AFTER nakitang magkasamang namili ng celphone sina Gretchen Barretto at Atong Ang, ay kay Sunshine Cruz naman iniuugnay ang negosyante.

May relasyon daw ngayon si Atong sa dating asawa ni Cesar Montano.

May mga nakakita raw na magkasama sina Sunshine at Atong sa isang non-showbiz affair.

Kumbaga, lipas na raw at lumang isyu yung kay Gretchen Barrett kundi isang Sunshine Cruz daw ang karelasyon ng mayaman at kontrobersiyal na negosyante.

Agad namang itinanggi ni Sunshine ang naturang isyu bagkus natatawa na lang ang ang premyadong aktres.

Dagdag pa niya na medyo matagal na raw ang naturang isyu. Hindi na raw dapat pang pag-usapan pa dahil wala raw namang katotohanan.

Sa isang panayam, idinenay din naman ni Atong Ang ang kumakalat na isyu, huh!

***

MATAPOS lumabas na ‘for sale’ na ang dream house ng sikat na aktor na si Daniel Padilla ay may mga nagkaka-interes na raw sa naturang mansiyon.

Pero as of this writing, ay wala pa raw namang bayarang nangyayari. Kaya hanggang ngayon ay pagmamay-ari pa rin ito ng Kapamilya actor.

Pero may nakarating na balita sa amin na hindi na raw nakatira si Daniel sa naturang bahay na super ipinagmamalaki pa niya noon, huh!

Doon na raw sa Rockwell umuuwi ang dating karelasyon ni Kathryn Bernardo. May isang unit kasi sa isa sa pinakamahal na lugar sa Rockwell ang anak ni Karla Estrada.

(JIMI C. ESCALA)

HINDI ikinahihiya ng negosyante at vlogger na si Boss Tayo, o Jayson Luzadas, ang kanyang nakaraan na dati siyang pasaway, adik, snatcher, takaw-away at ampon.

Ikinuwento ni Jayson na 13-anyos siya nang malaman niyang ampon siya nang lapitan siya ng isang nagpakilalang kapatid niya habang nakatambay siya sa inuman.

“Directly sinabi niya na, ‘Kuya kita.’ Sabi ko sino ka? Sabi niya kapatid kita. Magkakapatid tayo, isa ang nanay natin,” saad ni Jayson.

Aminado si Jayson na nakaapekto sa kanya ang pangyayari at nagrebelde siya lalo pa’t hindi pa niya alam noon ang tama at mali.

Ayon kay Jayson, nalulong siya sa ilegal na droga, nagbebenta ng mga gamit, nangungupit, at natutong magnakaw para matustusan ang kaniyang bisyo. Naging basagulero rin siya at ilang beses na nasaksak, naging snatcher at hindi nakapagtapos ng pag-aaral.

Naghahanap umano siya ng atensyon nang mga panahong iyon na nakita niya sa mga barkada at bisyo.

Pero nagsimula raw ang pagbabago sa kanyang buhay nang magkasakit siya ng dengue na halos ikamatay niya. Kinailangan siyang salinan ng dugo noon.

“After kung mailabas ng ospital sabi ko parang ayoko nang mag-shabu,” kuwento niya.

Kasabay nito, may nag-alok sa kanya na maging delivery boy na umaabot ng gabi ang trabaho. Doon raw siya natutong pahalagahan ang pera. Hanggang sa naging asawa niya si Loves Joy.

Ayon kay Jayson, sinubukan lang niya noon nag-buy and sell business na kilala na ngayon na “Pinoy Pawnstar.” Galing naman daw sa kanilang gold business ang puhunan nito.

***

KINUWENTO ni Ara Mina sa podcast ni Pia Arcangel na nagkaroon siya ng stalker at nakatanggap ng mga “indecent proposal” noong nagsisimula pa lang siya sa showbiz.

Dahil sa sexy image niya noon kaya mabangong-mabango siya sa mga lalaki.

“I remember nagkaroon lang ako ng stalker. Nagkaroon ako ng mga suitors. I admit na mayroong mga indecent proposal na nakakatakot. Inaway sila ng manager ko, kasi parang feeling nila kaya nilang bilhin lahat.

“Wala pa naman social media nun, so it’s really hard for the guy to connect kung hindi mo talaga ma-mi-meet,” sey ni Ara na lagi raw may bantay noon.

Ngayon ay wala na raw nagtatangkang “bilhin” si Ara dahil happily married ito sa president and CEO ng Philippine International Trading Corporation (PITC) na si Dave Almarinez.

***

ANG pelikulang ‘Oppenheimer’ ang nanguna sa may pinakamaraming Oscar nominations sa taong ito. Nakuha nito ay 13 nominations.

Nasundan ito ng ‘Poor Things’ (11), ‘Killers of the Flower Moon’ (10) and ‘Barbie’ (8). Ang iba pang kalaban nila for Best Picture ay ‘American Fiction’, ‘Anatomy of a Fall’, ‘The Holdovers’, ‘Maestro’, ‘Past Lives’ and ‘The Zone of Interest’.

In-announce ang official nominees in all 23 categories nila Zazie Beetz and Jack Quaid sa Samuel Goldwyn Theater.

Kabilang sa na-snub ng Oscar voters ay sina Leonardo DiCaprio, Margot Robbie, Greta Gerwig, Barry Keoghan, Rosamund Pike, Alexander Payne, Charles Melton at ang pelikulang The Color Purple.

The 96th Academy Awards will air live on ABC on March 10 from the Dolby Theatre at Ovation Hollywood. Si Jimmy Kimmel ang mag-host ng awards night for the fourth time.

(RUEL J. MENDOZA)

MULI ngang nagbigay ng health update ang TV host-actress na si Kris Aquino pamamagitan ng kanyang official Instagram account.

Meron na namang nakita na bagong autoimmune disease sa kanyang katawan.

Inamin ni Kris, na humina ang kanyang katawan at nabawasan din ang timbang, kasabay pa nawala ang gana niya sa pagkain.

Pero sa kabila ng matindi pa rin niyang pagdadaanan, sinabi ni Kris, hindi pa rin siya susuko at itutuloy ang laban.

Nag-post nga siya ng  series of video  na kung saan makikita ang mga test at treatment para sa kanyang kakaibang sakit.

Caption ni Kris, “Explains and answers almost everything that has happened and is happening. 2024 please be kind.”

Kabilang sa mga sakit ni Kris ay ang Churg Strauss / EGPA at Crest Syndrome.  Unti-unti na ring lumalabas ang mga symptoms ng SLE, o ang systemic lupus erythematosus.

“I was reluctant to post my pics because I lost weight again… I knew I had to help myself, nobody else could eat for me, and slowly I started eating food again,” say ni ni Kris.

“I cried nonstop when I got my blood panel results. My Churg Strauss/EGPA is still being treated, but to add to it my CREST SYNDROME is now in full ACTIVE mode,” pag-amin pa niya.

“It’s highly likely based on my ANA count (blood panel), my high inflammatory numbers, my anemia, my now constant elevated blood pressure at night, and the consistent appearance of ‘butterfly rash’ on my face that I’m at the initial stage of SLE, or what is commonly known as lupus.”

Sa kabila nga ng kanyang lumalalang at nakakaawang kundisyon, tuloy pa rin ang laban at pananalangin sa Diyos.

“We have a merciful and loving God who hears our prayers. Our battle has become more complex but I promised my sons and sisters that I wouldn’t be a wimp.

“Bawal pa ring sumuko. Tuloy ang laban,” sabi pa ni Kris.

Tulad ng inaasahan, bumuhos muli sa social media ang suporta at pagdarasal na malampasan ang naturang pagsubok at gumaling.

Ilan nga sa celebrities na nag-comment sa kanyang post, at kahit nahihirapan na ay nakuha pa rin niyang replayan:

“Praying for/with you always, Ate,” ang post ni Erik Santos.

“Di ako mapapagod na ipagdasal ka araw araw (praying hands emoji),” sabi naman ng komedyanang si Pokwang.

Mensahe ni Darren kay Kris, “Love you, Tita! Get well soon!”

Post ni Martin Nievera, “Praying for you my dear Kris.”

“Praying for you, mare ko. Grabe din ang tapang mo,” komento naman ni Ogie Diaz.

Pero ang kinaaliwan ng netizens ay nang sagutin ni Kris ang comment ni Carla Abellana na, “Prayers for you, Ms. Kris.”

Reply kasi ng mommy nina Josh at Bimbym “@carlaangeline if you’re already in the process of getting annulled we have a doctor friend based in OC who might be a great match.”

Kaya say ng netizens: “@krisaquino great match maker talaga si MK kahit noon pa.. love love love @krisaquino.”

“@krisaquino love it. kris lines never gets old. get well soon Ms. Krissy! Ilaban na yan @carlaangeline hahaha.”

Wala pang sagot ni Carla tungkol sa doktor na gustong ireto sa kanya ni Kris.

Anyway, get well soon Kris, maraming nagdarasal sa ‘yo! Tiyak na nabubulabog na ang nasa Itaas, na sana’y pakinggan ang aming mga dasal!

(ROHN ROMULO)