DAHIL may daily morning show na sa TV5 na ‘Gud Morning Kapatid,’ sinigurado na ni Dimples Romana na ngayong Kapaskuhan, wala siyang plano at nandito lang daw siya sa Manila. 

“Walang-wala kaming plans ngayong Holiday dahil bawal akong mag-absent,” sey niya na natatawa.

“So ngayon, ine-enjoy namin ang araw-araw ng wala kaming plano. Ang saya!  Masaya rin pala ‘yung walang plano at hindi siya gano’n kagastos.  At saka, ‘yung makikisabay ka sa holiday season, bukod sa mahal siya, hindi ko talaga afford as of the moment dahil si Callie, dumudugo kami kay Callie. 

“Alam ng anak ko ‘yon. Kaya rin naman si Cal, sumusuporta rin siya. Nandito siya for the Holidays, pero nag-aaral pa rin siya kahit nandito siya. Pero ‘yung gastos sa Australia, hindi tumitigil ha… ‘yung renta ng bahay, kahit wala siya ro’n, siyempre, binabayaran.”

Pero mas nae-enjoy raw nila ngayon na sa bahay lang sila. Ayon kay Dimples, ngayon lang daw talaga siya napirmi rin ng bahay.

Nakausap namin si Dimples nang i-launch niya ang bago niyang career, may sariling lines of clothing designs na rin siya sa @getspotted ng mga pang-OOTD for the Holidays.  Ang gaganda ng mga designs na pwede rin mabili online via Lazada at Shoppee.  

Pero, bilib kaming talaga sa kanya kung saan niya nanggagaling ang energy sa lahat ng mga ginagawa.

As a morning show host, actress, endorser, businesswoman, nanay at asawa, huh!

***

‘UNBOTHERED Queen’ ang pwedeng itawag sa pinaka-controversial na young actress na yata ngayon na si Andrea Brillantes.  

Sunod-sunod ang mga isyu kay Andrea kunsaan, nauugnay ang pangalan niya sa mga break-up issues.

Nandiyan ang Elijah Canlas at Miles Ocampo break-up, pero pinaka-maingay na kinokonek ang pangalan ni Andrea ay sa pinag-uusapang break-up ng KathNiel nina Kathryn Bernardo at Daniel Padilla.

Ang daming nag-aabang talaga ng magiging statement ni Andrea sa isyu. Kung tutuusin, negatibo sa isang artistang babae ang maging ‘third party’ sa ano mang relasyon, lalo na sa isang highly popolar real & reel loveteam pa ng KathNiel. 

Pero ‘yun nga, sa lahat ng ito, nagpapakita lang ng pagka-unbothered si Andrea.

Kung unaffected ba siya? ‘Yan ang ‘di natin alam dahil si Andrea lang ang makakapagsabi kung naaapektuhan na rin ba siya o hindi lang. 

Pero kung pagbabasehan ang recent X tweet niya kunsaan, nakiuso rin siya sa pagpo-post ng top songs nil ana magre-rehistro sa kanilang digital apps tulad ng Spotify, ipinost ni Andrea na legit Olivia Rodrigo fan siyang talaga.

Ang lumabas sa Top 5 songs niya ay pawang mga kanta ni Olivia mula sa ‘Bad idea, Right?,’ ‘American Bitch,’ ‘Lacy,’ ‘Vampire,’ at ‘Get him back.’ 

At saka siya nag-caption na, “When I said that I love Olivia and her newest album, this is what I meant. I didn’t expect or plan this btw haha.”

Pero sa comment ng kanyang X kinuyog ng mga netizens si Andrea.  Karamihan sa mga comment, inuudyukan itong magsalita na.  Na kung hindi raw totoo ang mga ibinabato sa kanyang isyu, bakit hindi raw linawin o linisin ang pangalan.  

Pero meron din naman na talagang all-out ang support kay Andrea at naniniwalang nada-drag lang ang pangalan nito sa mga ganyang isyu ng break-up.

(ROSE GARCIA)

AMINADO Piolo Pascual na bida ng ‘Mallari’, ang kauna-unahang Filipino film na idi-distribute ng Warner Bros. Pictures, na malaking challenge talaga sa kanya ang gumanap ng tatlong characters na sina Severino, John Rey at Jonathan sa tatlong magkakaibang panahon.

Isa nga ito sa natanong sa ultimate heartthrob sa ginanap na biggest mediacon at fancon last December 1 sa SM Mall of Asia.

“Hindi ko naman in-expect na mag-play ng tatlong characters. For the record, I turned this down. Sabi ko, ‘kaya ko ba ‘to? Pagod na pagod na ako sa ginagawa ko,” natatawang kuwento ni Papa P.

“But when I found out about the reality that ‘Mallari’ was, sabi ko, ‘baka naman po.’ As an actor, I guess it’s your job to always push yourself, to always so something different. And I guest for my growth as well, for my evolution I wanna be able to give myself a challenge. So I can become better.

“Hindi naman po puwedeng mag-rest sa laurels mo, hindi naman puwedeng mag-settle ka na lang palagi. And I have this big opportunity to be able to choose the roles that I can play.”

Dagdag pa ng aktor, “And this time around, with the streaming platform, mas broad na po kasi ang mga roles na puwede mong tanggapin. So, mas madali nang mag-diversify nowadays and I guess for me, I’m really passionate about my job, what will I do.

“And open po ako sa kahit na ano role na puwedeng magbigay sa akin ng challenge para mag-grow pa rin ako sa craft ko.

Kuwento naman ng screen writer na si Joaquin Enrico Santos, first choice nila ni Piolo para role at ang “Mallari” na hatid ng Mentorque Productions.

“The truth is the first name that came up on the whiteboard noong nag-brainstorming tayo, noong first day, unang pangalan nasa whiteboard ay si Piolo. Dumating iba’t ibang pangalan and then balik din kay Piolo. To convince Piolo all we had to do was a pitch.

“The four years were research, the project itself took less than a year.”

Rebelasyon pa ni Enrico, nagsimula lang daw sa biru-biruan ang tatlong characters ni Piolo sa movie, hanggang sa nabuo ang script at lumabas na maganda ang kuwento

“Mayabang kami ni Direk Derik (Cabrido). Nagyayabangan kami brainstorming. Pag may sinabi siya isa, dadagdagan niya. Pag may sinabi ako dadagdagan ko. So, ginawa namin isa, sabi ko direk ayoko isa gawin natin dalawa para may present day. Hindi gawin mo tatlo sabi niya, nagsimula siya as a pusta,” pahayag ni Santos.

“Impossible kasi 1812 tas 2023, Yung mga Gen Z, hindi makakarelate. Wala alo mahugot papunta 2023. Siyempre MMFF 2023, mga bata, so kailangan mo maitawid ng konti. 1812, 1946, bago mag 2023. Para madala mga tao, ah naimbento na ang camera, TV, cellphone, kasi gamit yun sa pelikula.

“So we had to create some supernatural manner para makita ng audience ang 1812,” he added.

Dagdag pa niya, iso-showcase sa “Mallari” ang pinagmulan ng mga katatakutan sa mga Pinoy.

“Tinatry namin gawin social commentary on what is fear sa mga tao, noong 1812, ang fear ng tao demonyo, maligno, kasalanan, haciendero masungit o pumapatay. Ano fear ng 1946-1948, CIA, nag-imbento ng aswang sa probinsya. 2023, ano nakakatakot? Kapwa tao na di ba, hindi na multo.

“It is a really good exploration of fear through the centuries and I hope makita niyo when you watch the movie. Hindi takutan pero latag ng kultura natin. Bakit lagi tinatakot ang Pilipino ng Kastila, Amerikano, at ngayon tayo,” pahayag pa ni Enrico.

Nag-shoot naman si Direk Derick sa iba’t-ibang historic locations sa bansa. Kasama ang isang ginawang village para i-recreate ang authentic setting, na for sure ginastusan nang husto ang production design nito.

At dahil sa tatlong characters ni Piolo “Mallari” na kitang-kita sa trailer ang tindi ng pagganap, strong contender talaga sa pagka-Best Actor sa 2023 Metro Manila Film Festival at posibleng maghakot pa ng ibang awards.

Samantala, um-attend sa kick off event si John Bryan Diamante, ang president ng Mentorque Productions, at kasama ni Piolo ang iba pang cast na sina Janella Salvador, JC Santos, Ron Angeles, at Gloria Diaz. Kasama rin siyempre si Direk Derick at Enrico.

Ang maganda pang balita, as of December 1, ayon sa isang survey nangunguna na ang “Mallari” na Top 4 Films na unang nilang panonoorin sa December 25.

Pangalawa ang “Firefly”, pangatlo ang “Becky & Badette” at ang “Family of Two” naman ang pang-apat.

(ROHN ROMULO)

NAGBABALIK din GMA si Michelle Vito na lumabas noon sa Kapuso teleserye na ‘Nita Negrita’ at sa teen drama series na ‘Reel Love Presents Tween Hearts.’

Kabilang si Michelle sa cast ng ‘Lovers/Liars’ kunsaan gumaganap siya bilang isang single mother na dumaan sa maraming pagsubok.

“Hindi ito ‘yung usual Michelle na napapanood n’yo rati, o ‘yung maarte o pa-cute o pa-tweetums. This one is more mature. Sobrang strong ng personality ng character ko because growing up marami siyang pinagdaanan sa buhay. Marami siyang pinasukan na work para lang makaraos siya sa buhay niya.

“As a single mom, lahat ginagawa niya para sa anak niya. Ang lahat nang ginagawa niya sa life, umiikot lang sa anak niya kasi iyon ‘yung naging buhay niya,” sey ni Michelle na nasanay nang gumanap na kontrabida sa mga nagawang teleserye…

***

SA wakas ay nabigyan na rin ng kanyang sariling star on the Hollywood Walk of Fame ang former Hollywood child actor na si Macaulay Culkin.

Sumikat si Macaulay dahil sa pinagbidahan niyang hit Christmas movie na ‘Home Alone’ noong 1990.

Naging in-demand siyang child actor at ginawa niya ang mga pelikulang ‘Home Alone 2: Lost in New York’, ‘Richie Rich’, ‘My Girl’, ‘Uncle Buck’, ‘The Good Son’, ‘The Pagemaster’ at ‘Getting Even with Dad.’

Sa kanyang speech, dedicated ang kanyang star sa kanyang fiancee na si Brenda Song at sa dalawang anak nila na sina Dakota (2) and Carson (1) na first time niyang pinakita sa public.

“I’d like to thank Brenda. You are absolutely everything. You’re my champion… You’re the best person I’ve ever known… You’ve given me family. After the birth of our two boys, you become one of my three favorite people.

“You’re somewhere in there. I love you. I love you so much. To wrap things up, and in the spirit of the holiday season. I just wanna say, merry Christmas, ya filthy animals!” sabay tawa pa ng 43-year old actor.

Present din sa ceremony ay ang co-star ni Macaulay sa Home Alone na si Catherine O’Hara at sinabi nito ay: “The reason families all over the world can’t let a year go by without watching and loving Home Alone together is because of Macaulay Culkin.”

Naroon din sina Seth Green, Natasha Lyonne at goddaughter na si Paris Jackson. Present naman ang kanyang mga kapatid na sina Rory at Quinn Culkin.

(RUEL J. MENDOZA)