HINDI puwedeng mali-link sina Bea Alonzo at Carla Abellana sa kanilang leading men sa ‘Widows’ War’ dahil married na sina Rafael Rosell at Benjamin Alves.

Kinumpirma ni Rafael na kasal na siya sa longtime girlfriend na si Valerie Chia. Kinasal sila during the pandemic in April 2020.

“It was on the onset of COVID. We wanted 4/20/20 since it’s a special date and special number for us. Nagkataon lang talaga na nagka-COVID pandemic noong time na ‘yun but we decided to still push through.

“All the way ‘til April, naka-on pa rin ‘yung wedding invitations until we decided mid-April to cancel na talaga, kasi naka-mask na lahat, extreme lockdown. Hindi na namin tinuloy ‘yung ceremony but the signing of the papers, tinuloy,” kuwento ni Rafael na may plano pa ring bigyan ang kanyang bride ng magandang wedding.

Kinasal si Benjamin kay Chelsea Robato last January. Bago mag-taping for ‘Widows’ War’, sinulit ng aktor ang kanilang honeymoon sa Europe at USA.

Pero mukhang wala pang plano na magkaroon ng baby ang dalawa dahil enjoy ang mag-asawa mag-travel at sa kanilang mga pet dogs.

***

HINDI napigilang ikuwento ni Betong Sumaya na nakadalawang balikbayan box si Alden Richards ng regalo mula sa ating mga kababayan sa isang pinagsamahan nilang show abroad.

Kuwento ni Betong na sa isang meet-and-greet, binibigyan sila ng regalo ng mga fans. Happy na si Betong kahit makatanggap siya ng dalawa o tatlong regalo.

“Si Alden ang nakakatanggap ng pinakamaraming regalo. Naglalambing nga kami sa kanya na i-share naman niya yung ibang chocolates. Dahil napakabait ni Alden, nagse-share talaga siya sa amin ng ibang gifts niya.”

Nasa dalawang shows sa Canada si Alden in August para sa Sparkle World Tour 2024. Si Betong naman ay sa Japan mag-show sa September.

***

KAYA nang pag-usapan ni Jamie Foxx ang kanyang naging sakit noong nakaraang taon habang nasa set ito ng pelikulang ‘Back In Action’ with Cameron Diaz.

“Look, April 11 last year. Bad headache. I asked my boy for an Advil. I was gone for 20 days. I don’t remember anything. So they told me — I’m in Atlanta — so they told me my sister and my daughter took me to the first doctor. They gave me a cortisone shot. The next doctor said, ‘Something’s going on up there.’”

Pinasok ang Oscar-winning actor sa isang physical rehab facility in Chicago that specializes in stroke recovery.

Naging maingat na raw ang aktor: “Cherish life, man. I cannot tell you. I have some people in my life that really made sure I was here. Everybody wants to know what happened, and I’m gonna tell you what happened, but I gotta do it in my way. I’m gonna do it in a funny way. We’re gonna be onstage. We’re gonna go back to the stand-up sort of roots.”

(RUEL J. MENDOZA)

KAHIT may mga nagsusulong sa ama niyang namayapang si Dolphy ay suportado ni Eric Quizon ang nominasyon ng Star for All Seasons bilang National Artist.

Kung si Ate Vi raw ang gagawaran ng National Artist ay karapat dapat daw ang multi awarded actress.

“Ate Vi yan. Alam naman nating lahat ang body of work niya, and what she’s done for the entertainment industry. At ang kanyang contribution, eh, more than enough.

“Bukod doon ang humanitarian purpose niya, saka contribution niya hindi lang sa entertainment kundi sa sambayanang Pilipino.” Sambit pa ni Eric Quizon.

Bukod sa top rating “Vilma” kung saan naging co-host si Eric ay kung Ilang beses na ring nagkasama sa pelikula ang dalawa.

Nagkasama sina Ate Vi at Eric sa mga award winning movies na“Ibulong Mo Sa Diyos “Pahiram ng Isang Umaga” at Hahamakin Lahat “ May mga nakalinya pa sanang gagawin ang dalawa pero dahil sa sobrang bisi na ni Ate Vi ay hindi na natuloy.

Pero umaasa naman si Eric na mabigyan ng pagkakataon na magsama silang muli ni Ate Vi either sa pelikula or sa telebisyon or maiderek niya ang aktres.

Puring-puri naman ni Direk Eric si Ate Vi bilang katrabaho.

Napaka-professional daw ni Ate Vi at talagang dedicated sa trabaho at hindi raw madamot ang Star for All Seasons sa talento niya.

“Siyempre, of course, I was so privileged at a very young age, nakatrabaho ko na si Ate Vi.

“Sana siyempre, sana makatrabaho ko pa ulit si Ate Vi, “ sambit pa ni Direk Eric.

Incidentally si Eric ang magdidirek ng 40th Star Awards for Movies na gaganapin sa Irwin Lee Theatre sa Ateneo na gaganapin sa July 21.

Dahil 40th year ng Star Awards for Movies ay bibigyan ng parangal ng PMPC ang may pinakamaraming nakuhang acting awards.

Naka-walong best actress na si Ate Vi kung kaya isa sa apat na kasama sa Dekada awardees along with Cristopher De Leon, Piolo Pascual at Nora Aunor.

Isa pa rin sa matunog sa best actress award si Ate Vi sa 2024 Star Awards for Movies.

At kung papalarin pang siyam na award na ito niya ito at siya na ang may hawak ng may pinakamaraming tropeo sa pinakamahusay na aktres sa PMPC.

Nominado si Ate Vi dahil sa blockbuster MMFF movie niyang “When I Meet You in Tokyo” na hanggang ngayon ay ipinapalabas pa rin sa ibat-ibang panig ng mundo, huh!

***

LALONG nadagdagan ang mga nag-eendorso kay Vilma Santos-Recto bilang National artist.

Mahigit 25 organizations at mga grupo ang sumuporta kay Ate Vi na mapabilang sa ating National Artist.

Pati mga kasamahang artista ay nagpahayag din ang mga ito na karapat-dapat at long overdue na ang naturang parangal.

Isa sa gigil na gigil na rin at gusto na ay hinihintay na raw niya ang pagpapahayag o pagtawag sa pangalang Vilma Santos bilang National Artist ay ang premyadong aktres na si Gladys Reyes.

Sey pa ni Gladys na mula pagkabata niya ay si Vilma Santos ang nag-iisa niyang ini-idolo.

Hinding-hindi raw makalimutan ni Gladys ang unang eksena nilang dalawa ni Ate Vi sa pelikulang “Muling Buksan ang Puso” na nagkataong first movie pa rin daw yun niya, at nine years old pa lang noon ang asawa ni Christopher Roxas.

“Napakalaki ng paghanga ko at respeto sa isang Vilma Santos-Recto.

“Simula nang makasama ko siya at nine years old pa lang ako noon sa pelikulang “Muling Buksan Ang Puso” hanggang sa ngayon ay sobra ang paghanga ko sa kanya.

“Ang naabot niya sa buhay, sa lahat ng aspeto, mapa pamilya, personal, showbiz at political career, eh, sobrang deserve ni Ate Vi ang National Artist award,” sambit pa ni Ms. Gladys Reyes.

Incidentally, sa darating na Star Awards ay tatlong nominasyon ang nakuha ni Gladys.

Nominated siya sa “Darling of the Press”, “Best Supporting Actress” at sa ”Best Actress”.

(JIMI C. ESCALA)

NAGLULUKSA na naman si Megastar Sharon Cuneta dahil sa pagpanaw ng kanyang kaibigan at nanay-nanayan sa showbiz, ang actor-director na si Manny Castañeda.

Sa kanyang social media post, mababasa ang labis niyang kalungkutan, “On one of the saddest days I have had to live through, I said “Goodbye…” to another dear friend. My “Inay Manny” was my first writer for my show (TSCS) from IBC-13 in 1986 to many years after we moved to ABS-CBN in 1988.

“We also did movies together. More than having fun and working well with each other, we became friends. Inay Manny was one of those I could trust with my innermost feelings, as well as expect to be comforted by, often ending in fits of laughter.”

Pagpapatuloy pa ni Mega, “He was loving, kind, witty and smart. I will miss him terribly. There is a whole novel I could say about him, but this has been another unwelcome punch in the gut.

“So I will end it here, in this way: I love you, Inay. Thank you for touching my life, doing a great job with me on my show, inspiring me to be better not just at work but as a person. Thank you for your friendship. “My deepest, sincerest condolences to those he loved and left behind. Hugs especially to his best friend, my Direk Joey Reyes. #tscsfamilyforever.”

Isa nga si Sharon unang nakiramay sa first night ng wake ni Direk Manny noong July 2.

Maraming nakiramay at nag-alay ng panalanagin sa mga naulila nitong pamilya, kabilang na ang mga kaibigan niyang celebrities.

Ilang nga sa nagkomento sa post ni Sharon ay si Carmi Martin na nagsabing, “I’ve worked with him on stage, tv and movies. You will beat yearly missed by the industry bye for now my friend see you in heaven in God’s s time.”

“Hugs BFF,” say ni Ogie Alcasid.

Ayon naman sa bali-balita, natagpuan lamang ang labi ni Direk Manny makalipas ang tatlong araw nang siya bawian ng buhay. Ang nakalulungkot lang ay pumanaw nang mag-isa ang direktor na sanhi raw ng Congenital Heart Disease, Chronic Kidney Disease at Hypertension.

On lighter note, kahapon July 3, winelcome ang nag-iisang Megastar sa kanyang pagbabalik sa Kapamilya Channel. Sinalubong si Sharon ng mga big bosses ng ABS-CBN at Dreamscape Entertainment na sina Rondel Lindayag, Kylie Manalo-Balagtas, Cory Vidanes at Laurenti Dyogi.

Hindi nga napigilang maiyak ni Sharon sa muling pagwi-welcome sa kanya bilang Kapamilya.

Kaabang-abang nga ang gagawin niyang teleserye na sinasabing makakasama raw niya si Julia Montes.

Well, abangan na lang ang mga pasabog na projects ni Mega.

***

ANG Advanced Media Broadcasting System (AMBS) ay naglunsad noong Lunes (July 1, 2024) ng PANALO SA ALLTV promo para sa mas exciting ang panonood ng mga viewers nito.

Ang AMBS, na nag-o-operate ng ALLTV, ay mamimigay ng bahat at lupa mula sa Vista Land kada Linggo mula July 1 hanggang August 26, 2024, habang P500 each ang naghihintay sa 20 lucky winners araw-araw.

Kaya hinihikayat ang mga manood na i-scan ang QR code na mag-flash sa mga program ng ALLTV, at hanapin ang word/s for the day na ipapakita mula sa pagbukas ng mga programa simula 12 noon hanggang 11:15p.m.

Kinakailangan din mag selfie ang mga nais sumali.

Para sa mas detalyadong mechanics, magpunta sa www.alltv.com.

Mapapanood sa ALLTV ang pinakamatagal nang TV news show na ‘TV Patrol’, at ang pinakasikat na variety show, ‘It’s Showtime!’ Mapapanood din sa ALLTV ang classic programs ng ABS-CBN na nasa Jeepney TV.

Ang ALLTV ay mapapanood sa Channel 2 (Free TV at Planet Cable); Channel 35 (Cignal and Skycable- provincial areas); Channel 13 (Skycable in Metro Manila) at Channel 2 (for Sinag, Cablelink, GSAT and other cable TV).