers. God really is listening. #grateful.”

Nag-post naman si Angeline sa kanyang Instagram ng photos kasama sina Kris, Josh, Bimby, Mark at kanyang asawa’t anak.

Say ng niya, “I miss you and I love you ate Kris. Ang tagal na kitang gustong puntahan sa U.S at finally nagkita na ulit tayo.

“Get well soon ate. Pag nakabalik kami dyan, lagi ka naming pupuntahan.

“Thank you, Josh, Bimb and Kuya Mark @markleviste.

“We love you ate @krisaquino.”

***

GINAWARAN ng Presidential Communications Office – Freedom of Information Program (PCO-FOI) ang Movie and Television Review and Classification Board (MTRCB) ng natatanging karangalan noong Martes, ika-21 ng Nobyembre 2023, bilang pagkilala sa Board sa pagtalima nito sa aktibong pagsulong ng transparensi at pananagutan sa pamahalaan.

Ito ang ikatlong beses na tumanggap ng parangal ang MTRCB mula sa PCO-FOI. Naging 1st runner-up ang MTRCB noong 2020 at 2nd runner-up noong 2021. Ang patuloy na pagkilala ng PCO-FOI sa MTRCB ay nagpapatunay sa dedikasyon ng MTRCB na isulong ang “access to information” at responsableng panonood at paggamit ng media.

“Ang MTRCB ay taos-pusong nagpapasalamat sa parangal na ito mula sa Presidential Communications Office – Freedom of Information Program,” sabi ni Lala Sotto, Chairperson ng MTRCB.
“Ito ay testimonya ng aming patuloy na bokasyon tungo sa transparensi at pananagutan, mga adbokasiya na bahagi ng aming masugid na misyon.”

Sa pamamagitan ng Responsableng Panonood (RP) Information Campaign, layon ng Board na bigyan ng kaalaman at kakayahan ang mga manonood na gamitin ang MTRCB Ratings System upang maging mapanuri at responsableng makapamili ng mga panooring makabuluhan.

(ROHN ROMULO)

NAKALULUNGKOT at shocking ang rebelasyon ni Angelica Panganiban sa kanyang Youtube video.

Ayon kasi mismo sa aktres ay may sakit siya, na tinatawag na Avascular necrosis o bone death, na kinailangang isailalim siya sa medical procedure.

“I have Avascular Necrosis,” pahayag ni Angelica na inakalang ang pananakit ng kanyang balakang dati ay dahil lamang buntis siya noon sa anak niyang si Baby Amila Sabine.

Pero kahit nakapanganak na siya ay tuloy pa rin ang pananakit ng kanyang balakang kaya napilitan siyang magpatigin sa Asian Hospital.

Doon nadiskubre na may sakit siya na namamatay ang kanyang bone tissues dahil kulang siya sa supply ng dugo.

Sinolusyunan naman ang kanyang sakit sa pamamagitan ng isang medical prodcedure.

Lahad ni Angelica, “Nagawa na yung procedure kahapon. Nakapagpasok na sila, na drill na nila ‘yung hole papunta dun sa deadbone ko.

“Nilagyan nila ng plasma nang sa ganun ay magkaroon ng regrowth, mabuhay siya ulit, magkaroon ng blood flow.”

Nagpapakatatag si Angelica sa kabila ng kanyang sitwasyon.

“Minsan, I just can’t believe na, kumbaga at the age of 37, nagkaroon ako ng bone death, there’s something dead inside me.

“Patuloy ang pagiging positive na matatapos na yung kalbaryo dito sa nararamdaman ko dahil finally na pinpoint na namin kung ano talaga ‘yung sakit ko,” pahayag pa ng aktres.

***

TOTOO palang judge sana si Tito Boy Abunda sa Miss Universe na ginanap nitong Linggo sa El Salvador.

Pero nakakaloka dahil na-disqualify siya dahil sa isang tao… ang kandidata ng Pilipinas na si Michelle Marquez Dee.

Lahad ni Tito Boy, “Ako ay naimbitahan, but I was also disqualified from judging this year’s Miss Universe dahil I did an interview with one of the candidates, si Michelle Dee.

“Sa kanilang rules ay bawal iyon.”

Ayon pa sa King of Talk…

“I can imagine how difficult it is to judge, but we’re still very happy, Michelle got to the Top 10.

“We just have a lot of questions, but pagdating ni Michelle dito sana’y magkaroon tayo ng pagkakataong makausap siya nang personal.”

***

SA kabila ng mga nagagalit kay Allen Dizon bilang salbaheng Dr. Carlos Benitez sa ‘Abot Kamay Na Pangarap’ ay may clamor na sa ending ng serye ay sina Carlos at Lyneth (Carmina Villarroel) ang magkatuluyan at hindi sina Lyneth at RJ (Richard Yap).

“Hindi ko alam e,” pakli ni Allen.

“Wala akong idea talaga like yung tine-taping namin ngayon kaka-send pa lang kagabi ng script, hindi ko pa nababasa.

“Puro hand-to-mouth kami, e.

“Of course natuloy ang kasal namin pero after nun, siyempre magkakaroon ng mga away-away, mga conflict.”

Rebelasyon pa ni Allen nang tanungin namin kung totoong hanggang January eere ang kanilang show…

“March na! For now, March na. Pero hindi pa raw sure.”

(ROMMEL L. GONZALES)

SA afternoon program ni Boy Abunda na “Fast Talk with Boy Abunda” sa GMA-7, last Tuesday, ipinahayag niya na na-consider siya para makabilang sa panel of judges sa katatapos na Miss Universe 2023 sa El Salvador.  

Pero na-disqualified siya dahil sa latest interview niya kay Michelle Marquez Dee sa kanyang talk show.

“Ako ay naimbitahan, pero na-disqualified din ako from judging this year’s Miss Universe dahil in-interview ko si Michelle sa show ko,” wika ni Boy.

“Sa kanilang rules pala ay bawal ang interview.”

Hindi naman nagtampo si Boy dahil para sa kanya “it was worth it and that I was really going to vote for the Philippines. I can imagine how difficult it is to judge, but we’re still very happy. Michelle got to the Top 10.”

Natapos ni Michelle ang Miss U with three special awards, kasama rito ang “Voice for Change” to her name.  Sa ngayon ang Sparkle beauty queen ay nasa Mexico pa kasama  ang iba pang delegates for media guesting.  Babalik siya sa Pilipinas on November 26 or 27.

***

CONGRATULATIONS to Yasmien Kurdi and Rey Soldevilla, they are going to be a family of four soon!

Sa Instagram, ang mag-asawa ay nag-announce na magkakaroon na sila ng another baby soon. May family photo sila na nagsasabing they are expecting baby number 2.

May photo rin si Yasmien hawak ang kanyang pregnancy result.  May isa ring photo na ang anak nilang panganay na si Ayesha ay nakasuot ng t-shirt with the words na “Big Sister” and “Only Child” pero crossed out na ang “Only Child.

Inamin ni Yasmien na isinikreto muna nila ang balita: “We’ve been keeping a little secret for a while, #BabyNo2 soon this 2024. The third dragon in the family.

“Dragon ang zodiac sign ng isisilang na baby ni Yasmien tulad din ni Ayesha who is turning 11 years old na this November.

Tumanggap naman ng mga pagbati si Yasmien mula sa kanyang mga kaibigang celebrities.

Sa ngayon ay napapanood si Yasmien sa daily afternoon drama series na “The Missing Husband” with Rocco Nacino, Sophie Albert, Jak Roberto and other actors, after “Stolen Life” sa GMA-7.

***

KABABALIK lamang pala ng mag-asawang Matteo Guidicelli and Popstar Royalty Sarah Geronimo from their European trip, shared by Kapuso actor and snapshots taken from  beautiful spots in Italy and Spain.

Caption ni Matteo: “sharing a few pictures from our recent trip to Italy and Spain.”

Ayon kay Matteo, “it’s a beautiful experience driving from Rome to Amalfi and down to Napoli in Italy.”  Tumuloy din sila ng Madrid to San Segastian, Spain bago sila bumalik ng Italy.

Matatandaang this year nag-sign ng contract si Matteo sa GMA Public Affairs at nagsimula siya agad mag-host sa “Unang Hirit.”

Gumaganap siya ngayon as one of the lead stars sa “Black Rider” with Ruru Madrid, Yassi Pressman, Katrina Halili, Jon Lucas sa primetime sa GMA-7.

Si Matteo rin ang bida sa action-filled adventure movie na “Penduko” ng Viva Films, na isa sa mga official entries sa 2023 Metro Manila Film Festival sa December.

(NORA V. CALDERON)