NA-CLEAR na sa sakit na cancer si Luis Manzano.

Pagkatapos na napansin ng hairstylist ni Luis na may bukol ito sa ulo, agad na nagpakonsulta at sumailalim sa biopsy ang TV host.

“May kailangan i-biopsy dito sa taas ng ulo ko. Parang ang biopsy kung ‘di ako nagkakamali ay i-check kung cancerous or not or kung malignant or benign,” ayon kay Luis sa kanyang latest vlog.

Inamin din ni Luis na medyo natakot siya sa kalalabasan ng test results.

“Do I feel okay? Yes. Apat na doktor na ang nagsabi na malabo-labo talaga na it’s cancerous or kung ano man may konting kaba? Siyempre kasi i-stitch yan e, isasama ko kayo sa procedure parang tatanggalan ng sample tapos 2-3 stitches so papanoorin ko kayo.

“But para sa akin ang main goal ko is to create awareness kasi napaka rami siyempre ‘yung mga binabantayan na mga nunal growth, kita yan sa mga katawan,” paliwanag pa niya.

Ang pinakamahirap daw ay yung waiting period para sa mga test results.

“Ito na ‘yung pinaka-mahirap sa lahat ng mga test, minsan ‘yung procedure itself hassle kung hassle given pero ang pinaka mabigat diyan ay ang pag-aantay ng results kasi malalaman to kung benign ba to or malignant I think five to seven days kapag binigay na ‘yung sample mas hassle ‘yun mas hassle ‘yung ganung stress na ‘yun in fact, ‘yung nakita kanina ‘yung pinost ko kanina sabi ‘yung mga buhok na andon is already a good sign in itself pero ipapadala pa rin to be sure so hoping and praying.”

***

MAS marami pang mga Pinay beauties ang magkakaroon ng chance na makasali sa Miss World Philippines dahil sa bagong franchise holder nito sa USA.

Sa post ng MWP via Instagram, ang McLelland Entertainment Production An Elite Chateau Inc. was named as the official franchise holder for the Filipino community in the United States. Sila ang pipili sa Filipino community ng United States’ representative to the Miss World Philippines competition.

Locally, marami ng franchises ang MWP sa Western Visayas, Cebu, Bukidnon, Olongapo City, Zambales, Pangasinan and Bataan.

(RUEL J. MENDOZA)

INALALA ng dating sexy actor na si Leandro Baldemor na pinagtripan siya ni Rosanna Roces sa photo shoot ng pelikula nilang “Patikim Ng Pinya” na ipinalabas noong 1996.

Nakachikahan namin si Leandro sa bahay niya sa Paete, Laguna at sa kanyang gallery noong Biyernes, May 3.

Kuwento actor tungkol samga eksena nila ni Osang, “Kung makikita n’yo yung unang pictorial namin, parang gulat ako!

“Nakaganu’n ako (dilat na dilat), naka-briefs ako. Paano naman itong si Osang, e, di nakaibabaw sa akin si Osang. Kinaskas naman nang kinaskas!”

Dagdag pa niya, “Hindi ko sinabing inintensyon niya. Kasi hindi ko alam kung ano ba yung tama. Kasi hindi ko alam kung talagang lumapat or whatever. Basta’t ang naramdaman ko, iba! Siyempre first time. Aba, p*t@ng ina! Ha-hahaha!”

“Yung 18 years old ako noon, siyempre mapusok pa ako. Saka hindi ko alam…e, ano pa naman, hindi ko makakalimutan yung panty ni Osang du’n, yung lace. Kaya mababaliw ka talaga kay Osang!” sabi pa niya.

Inamin ni Leandro nabaliw-baliw din siya noon kay Osang.

“Lahat naman! Lahat naman, oo, lahat. Sobra, sobra!”

Pero paglilinaw niya, walang nangyari sa kanila noong ginagawa ang kanilang movie?

“Wala, wala. Wala, hindi ko natikman ang pinya! Ha-hahahaha!”

“Actually, para niya akong kapatid na bata,” dagdag pa ni Leandro.

Nabanggit din niya ang dating leading lady na si Abby Viduya, na nakasama naman niya sa launching movie nitong “Sariwa” (1996) bilang si Priscilla Almeda.

Naging malapit na kaibigan din daw niya ang aktres.

“Parehas din lang naman. Kaso si Osang, nandu’n yung pagka-ate, e. Na ganito, ganito. Guide, guide, guide. Guide ka, kasi batang-bata pa ako noon.

“So, kaya nga nu’ng natapos ang kontrata niya sa Seiko, kinuha niya kaagad ako,” kuwento pa ng aktor na ang tinutukoy ay ang pelikulang “Katawan” ng Viva Films na ipinalabas noong 1999.

Noong natapos daw ang kontrata nila ni Osang sa Seiko ay nakagawa na sila ng mga pelikula sa iba’t ibang production company.

“Du’n sa Christopher de Leon movie niya, Katawan. Kinuha niya agad ako, Viva. Hindi niya ako nalilimutan talaga,” sey pa ni Leandro.

“Kaya sabi ko everytime na nai-interview ako, malaki ang utang na loob ko kay Osang, kay Abby. Lalo kay Abby, malaki ang utang na loob ko. Kasi yung Sariwa, si Abby ang pumili na ako ang magiging leading man niya. On the spot.

“Kaya sinabi ni Boss Robbie (Tan ng Seiko Films), ‘O, Priscilla, ha? Si Jeff (Jeffrey Baldemor ang tunay na pangalan ni Leandro) ba, ayos ba sa yo?’

“‘Opo, gusto ko po siyang maging leading man sa aking launching movie, Sariwa,’”

Noong 2022, muling nagkasama sina Lendro at Abby, ang GMA primetime series na “Lolong” na pinagbidahan ni Ruru Madrid.

Ipinagmalaki naman ni Leandro na ang isa sa mga obra niya bilang sculptor ay inspired ng pagsasama nila ni Osang sa pelikula.

Na-immortalize nga ng aktor ang loveteam nila ni Osang sa pamamagitan ng isang artwork na inukit niya sa kahoy at naka-display ngayon sa kanyang bahay sa Laguna.

Active pa rin naman si Leandro sa showbiz pero ang talagang kinakarir niya ngayon ay ang pag-ukit at ilan sa obra ay ang iba’t ibang imahen ni Hesukristo, Mama Mary at mga santo, action figures at marami pang iba.

Kaya naman si Leandro rin ang napili ng Society of Philippine Entertainment Editors (SPEEd) na gumawa ng bagong tropeo ng The EDDYS.

Gaganapin sa July 7, 2024 ang ika-7 edisyon ng The EDDYS kaya abangan ang unveiling ng bagong trophy na maiuuwi ng mga winners at special awardees.

(ROHN ROMULO)

ABALA na sa paghahanda ang Lungsod ng Maynila para sa 50th Metro Manila Film Festival.

İsa sa natuwa siyempre ay ang aktor at kasalukuyang bise alkalde ng Maynila na si Yul Servo. Ayon kay VM Yul lahat naman daw ng mga kasamahan niyang namumuno ay masaya dahil naibalik daw sa Maynila ang naturang filmfest dahil dito naman daw talaga ito nagsimula.

Kaya ganun na lang ang ginagawa nilang paghahanda para maibalik ang sığla ng mga para sa naturang Manila Film Festival, huh!

“Siyempre naghahanda ang bawat departamento na tutugon sa pagse-celebrate ng Metro Manila Film Festival natin,” banggit pa niya.

Panigurado pa ni VM Yul na bago raw ang taunang Metro Manila Film Festival ay may magaganap munang Manila Film Festival.

“Tuloy ito. Ngayon naman, ‘yung The Manila Film Festival (TMFF) na noong nakaraang taon, ibinalik. Tapos ngayon, gagawin uli,” dagdag pa niya.

Kung last year ay full length ang entries, na gawa ng mga estudyante. This time, short films naman daw.

“Eight schools pa rin ang gagawa ng 20 minutes na entries. Tapos meron tayong apat na mga professional na director na gagawa rin ng 20 minutes na films,” sabi pa ni Vice Mayor Yul.

Pinag-uusapan na rin daw nila ang tax exemptions at permit sa mga kalahok na pelikula.

Ang Manila Film Festival ay ipinagdiwang tuwing Hunyo kasabay sa Araw ng Maynila.

Matandaang talumpung taon na ang nakararaan nung nangyari ang MFF scam, huh!

***

MARAMI ang nag-aabang sa magiging epekto kay Diamond Star Maricel Soriano sa recent na mga pahayag ni Senator Bato dela Rosa allegedly linking her to the issue on drugs?

Marami ang nagtatanong kung bakit daw kaya lumalabas ang mga balitang ganito ngayon.

Kumbaga ayon pa sa isang kilalang showbiz personality sana nga lang daw ay hindi ito makaapekto kasipagan ngayon ni Maricel na very active pa naman ngayon sa paggawa ng programa sa telebisyon at pelikula.

Well…

(JIMI C. ESCALA)